台南皇麵線 (已結業)

那位女店員木無表情地問我是否喺度食，我話係。跟住我立刻問是否紙碗，因為驚喺度食嘅話佢會俾要洗的碗我。佢好不耐煩細細聲答（其實不肯定佢係咪答）反正應該係表示係…卦。咁算喇，佢咁惡我費事追問，跟住見佢“畢”時用普通碗，我就話要紙碗，佢就停手望住我大聲講：“係紙碗㗎，小姐！” 哇，態度衰到呢。唔想做唔好做喇。如果你們想享受女店員黑面無禮對待就去試下啦！

有冇人同我一樣去到台灣必食既唔係馬辣、富宏，而係一碗阿宗面線？諗起我都留口水但我眼見珍奶、肉燥飯、鹽酥雞遍地開花既香港，卻遲遲不見台式面線既踪影。香港既美食市場傷透左我個心。好彩！係我閒來去葵廣覓食之際，係熙來攘往既三樓，發現左佢！大腸面線（大碗）（$32)好好食！掌握到台式面線既水準，有89成似我朝思慕想既阿宗😮係返左鄉下既感覺！多謝老闆完全冇揸流攤咁專業呈現到真正台式面線應有既水準，又冇吊高黎賣。大家快d 去支持下飲食界既清泉😂由其葵廣既租不是非一般既貴，等佢生意好的我先有得長食長有。

難得嚟到葵涌廣場見到有呢個麵線就試吓啦！點知嘢食未到手都已經一肚氣啦！我都只不過想買個麵線食啫！點知我排排下隊有個女人打我尖喎，😡仲要店內職員望住佢打尖， 都可以唔理照樣比去買先！🤬 嘩我已經嬲到呢！都算啦就照樣買返自己嘅嘢食啦，點知買嘢食嗰個收銀男人，態度都係極差！真係嬲！嬲！嬲！淨係個態度都唔需要我再返去食啦！再講佢個麵線真係好一般！佢雖然好足料， 但係呢個味道唔足以令我要返轉頭再食！味道偏鹹，加上唔好食！88！😑😑

行葵涌廣場，到晚上餓餓地到3樓搵野食，太耐冇行之下，好似多了唔少新野，行過見到呢間台南皇麵線，貌似阿宗麵線，好似幾吸引，加上又想食暖野，即試下了。 大與小碗。 考慮要咩配料呀。 蚵仔麵線(小)，$25，唔知味道如何，叫左碗細來食下，蚵仔的份量適中，賣相飽滿，好味，幼細的麵線，口感爽滑，湯底稠身，香濃味道，幾好味呀。 大腸麵線(小），＄25，友人的，試了大腸，幾好味呀。 下次可試大碗了。 葵芳葵富路7號葵涌廣場3樓85A號舗

一向係尼間麵線fans，除左好味令人回購之一仲有男老闆非常親切有禮貌，其他人都大概ok無乜特別。但今日打算再買時，有位後生女收銀無論落單找錢態度都勁差，但都算$2x-3x野唔求有幾好服務正常就ok。但佢比左張好霉爛真係好殘既一張$20紙我，我望一望麻煩佢可唔可以換另一張我，但佢竟然反白眼🙄️...其實有禮貌對住尼d人真係嘥氣，其實學生妹你如果你只係暑假打下工既話，麻煩真係做埋今日好啦，唔好阻住開舖嘅老闆搵錢，仲試圖掩飾自己做錯既態度真係令人無言，有膽做無膽認。

今日又黎掃街, 呢間麵線位於葵涌廣場3樓。要左一碗細既柯仔麵線, 微辣 , 麵線好幼滑，配料份量比較少,如果加多少少會更加好!配料有莞茜, 菜脯, 蒜粒, 菜脯好爽口,莞茜雖然好少份量, 但系已經令成碗野好香🍲但唔知系咪岩岩煮好太熱既關系, 我覺得個碗好大陣發泡膠的味道(我有d怕呢陣味)，麵線都幾好食, 好有台灣風味🍜雖然好好味, 但有味精, 食完有d口渴, 但呢到都有好多野飲埋，好似去左台灣夜市咁😅諗諗下好耐都無去過台灣, 真係想走返轉。

在葵芳看看有什麼新知，不知道這間麵線是不是新開的🤔，但是之前未試過。看到店員用綠色膠碗盛載，還以為現場食都是用這種膠碗，但原來膠碗只是用來調較份量，之後給你的也是用小紙碗，一來不環保，二來失去了風味。小與大像沒分別😂😂當年在西門町，就是汗流浹背😰，熱燙燙的站在街頭，或者坐小凳吃麵線才有風味。這個麵線，份量也不算太少，麵條都與西門町那些差不多，口感好像不算差別很大。如果以這個小的大腸麵線來說，其實份量也不少，大腸可以說是網網千斤。葵涌廣場還有冷氣，雖微弱，但亦不像到西門町那麼酷熱

初初見到呢間鋪頭，諗住試下佢既麵線，點知見到佢寫住「月見魯肉飯」，個名幾特別就即管叫個黎試下！原來「月見」即係溫泉蛋，係原隻蛋分開上，到食個陣自己先再打隻蛋落去碗飯到！講真都幾大碗，魯肉都多，味道唔太咸，啲魯肉有唔少肥肉，幾惹味！加埋隻溫泉蛋估唔到都出奇地夾！如果想食魯肉飯既朋友，可以不妨黎試下！由叫到有得拎五分鐘都唔駛，超快！

呢碗麵缐係我慕名而來的，聽朋友講呢間麵缐嗰老板係台灣過冮龍，全間鋪基本上只買麵線店員都非常親切有禮耐心介紹。正好呢度有唔同辣度，我選擇咗細碗薇辣，事關要留肚食其他野掃街賣相好得，食落去同台灣嘅有九成相似但係感覺到啲味精，搞多兩搞就好似有啲出水添，要一啖一啖慢慢食會好啲，不過係好好味，仲要幾抵食＄23細碗，食晒飽咗大半

見到葵廣開左間台灣麵線 好似好正宗就去試下叫左個32蚊既赤肉羹麵線（大）小辣等緊既時候就一路睇佢裝d 麵線俾其他客人發現大size 只係多細size around 2啖到細size 用細碗 都有9成滿但大size 用大碗 得8成滿咋如果唔係望住佢裝俾我 我真係以為佢食左幾啖先俾我細size 又只係25蚊, 所以7蚊都係多2啖 加多兩啖叫個大既 值唔值得真係見人見智麵線又真係幾好食, 似台灣風味 呢個係值得一讚我本身都鐘意蒜味, 呢個蒜味都幾重, 食完個口仲有陣蒜味留左係到但係個肉羹就mama 地 因為肉既表面太多粉

葵廣近來新開了一間小店－台南皇麵線，獨沽一味賣正宗台灣麵線，口味跟台灣的阿宗麵線激似，吸引不少「思鄉」的港人來葵廣潮聖。對於不少港人來說，台灣旅遊的初心回憶，阿宗麵線定必榜上有名。那些年遊台必吃的街頭小食，那爆紅的程度是，曾經在旺角街頭也阿宗麵線的縱影。雖然不是人人喜愛阿宗麵線的重口味，但每到台北我都會吃碗阿宗麵線來回味一下。台南皇麵線在葵廣食街最當眼的位置，最人氣的台食阿佳拌麵就在附近， 兩家路線不同相信不用正面交峰。雖然這家開業才數個月而已，但由於賣的是本地少見的台灣麵線，很快就在社交網站竄紅起來，也吸引了極愛阿宗麵線的我，在葵廣芸芸眾多的選擇當中，獨獨光顧了台南和麵線。麵線的配料除熱門的蚵仔、大腸外，還可選赤肉羹、花枝丸等。小碗麵線才不過25元，大碗麵線32元，葵廣價位算是相當抵食。每碗由年輕的店主即叫即做，麵線放進配料後加進莞茜、蒜泥、烏醋、辣醬，就像阿宗麵線的配方一樣，成品看起來相當對辦。這蚵仔麵線($25)跟阿宗麵線有七八成相似，阿宗麵線偏重口味，大量的佐料，當然味精也是少不免的，吃起來是百味紛陳。皇麵線的版本是在面層撒上莞茜、蒜泥、辣醬、烏醋，不過佐料份量都是由店員配好的

🍜📸#tagnshare葵涌篇……………………💰大腸麵線(大: $32 小:$25)🤤 高妹又去掃街啦! 試下人氣麵線先🧐大腸係醃過既好入味，麵線雖唔夠熱，湯底幾鮮也不錯! 一定要加佢既辣菜脯，少少辣爽口好味道👍🏻價錢進取左dd啦😜🙋🏻高妹小編……………………👇🏻地址👇🏻台南皇麵線 (葵芳)葵芳葵富路7號葵涌廣場3樓85A號舗

睇黎葵涌廣場3樓就黎變成台灣夜市🤣新鋪頭叫台南皇麵線，係又一戟隔離💁🏻‍♀️主打手工麵線，岩岩新開選擇唔多，得3種，分大/細size，可揀辣度🌶🥢大腸麵線🥢肉羹麵線🥢綜合麵線貪心既我揀左綜合小辣，咪睇佢細細碗，配料都唔馬虎，主配料大腸同肉羹都各有4-5件，第一啖食落口勁似食緊八瓜魚丸汁⁉️原來落左木魚😂其餘配料有黑胡椒、榨菜、炸蒜等等整體黎講如果主配料多多一兩舊會更理想，不過味道酸酸辣辣咁幾岩我胃口👌🏻

去到台灣必食既大腸麵線, 返到香港成日都掛住,奈何係香港食左幾間都唔太似台灣食過既味道____________________🔹大腸麵線(大) $32一般大腸麵線既湯底都係用蚵仔加柴魚片熬煮再勾芡而成, 我唔知呢度有無咁足料喇, 但食得出湯頭幾鮮味, 比起其他香港食到既算係做得最似台灣, 不過重口味既我都係覺得可以更濃味.大腸滷得好入味, 淋得黎有咬口, 剪碎左好易食, 而且洗得好乾淨, 又唔會痴住好多肥膏, 唔錯. 份量無去到啖啖都有, 不過都唔算好少.麵線好幼好滑.最後再加上香菜(莞茜), 菜脯, 蒜粒, 同阿宗麵線真係有7,8成似.大碗食完都真係少少飽, 如果都係唔夠, 都仲可以加料: 大腸，花枝丸，蚵仔，肉羮

去台北的話，我一定去食麵線羮，而且仲係晚晚食。貪佢飽肚得嚟又易消化，第一次去台北食麵線羮，係幫襯“阿宗”，事隔多年仍念念不忘。坊間好多所謂嘅台灣料理，好多時都中伏。即使係正宗台灣人主理，佢哋嘅麵線羮都唔係自己想“尋回嘅味道”，直至响葵涌廣場搵到佢！皇麵線冇兼賣其他小食只賣麵線羮，但你可以加大腸，花枝丸，蚵仔，肉羮…… 可能因為專注嘅關係，當你第一啖食嘅時候，腦海中就會發出“叮”一聲！係佢喇！係多年前嘅味道！湯底甜中帶鹹加微辣，係有鮮味嘅湯頭。麵線非常幼滑，加上勾芡，造就如此美味嘅麵線羮！想加餸的話，大腸係最強烈推介！大腸洗得好乾淨冇雜味。用鹵水鹵煮入味，但仍然保留爽口彈牙。相比開店初期，大腸份量明顯多咗好多，相對抵食咗！蚵仔係細細粒，花枝丸係碎上，其他配料幾一般般。價錢方面由$23~$36 不等，响葵涌廣場嚟講屬中位數。大碗比細碗多一半，抵食好多。要食就預咗等，一般等5~10分鐘，但個人覺得如果店員專注啲快手啲，唔好停晒手唔知等乜咁，其實可以更好。