古老燒鵝大王

营业中

休息中

影完比賽去搭車返屋企，經過就心郁郁，買左碗仔翅黎食（好邪惡）😈影張門面相，先發現改左名，以前叫燒鵝大王，而加叫叉燒大王+泰靚小廚。以前夜晚門面好大好多人等叫野食，而家又冇乜人，唔洗等就比錢走人，同埋小左好多選擇，如以前有湯牛肉餅，隔離邊位有串燒，而加就冇左😭😭一碗$30，個外賣碗睇落好似大碗左，但係實得7-8成滿😢😢😢唔知係見我樣衰唔畢滿比我，定係真係得咁多🥲呢間最正係有辣菜圃🤤，不過又係啦，同佢講想要多辣菜圃，但又係比1，2匙我，以前唔會咁少囉😭拎到返屋企仲熱既，碗仔翅加辣菜圃真係世一，好好好食👍👍不過一碗翅份量唔多，我一個人可以ko左佢，可能我太肥又大食啦😂😂

話說當日嘅心情就似嗰碗麻辣湯咁滾燙，就係要啲辣味黎抒解下！同蘿蔔雞腎拼埋，呢碗麻辣湯底兩餸麵真係「咁㗎嘛嘛」！那個麻辣湯底又香又辣，滋味爆煲😋。啖啖螺肉韌勁適中，啖啖雞腎鮮味十足，沾滿咗麻辣噴鼻的湯汁後，啊！成個口腔都係嗲辣同麻香，嗜辣嘅我就算流晒滿頭大汗，都一啖接一啖停唔到口🌶️。過嚟串燒部門，就要講下嗰燒得外香內嫩嘅燒雞翼。繞添，一隻燒雞翼輕鬆打得過去場難頂嘅辣，一隻又有啲微辣悶燒，咬落去皮脆肉汁多，全程「夾硬」。食完之後，成個人都興奮哂，所謂「夜深人靜」，但谷到咁啱味啲宵夜，簡直就係夜晚嘅小確幸㗎！💖就算唔系夜貓子，我都推介你地黎試吓！話晒宵夜美味黎襲，人人有份嘛！

🌜唔知大家有幾耐/有冇見過街頭嘅生炒糯米飯呢?🌛我對街頭生炒糯米飯嘅印象係來自果籽 (而家好似係過曬 @mm.millmilk )嘅 #飲食男女 專訪嘅嗰條片🍚🥓🌭因為其實我嘅童年已經係見證住末代嘅木頭車同埋走鬼文化嗰啲🏃🏻🏃🏻‍♀️🚲冇幾耐之後已經俾人ban曬所有木頭車，好似捉賊趕鬼咁趕走曬所有香港嘅文化同傳統🀄剩低嘅，只有一塵不染嘅街道，同埋冷漠無情嘅路人🛣我對生炒糯米飯實際嘅印象，其實只有細個婚宴埋尾嗰陣嗰一碟糯米飯係幾好食嘅，但印象唔深，再加上細個腸胃唔好，食少少好喇，難消化睇完有心人對香港僅餘嘅文化傳統同人情味以影像盡力捕捉存檔，自己都想去用口嘗一嘗呢一份人情味究竟有幾濃厚香醇🇭🇰機緣巧合之下，自己喺附近上完堂，周圍fool around,望吓都成10點幾仲有邊度有飯食😴望望吓見到有啲類似即燙嘅麻辣燙之類嘅街檔，好奇行埋去望吓wow😲哇原來都仲有好多野食😲有韮菜豬紅啦、雞腳啦、麵啦、仲有生炒糯米飯😲本住一個我好肚餓我成隻牛都吞得落嘅勇氣，我嗌完一碗麻辣燙麵😂😂食曬再嗌多一份生炒糯米飯😂🍚食完麻辣燙，解決左當務之急，ie.好L肚餓之後，終於可以品嚐吓成世都未食過嘅地踎街邊味🤓哇喺

平時半夜去食狗仔粉，都見到呢間燒味舖仲開門，出邊有啲人圍住買嘢食。望落好似好有風味，今日終於的起心肝去試食配合就嚟起好嘅巴士總站，條物華街變咗雙程路，難左搵位停車。不過遲啲大家去完夜蒲之後搭N車返觀塘就可以行去買。去到間燒味舖唔見有任何價錢，或者餐牌。見前面啲人就咁指住兜野order. 我都有樣學樣揀自己想食嗰碗。有牛丸就冇金菇，有金菇又冇魚蛋，雖然咁樣限制咗我哋點餐，不過非常之快，我再同佢講話要啲乜嘢麵，唔使5分鐘就整好俾你。返到屋企食，發現其實全部自己都煮到，冇乜特別，唯一煮唔到嘅就係佢個湯底，所有人嘅order都用同一煲湯烚過，個湯都幾有肉味，不過我唔排除佢有落味精，叫左小辣，食落個感覺有少少似譚仔米線。同埋佢個小辣都幾辣。重點：食物就咁攤晒出嚟，有啲唔係太衛生。不過我見煮左成幾分鐘，應該乜嘢菌都死。車仔麵冇乜特別，唔怕洗碗嘅人，不如自己係屋企煮。見到佢有田螺，下次可以試吓先

呢間小店係觀塘街坊介紹嘅，夜晚九點之後先會有糯米飯，麻辣粉面等等買。今日專程九點後過嚟試吓佢嘅糯米飯，去到小店都真係幾多人買緊佢嘅宵夜，我嗌左一碗糯米飯加臘腸，只係$30 ，性價比超高。仲要係份量好多，有啲菜脯粒，同花生粒加葱都好香。之前喺灣仔一間食糯米飯嘅都幾出名，一碗好細碗已經唔止$30 ，所以呢間真係好抵食，最緊要係平之餘都好好味。記住趁熱食，因為凍咗之後糯米飯就好容易黐埋一舊，同埋會有啲油。都幾建議觀塘附近嘅街坊可以揀呢間小店做宵夜。

經常過來食宵夜 ，有枱仔幾張比你坐，式者坐入面。平日白天係賣燒味，晚上轉宵夜檔。呢條街有幾間做既差不多，但最好食係呢間。 環境一般，衛生一般，同大排檔感覺差不多，喜愛打包返屋企食。去到深夜10,11點人流多 ，佢有一碗碗餸比你點，多數有菜菇蜆肉等等不同配搭，可以淨餸或加米線等，湯式麻辣好過癮。每次必點係生菜魚肉 同豬紅。

母親節屋企人早日已經同母親慶祝當天晚上只有我同媽媽我晚上收工回家簡簡單單在附近加餸就算了燒鴨半隻 ($60）廣式燒鴨講求皮脆、油多。吃起來肉質細密，就算是鴨胸肉。也不能吃到殘渣。至於這半隻燒鴨。仲未打開盒已滲出陣陣鴨香味。且件件份量充足。看來頗為油亮飽滿。而且鴨肉較為厚身，肥膏少肉多。質感紮實，入口皮脆肉嫩。仍然保留鴨香原味，肉汁鮮甜豐富。鹹中帶香，口感實在。唯一可惜的是伴鴨一起吃的酸梅醬。味道不夠清香酸甜。老實講醮鴨肉的醮料其實相當重要。正宗道地廣式燒鴨醮醬用的是梅子醬。是把紫蘇梅和陳皮。以及少許醋和糖等再加十多種材料一起熬煮。過程中必須不斷攪拌避免黏鍋。煮直到紫蘇梅煮到果肉軟爛入味為止。燒鴨醮著梅子醬吃，不但去油膩。而且更有提味的效果。令鴨肉口感更添嫩滑和清香。但這裡應該是供應商提供的包裝酸梅醬！提外話.......大家今晚想不到吃甚麼餸菜時。不防到這裏斬料加餸！算經濟實惠之選！

諗住買啲野今晚加送 油雞定白切雞 滷水鴨定燒鴨 好多選擇最後係買左燒鴨 $48好大盒 好多😮------------------------------一返屋企就偷食左兩大舊肉好厚 唔會肥膏多過肉😘皮唔脆但唔騷 唔會太油膩😙------------------------------我樓下得一間燒味檔 壟斷左個市場賣得勁貴 呢間真係抵食😋

SK已經幫襯過好多次，絕對係觀塘人既宵夜恩物！但小心咪去錯時間，皆因呢間店上午到晚上9點前都係擺燒味，到晚上九點之後先變身為賣兩餸麵，仲有魚蛋碗仔翅果啲。自選兩餸 $28 (加麵加$3)唔好以為係普通兩餸麵，枱面放左好多唔同配搭，例如螺肉拼豬頸肉, 雞腎拼雞脾茹等，一律都係$28，已經有埋蒽係入面，但如果兩款餸當中有肥牛就$33，當然，你都可以自己揀餸SK揀左果碗係雞腎拼魷魚腳，中意食辣既一定要點辣同埋要兩羹咖哩汁！咁既配搭既湯底可以話係SK食過最惹味既頭三甲！麻而辣，卻又帶點咖哩香同辛味，餸同麵都索哂啲湯汁，無敵！

依間燒臘檔1到夜晚9點就會黎個大變身。變做宵夜檔，有粉麵，九菜豬紅，串燒，糯米飯，碗仔翅，到秋天仲有大閘蟹。講到佢最正就係麻辣湯低，2餸1菜加麵（薯粉都唔駛加錢）都係$30，宵夜黎講算抵食。特別佢個麻辣湯係川菜果種。鍾意食辣野既人真係值得1試。

係魚翅魚肉,糯米飯之間我揀左後者..用平時食豆腐花外賣d碗裝滿的size ..先食一啖..覺得係ok d飯味..但就覺有d唔對路..到試臘腸就有5-6粒度..又係一樣同飯都算有味..但再整體食多幾啖..出事..知咩事..一直油林林咁送入口..食到就到底個陣直頭見成半筋油係底..我最後幾飯要靠自己嚼個陣G出黎d油..唔係真係好唔衛生..但都抵檔唔住油到爆攻勢..同食麵落勁多味精一樣..有損健康..總括而言..用油令到d糯米飯食落出味d..真係漠視顧客安全..唔肥佬你唔得!!埋單25$..真係哂錢....

十二月下旬‧晴在早前的食評中已提及這是個有趣的地方，早上賣燒臘，晚上就賣串燒及湯粉麵，還有的是糯米飯。天氣凍凍地，最好吃碗糯米飯。飯身軟熟帶黏糯，加入蔥花及花生又夠香。臘腸剪碎在其中，好吃。22元一碗，吃得飽的。今時今日，算便宜了。

早上是燒味店，晚上會變成宵夜天堂晚上九點才開，大家不要太早來啊!堂食環境不是太好，沒有冷氣的，如果夏天來食，真的有點熱，所以不多人堂食，大多數人外賣回家。糯米飯好好味，好香，糯米很軟熟。店員會問要臘腸、潤腸、臘肉。我只食臘腸，所以點了臘腸街外的臘腸一定不是靚貨，所以不必抱太多祈望，臘腸不太香，有大量白色的肥粒粒。糯米飯有得加菜圃好正呀!! 吃下有點脆脆口感碗仔翅一樣做得十分出色，雖然沒有用很多材料，但主要的湯底好夠味。稠度剛剛好，不會太稠，也不會太稀。魚肉也好食，軟身，但不會有粗糙的感覺。如果可以加多些木耳絲、冬菇絲就更好了

平日行過，見到門外卦住燒味相當吸收今日下午有時間又入去試試，下午一時多店内沒其他客人，求其坐下叫了碟燒肉切雞飯，好快到燒肉四舊，兩舊係沙梨篤，雖然大舊，沒有皮相當鞋口，另外兩舊超肥腩肉，皮少少靱切雞成隻雞翼，食落感覺好油雞皮面都看來十分油膩，似是塗上去的生油沒有雞油那種香味，雞肉算滑但是很淡味，因是雞翼位，所以骨頭多過肉呢碟飯認真麻麻，可能比部位的問題瓜如果吾係，切雞飯要雞脾加15元門口寫住燒肉都有四種價錢，最平果種沙梨篤四十元一斤燒腩肉最貴九十八元一斤反而個湯就好，好像我在佐敦食海南雞飯的粟米湯够哂鲜甜，可惜份量少，細細碗地方好細得四張枱，仲成日放滿了東西地下感覺好濕滑，服務除了落單，上飯湯埋單就自己出門口比$27一個午餐算了

十一月五日 (星期一)父母遠行，架架仔為期一週的無飯之旅展開原想到Ramen Champion趁熱鬧，無奈放工後已夜拖着疲勞的身軀回到觀塘，突想起這間老字號燒味店看店名，已知這裡賣的燒味都是用傳統的燒製方法去做賣的不是燒鵝而是燒鴨一般的燒味單併只售十七元，雙併也只是十九元!便得要命!點了义燒鴨髀飯，也只是廿七元!去哪裡找?回到家，鴨皮色澤光亮不只，皮下油脂也少，肉甚為幼滑味道也是豐富的鴨羶香，唯一不足，是師傅忘了附上甜酸醬，未能盡興义燒，色澤也不錯蜜味較淡，肉質也較硬，但仍有一點煙韌口感的下次，要試試這裡的燒肉和油雞廿七元有這樣的貨色，性價比何其的高，夫復何求!原是求其是但的一個飯盒晚餐，竟有如此驚喜星期一，想不到，也不再鬱悶了!