臺味冰點

营业中

休息中

「臺味冰點」係屯門海麗花園一間主打台灣家常菜嘅小店，裝修雖然簡單，但感覺親切，幾適合街坊或者返工一族嚟度食快捷晚餐。價錢平實，用料實在，啱晒想試台式口味又唔想荷包傷嘅人。餐牌主打台灣特色小食同家常飯，好有地道感。環境方面，地方比較細，但座位間隔尚算唔迫。即使係晚市繁忙時間，效率都唔錯，等食時間唔會太長。煎蓮藕餅肉燥飯呢碟煎蓮藕餅肉燥飯擺盤好吸引，三塊厚實嘅蓮藕餅係主角！入口即感受到蓮藕嘅清甜同爽脆，唔單止食到蓮藕粒，仲多咗咀嚼感。煎得香口但完全唔油膩，仲有少少焦香，明顯係用心整嘅。至於肉燥，味道雖然唔算突出，但勝在配搭白飯啱啱好，食得出係正宗台式風味。埋尾再加埋青豆角，整體均衡又健康，幾值得一試！鹽酥雞翼炒公仔麵炒公仔麵係唔少人嘅 comfort food，呢款加入鹽酥雞翼就加咗啲新鮮感！雞翼表面帶少少鹽酥嘅香氣，雖然冇平時食炸雞皮嘅酥脆，但反而食得出雞翼肉質嫩滑而且夠入味。公仔麵炒得唔錯，配埋洋蔥同椰菜絲，帶有微微焦香，醬汁同配料比例恰到好處，每啖都好惹味！但整體嚟講，雞翼份量可以再多啲，咁就更完美啦！「臺味冰點」係一間平實有誠意嘅台灣小店，唔需要華麗裝修或者花巧嘅擺盤，用家常風味就

午餐時間選擇了臺味冰點呢間茶餐廳，餐廳燈火通明，不過空間狹窄點，私隱度較低，加上午市時間客流量比較較大，需要等候約15分鐘才可入座，但侍應們態度熱情，會盡力協助食客安排座位。臺灣牛肉拼雞扒飯$50臺灣牛肉是紅燒牛肉，紅燒牛肉約有八粒，肉量算多，但肉質較韌，至於雞扒則煎得金黃酥脆，亦算大塊，但肉質不太嫩滑，肉汁也不多個飯略帶酸甜味，非常開胃，但好少汁，所以令整個飯較乾身，飯量亦算多，最後食剩了不少飯。凍奶茶叫了少冰少甜，呈上的凍奶茶亦配合要求，奶茶帶點台灣奶茶風味，奶味較甜

臺味冰點一直都係我返工的飯堂食過咁多次都未厭終於都肯的起心肝寫個食評呢間店舖頭細細唔算多枱平日食飯都要等位最近食咗煎蓮藕餅飯配排骨酥，揀咗洋蔥汁蓮藕餅係我呢間鋪嘅最愛，厚厚嘅肉餅入面包住有咬口嘅蓮藕碎肉餅咬落好爽口反而排骨酥有啲硬朋友叫咗XO醬炒豬扒公仔麵豬扒略嫌有啲乾柴但公仔麵炒完香得來又好惹味其實呢度嘅食物份量大算好抵食有時候食唔哂又可以放落飯盒食多餐有機會再講吓呢間嘅肉燥飯同飲品又係值得一試

如果大家有留意開都知我成日食呢間餐廳, 咁絕對係基於佢實在太好食同太多款式, 食極都仲有新野我寫。今次就叫左呢個臺灣排骨酥肉燥飯, 其實次次黎都想食左佢個臺灣排骨酥, 因為炸野夠曬香口, 但又怕佢太乾身, 所以一直都無叫, 但今次同個姐姐吹水, 佢話怕乾咪叫埋肉燥, 搭住食, 會好好多, 唔會太乾, 既然係咁我就叫黎一試啦。首先佢嘅臺灣排骨酥, 係即炸嘅, 即使我外賣食, 都仍然feel 到佢啱啱起獲嘅熱氣, 外脆內嫩, 肉汁係口入面嘅噴發, 絕對無得彈。再者佢嘅肉燥又真係香噴噴, 好好餸飯, 令到我最怕嘅"太乾"唔會出現, 姐姐認真無推介錯。

喂，講真，今次嚟到呢間茶餐廳，簡直係有啲過癮喎🤤！當我啃落去個西多士，外皮香脆得嚟又唔會油膩，啖啖滿口，軟熟嘅牛油同煉乳掩都溶埋喺度，真係好心满意足。跟住我再試埋個魚蛋粉，啊！講起嚟啲魚蛋Q彈得黎有彈性，粉絲又滑又入味，啲汁料竟然香滑嘅不得嘞，啲味精真係冇得頂。而且店員好有善，我問佢有咩推薦，佢仲耐心同我介紹每款都有啲咩特色，真係好貼心。玩完手機，一望，咦，竟然已經食咗成個鐘，但係件事情甜甜哋，份量十足，整體嚟講食得好開心，啱晒平時想輕鬆食個午餐嘅你我。下次約埋街坊鄰居都嚟試下，保證你攞住個碗食得啖啖笑呀😄👍！

呢間台灣野，係我每次諗唔到食咩都會入去嘅餐廳，唔係代表佢唔好食啊，係代表我食得太多，食到唔知食咩好今日因為想食多啲肉，所以就叫咗個臺灣牛肉雞扒飯食。佢一上枱牛肉同雞扒已經散發著誘人的香氣，讓人一聞到就感受到美食嘅誘惑。其次再望一望，佢嘅牛肉竟然係牛腩，起初叫嘅時候仲以為係普通嘅肥牛或者少少牛肉碎，點知佢竟然比牛腩，呢度已經係一大個驚喜。呢個牛腩肉質鮮嫩多汁，經過慢燉的過程，肉質更加軟嫩，入口即化，唔會太過死硬。牛腩的外面嘅汁已經滲透入肉中，帶來左濃郁嘅口感同深厚的味道。雞扒就整到外酥內嫩，外層嘅雞皮酥脆，內部肉質鮮嫩多汁，每一啖都能夠品嚐到雞肉嘅原汁原味。

起初，媽咪聽見朋友推介，位於屯門海麗花園商場地下的 <臺味冰點>，抵食夾大件， 她原先打算星期日中午買外賣給我們！所以，我建議平日夜晚一起落去食吓，可以每人點不同款式食物，可嚐試哪些款式較好？！Menu平日夜晚，不論堂食抑或外賣，都多人幫襯！相對地，店內坐得比較迫！煎蓮藕餅炒烏冬 $57可選配：黑椒汁、蒜蓉汁、茄汁、豉油蓮藕餅是香口惹味之選！ 烏冬炒得均勻入味，最緊要食落沒有酸味！臺灣牛肉飯 $52牛肉份量多， 而且軟嫩多汁！口味幾似吉野家！秘製雞扒飯 $45單是塊雞扒，已經交足貨嘞！豬扒燴意粉 $50 兩大塊豬扒，入味又多汁！單是意粉彈牙，質素總比敏華冰廳好得多！熱飲以厚身不銹鋼杯盛載，份量也不少呢！台式肉燥飯 $51+$1 外賣包括：蘑菇、豬腩肉切粒、香濃入味！一盒飯的份量，足夠我們兩母女食午餐！雜扒肉燥飯 $56+$1外賣包括：1塊豬扒、1塊雞扒、2條腸仔；飯量很多！ 這份量足夠我跟媽咪兩母女的午餐吃到飽！豬扒肉質軟柔入味，雞扒厚肉卻不嚡口，腸仔的味精略為重口味！ 蒜蓉汁有提味作用！熱奶茶口感香滑順喉，茶味濃郁！

住附近街坊真係有口福！可能附近多樓盤開，中午時段食，見到好多地盤工人幫襯，午餐非常大份，普通女仔一定食唔晒，記得要叫少飯，唔好浪費呀！豬扒大大塊好鬆軟，蓮藕餅都好惹味，送飯一流！CP值高！

今晚没有煮飯，去了屋企附近的臺式餐廳，這餐廳最好是泊車在路邊，餐廳裏可以望到有冇抄牌，我進入時間係18：30餐廳裏人不算多人所以不需等位，我一家三口叫了三個餐。 1.秘製雞扒肉燥飯$50 2.臺灣鹽酥雞翼肉燥飯$50 3.豬扒炒烏冬$55秘製雞扒肉燥飯賣相吸引很大碟溫度又夠熱，雞扒超大塊、肉質很滑，肉燥味道很好帶有少少甜味。臺灣鹽酥雞翼肉燥飯賣相一般但味道很好，份量算多有雞翼5隻，另加肉燥送飯超好胃口 豬扒炒烏冬 賣相一般但味道很好，朱扒夠淋烏冬份量也算多，價錢亦算正常

呢間餐廳我由中學食到大學畢業到出黎做野，想平平地食飽啲就會想食佢😋因為佢啲麵丫飯丫，全部都好大碟，味道又唔差。平時我就最鍾意食肉燥雞翼飯，雞翼有成4 5隻，煎炸得好香脆🤤

臺味係呢區都有唔少選擇，但講到老字號，非臺味冰點莫屬。餐牌設計得幾簡約，主要分為扒飯、肉燥飯、辣飯及其他，總有一款岩食。我考慮咗一排食雞扒定豬扒好，突然諗到 Why not both? 什扒飯只係比雞扒飯/豬扒飯多$4，同時可以食晒兩款扒，仲加多兩條腸，感覺都唔錯。什扒飯 $47一上菜就俾件扒嚇親，好彩個日空肚食午餐，所以經過一輪苦戰都食得晒，無浪費到任何飯菜。豬扒夠淋、夠入味，雞扒相對遜色，純粹將外皮煎香上碟，調味無豬扒咁出色。腸仔就一般般，$4加多兩條，當係Bonus就好。

呢間係呢區出名高CP值嘅台灣餐廳。叫左個唔辣台灣牛肉雞扒新竹米粉 $48大大碗，晚市黎講好抵食。雞扒好大塊，唔會太乾話者淹到太鹹。 牛肉煮得好軟淋入味。唔好以為唔辣湯底會淡某某，佢一樣好濃味，新竹米粉好掛湯，成碗麵呢個價錢黎講好高質，仲包餐飲。

呢間次次行過都好多人等 等外賣又有 等堂食又有 一於今次去試下我地差唔多夜晚8點半先去食 唔使等位都唔錯 入到去 感覺餐廳環境比較迫 因為疫情又加左膠板 望落仲迫 所以我地搵左張檯無人坐 費時搭檯 店員服務尚可 會主動幫你點餐 又無話催你落單咁 都ok 我地叫左兩個飯 分別係雞扒肉噪飯 同埋蓮藕餅肉噪飯 呢個餐包埋野飲先至$50 午餐晚餐同價 佢食物都幾多元化 有肉噪飯 有意粉 有炒公仔麵 有麻辣湯麵 不過我見d人多數叫肉噪飯同埋湯麵個飯一黎到我地嘩左一聲 d飯多到點食得哂 男士可能食得晒 我建議女士可以叫少飯 相對肉噪就少d 但其實都好夠撈飯 肉噪唔似台式肉噪 似港式多d 雞扒都好嫩滑 好入味 蓮藕餅好夠味 口感都唔錯 都爽口 佢煎得唔太焦 無咁熱氣 但相對無咁香口 似家庭式既藕餅 再叫左一人一杯熱檸水 熱檸水最怕佢個皮苦澀 但佢既檸檬唔會 總括嚟講 以呢個價錢埋單 都算係不錯

受街坊歡迎唔係冇理由嘅台式餐廳👍 今次嚟到屯門海麗花園食台灣嘢，我想講係呢間小店確實好受街坊歡迎，竟然係等外賣嘅人仲多過堂食，結果我哋食咗一個蓮藕餅肉燥飯同埋一個排骨酥肉燥飯，呢個餐係50蚊仲包嘢飲，真係大大件夾抵食，蓮藕餅一直係我必叫嘅，變得非常香而且唔油，份量亦夠足👍排骨足足有五塊，我覺得排骨嘅味道啱啱好，唔太鹹亦都唔會油淋淋，而且肉燥同飯嘅份量仲要非常之多，仲要有菜。整體嚟講乾淨企理，性價比滿分🙌

有誠意嘅茶記！秒製雞扒肉噪飯，雞扒大大塊，雖然唔食雞皮，不過感覺到煎到塊皮好脆，但雞肉仍然嫩滑入味。肉噪個人覺得肥肉較多，不過菇味香濃，一粒肉都無食剩。$48份量十足，有機會一定會再嚟。