發記腸粉粥品

营业中

休息中

成日覺得深水埗好多粥品，結果試過咁多間都真係好麻麻。今次意外地比我發現呢間粥店，外貌並不起眼，主打一個懷舊感覺，好一間老店。佢啲粥唔係用碗上，而係用瓦煲上，夠熱夠大碗。餸分量都好足，粥底十分稠杰。當然除咗食粥之外，佢都有其他嘅飯款選擇。我朋友就揀咗蠔仔煎蛋飯，未上菜已經聞到嗰陣煎蛋香呀😚1️⃣皮蛋瘦肉粥 𝑯𝑲𝑫𝟑𝟎皮蛋｜瘦肉2️⃣蠔仔煎蛋飯𝑯𝑲𝑫𝟓𝟎蠔仔｜雞蛋｜飯總結/份量夠晒足，一定係打公仔嘅糧尾恩物，唔知食乜或者要清腸胃都係好好嘅選擇🤗

附近一大最好食嘅粥粉麵。通常黎會叫皮蛋瘦肉粥，嫩雞粥，柴魚花生粥，艇仔粥，乾炒牛河，家鄉炒米，叉燒腸，炸兩，蝦腸，煎蠔烙飯。價錢實惠。性價比高。質素高。唔係集團式營運。

📍發記腸粉粥品♡皮蛋瘦肉粥♡｜💰$30估唔到呢間粥店啲粥係用煲仔上😳個煲上到嚟唔覺意摸到煲身微暖但好彩啲粥都好夠熱而且相對綿滑。皮蛋瘦肉份量都夠，皮蛋切到大大粒咁👍🏻♡新鮮豬潤粥♡｜💰$32豬潤份量好多但可惜嘅係豬潤略嫌偏生望落呈微粉色😕所以碗粥送到上嚟嘅時候仲要等啲豬潤喺粥浸耐啲等佢熟啲先再食😂所幸食落爽口唔係粉狀質感👍🏻整體味道唔錯♡靚靚鮮蝦腸♡｜💰$25腸粉嘅外皮比較厚但食落滑口，腸粉入面嘅鮮蝦夠大隻而且爽口彈牙💓幾好食，但粉漿無好好包好鮮蝦，一夾就會散哂總結來講呢間喺長沙灣嘅粥店環境比普通粥店寬敞💛所以坐得好舒服，而且姐姐嘅服務態度相當之好喺我哋落單之前已經會將餐具放在一杯熱水俾我哋等陣洗餐具。❤️‍🔥有興趣睇更多食評可以follow ig : fatting_eateateat❤️‍🔥

D粥碗碗好大碗，用煲裝住保持溫度，上菜都好快，即叫即到。新鮮鯇魚腩粥$30鯇魚腩好新鮮，d肉質意外地爽甜，魚腩好多塊，大約有4-5塊，塊塊都大件。粥底軟軟綿綿，口感又厚，好飽肚。靚咸瘦肉粥$29瘦肉好多，切到一條條幼條，食落好有口感，肉咸味種左少少。粥的熱度都剛剛好，唔會熱到要吹好耐先食得。香蔥蝦米腸$16有厚度既腸粉，好滑溜，好多蔥花同蝦米🦐，蝦米炒香過，所以好香蝦味，醬油係甜，所以唔會好咸。

本人甚少寫食評，與朋友在街上兜了幾個區後，看到這間店覺得寬敞乾淨才進場試，冷氣夠涼，另外，這間店的食品的味道配上價錢就簡直物超所值，我跟朋友食了一碗靚靚碎牛粥及一碟肉片炒銀針粉合共才$60，這個價錢及品質在香港真是賣少見少，靚靚碎牛粥粥有傳統風味及沒有味精，非常符合健康人的口味，太罕見了，銀針粉是用美極鮮醬油炒出來的，肉片及蘿蔔絲好入味，因為沒有想到會出乎意料，所以沒有拍食品的相片，就只拍了價錢牌，哈哈。

上網search 「深水埗 粥 推介」就見到有幾個網站都推薦發記腸粉粥品，於是就去元洲街試下食。網站上面推薦咗幾款粥同腸粉，包括蠔仔粥、雞粥、蝦米腸粉、雞蛋腸粉等。所以我就叫咗鮮雞粥($43) 同香蔥蝦米腸($16) 既外賣。值得一讚既係個粥好綿滑，亦聞到好香既雞味，啲雞肉都好淋。但係食入口就無想像中同埋聞到既咁濃同埋好食。啲腸粉唔知係咪太多層所以個皮有啲啲太厚，食唔到佢個種滑既感覺。我平日唔算係一個成日食粥既人，但係食過既粥之中覺得呢間真係普普通通。一碗唔算特別好食既粥要收$43其實都幾唔值。如果遲啲再係深水埗食粥，呢一間唔會係首選。

父親節既晚上，收工獨自搵食~食得多肉、熱氣野係時候乖乖地食返清少少！呢一晚收工想去食下粥，去到長沙灣搵到呢間發記腸粉粥品店！叫左個碎牛粥同埋雞絲腸！碎牛粥 $27估唔到個碎牛粥又幾OK喎！大大碗，粥有少許綿！(個人喜歡食綿綿的粥)粥上面既蔥都新鮮，有好多人會走蔥，不過我就覺得有蔥的粥會更可口吧！雞絲腸$18好食，餡料多，皮都算滑，唔會太厚！但豉油就太咸LU！超飽肚既一餐，抵食！下次想食粥都會再黎！

第一次食雞蛋腸對佢唸唸不忘，雞蛋非常香滑，配埋蔥花，係平民美食。一年後再次經過滿心歡喜入去食下… … … 鷄蛋腸得上層有薄薄的蛋，下次係齋腸無鷄蛋？！我食緊乜？實的的，一啲都唔滑… …好失望

一早八點去到 只得一枱 叫左奶茶 艇仔粥同埋牛肉腸. 個奶茶一般般茶味唔算濃、粥底好綿、可惜材料太少、腸粉皮較厚但牛肉幾好食. 走嗰時坐滿哂.綜合黎講價錢平食得過 7/10

一間坐又舒服又好味嘅粥鋪真係好難搵.. 一係就算好味，但係啲環境就比較污糟，一係好靚或者連鎖式，但又唔夠好味... 發記就唔同，開左年幾兩年應該，基本上係我同我老公飯堂。有幾樣真係要推介：靚靚咸雞飯蘿蔔糕茶走蔥花蝦米腸蠔仔粥（好肥美!）而家哩段抗疫時間，食店嘅衛生真係好重要。去發記我就真係完全唔擔心。雖然附近都仲有間老字號食粥嘅，但次次叫走蔥都唔記得，一句順手落左蔥加句唔好意思就算，咁點食得開心總結推介發記!! #茶走好掂

早上進步，意外地桌面很清潔。叫了個「靚靚及第粥」($33)，同「油條」($10)。這裏的及第粥材料有豬潤、豬粉腸和瘦豬肉。(有些是豬心、豬潤和豬粉腸，豬瘦肉丸)粥夠熱，又不會像平日那些超熱。(平日有些店要放涼很久才能吃，食得很慢)說「靚靚及第粥」，豬潤夠大。豬粉腸夠淋身。瘦豬肉較滑，但感到麻油味比較偏重整體OK。而油條有驚喜，脆而不膩。真的脆卜卜，不淋身。放上粥上沾一下，真的很合。不像平常吃開那種煙煙韌韌，也不會很硬。真的外脆內軟。

最近腸胃有啲唔舒服所以想食清清地，係公司附近搵間粥店食下，同事推介就叫左個皮蛋瘦肉粥，佢用瓦煲煲夠曬保溫，啲粥由頭食到尾都係熱辣辣，超級足料，皮蛋明顯原隻皮蛋比，大大舊，瘦肉就切肉條絲，粥超綿，水同米比例啱啱好，撈埋葱就更加香，唔食葱記得落單講定，皮蛋因個人而異去篤爛啲食，另外仲叫左炸兩，又係份量好足，圖片係已經食左一條，實際有三條，醬料同芝麻就係枱面隨客人自便任落，餐廳人情味勁重，職員會同街坊打牙骹，又會記得街坊食咩，有講有笑好溫馨，價錢又合理，推介！😋😋

在深水埗區要搵腸粉食唔難, 要食到有些少手藝又唔貴嘅腸粉就真的有點難, 而最近發現的這店則實属巧合, 前身係"黃金茶寮的鋪位, 轉型為腸粉粥品店, 取名"發記"係連鎖店形式, 店內陳設沒大變動, 賣的主打係腸粉(大部份包餡) 價位由12 - 23蚊不等, 試過鮮豬潤腸粉$21 豬潤切得唔算厚, 蒸嘅時間係剛剛熟咗, 但醃豬潤嘅酒未夠重, 可以再重手一點, 炸兩$18亦試過, 都算係好食嘅, 鯇魚片腸$17 由於魚片切得好簿魚骨只有好少量,腸粉皮有質素, 豉油走大眾化路線偏甜  而粥試咗及第粥, 好大煲下足夠兩個人份量, 不過材料似肉片粥多d, 但可能價位真的做到利錢好低, 所以多蔥同多薑都要加一蚊,另外這裡還有炒粉, 炒麵同飯餐可以食, 所以夜市時間會見到有老人家來幫襯, 因為飯餐嘅SIZE都幾大下適合兩個人食, 在這店可以找到最基本嘅地道食物, 除咗食物質素好之外重要係服務態度都唔差喎! 少見的年輕人可以懂得招呼人!

去年年尾搬到此區時，發記才剛開業，最初只懷著「不妨一試」的心態入內，結果，驚為天人。第一次到來時未有頭緒，但眼見幾乎全場人枱上都有一碟腸粉，就知道這是必食之選，於是點了個叉燒腸另加一碗及第粥，侍應姐姐細心地提醒，因為該店的出品都是即叫即製，所以等待時間會較長，而提到及第粥時亦再次覆述了該店的用料，大概是顧及到人人口味不同，擔心被說是貨不對辦。腸粉口感軟滑，足料！粥底香綿，材料亦不欺客，豬膶甚至是厚切程度。份量足夠兩個女生分食，埋單大約60元左右，絕對是抵食又高水準出品。自此之後，發記就成了幾乎每星期都會光顧一次的飯堂，侍應姐姐後來介紹的雞粥和雞飯，個人覺得，比及第粥更出色，而菜單上沒有的炒椰菜，也是招牌菜。粥和腸粉雖然看似簡單，但要做得好，其實也不易，慶幸發記這小店仍有堅持。

想搵粥食，見食評唔錯，就試一試，及第粥有豬潤，粉腸，肉片，厚厚嘅豬潤超正，識揀材料👍，齋腸粉好滑😋，服務又好，係可以再去嘅粥店。仲有見到周圍好多枱叫雞飯，唔知係咪好正呢，下次試下先😊