口麻天辣

营业中

休息中

餐廳係全間都係粉紅色嘅裝潢，好有少女可愛感🥰 而且食物嘅擺盤都好精緻！💪🏻 天花頂酸菜魚 ($138)呢個酸菜魚好好食🤩 今次揀咗中辣，辣道啱啱好，而且酸菜都夠晒酸。加埋花椒，芝麻好令道菜更香😋。魚肉嘅份量都好多，肉質又夠滑，撈埋酸菜一齊食飯一流！完全有返大陸食嘅酸菜魚水準👍🏻💪🏻 噴火水煮牛肉($128)水煮牛肉肉質好嫩、好滑，水煮味道都好香、好惹味，好有麻香！而且水煮牛肉餐仲配咗食辣野必備嘅寬粉，煙煙韌韌😋套餐仲會有前菜！💪🏻 涼拌萵筍絲萵筍口感好清爽，爽口！有少少辣辣地又有好香麻油味😍💪🏻 椒麻鳳爪鳳爪嘅醬汁酸酸辣辣，好香口惹味！💪🏻 紅糖米茲粑呢個茲粑好香甜又唔會好漏，甜度啱啱好！茲粑軟軟糯糯口感一流🤤，食到最後都仲有拉絲嘅感覺😍味道：8/10性價比：7/10 食住瘦指數：💪🏻/5

個場已經細 仲要無人去管理人客點坐 導致有位無人坐 好多人就無位坐 入到去請問個職員當你係透明唔會有回答 之前幫襯過一次 一個號碼等左1小時 入到去發現野食好麻麻好一般 試過1次就算啦 唔會再試！管理 0/10分味道 2/10分環境 5/10分對上一次食 等上菜時間最少25分鐘

今日去開v walk 見到呢間粉紅色嘅川菜餐廳Mota Mola , 餐廳環境好有少女心,食物選擇唔少,必叫既係天花頂酸菜魚, 份量好多, 魚肉嫩滑, 間中有少少骨, 配埋水東新酸菜, 湯底酸中帶麻👍仲有秘醬口水雞, 面頭嘅特製醬鮮香麻辣, 而且雞肉嫩滑, 呢個配撘越食越惹味 😋另外, 我都叫左2款唔同湯底既麻辣燙清新藤椒湯, 除左辣度, 比較貼心嘅係可以揀埋麻度, 望落比較清淡, 但飲落椒香味好出配料選擇都好多, 鱸魚片, 巴掌肥牛, 青口, 萵筍片, 脆魔芋絲, 鮮豆皮, 寬薯粉條, 等好掛汁, 而香濃麻辣湯底, 雖然望落比較深色, 但相對香口好多, 配料都好入味最後叫埋紅糖糍粑, 紅糖完美滲透入糍粑內, 煙煙韌韌, 香甜滋味

抵食高質一人份酸菜魚晚飯唔知食咩好，見到呢間位於商場入面嘅川菜，有酸菜魚、水煮牛、麻辣燙呢d地道川菜，而且仲有晚市套餐，包埋小食同涼菜，非常抵食。麻辣牛𦟌先上嘅係跟餐嘅是日涼菜，今日就食到呢款麻辣牛𦟌。牛𦟌肉食落都腍身，個醬汁非常香辣，夠哂惹味，仲有清爽嘅青瓜墊底。黃金酥炸小酥肉套餐另外仲包咗是日小食。呢款酥肉炸到金黃色，入口酥脆但豬肉一d都唔乾身，面頭仲撒咗d椒鹽，夠哂香口。天花頂酸菜魚 $138叫自己做天花頂嘅酸菜魚，水準確實唔錯，辣度可以自己揀，湯頭金黃酸香，帶麻帶辣。魚片嫩滑冇骨，吸收哂湯嘅精華。酸菜魚份量都唔細，又會用蠟燭熱住，唔會食食下凍哂。酸甜清新番茄魚 $128朋友唔食辣就叫咗個番茄魚，用咗鮮茄去煮個湯頭，味道清甜，魚片同樣嫩滑，用嚟送飯就啱晒。彩虹冰粉 $38食飽當然唔少得食甜品，首先叫咗個冰粉，店員用心將唔同配料好似彩虹咗鋪喺冰粉上面，好似有花生、芝麻、提子乾等等。賣相吸睛，食落透心涼。紅糖糍粑 $28另外仲叫咗糍粑，外脆內軟糯嘅口感，一食上癮。紫米豆漿 / 五穀米漿 $16叫咗兩杯嘢飲解辣，飲落唔會覺得好甜，夠晒健康，而且豆/米味香濃。。。口麻天辣 (深水埗)深水

今日去V walk 逛街順便覓食.. 被一間以粉紅色主題x 卡通插畫的餐廳吸引…原來是吃一人前酸菜魚…水煮牛等…「Moto Mala口麻天辣」所有菜式都是一人份量，價格親民，店內吧台亦設有多個單人座位，一個人都唔會尷尬😆😆😆 天花頂酸菜魚.. 雖然是一人前但份量不少🙊鱸魚片新鮮，味道濃郁👍涼🌽麻辣牛展，厚切有咬感！噴火水煮牛肉，是用鮮牛肉，牛肉鮮嫩爽滑，味道麻辣鮮香，巧惹味👍麻辣牛展，厚切有咬感！獨門秘製麻辣豬手，口感軟糯又入味！不錯！

今日放工屋企冇煮飯要嗌外賣回家，決定試吓呢間外型粉紅色嘅川菜館。點咗三個晚餐，分別會跟小食、涼菜及白飯，外賣餐盒都係粉紅色，包裝擺放整齊，回家將外賣盒取出，食物完全冇滲出。酸甜清心蕃茄魚餐$128用新鮮鱸魚，配上蕃茄及其他配料一起燉煮，魚肉厚實唔會煮到爛晒，味道酸甜，小朋友最愛。秘醬口水雞餐 $118辣度選了小辣，問咗走辣都可以。雞件份量多，雞肉好嫩滑，配埋雞肉上面嘅秘製醬汁，辣得來唔會搶喉，水準之作。噴火水煮牛肉餐 $128一樣可以自行選辣度，小辣嘅水煮牛肉未至於會噴火，啱晒我哋口味。牛肉肉質嫩滑，配料種類繁多包括花椒及辣椒🌶️，入面還有薯粉吸收晒醬汁，濃味之選。是日涼菜：麻辣牛𦟌牛𦟌每片切得夠薄身，配埋麻辣一齊食，味道不只有濃味，牛𦟌辣得來彈牙唔搶喉，之後麻辣香慢慢喺口腔內滲出，麻辣汁同牛𦟌厚度嘅比例剛剛好，我個人最欣賞呢款。是日小食：黃金脆炸小酥肉小酥肉炸得香脆，啖啖肉，配埋面頭嘅辣椒粉，風味十足。我哋另外點了甜品，香炸脆奶 $28外層炸得香脆，包住入面暖暖嫩滑嘅香濃牛奶，兒時回憶返晒嚟。今晚成枱都係食物，我特別喜歡麻辣牛𦟌及秘醬口水雞。我見佢哋最近推出咗下午茶，下次就到時間再去試

晚市勁抵食打卡川菜｜📍口麻天辣平時午市時段食川菜幾十蚊就有交易，但一到晚市坐底要俾幾百蚊先出到門口🫣但今日居然俾我揾到間打卡一流仲要勁抵食嘅川菜！❤️‍🔥❤️‍🔥❤️‍🔥❤️‍🔥♡天花頂酸菜魚♡｜💰$138$138嘅套餐包咗主菜、涼菜、小食、白飯❤️‍🔥主菜酸菜魚手挽金盤裝住💛好似平時去酒店嘆靚tea咁😂酸菜魚揀咗小辣，魚嘅份量相當多而且好滑身❤️‍🔥酸菜酸度適中送飯一流，就咁食都唔會過酸💚涼菜嘅麻辣蓮藕份量都好多，食落爽口🥹味道唔會太辣，適合唔太食得辣又有辣癮嘅朋友小食係小酥肉❤️‍🔥一開頭以為店員送錯餐😦但無估到呢份望落都值幾十蚊嘅小食原來嗌酸菜魚餐已經包埋❤️‍🔥小酥肉食落酥脆配埋辣椒粉食勁過癮❤️‍🔥差啲想搶埋朋友果份嚟食❤️‍🔥如果有嗌啤酒就更夾了！♡秘醬口水雞♡｜💰$118套餐同樣包咗主菜、涼菜、小食、白飯❤️‍🔥擺盤亦都相當之靚🫶🏻雞件嫩滑容易骨肉分離，揀咗小辣整體味道麻>辣，頗為過癮🫶🏻涼菜少少辣嘅冰涼嘅薯仔絲🫶🏻淨食/撈飯都正♡紅糖糍粑♡｜💰$28糍粑外酥內韌，配紅糖漿食甜而不膩❤️‍🔥飯後食仲解辣🫶🏻如果想後上嘅話記得同店員講聲~♡手打檸檬茶♡｜💰$33最近手打檸檬茶真係好hit🤣

星期五的6:45pm 經過VWalk，見到粉紅色店即少女心爆發，諗住一個人等位都快，結果都等咗45分鐘先有得食。但都值得等嘅，叫咗藤椒燙，蓮藕，花菜，萵筍，牛柏葉，肥牛，魚片，Total 有6 個餸加個粗薯粉，份量夠，湯底夠濃，幾好味！小店得22 個位左右，人手都好似比較緊拙，所以俾啲耐性～門口攞飛，冇得訂枱

對於酸菜魚我承認是一試愛上，早前到了 V Walk 探朋友，他說樓下商場有一間粉紅色的小餐廳有川菜吃，就帶著我試試。 Moto Mala 原來是「姚姚酸菜魚」旗下，全店以粉紅色為主調，就連餐具及飲管都用上粉紅色，配上吧台單人座位，非常適合打卡。 午市套餐有一人前酸菜魚，除主菜還包括涼菜及白飯，價錢貼地親民。 天花頂酸菜魚聽說這裏的「天花頂酸菜魚」是必食的招牌菜，廚房用上刺少肉的新鮮鱸魚，再以秘製湯底熬制5至6個小，配上水東新酸菜，所以味道份外鮮香，鱸魚肉質嫩滑細緻，零骨絲，味道酸中帶麻，讚。 香辣土豆絲隨餐伴上的涼菜是土豆絲口感爽脆，味道微辣帶酸，開胃又下飯。 酸甜清新蕃茄魚同樣是用上新鮮鱸魚泡製，鮮嫩魚片配上番茄一起燉煮，味道酸酸甜甜，非常清新開胃。 辣麻鳳爪鳳爪一口咬下有鮮香辣爽的豐富味道，皮層爽中帶糯，內裏還有點點脆骨，口感豐富。 黃金脆炸小酥肉小酥肉炸至金黃色，外層酥脆，內層軟嫩，入口帶有點點油花，香而不膩。 紅糖米茲粑米茲粑外層有點微脆，內層煙煙韌韌，味道甜甜的，帶有紅糖甜香。 手打檸檬茶及五穀米漿手打檸檬茶用上香水檸檬、青檸及柑桔檸檬，再以用人手捶打成蓉，所以檬檸香味特別濃

位於南昌站V Walk嘅Moto Mala，主打一人前酸菜魚同麻辣燙，全店裝修以粉紅色主調設計，就連外賣盒都是粉紅色的，即時湧現少女心！一人前酸菜真係好抵食，大大碟魚，配備涼菜同白飯。午餐有6款選擇 : 天花頂酸菜魚、噴火水煮牛肉、川味水煮魚、酸甜清新番茄魚、獨門秘製麻辣豬手及秘醬口水雞。天花頂酸菜魚    $108怕辣嘅人仕依款可以揀免辣，所以我就揀咗唔要辣，都係咁好味。呢碟魚份量多，每片魚都幾大塊，肉質又嫩又滑，湯底清甜配埋白飯食啱晒。碟下面仲有蠟燭暖住保持溫度，好細心，值得一讚！酸甜清新番茄魚    $98呢款味道較清新，湯底酸酸地少少甜，飲落去已經覺得好開胃，魚肉鮮嫩結實，份量又多，番茄酸酸甜甜，以及粉絲質地爽，加上配白飯都好夾好餸飯，越食越滋味。兩款一人前魚套餐都配備涼菜，分別係口感酸辣爽脆嘅土豆絲，以及鳯爪，吸收晒醬汁，好入味爽口。黃金脆炸小酥肉    $28酥肉炸得非常脆口，味道甘香，面層攦上辣椒粉，帶少少四川微辣風味，鬆脆小食好惹味。紅糖糍粑    $28糯米粉條煎至金黃，食落紅糖嘅香甜味，質地煙煙韌韌，外層沾滿紅糖及黃豆粉，香甜可口。香炸脆奶    $28外皮又脆又香

垃圾店員，態度好差，黑口黑面，同佢地講水煮牛肉入邊嘅寬粉未熟仲係硬嘅，個眼神質疑好似我講大話咁，隨便夾走果條寬粉，望左下就話其他都係熟嘅，一句道歉都冇，真係冇下次

約左閨蜜喺V Walk食中午，我先去到商場，逛左一陣，見到有間粉紅色鋪，好別緻，走近啲睇原來是麻辣川菜館～立刻叫埋閨蜜入去試下😅自己掃code 點餐，價錢相當實惠👍先叫兩款小食，開下胃先😅醋香蘿蔔$19酸酸甜甜，爽爽脆脆，醒胃開胃之選💯黃金脆炸小酥肉$28酥炸香脆的口感，滿口肉香，搭配辣椒粉，味道好夾😋酸甜清新蕃茄魚$98套餐跟白飯，有一款小食，今日是麻辣牛𦟌牛𦟌濃郁入味，有嚼頭但吾韌😍份量真大，色澤鮮艷。蕃茄味超濃，微辣，酸酸甜甜，好醒胃，魚肉又滑，正🤩香濃麻辣湯$88揀選了鱸魚片、大蝦、青口、萵筍片、蓮藕片、鮮豆皮、寬薯粉條～這個價錢居然有三款海鮮，啲蝦仲咁大隻，隻隻都新鮮味美，鮮甜彈牙😋😋😋特別喜歡寬薯粉條，煙韌QQ的，索左啲湯好滋味😍👍彩虹涼粉$38食完麻辣，食返碗涼粉，口感一流👍紅糖糍粑$28甜品真係有另一個胃，捧腹之餘，話食就食🤪外脆內軟，煙煙韌韌，少許紅糖漿，令味蕾更添層次😋😋😋手打檸檬茶$33紫米豆漿$16色香味俱全，價錢實惠，值得一試👍

每次在附近健身後，都會很經這商場，都會被這間粉色的餐廳吸引原來是吃酸菜魚！除了酸菜魚，還有不同的小食黃金脆炸小酥肉外層炸得金黃酥脆，咬下去時發出令人滿足的嘎吱聲音😍入面肉質鮮嫩多汁，不會乾柴香炸脆奶外層炸得酥脆，內部卻保持著濃郁的奶香味道，奶的濃郁和炸的酥脆口感絕佳，推薦！酸甜清新番茄魚酸甜的口感和清新的味道讓人很開胃🤤爐魚片很足，魚肉鮮嫩，沒有雪藏味，完美搭配了番茄的酸甜風味，而且還係有很多蕃茄粒和粉絲，很豐富清新藤椒湯清新的口感和微辣的風味令湯汁濃郁又惹味🥰藤椒的香氣四溢，令人舒爽🤤我選了鱸魚片、大蝦、嫩牛肉、金針菇、鮮豆皮和炸豆卜，份量很充足，而手打麵口感都好彈牙手打檸檬茶清新的口感和濃郁的檸檬香氣好refreshing, 每一口都能感受到檸檬的豐富果味和茶的清香，令人心情愉悅。

第一次黎 V Walk，如果唔係朋友住樓上，應該唔會特登嚟行街。我同我個朋友都係食辣之人，所以佢推介我黎食呢一間。我真係差啲搵唔到，因為個門口，成間鋪係粉紅色，裝修勁少女，冇諗過係食辣嘢😂午餐好平，酸菜魚同水煮魚 $108，水煮牛肉就 $98，仲有個麻辣豬手，仲有麻辣燙⋯唉！以上嗰啲我全部都想食呀最後，我揀咗清新藤椒湯嘅麻辣燙，因為平時好少見藤椒湯底。可以3款葷菜 同3款素菜。我揀咗魚片、嫩牛肉、牛柏葉，蔬菜我揀咗萵筍片、金菇同豆皮。黎到真係嚇我一跳，大碗到癲！見到豆皮呢樣嘢真係好開心，我係以前返大陸食嘢，好多時都有豆皮，先至認識，喺香港好似好少食到。湯底好清新，我揀咗多麻，好正揀咗寬薯粉條，就係寬嘅薯粉、好煙韌。魚片同牛肉好滑，魚片又冇骨。萵筍片好入味。另外叫咗呢期好Hit嘅手打檸檬茶👍🏻

你以為食川菜就一定係古色古香？🫖其實都可以有好少女嘅一面㗎🧚🏻‍♀️咁靚嘅裝修 食物質素仲要好高 真係要介紹一下🙌🏻==============================𝐅𝐨𝐨𝐝 𝐋𝐢𝐬𝐭📌🌟黃金脆炸小酥肉 作為餐前小食 呢個令人好開胃😍非常鬆脆 你會忍唔住一啖有一啖咁樣食👍🏻🍜清新藤椒湯 可以揀麻辣度 我就揀咗少麻 配料方面就揀咗鱸魚片🐟青口🦪肥牛🐮萵筍片🥒脆魔芋絲🥦花菜🍜出前一丁🤤係我揀配料嘅時候都有問自己究竟食唔食得晒 呢個問題係問得正確嘅 因為真係好大碟😳講緊嘅係$88 我都有啲過意唔去淨係比呢個價錢但係食到份量咁多又咁好食😂🍹手打檸檬茶 係手搖嘅檸檬茶口感更加豐富😍🍼香炸脆奶 數到川菜我最鍾意嘅小食 炸奶係不二之選 充滿奶香食落口完全係有一種幸福嘅感覺😻==============================咁好食又可以打卡嘅四川菜推介大家試吓💁🏻‍♀️