古早台居

营业中

休息中

今日天氣好，約了由英文回來的朋友去九龍灣行下街。友人提議不如去food court 看看，橫掂好多年都無上過去，唔記得是什麼樣子了。行過有得飲茶的，不過他們都不會想飲茶的。到這間外面看看，見到都有不小小朋友都買這家的餐，所以有興趣試下是什麼一回事。可以由相片見到這家的鹽酥雞是做得不錯的，蛋和滷肉飯是ok的。有趣的是這飯有跟一個泰式汁，大家都識的潘生甜辣醬，有隻雞在label 上。唔怪得有很多小朋友歡迎來這間。今次彩蛋是介紹ikea ，無錯是ikea。因為朋友都唔知ikea 其實很久之前是在這商場的。之後才搬家到MegaBox。

今日去到九龍灣training day，專家好有耐心🫣，搞到二點幾先食得lunch！break得半小時又要繼續！只好同班同事嚟個quick lunch。好在樓下有個幾大又多位嘅food court，都幾多間食，坐得都幾闊落。大家各自揾嘢食先，行運一圈，嗌咗個包加杯嘢飲一定唔飽喎咁又記得唔知係邊幫襯過間台灣店，記得啲肉燥飯好正宗今次一於返兜，就叫咗個下午茶滷水雞翼肉燥飯。好肚餓食咗個包，唔記得影相添🤣，再食肉燥飯，果然冇揀錯，肉燥保持到好味道！就驚喜係下午茶都有四隻滷水雞翼，大大隻好入味，肉質滑嫩，下午茶仲送杯嘢飲，抵食呀不過我飲唔到兩杯嘢，同事好幫手，索埋🤣，半個鐘唔駛，大家都食晒，返工囉😪

過去年幾上得大陸食嘢多，都有啲悶悶哋，加上今個星期六天氣好唔穩定，就不如留港消費。打算同老婆買啲日用品同睇戲，就近近地就去九龍灣行下。去德福行咗電器舖，啲價錢mark得幾貴，睇下算喇，去咗無印買咗啲日用品同夏季衫，行到有啲肚餓，咁啱樓上有好多食肆，趁套戲未開埸，一於去美食廣場揾嘢食。見間台灣嘢都有啲人排隊，我都行埋去八卦下，見人攞走嘅嘢食都幾靚，有食慾😋，自由就買咗份鹽酥雞滷肉飯加杯半價嘅紫薯鮮奶，幫老婆嗌咗個滷水雞髀肉燥飯同黑糖珍珠奶茶。起餐算快，見我前面都有十個八個人等，都唔晒十分鐘我都有得攞喎！肉燥真係好香，似足台北間出名嘅黑金滷肉飯店，口感豐富，齒頰留香。鹽酥雞好脆，入邊都有好香嘅肉汁，好食😋。老婆個雞髀肉燥飯都好正，滷得好入味，雞髀好滑，size都幾大隻，坻食👍兩杯飲品都大大杯，味道正常。四十分鐘食晒清底唔一定上深圳先有平靚正嘅好嘢食，香港都揾到嘅

已經隔咗一段日子冇嘢九龍灣做嘢，月底又被老頂點嚟分公司對數，忙到飛起，搞到成三點先有時間去食晏，我對台灣嘢情有獨鍾！諗返上次次幫襯過嘅food court 內台式小店，出發！嚟到係下午茶時間，人唔多，見古早台居有推緊個台灣鴨胸肉燥飯，即刻買嚟食叫多杯蘋果綠茶醒醒神，出餐好爽手，唔駛三分鐘齊料！鴨胸肉就正正常，值得推薦嘅係呢度嘅肉燥超香濃，又好𡁻口，香滑嘅肉汁配上冬菇粒，好夾杯綠茶都唔錯，好大杯飲唔晒，攞返公司飲都好喎！返公司做嘢囉！希望今日做得切唔駛加班

刷新人生觀念的台灣嘢🙂 .首先，我都要維基一下咩叫「奶蓋」，奶蓋茶（英語譯名：Milk cap tea），簡稱奶蓋，稱奶霜茶 又稱芝士奶蓋 （cheese floam tea）是2000年代起源於臺灣的茶類飲料，為臺灣奶茶茶飲文化中的分支，將鮮奶、起司、奶油等加入茶中置於表層。.文字有講到奶蓋是源於台灣，係放於茶嘅表面，然後當我飲呢間所謂「台灣店嘅芝芝莓莓」嘅時間，刷新我人生觀😊👍🏻.大家可以見到圖片，個杯咁混濁嘅一杯嘢就係「芝芝莓莓」👍🏻🙂，我拎到嘅時候，我都呆咗一呆，再問一問店員，呢杯係乜嘢？係我嗌嘅奶蓋茶？.店員話係，呢杯係@芝芝莓莓，有奶蓋係入面，唔知放在係「中間」定係「最底」，當時我回覆一句，「你地都幾搞笑，咁都叫奶蓋茶？」🙂🙂👍🏻.店員回覆，係有奶蓋，你飲就有👍🏻.我拎到翻埋位，飲，真係搞唔掂。咩叫 「奶蓋茶」？「奶蓋」？「台灣店」？.然後我翻去櫃檯同店員講，要佢換一杯比我然後佢竟然我要「比個合理原因」、「點解要換」、「有咩合理理由」 wow好勁👍🏻👍🏻👍🏻👍🏻👍🏻.我望住櫃檯張「參考圖片」問道「奶蓋係最層先啱🙂？你咁都叫奶蓋？」.然後負責整飲品嘢店員行過嚟，回覆道：「點解

間野幾好食，但啲肉燥少到傻，問佢可唔可以比多啲就勁惡咁講，我地有規定㗎，一定唔會少，但我碗野….，盡左力咁撈都係咁，有少竹色，餸下面都未撈過😔，同埋我都好有禮貌咁問呀，個姐姐真係幾惡下😔

約朋友去九龍灣睇戲，德福真係勁多嘢食。不過仲有半個鐘開埸，趕住食個靚飯又唔想去啲悶悶連所店，朋友話去二期個food court 。去到見有位，又唔洗點排隊，大家就各自揾食，盡快填飽個肚😅朋友叫咗個咖哩飯，我就嗌咗台式嘢，鹽酥雞肉燥飯加杯珍珠奶茶，好快就攞到個餐。鹽酥雞有八九件，酥脆外皮，咬開入面鬆軟多汁，又熱辣辣，非常惹味，食唔停口，肉燥量唔多，但味道非常正宗，口感豐富，入口嫩滑，送飯一流。珍珠奶茶，好驚喜😋茶味香農，牛奶味香滑，非常平衡，珍珠軟硬適中，非常煙韌，真係好過好多茶飲店👍廿分鐘就食完，趕住入場囉

又係lunchtime ，約埋幾個同事去食午餐，商場都幾多選擇，不過好多連鎖集團，食到悶。反而係德福二期五樓嘅美食廣場有幾間小店，係唔錯嘅選擇大家都各有所愛，有人叫韓國菜，有嗌鐵板餐，又有人鍾意麻辣嘢，我就order咗台式嘢，大大份嘅雞排併豬扒肉燥飯，加杯半價嘅珍珠奶茶，雞排外脆內軟多汁，豬扒都好香脆，肉燥油香加冬菇超得份量又大珍珠奶茶都好巨型，茶香奶滑，不過份量都好多，真係兩個人都够食，食到我個肚好漲，補充一下，個food court 地方幾大，坐得幾舒服，平時都好多同事嚟tea，大家不妨試吓

今日陪女友行街，嚟到德福廣場，坐咗shuttle bus去megabox 行咗個圈，買咗個背囊。女友想去德福睇戲，就坐返shuttle去返德福，落車後先揾啲嘢醫肚，就上咗五樓，成層好多嘢食，嚟到food court ，女友就揀咗食漢堡包，快靚正。我就幫襯間台灣嘢，叫咗牛肉肉燥飯同嗌咗杯青蘋果綠茶大大杯同女友兩份飲，牛肉份量好大份，好冧又够味，滷水味好香，值得一讚係肉燥，肥而不膩，仲有冬菇粒，送飯一流杯蘋果茶好大杯，茶味清香，果味均勻，唔會搶咗茶香。整體表現出色，好高勝價比

叫完嘢食等緊期間，有個員工出餐嗰陣掃跌咗一個膠碗落地，裡面裝住半碗牛肉麵嘅牛𦟌全部跌晒落地。見住阿姐就咁執返起堆牛𦟌裝落返落另一個碗度。第一下心諗好彩我無嗌牛肉麵，之後就諗可能其他食材都有同一遭遇，好可怕。嘢食質素嚟講，價錢唔貴，算大份，味道好一般。叫咗雞扒麵同炸魷魚鬚。炸粉超厚，好似食緊牛脷酥咁，湯偏咸麵幾好咬。但見完嗰一幕都無乜胃口..希望餐廳可以改善一下員工衛生意識，希望只係個別事件..

德福廣場美食坊都有好多選擇～中式、西式、日式、韓式都有～座位唔算多～不過勝在快囉今次試咗台南滷肉飯～肥瘦分明～唔會話好鹹～仲有半隻細滷蛋～一條菜心食咗冇影到～同埋兩片薄黃瓜～飯嘅份量適中～上面都有好多滷肉同滷肉醬～味道還可以三十幾蚊算係咁～ 如果跟餐多$11蚊有一杯大嘅珍珠奶茶都幾抵由於附近有Pepper Lunch成個food court嘅空氣指數都麻麻～好大油煙味～梳化坐得幾舒服～不過就好多人～如果想舒適傾吓偈～就唔係一個好好嘅選擇

一條友食lunch，公司樓下嘅嘢又食到悶，所以坐咗shuttle bus去德福，落車商場行多兩層有個幾大嘅food court ，都幾多位，入邊都有九個檔口，有burger，拉麵，三餸飯，泰國，四川嘢，炸雞，pepper lunch等等，都幾多嘢食。見間台灣嘢多人排，我都嚟試下。嗌咗個酥炸豬扒肉燥飯加杯凍珍珠奶茶七十蚊到，上餐時間都幾快。炸豬扒好大塊好鬆脆，肉燥好味送飯一流。杯珍珠奶茶正正常常，幾香滑，珍珠都好煙韌。行開呢邊會再嚟食

返埋今日又放三日假，lunchtime 同同事落公司樓下間food court 食飯，平時成日幫襯間三餸飯，見有人排隊，就轉左去格離間台式嘢，嗌咗個豬軟骨肉燥飯加杯點糖珍珠奶茶，出餐好鬼快等咗五分鐘就有得攞！同事食另一家四川嘢，好似等好耐咁我食先啦肉燥飯都幾足料，有三大件豬軟骨，燘很好冧好入味，咬落鬆軟冇渣，肉燥好香，有嚼口，有肉碎豬腩肉粒，仲有冬菇粒，口感豐富杯奶茶幾正，茶味香滑，不過好大杯飲唔晒，問收銀哥哥仔攞咗個袋袋返公司飲。等放完假再去格離𢳂個三餸飯先

間中要係九龍灣返工，今日同事推介去德福food court 食飯，12點半去到差不多冇位，好彩係啱啱有台走，我哋就坐低左。同事叫咗mos burger ，我同另外兩位女同事就order 咗台灣嘢，兩個肉燥飯同一碗牛肉麵，我食牛肉麵，湯底好够味又唔會太鹹，牛肉都切得幾厚，又好冧身，份量都够，唔錯我同事點咗個滷水雞髀肉燥飯，隻雞髀好大隻，佢話都幾滑同入味，見佢成碗清晒，應該都幾好味🤤另外嗰位嘅鹽酥雞肉燥飯，我夾嚟試下，都好脆，好熱，幾好👍另外半價飲品🥤好大杯，飲唔晒，唔記得影相😅下次再嚟時再補相

約咗幾個friends 去九展睇動慢，行下，𥄫下，影下，吹下，唔覺唔覺八點啦！九展仲係好乸多人，就同班friends 坐架免費巴士去德福揾吓有乜嘢食，落咗車入商場，五樓有個food court ，見好多人都過咗嚟食嘢，我哋都揾到位坐低，其中一個朋友話之前嚟食過，間台灣野幾好，我原來想食pepper lunch，今次就跟大隊囉朋友推介雞扒正佢幫我哋叫咗一個雞扒麵，一個雞扒肉燥飯，一個雞翼肉燥飯，一個台灣牛肉麵飲嘢有半價所以都買咗四杯野飲。雞扒真係幾好食外脆內軟，不過滷水雞翼先最值得推介，一客有四隻，size都唔細，滷得好入味，咬落好多肉汁我就飲咗杯紫薯鮮奶，奶味濃，紫薯滑，朋友就話蘋果綠茶好好味，入面仲有啲椰果蒟蒻喎！咁抵飲最後大家都清晒。下次再嚟九展一定會嚟呢度醫肚