只 (已結業)

我5月9日下午準時1：45到, 例行公事是填紙仔啦, 由於入口位頗窄, 我哋問可以坐低填嗎？男店員答吾得 , 一定要填好先俾入 跟住又話吾可以2個人填曬一張紙 似學校d 亞sir！我見到窗口有空枱, 可以俾嗰張枱？ 男店員答吾得, 有人客訂咗, 我答我哋都訂咗架, 間餐廳當時只有2成滿, 但要我哋逼喺張4人枱後面 明明有訂枱但搞到好似 walk-in咁.我真係佛都有火啦！

朋友想搵個地方可以食下野傾下計 所以搵間靚靚地 坐得舒服ge食餐廳內裝修好舒服 文青style 食野之餘都可以同朋友打下卡我地叫左兩個set dinner有湯 有個主食 同有杯野飲今日湯就係洋蔥湯 本身自己都唔係特別喜愛洋蔥湯 所以覺得冇咩特別主食我地就叫左一個意粉一個飯明太子貓耳朵 本身自己好中意貓耳朵 所以見到有就一定會叫黎食 個貓耳朵硬度煮到岩岩好 加埋個明太子醬一齊食 好好味👍🏿炸雞南瓜飯 個炸雞炸得幾好 同埋個南瓜飯都幾好食野飲就冇特別 正常水準如果想傾計食野 尼到真係唔錯 坐得舒服 野食又幾好食 不過份量唔算好多 如果大食的話 就要叫埋小食先夠

因為同朋友都有啲小飽，所以決定係尖沙咀甜品當正餐，餐廳裝修很柔和，帶點文青少女風，仲有乾花裝飾，打卡一流呀！！自家製玫瑰草莓醬窩夫配冰淇淋 $76唔太甜啱啱好紅豆窩夫配冰淇淋 $76～呢個窩夫我很喜歡，外脆內軟，味道有點像雞蛋仔，我朋友話黑色係竹炭，紅豆唔會好甜，玫瑰草莓醬其實得草莓味，勝在佢自家製，有士多啤梨味，少少似M記新地個味。個雪糕建議極速食左佢，因為會浸淋左個窩夫就唔好食啦！！泡沫鮮奶焙茶 $58～好香焙茶味呀！！！好似第一次飲焙茶的latte，原來幾好飲，個味好夾，勾起哂對日本的回憶，好棍去旅行呀～～～！！！宇治抹茶（無奶）$58～適合唔飲得奶嘅朋友，有奶好味好多，**睇到隔離枱碟黑松露薯條好大碟好吸引**#要加一服務費#可以book位 ~不過我冇book

新年前想去市集，咁啱朋友放假，就約佢去市集前飲杯咖啡。呢間cafe我bookmark左一段時間，樣樣嘢食都好心心眼😍，難怪黎坐既都係一眾靚女。點餐都係開openrice既相比佢睇就直接嗌，店員話好多都係舊相，奶樽杯都冇再用，咁就等我黎幫手刷新下呢間cafe既食評啦！黎到只，重點我放左係野飲非野食到，雖然價錢略貴而且冇跟餐飲品半價呢回事，但無論你嗌咩每杯都係整得非常靚咁上枱😍。清楚見到杯野分三層，面頭仲會撒花😂，唔止外觀靚，味道都一流，抹茶撞鮮奶味道相當濃郁，而且唔會話有抹茶口感好粉嗰種情況，呢杯抹茶鮮奶我能夠比滿分，讚讚👏🏻。咁樣放跟托盤影，突出logo令飲品更日式🤤。而呢個waffle就有的咁多傷心。黑色waffle令整碟甜品顏色更出，係靚既，而咁啱我又配到豆腐雪糕，比起其他人嗌完配以不搭既是日雪糕我都算好彩，而waffle係脆身waffle唔係厚實嗰種，我亦鐘意，但個醬真係好酸，係梅肉嗰種酸，我搭上一口口cream同雪糕都解唔到種梅酸味，係好食既其實，但實在係唔啱我口味。淨係杯嘢飲已經值得黎試下一次，希望下一次發掘到其他啱口味嘅嘢食啦👏🏻。

只鹽燒蟹棒明太子貓耳朵即烤牛角包精選早餐宇治抹茶玫瑰鮮奶抹茶價錢💲: $98/ $118/ $60/ $58好味程度😋: 4.2/5服務🍴: 3.6/5環境🗾: 4/5性價比🥢: 3.4/5 (個一條蟹柳😞)回頭率😚: 3.6/5-尖沙咀多野食係人都知，樓上都有好多cafe架，今次就去左呢間只。平日十二點幾去，見得老闆一個人咁，所以落單出單一腳踢，等的時間都幾耐下🤭 不過都幾啱同朋友坐耐小小傾下計。-我地叫左個鹽燒蟹棒明太子貓耳朵🐱 貓耳朵好似貝殼粉咁，入面裝到好多汁，又有咬口，個人幾中意呢隻粉。明太子汁好夠明太子味，好濃稠，完全包到啲粉☺️ 食落好creamy。蟹棒只有一條😱 雖然食得出係高質蟹棒，但得一條真係接受唔到，2個人都要切一半🥲 -另外叫左個all day breakfast。呢個係我小數會讚的all day breakfast。薯餅香脆，煙三文魚有2大片，腸仔都係好食的豬肉腸，好juicy🥰 炒蛋就老左小小，面頭有大pat黑松露醬。最好食係佢既牛角包‼️用牛角包唔係多士已經抵讚，佢仲要係好脆！係好鬆脆😆 烘得好夠，好好食。-飲品就叫左宇治抹茶同玫瑰鮮奶抹茶。2杯都正常，但宇治

收工後需要與朋友一聚，被這裏的環境和薯條吸引了過來！只 是間樓上cafe，地點在尖沙嘴近Poly，十分方便，只是入口需要花一點時間找。上到餐廳，雖然地方不大，但環境算很好，剛好坐到沙發位，更是舒適。食物方面最吸引的是黑松露薯條！連續叫了兩碟，份量足又香又美味超正！另外都非常推薦明太子蟹棒貓耳朵，明太子味好足！跟餐有蘑菇湯、餐包和飲品，價錢適中，飲品更是有很多選擇！最後一坐坐了3個鐘，舒適環境果然適合聚會~

尖沙咀📍樓上愜意西式Cafe約咗幾個朋友敘下舊🌞又左搵右搵搵著咗依間入口唔顯眼嘅樓上Cafe仔🤣 上到去第一眼睇落去店面有啲單調同舊舊地嘅感覺😗芝士菠菜煙三文魚奶油濃汁意大利粉 $92果然係奶油濃汁 一食勁重奶油嘅味 同埋鹹味🤪...不過食多幾啖就冇咁鹹 煙三文魚嘅雪藏味有啲重...🥲鹽燒蟹棒明太子貓耳朵 $98食得太多明太子味嘅product 基本上一色一樣都係嗰啲味 同我想像嘅感覺一模一樣🌝就係食多兩啖又好膩嘅味道 香烤櫻花蝦新鮮大蜆牛油香蒜意大利麵 $92依個朋友見到係廚師推介就叫咗 個結局係十分悲慘🥲雖然個名叫做新鮮大蜆 但啲蜆一啲都唔新鮮 😔食上去係好重嘅蒜油味 又係偏鹹 食咗兩啖已經唔想再食🙃甜蜜蜜柚香蜜糖雞翼 $58依個雞翼應該係我叫過嘅嘢入邊之中最好食 叫做有啲香脆 同甜甜地幾好食 但比起我之前食過嘅雞翼 都唔係話特別出眾整體來講我覺得既然餐廳環境已經唔太好的話 食物至少都要好食先至會令到人哋冇咁失望🥀但事實證明 而家間嘅食物質素有待改善 小編覺得相比起佢嘅好評同熱度 有點兒名過於實😔同埋提提大家依度只收現金💰只 (尖沙咀)地址：尖沙咀加連威老道66-76號威華大廈4樓

朋友知我鍾意食明太子意粉，所以推薦我試吓呢間喺尖沙咀嘅黃cafe～佢係喺小巷入面嘅舊樓樓上，喺最佳盛品酒店隔離，第一次去嘅時候有啲難搵🤪。不過食物真係幾高質😍，又幾抵食，我哋應該好快會再翻兜！提提大家，午/晚市都有最低消費額㗎，唔太餓/陪朋友食就要考慮下了～. ▪️鹽燒蟹棒明太子貓耳朵 $98▪️推薦💛未試過咩係貓耳朵🤪，但原來口感煙煙韌韌好特別，好有咬口好正😱，每一粒都撈勻大量明太子醬真係停唔到口🤤，配料仲有紫菜、菇、鹽燒蟹棒，不過蟹棒就好普通冇咩亮點。▪️水牛城雞翼配藍芝士醬 $58▪️醬汁唔會太辣酸酸地咁都幾開胃😳，反而芝士醬冇咩味被蓋過咗🤔，不過佢嘅雞翼係單骨雞翼而且好肥美好大隻，整體上係好食嘅😍▪️大滿足黑松露薯條+松露醬 $58▪️推薦💛薯條新鮮炸起好脆口，呢隻薯條係粗薯比較大條，仲要炸完加咗黑松露喺面，再點埋黑松露醬超滿足😍🤤▪️唔太甜啱啱好紅豆窩夫配是日冰淇淋 $76▪️窩夫份量都唔少架😳，邊位好脆口但入面又好鬆軟，紅豆黎講真係同個名一樣唔會太甜🤣。嗰日嘅雪糕係抹茶味，好香好濃日式抹茶味🍵唔係平價雪糕，而且同紅豆好夾！仲有啲黑糖醬同cream，配埋超好食💛

在朋友的介紹下認識了「Zi 只」，餐廳位處比較偏僻，不是由朋友帶領的話，估計也很難找到。穿過小巷後，走進一棟舊式大廈，按下按鈕到四樓，打開𨋢門就到達了今次目的餐廳。餐廳以白色木系風設計，比起新式咖啡廳，整體感覺更像一個舒適小窩。甫進門口，店員便以親切的笑容向我們打招呼，並介紹該店的特色食物－貓耳朵。貓耳朵其實是意粉的其中一種，因造型與貓耳相似而得該名，形象同時亦有點像小小的貝殼，口感較硬身及更有嚼頭。我們分別叫了四個套餐：芝士菠菜煙三文魚奶油濃汁意大利麵超多雜菌蜜糖芥末蘑菇香草醬貓耳朵鹽燒蟹棒明太子白菌貓耳朵特級芝士忌廉汁紫椰菜貓耳朵四個餐份量不少，味道屬水準之上。而且貓耳朵坊間比較少見，賣相不但好看，而且亦非常有特色，值得一試。另外加HK$35，可加配套餐，包精選餐湯、餐包及一杯四十元以下的飲品，我們就分別加配了玫瑰鮮奶抹茶、蜂蜜柚子紅茶、白桃紅茶、泡沫鮮奶焙茶。每款飲品也茶味十足，當中玫瑰鮮奶抹茶及泡沫鮮奶焙茶的造型較為特別，非常合適打卡。

朋友介紹我到這家位於尖沙咀的樓上cafe。它位於某舊式大廈樓上，位置有點隱蔽。經過那大廈殘舊的升降機和大堂，再進入cafe，就像到了另一個世界一樣。內裡的裝修走輕鬆的風格，大窗旁邊是一列長長的沙發，擺滿了咕𠱸，很有家的感覺。餐牌就是簡單的一頁紙，食物選擇不算多，另有drink list，以咖啡和茶為主。因為是午餐的關係不用吃得太豐富，我只點了一客芝士波菜煙三文魚奶油濃汁意大利麵 （名字很長）。它賣相吸引的，剛煮好熱辣辣，嗅到陣陣香氣，令我垂涎。三文魚嫰滑而充滿鹹香，份量亦多；波菜新鮮而甜美；意大利麵條煮得軟硬適中、有嚼勁。意粉汁極多，變得像湯意粉一樣，白汁香濃令人開胃，但欠缺芝士味。各方面不過不失，但我們座位附近就是一道鐵門通往平台，鐵門外觀不美觀，旁邊放了地拖和水筒，顯得格格不入。

尖沙咀文青裝潢Cafe🙆🏼‍♀️ - 只～～～～～～～～同幾個朋友見面約咗喺尖沙咀，上網見到呢一間Cafe裝修好似幾靚，亦聽朋友講可以坐耐啲都冇問題，所以就決定book呢間食個晚飯☺️🍝鹽燒蟹棒明太子貓耳朵 $98🍝好特別地呢間餐廳除咗普通意粉之外仲有貓耳朵呢一個選擇，好少食貓耳朵嘅我決定叫一個明太子貓耳朵嚟試一試。一上菜就見到佢份量都唔細👶🏻食落明太子味都幾出，醬汁算濃郁，幾掛到上麵到，可惜就係蟹棒得好細份，亦冇咩其他配料，食落有少少齋🙌🏻🍵熱泡沫鮮奶抹茶 $56🍵另外加咗杯嘢飲，價錢都唔平🙊🙊不過一上到黎見到有個靚拉花～心情都好啲哈哈😆飲落抹茶味唔會太濃，鮮奶嘅味同抹茶味平衡得幾好，亦唔會甜，係我中意既種類😂感覺野飲比野食更出色🙆🏼‍♀️除咗嘢食之外，餐廳內部真係幾靚，亦坐到好耐，最後坐咗大概三個鐘先走😆～～～～～～～～味道😋：7/10價錢💰：6.5/10服務💁🏻‍♂️：7/10環境🪑：7.5/10

呢間樓上cafe主打日式工業風，店內盡是黑色鐵書架、乾花、鎢絲燈泡，冷硬質感非常討好，當然立即就約友人去打卡！至於食物方面，不是一般café常見的意粉或pizza，而是有一點特別的料理！好像和洋風明太子貓耳朵，除此以外還點了黑松露蘑菇意大利飯！兩樣主菜都不過不失！飲品方面亦配搭新穎，有特別得蘋果山楂花之類的飲品！酸酸甜甜10分有驚喜！用餐了兩個多小時都沒有人逼我哋快啲還枱！尖沙咀啲咖啡室通常都好爆，所以如果論食物質素和環境質素來講，呢間Cafe真係超級推介

位於尖沙咀嘅·只Zi cafe·經常full book🥺 👧🏽今次提早訂位終於試到啦💕上到去發覺空間比想像中細👀裝修簡約清新 好有屋企嘅感覺🤣平日中午walk-in都有少量座位~🔸黑松露薯條($58)🔸鹽燒蟹棒明太子白菌貓耳朵($98)🔸泡沫鮮奶焙茶☕️<熱>($58)🔸泡沫鮮奶朱古力🍫<熱>($60)貓耳朵意粉最有驚喜💕醬汁好豐富好creamy 調味啱啱好 夠惹味又唔會太咸/辣😋 蟹棒如果大件少少更好🙈薯條份量適中 每條薯條都沾滿黑松露 不過味道唔太突出 主要靠個黑松露醬👀飲品分別叫咗焙茶同朱古力鮮奶🥛兩杯嘅味道可以再濃啲🙈 價錢都唔平 不過勝在熱飲好大杯🤣拉花都幾靚本身想試埋個waffle 可惜去到已經賣曬🥺得番蛋糕 有點失望...整體驚喜不大👀環境就幾舒服 梳化位夠闊落😆(順帶一提✍🏼 由於餐廳只有兩位店員 繁忙時間可能要等耐少少 落單同俾錢都要自己行出去講🤫 而且餐廳本身並冇內設洗手間 舊式樓宇衞生又一般 呢點就爭啲🤧)－－－－－－－－－🍴食物：3/5🏝環境：3/5🛋服務：2.5/5 💲價錢：3/5💥翻兜指數：2.5/5✨CP值：3/5

尖沙咀隔涉但好chill樓上café今次叫咗好多嘢，就講最深刻嗰幾樣吖首先小食我就推介甜蜜蜜柚香蜜糖雞翼雞翼係單邊雞翼食落好方便，同個汁好夾大家都知我一定私心推薦明太子薯條薯條就有少少香料但係夾埋明太子就好襯睇openrice貓耳朵好似係必試超多雜菌蜜糖芥末蘑菇香草醬貓耳朵黎到比我想像中無咁多"菌"貓耳朵嘅特色係佢可以裝住啲汁跟住喺個口到爆啲醬出黎夾埋蜜糖芥末酸酸地，食完都唔會覺得好滯九層塔小雞唐揚牛油南瓜RisottoRisotto好香牛油味，雞都炸得好脆好薄皮兩樣個別都好味，但係好似唔係好夾我覺得如果換咗做海鮮，蝦同埋帶子可能會好啲最後叫咗仲自家製玫瑰草莓醬窩夫配是日雪糕身為一個唔係抹茶fans嘅我見到是日雪糕係抹茶味有少少失望不過反而有啲驚喜，可能因為佢隻抹茶偏甜夾埋個醬，好清香嘅玫瑰味，唔係假糖漿味窩夫邊脆脆地但係入邊軟林林同埋好大份，食晒小食同主食嘅話一定要share(提番呢度可以電話book位同都係只係收現金喔~)

💛黃店💛位於四樓< 只𝓩𝓲 > 一間文青必去嘅樓上cafe 鋪頭入面嘅小擺設有用心設計過 完全係文青打卡位📸 另有戶外座位 同樣有花牆靚景 雖然地方不算大 但有一種休閒嘅感覺ᴾᵘʳᵖˡᵉ ᴮʳᵒᶜᶜᵒˡⁱ ᴼʳᵉᶜᶜʰⁱᵉᵗᵗᵉ ᴵⁿ ³⁶⁻ᴹᵒⁿᵗʰ ᴾᵃʳᵐᵉˢᵃⁿ ᶜʰᵉᵉˢᵉ ᶜʳᵉᵃᵐ ˢᵃᵘᶜᵉ $⁹⁸啱哂一班vegetarian🥬貓耳朵採用頂級小麥🌾食落好有口感 而且加入好濃厚特級芝士忌廉汁🧀不過紫椰菜花味道偏淡💜🥦但整體味道好滿意🥰³⁶⁻ᴹᵒⁿᵗʰ ᵃᵍᵉᵈ ᴾᵃʳᵐᵉˢᵃⁿ, ᴾᵒʳᶜⁱⁿⁱ ᴿⁱˢᵒᵗᵗᵒ $¹⁰⁸呢個都係素食之選🥬牛肝菌再配上36月熟芝士 味道香濃又唔會太膩🍄🧀意大利飯亦都使用傳統意大利手法 米芯偏硬 所以需時等候一段時間 味道亦都一流👍套餐可⁺$³⁵升級 包括精選餐湯🍲包🍞同埋$⁴⁰以下飲品 (可補差價)ᴳʳᵉᵉⁿ ᴹᵃᵗᶜʰᵃ ᴸᵃᵗᵗᵉ ⁽⁺$²²⁾面層泡沫口感有少少似奶蓋 奶味香濃 亦有一陣陣抹茶香味🍵額外再加燒棉花糖⁽⁺$⁴⁾口感再提升一個層次⬆️ᴴᵒʲⁱᶜʰᵃ ᴸᵃᵗᵗᵉ ⁽⁺$²⁴⁾同抹茶差唔多 但焙茶比抹茶更濃郁☕茶味