双囍冰室

营业中

休息中

當你諗住喺錦田住的，就只可以食普通茶記的話，咁你就錯喇😏。因為喺郵局後面巷仔，有一間中西fusion冰室，無論你想食all day breakfast,burger,定係公仔面，都满足到你。😁平時成日只可以選擇腿通/沙嗲牛面😑所以我最中意佢地嘅西式常餐，今次就試左新嘢，有牛角包，黑松露炒蛋，茄汁豆，餐肉同埋煙三文魚😝咁多加埋都只係$30幾蚊。另外想提一提佢地嘅飲品，種類有好多，例如caramel,hazelnut口味咖啡就係我嘅favourite✌

因為有親戚住錦田，所以每次黎親錦田都會黎呢間餐廳食野。朋友好鐘意呢度既海南雞飯，白飯粒粒分明，而且有椰汁香，撈甜豉油食真係一流。而雞件嫩滑有油香，用雞湯浸住，好味道。我平時係嗌開蕃茄芝士意粉，今日唔小心剔錯左第二個餐，黎左個咖哩芝士意粉，咖哩味濃但好膩，我覺得好一般。蕃茄芝士意粉好食好多，又開胃，下次要小心啲唔好剔錯先得！錦田選擇唔多，個人覺得呢間餐廳已經係錦田數一數二好食既餐廳，雖然服務態度真係麻麻，不過都會繼續幫襯。

大熱天時，無咩胃口，想食d輕食，想起雙喜，雖然服務態度出名差，但好就一餐，唔好都係一餐啫，算啦，照去。平日的午餐，前廳已爆滿，行入後廳，叫天不應，叫地不聞，結果行番出前廳，經過水吧個阿姑，佢用查問的語氣問：你幾位呀？一位，坐個度啦！ 心想，唉，阿姑，幫襯你食個lunch都俾你呼喝，真無癮。查實呢位似係老闆娘的阿姑，自己係咪覺得咁好威呢，而完全唔明白客人會反感？ 可能生意好，個人就囂張d啦。大人不記小人過，照食。叫左肉醬厚多士、咖啡，以前雙喜出品幾唔錯，先包容佢服務態度差，但今次真係唔得。厚多士，最後製作出來的效果只是一件厚嘅白麵包，上面加左肉醬，麵包完全無烘過！肉醬的確係肉醬，可惜烘完的肉醬只得表面芝士緊緊熔，食落肉醬係凍嘅，當沙律食咩，令人更加無胃口！身處惡人谷，無謂叫人換啦，留番啖氣好過，無下次。

朋友們山長水又遠入到嚟錦田食飯，一定要介紹好嘢俾佢地啦～ 呢間小店其實已經開咗幾年，但晚餐就係近呢半年先有嘅～ 係錦田有西餐已經好少見，仲要有質素真係難得❤️推介慢煮牛—無得輸配埋自家制醬汁，好味～ 餐湯都係自家制，唔係一般交貨嘢～5個人叫咗幾樣嘢食已經好飽，平均每人$150左右，抵食👍🏻仲有飲品方面，咖啡有水準，唔係茶餐廳嘅質素，另外有好多款特飲，可以試試～PS. 店員態度唔好咁講究，除非你同佢熟咗

係錦田住咗咁耐，慢慢睇住新嘅小店一間間咁出現～双囍嘅好味早餐一早已經試過，依家終於可以試到佢嘅晚餐啦～首先嚟到嘅係餐湯（我個人對餐湯係特別偏愛，餐湯嘅味道會影響整餐晚餐嘅感覺～）是日餐湯 - 忌廉湯都幾好味，無味精味但香濃，有少少薯蓉同粟米，加上幾滴橄欖油點綴朋友推介必試 - 慢煮牛嚟到時見到佢嘅份量已經大到嚇一跳，我地5個人都差啲食唔哂再試埋佢嘅味道同口感。。。。簡直不得了！好味到一個點！雖然只係用少少鹽調味，但已經剛剛好帶出肉嘅香味，有咬口而不韌再加埋3款醬汁自由揀，豐富哂個味蕾～ 我個人偏愛蜜糖芥茉醬朋友最後連骨都啜埋另外，我地仲叫咗這個 意粉～ 意粉嘅軟硬度係我鐘意嘅

早前有次去元朗時偶然收到呢間冰室的傳宣傳單張，晚餐推介慢煮。覺得幾吸引，就預定今晚來個特別的一餐。晚市6:00 便做了等一個顧客。有晚餐及恒常餐牌。老公選了晚餐，慢煮和牛肉蜆意大利飯。我就當然要試最鍾意的羊西冷拼羊柳。先來餐湯及餐包，忌廉湯味道不錯，夠熱。餐包又烤到剛剛好。再來是主菜，和牛意大利飯，賣相不過不失。但牛肉及意大利飯的味道不是太夾，意大利飯像茄汁攪芝士。感覺像高級些的茄牛飯。但也不難食，只是感覺怪怪的。到我期望的羊西冷拼羊柳，買相ok, 但羊西冷煮得太熟，又感覺不似慢煮。但芥辣醬應該加入了其他醬了，沒有芥辣味，我有些不喜歡。配菜是菠菜薯蓉，味道不錯，但不夠熱。薯條剛煮起，好味。但淋上沙律醬，我就不喜歡。建議醬汁另上好些。整體也ok.可能我們期望都有些高，所以食完感覺一般。不過一間由早上是冰室，晚上變成西餐廳來説，質素也算不過不失。最後，開心是不用加一。

先講吓餐廳內裡環境,比較簡單沒有好輝煌既裝修,但同佢用冰室的名字好夾,入到去搵個位坐低,檯面已準備一支筆一張落單紙一張MENU給你,自助落單呢個方法也幾好想食咩係旁邊TICK一下就可以,只係選擇飲品方面如需要小糖小冰之類就要講聲,我點了一個淡芝士焗特色咖哩雞意粉,可能下午3點比較少人,食物也很快送上,放係檯前的食物都令我有D驚喜,買相方面雖然比較普通,但食方面真係唔錯味道夠口感好份量充足,絕對不是一般茶餐廳俾到你既,收費方面亦很大眾化,50元左右價錢有比較高級既餐廳質素,亦見到D應該係街坊帶狗仔來光顧,呢種類型冰室比較少見

係西鐵站行番錦田中間條行人天橋見到依間餐廳既傳單吊係度比"慢煮" 兩個字吸引左, 因為男友好鐘意食慢煮甘岩個晚要去市中心間惠康買野, 就一於試下依間冰室住左十幾年, 係錦田食夜晚飯既次數應該一隻手數得哂, 因為大部份都係茶記..再唔係就係唯一既酒樓講番正題, 我地大約6點到去到~見唔到入面有客都有D 淆淆地!! 不過都硬住頭皮入去坐底, 先發現原來入面仲有間房, 已經有一班人係入面環境佈置都係有心思~~同元朗某D小店西餐廳有得比餐牌寫明全部肉類都係慢煮~~價錢都係$98~出面真係唔會搵得到我地兩個人叫左個囍囍大拼盤~諗住試哂佢既慢煮牛,羊同埋咸豬手~佢個意粉話係伴碟份量我地都諗住係細細碟, 甘應該兩個人都食得哂...點知全部份量都好足料呀個肉丸係有薯蓉底...個汁係有平時出去食譚仔/南記果D麻辣味, 辣辣地好味~肉丸就似IKEA個種甘薯蓉好滑身~味道整體唔錯肉醬意粉係正常女仔份量...絕對唔係伴碟SIZE....男友鐘意食~~味道我覺得同出面食開差唔多咸豬手勁大隻.....個皮真係勁脆, 入面D肉又夠淋~~超好食~推介豬手隔離係炸甜蕃薯條配藍芝士醬如果你鐘意食蕃薯既話, 依個肯定係必點

週末間唔中都會黎食LUNCH, 因為佢地D野食好味過出面茶餐廳好多又多選擇~而且大熱天最愛佢地既冰雪咖啡某日終於有機會帶住新界既朋友一齊黎試晚餐, 真心抵食又正! 個青口勁大碟都只係48蚊, 仲想點? 我地3人仲叫左2個主菜不過掛住傾無影相...晚市人流唔多所以唔好怪人收得早, 如果住附近就不妨試下晚餐~

8. 淡芝士蕃茄叉燒意粉$44呢間冰室既叉燒好味 軟林林2. 全日早餐$32+$10仲有多個粟米通粉丹麥吐司，正！飲品 熱飲+$3 凍飲+$5 特飲+$15熱意大利泡沫咖啡

環境: 裝修很好, 不過地方比較小, 臺唔多要等位。食物: 很好。我點了魚柳煎蛋早餐, 魚柳很滑, 無腥味。 值得一讚的是有很多不同咖啡, latte, cappuccino, 焦糖咖啡, 榛子咖啡都有。服務:跟服務生接觸不多。 但眼見好多熟客都愛跟他們打招呼, 應該很隨和吧。

曾經幫襯過下午茶同小食，覺得ok環境可以，今日中午第一次光顧lunch。點咗T2蘑菇海鮮意大利飯，$68加$3熱飲。15分鐘飯到，第一啖已知瀨嘢，跟本唔係意大利米rositto，抬頭望望open kitchen入面嘅電飯煲，聯想到飯跟本來自電飯煲，同屋企金象米無分別，啲汁似湯水，如果叫湯飯更加貼切。掙扎咗一陣，最後無同店員講/投訴，惟有下次唔幫襯，或只食下午茶小食，廚房跟本處理唔到西餐。$71湯飯其實只值$45完

The young waiter and the customers inside were considerate and kind when we were squashed for space on a busy sunday brunch date.We left the cafe thinking:1) a majority of their cutlery and cups are disposable. We were shocked that almost everything would end up in a LANDFILL.  When we do eat out we dine in because we want to avoid this. 2) The food wasn't bad, but it wasn't exceptional either.  Our macaroni soup was tasteless, but the french toast was tasty.3)The staff in charge were SO RUDE af

住附近個個星期食開早餐44號餐，最近夜晚都開埋，同2個村民朋友黎食，今次食晚餐忍唔住要寫食評推介番，見到前兩個食評係負評 以我食左咁耐黎講，我想講老闆佢地有性格姐唔係專登黑面既，佢地真係煮得有誠意既～係錦田呢間都真係好食抵食架！新menu 必食10號大拼盤有牛排仔+豬手+羊柳+香腸+炸魚薯條先係288起碼四個人食都夠有特，性價比高。仲有個湯 勁多料架 好好味 要試呀牛仔排豬手薯泥炸魚薯條裝修有格調 錦田我最愛小店

一家人去食飯，落完order之後等左好耐D野食都仲未黎。崔左幾次終於都到，點知個飯黎錯左...跟著去同收銀嗰個女人講（應該係老闆娘）。佢就大聲夾惡咁話：「你叫B 丫嘛，呢個咪B囉！」，我就話：「你睇清楚啦，你餐牌寫著架」。之後佢一手收左個飯，sorry 都冇聲。過左幾分鐘，侍應拎番個新嘅飯嚟。一食落肚 - 嘩，個飯涷嘅？都費事同個老闆娘講因為佢淨係掛住玩電話同埋同D熟客傾計。多謝你令我寫左第一個openrice review。咁做生意法真係祝你好運