台灣郎 (已結業)

愈黎愈多台式復古風格裝修嘅餐廳，今次就同姊妹黎左呢間食，有上下兩層，入面仲播放媽媽年代台灣歌曲，懷舊風格更特出。高雄夜市蚵仔煎 $88 好大塊，望落好似好濕咁，仲諗緊會唔會好淋一劈野咁，但食落又唔係個會事，反而係可以一塊塊咁夾到，唔會好濕又唔會好乾爭爭。仲要好足料，好多蚵仔，啖啖都會食到，最正係點埋個醬酸酸甜甜，呢個真心推介。廟口肉燥飯 $35唔想食咁油膩就揀肉燥唔揀魯肉，呢個就比較一般，唔夠香，味道都較為啖口，下次試下魯肉先，可能會好味啲。台灣紅燒牛肉麵 + 薑母茶 $88呢碗分量唔少，四舊牛好淋身，仲有各兩大舊白/紅蘿蔔，都係好淋好入味，湯就好濃牛味，唔辣唔油，好好飲，而麵就係扁身，質地彈牙。套餐有以下呢幾款，其實係加多幾蚊有埋杯飲品。佢有得儲印仔，每$50就有一個印，一個月內儲8個就可換當$50用，岩哂住係附近嘅人。

本身天后已經好多野食…甚至係好野食呢間值得一推款式好多，眼花繚亂唔知揀乜好，咩都好想試炸雞粒…海鮮新竹米粉…豬軟骨…牛肉飯先望到個炸雞粒…笑左用雞型既籃裝住，好得意都炸得好香口，脆卜卜米粉好入味，煮得唔會太硬豬軟骨個肉太多，我鍾意多d 軟骨可以咬下instead of 啖啖肉個牛肉係最遜色，好油膩，連作為蘿蔔既配菜都唔想食…美中不足……飲品有幾多都好養身架紅棗茶…蜜糖薑茶…後者比較辣，幾足料yea ...珍珠奶茶仲可以叫多奶... 滑啊！

只是路過那裡, 很多的食客, 也讓我想嘗試一下。 午餐套餐很抵食, 分量大小對一個人來說剛剛好而且很多選擇。我選了山葵燒汁野什菌, 鹹酥雞, 新竹米粉湯, 珍珠奶茶還是手工製作的, 水吧里造的珍珠奶茶是手搖的呀! 欣賞他們都努力製作而且士氣高。值得支持的小店。 

好朋友請我食生日飯，我梗係遷就佢係佢公司附近食，放假也刻意過海等佢有機會請我，我幾有誠意飲品偏甜，但珍珠ok既，淋既(我喜歡)我既套餐，雜菜沙律(份量大新鮮)熱既白飯，微暖既香菇微暖既豬軟骨(淨瘦肉，D肉好實)，骨在何方，難道用72小時慢煮，煮到D骨溶晒，老實講我係為左食骨先叫它比返D骨我麻麻地，食吾到鮮蚝仔味，仲要有殼，難道有殼代表新鮮？炸魚比較硬身，醬汁太甜吾知係咪炸過火，定本身它地係甘既出品，D肉乾爭爭硬掘掘，我老啦，牙不受力，食吾到幾小塊里餐飯認真伏，食物吾得無人招呼，難得它仲有D客，好嘢!要珍惜你現有既客人食完里餐，吾夠两小時我和朋友都肚餓，又要食多餐生日飯食到我甘伏，都無幾個

上次男友請我食，今次到我請返未來老公食喇。講緊既就係天后呢間台灣郎。鎢絲燈，好文青喔。圖文並茂餐單易揀野食公雞碗好別緻!最後我點左個最愛的台灣紅燒牛肉麵。大大舊紅燒牛肉，入口啖啖都係肉，份量都唔少。而且口感好有層次，湯底味道香濃，除了有紅蘿蔔，原來仲有白蘿蔔。<<台南魯肉飯>>滷肉汁出色，魯肉大大粒，肥瘦均勻，口感唔錯，飯都好軟韌，又夠熱。<<高雄夜市蚵仔煎>>大大塊，蚵仔份量多，跟蛋的比例恰到好處，入口好香蚵仔香。台灣餐廳當然唔少得台灣飲品，而且呢度種類多，配合返台灣美食真係剛剛好。

為左美食，台灣定時定候總要去下，話就話好近，但都唔可以咁任性個個月都去，要食台灣味道，香港都有唔少正宗餐廳，台灣郎就係其中一間呢間餐廳的裝修充滿台灣風情，吧檯的一角好有夜市的感覺，餐廳有兩層，所以都幾多檯唔怕等位要等得耐套餐都幾抵食，唔想諗咁多野就最好叫套餐珍珠奶茶 (套餐 - $8)珍珠奶茶基本上係必飲，同樣地可以選擇甜度同冰量，這裡的珍珠QQ的唔會太硬，奶味較濃紅燒牛肉麵套餐 ($88)牛肉半筋半肉，湯底微辣，麵偏粗身，份量好多，由於無味精，湯底可以好放心飲用酥炸五香雞卷 ($38)呢道小食幾特別，食落唔係好似雞肉，有點食腸仔的感覺，但就比腸仔更香口四物螺頭燉鴨湯 ($128)呢個湯真係好濃好值得試試，所謂四物就係熟地黃、白芍、當歸及川芎，維基所講，只要有血虛症狀，男女都可以喝，而且有補血調經的效果，可減緩女性的經痛，燉鴨仲有滋陰的作用，呢一大碗咁補的湯，飲完都覺得自己健康左

平時都好少過嚟天后，咁啱同朋友嚟到就搵咗呢間叫台灣郎嘅餐廳食吓，點知又幾好食！我哋叫咗以下幾樣嘢食：滷肉飯：個滷肉汁好好味，同埋啲滷肉比較大粒，肥瘦交錯，口感唔錯，飯都好軟熟四物湯：四物湯係一個黑黑嘅湯，用鴨嚟煲，鴨肉煲到好淋，個湯都幾香刈包：個包入面有啲花生粉，加埋肥豬肉呢個配撘好好，好味 😋蚵仔煎：好大塊，幾抵食滷水拼盤：拼盤好大份，有豆乾，大腸，雞腎，雞翼同蛋，每樣都幾入味鹽酥雞：啲雞炸得好脆，同埋唔太油膩總括嚟講呢間餐廳嘅嘢食質素唔錯，下次嚟天后都會再幫襯！

每次令到我想去台灣嘅都係當地嘅美食。但唔係每次都可以即刻飛過去，所以我哋成日都會喺香港搵一啲可以令到我哋有去到台灣感覺嘅餐廳。有一日去開天后嗰邊，見到附近有間台灣餐廳好似幾有台灣嘅味道，所以我哋就即刻去試一下。天氣咁熱我哋加即刻帶咗兩杯嘢飲你自己講吓溫先。飲品都係好傳統嘅台式飲品味道唔算十分驚喜。首先上枱嘅就係鹽酥雞粒，雞粒炸得十分香口，而調味亦都唔會過濃味道啱啱好，食完都唔會好口渴。再嚟就係肉燥飯，味道適中，但略嫌唔夠油香。分量細細碗，可以食多啲其他嘢。食台灣嘢又點少得炸花枝丸呢最後又加多一個鳳梨甜酸蝦，雖然份量比較少，但係味道不錯。想食台灣嘢又多一個不錯嘅選擇喇！

初頭覺得好細碗 但原來食落都好飽😂係台灣既味道👍🏻飯夠黏超多蚵仔 基本上蚵仔多過蛋漿 超足料🤣蚵仔粒粒飽滿 好鮮味四物湯 超級推薦👍🏻味道清甜 好有住家既味道 好明顯個湯好夠火候 配料好入味仲要啲肉好淋 十分好食！我地湯同渣都清晒🤤滷水拼盆 滷得好入味 由其是my fav大腸😋刈包！！記得以前係台東食過一試難忘 今日有幸再見返佢 好興奮！同台東既味道係一樣 中間有塊肥肉配啲好似花生粉 甜甜的😋包皮亦好軟熟鹽酥雞 大推之二👍🏻外脆內軟 雖然係炸但食落唔會油膩 雞肉好嫰滑同有肉汁 同行朋友足足讚左三次好味🤣👍🏻係我小時候初接觸珍珠奶茶既味道 所以覺得十分好飲 唔會過甜 珍珠又超級超級彈牙！正👍🏻

本身自己就好鍾意食台灣菜，見到西環開咗間新嘅台灣菜就心思思想去食。入到餐廳成間餐廳都有台灣夜市嘅特色，裝修都幾有心機，值得一讚。我哋午餐叫了一個自選套餐，我就覺得好抵囉。套餐我哋叫了山葵燒汁野什菌。啲雜菌我覺得幾好食清清淡淡，唔會太重味，好適合一啲健康嘅人。主菜我叫了72小時慢煮豬軟骨，豬軟骨煮得很軟熟，很入味，應該是煮了很久的。軟骨都煮得很軟，我很喜歡。至於面我們叫了新竹米粉湯，這個米粉湯不太特別，是適合喜歡清淡的人，湯頭大小小的甜，肉丸比起其他丸出色。另外我們叫了台灣紅燒牛肉麵，這個牛肉麵我本人非常喜歡，湯頭有少少的藥材味，令帶小小蔬菜的甜，去到最後成碗湯都比我飲晒，好想言之這個湯有幾好飲。還配上彈牙的面真的是絕配。但略有不足的是牛肉，我略嫌牛肉未煮得夠耐可能我自己偏向喜歡較軟的牛展。蘿蔔也是我最喜歡的蔬菜。此外，我們叫了這餐廳出名的蚵仔煎，這間餐廳的蚵仔煎，是比較港式，有很多蚵仔還有陣陣的蛋香，比起台灣的我還是喜歡這間。最後我們叫了珍珠奶茶和茉香奶茶，我自己比較喜歡抹香奶茶，喜歡那種種茉莉花味。珍珠奶茶卻比較遜色，是港式奶茶加珍珠不是台灣那一種比較多奶香的。

突然好想食台灣野,所以約埋朋友一行4人去天后-台灣郎 呢間餐廳有2層,但檯唔算多,有說國語的台灣嬸嬸招呼我們,好期待食物是否有台灣的風味牙!!紅燒牛肉麵:食台灣野點少得呢豌鎮台之寶,有好大舊的好甜紅蘿蔔同白蘿蔔,重點主角-牛肉,好淋身,唔會硬,容易咬,麵質彈牙,湯有好濃郁的牛肉味,好入味,好好味!古早味三杯雞:一碗滿滿的飯,一碗滿滿的雞,雞肉嫩滑,汁好濃味,伴飯一流!高雄夜市蚵仔煎:好大的一碟,而且好多蚵仔,沒有煎燶,好食!香酥炸醋肉:雖然是香酥炸,但唔會好熱氣,亦炸得不乾,鎖住肉汁,有驚喜!澎湖小魷魚:點會普通魷魚咁簡單,佢入面係釀左D野,是魚春?汁是好濃味,要伴飯才行!秘製香烤雞排:呢塊雞排好好食,皮脆肉嫩,不用多說,必食!!台灣野梗係要嗌台式飲品我就嗌左杯仙草奶茶有一粒粒涼粉中和返D 甜味唔錯

天后係肥妹仔近排成日去嘅地方，咁啱肥妹仔喺天后做完嘢，就約埋肥爸一齊去呢一間台灣店到食晚餐!一入到店舖除咗畀佢嘅充滿古典味嘅裝潢吸引住，佢重播住一啲舊台灣歌，頓時覺得去番咗去以前果d年代咁。鳳梨甜酸魚塊  $78其實除咗鹽酥雞酥炸排骨之外，食台灣嘢都有好多選擇。肥妹仔我就揀咗呢一個鳳梨甜酸魚塊嚟食，佢嘅魚塊係炸到脆卜卜嘅魚柳， 魚塊下面鋪了很多鳳梨，上面就淋上了甜酸汁，魚塊食落去爽口彈牙，不錯。澎湖小魷魚  $98呢一個澎湖小魷魚肥妹仔我覺得好好食，首先先講佢嘅醬汁，佢嘅醬汁應該有少少芥末醬，食落去有少少刺激，但又唔會好辛口。而佢嘅小魷魚係原隻小魷魚，最特別嘅係佢入面係有一啲類似魷魚卵，食落去口感好紮實，入面唔會空了了。紅燒牛肉麵  $88首先呢碗紅燒牛肉麵份量好多，除咗有紅燒牛肉之外，仲有四大件紅蘿蔔同白蘿蔔。佢嘅牛肉滷得非常入味，肉質唔算好柴，而佢嘅蘿蔔就煮得非常軟淋，入口即溶!佢嘅麵條屬於扁身面條，口感煙煙靭靭，連埋紅燒湯汁一齊食，正。

在天后地鐵站附近 有台灣郎 好台灣的， 感覺老闆和店員都係台灣人隨便點了幾個菜 有些都係第一次食醋炸肉 d肉用 鎮江醋醃過所以即使用 肥肉 都唔會太油膩高雄 蚵仔煎我未去過高雄 唔知係咪正宗但入面有好多 蠔和青蔥 和 較硬身係同其他style 有d不同牛肉麵 超正！ 牛肉 紅和白蘿蔔都好淋和入味麵又彈牙湯底仲 好羅宋湯feel！ 三杯雞 香口 但最受歡迎的竟然係 蒜頭～ 喜歡食的那兩個人話好甜喔香烤雞排 都非常出色肉汁豐富 嫩滑個皮 卜卜脆澎湖小魷魚 不理膽固醇 都要試試 魷魚 淋身 不怕太韌 咬不開 啃親入面仲釀左d 魚子 個汁帶甜又有d wasabi 多重味道和口感一齊 非常深刻

走進餐就聽到台灣式國語的打招乎，餐廳裝修也很有台灣味道啊！因為下午茶吃得太多，所以沒有點太多食物，要惜食吖！避風塘炒時蔬今日的時蔬是油蜜菜，用上避風塘炒，非常多炸蒜，有少許辣椒，但一點辣味也沒有，好親民。炒得有鑊氣。紅燒牛肉麵其中一款能代表台灣的美食，湯底好重味，不論牛肉，配菜，麵，都份量十足！一啖麵，一啖肉，食不停口。蘿蔔，紅蘿蔔非常入味。牛肉非常淋，有少許筋，好味。古早味三杯雞又一重口味的菜式，用鐵鍋上菜，熱辣辣。雞肉不太滑，有點失望，但是味道香口，酒味適中，不會過重，也不會太咸，如果有一碗白飯好更好！

香港有不少食店販賣台灣風味，不過感覺總是缺少了一點點的，像是香港製造的台灣食物，不太正宗。台灣郎那些七彩顏色的燈箱寫上食物名稱，感覺像台灣夜市一般的，一下子好像身在其中似的。店內播放著台灣鄉土歌，店員的廣東話亦半鹹淡，台灣風味十足。顧客大多點上麵食或飯食套餐，從麵食餐牌見有紅燒牛肉麵、阿嫲大碗米粉湯或慢煮豬軟骨麵，三款都很吸引，就叫上其中兩款。鼎香滷水拼盤滷水拼盤有雞蛋、雞翼、豆腐、牛肉及大腸，附上一碟帶酸味滷水汁，滷水拼盤上的食物切成細細件的，滷得很入味，兩人很快就吃光。阿嫲大碗米粉湯此米粉乃傳統主食，份量真的很大，材料很多，有大蝦、帶子、蟹棒、花枝丸、肉丸、牛丸及少量生菜，加上個人大愛的爽口米粉，又是一款難得的comfort food，食後感覺樸實。紅燒牛肉麵台灣麵食中紅燒牛肉麵當然不可或缺，牛肉用上金錢展，入口略瘦但依然軟腍適中。牛筋比例不多，炆得火喉十足，不會太軟或太硬，煙韌彈牙，表面亦清潔乾淨。麵底用上粗麵，配上藥材加牛骨熬製的湯底，食味不俗。仙草奶茶 百香果綠茶套餐加八蚊可配上特飲，仙草軟腍，很容易用吸管吸食，感覺上比珍珠奶茶健康得多，卡路里大減，奶茶味道亦不太甜。