台灣郎 (已結業)

同朋友約左係天后食晚飯，就選擇左台灣郎。價錢好平民，我地兩個女仔叫左好多野食，都唔過$300！鹽穌雞粒，炸出來好香脆，絕對冇好厚粉既口感！而且陣陣椒鹽味，好野口！魯肉飯，只係$35碗，份量絕對唔細！而且好足料。台灣野就係的的色色，可以滿足我呢d眼闊肚窄又貪心既胃食人士😋炸雞翼，好貼心地將雞翼一開爲二，方便進食。味道，一個字！正！好香口，又唔肥利碎蛋薯仔沙律，口味creamy而又好清甜，份量適中，係心機之作！重頭戲，花支丸！台灣野來講，好食既花支丸絕對不能缺少！根據食過無數粒花支丸既我來講，呢粒花支丸絕對係一試難忘！食得出係由新鮮花支打成，入口彈牙，有鮮味！

最近都無乜過台灣搵食一路同fd都好想響香港都食到地道既台灣菜同小食之前試過幾間 一係味道麻麻 一係要排好耐今次終於碌下碌下搵到間就腳既台灣小店當然要試試佢！呢間店響天后 咁岩同fd都去開果頭見到門面都覺得幾有興趣一揭menu即刻諗 d野食咪就係我日日心心念念果d野食？！見都唔需要點等位 於是就即刻入去佢個menu都有幾多選擇 而且都係常見的台灣地道小食入面都坐得舒服 原本坐坐下覺得有d焗同店員講左聲 即刻開大左少少冷氣比我地 好貼心我地兩個人 但對住個menu勁吸引 樣樣都想叫結果就叫左兩杯野、兩個小食同兩個飯d野一上枱即刻好擔心食唔晒因為比我地想像中大碟好多 但係又唔算貴 呢點都大大加左分我叫左個台南魯肉飯 d魯肉大大粒 味道唔錯 超好送飯 呢個價錢黎講真係好抵！朋友就叫左慢煮豬軟骨飯燘得好入味又嫩 而且個飯整得好靚配埋個汁簡直一流！至於兩個小食亦一d都唔差 兩個都係HK$88就大大碟 絲毫都無偷功減料兩個人食完都要捧住個肚走用咁抵既價錢終於搵到間比較地道既餐廳了！！已經同fd約好下次要再黎encore一次！

天后多食肆眾所週知、偶爾週末都會到那裡吃lunch ，發現了這間台灣郎。中午時份差不多滿座、好多住附近的街坊食客、我們又入去試下。推介美食都不像平時常吃到的、看似是十分地道的台灣美食。72小時慢煮豬軟骨麵 $68豬軟骨炆得好稔、湯底較清、麵條滑身幾有咬口。+$8 有珍珠奶茶很久沒有吃到蚵仔麵線、記掛著西門町那麵線的味道、點了這裡的台灣郎蚵仔麵條 $58。份量超多的、不是我預期吃的湯羹、這個沒那麼濃稠、而且麵條較有口感、有不少蠔仔和豬腸在裡面。經典台灣香腸$58 甜甜的烤得好美味。上湯浸時蔬 $65 真的用上上湯、娃娃菜好鮮嫩、完全是家的味道啊！

呢日lunch 行咗去天后搵食，去食牛肉麵～紅燒牛肉麵套餐 $66有薯仔沙律 + 鹽酥雞 + 滷肉飯～ 一次過滿足晒 3 個 願望～仲包埋野飲，唔錯～我對炸雞抵抗力係零～紅燒牛肉麵餐 $88份量都唔少！ 都幾大碗下～ 望落d湯顏色咁深，以為會好咸，點知湯好濃蘿蔔甜味，好以入口，飲晒都唔覺得口渴牛肉同蘿蔔都燜得夠入味，唔會太軟/太硬，剛剛好。酸菜掛o係麵上面，正～澎湖小魷魚 $98好惹味，有d似三杯雞味道，有九層塔香味，好適合跟飯食～ 廟口包 $35裡面有一塊五花腩，邪惡之選～桂圓茶 + 珍珠奶茶 （跟餐）

嘩，近排朋友台灣癮起，次次都拉我去食台灣菜，試了不小，今日來到天后食台灣郎，排隊啊，這間來頭不小，不想排隊要早到。這間裝修好地道，沒有加入港式元素，入左去讓你感覺去了台灣一樣，店員是台灣人，聽到有不小食客都是台灣口音，心想，值得排隊了。很喜歡這間店的裝飾，濃濃的台灣味，深色的木台凳，地方不大，但感覺溫暖。餐牌好多選擇，仲有要預約的私房菜，小食非常多，名字都是熟悉的夜市小食。高雄夜市蚵仔煎$88蚵仔煎是台灣地道小食，蚵仔非常足料，份量多，加上蚵仔、蔥花及蛋的配合，味道及口感很豐富。蕃薯粉份量恰到好處，入口滑溜，又不會給蚵仔搶去味道。古早味三杯雞飯$78好惹味啊！$78一個套餐有埋野飲，而且白飯配牛油炒什菌，有心思，三杯雞酒味不太濃，但絕對有鑊氣，每件雞都入味，味道濃，配白飯最正，份量不小。台灣紅燒牛肉麵$88 呢碗紅燒牛肉麵，牛肉多又大塊，入口軟腍又層次分明，數一數有5大塊，白蘿蔔，紅蘿蔔又大舊又清甜，湯底又夠濃，仲有梅菜，好特別。麵質口感煙韌，吸曬湯底的精華。酥炸五香雞卷$38朋友以為是雞肉，店員說這豬肉，台灣叫法是雞卷，五香味濃，炸得香口但不會覺得熱氣，肉汁多，配甜辣醬更是滋味。跟餐

👫熱愛台灣嘅我地今次嚟到天后，介紹一間正宗台灣地道美食餐廳😍 餐廳好有台式風味，別出心裁嘅裝修加上播住台語歌，令客人置身台灣咁👍🏻一一一一一一一一一一一一一一#台灣馳名鹹酥雞 <$78>鹹酥雞份量都幾多，連雞皮一齊炸，食落好香脆❤️味道唔似平時食嘅鹽酥雞咁大嚿，反而咁樣先炸得均勻，件件都皮薄多汁，唔會乾身👍🏻.#古早味三杯雞 <$128>賣相唔錯，連煲仔上熱辣辣到噴煙，而且仲好香😳除咗雞之外仲加咗好多配料，所以好惹味😍雞肉幾嫩滑，不過有少少細骨，食嗰陣要小心啲🤔.#台南魯肉飯 <$35>魯肉比較大塊，肥瘦參半，香口宜人😋仲有半隻滷水蛋，都幾入味🤟🏻魯肉汁加珍珠米撈飯真係一流，唔油膩之餘仲好正添🤤Btw如果多啲肉汁撈飯會更正😆.#懷舊香菇貢丸湯 <$35>貢丸有3粒，好彈牙同埋好重菇味❤️飲落好香好清甜，無咩味精味，好正☺️.#蜂蜜綠茶 <$20>正正常常，無咩特別🤔.#蜂蜜金桔 <$15>比出面嘅蜂蜜金桔甜🍊一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一

現今手機當道，每個人每分鐘都攞住部電話睇，今日就去中央圖書館，尋找幼時書本的味道。之後就去了附近的台灣郎食個遲來的午餐。朋友的熱蜂蜜綠茶及我的珍珠奶茶，奶茶茶味不太濃，反而奶味較重，但$20杯都幾抵飲。小食是我最愛的台灣馳名鹹酥雞，以雞造型的籃盛載，炸得香脆，雞肉嫩滑。另一個小食是鼎香滷水拼盤，有豬大腸、雞腎、豆腐、雞翼及蛋，全部都滷得入味且香，大腸中間的油脂去掉，洗得乾淨。兩個人一齊食了一碗紅燒牛肉麵，份量頗多，有五大舊牛𦟌，腍中帶點咬口，麵質彈牙不糊口

友人知道我老公喜歡吃台灣美食，便介紹我們來位於天后的台灣郎吃午餐。台灣香腸是我老公最愛💕，台灣香腸切片，配上生蒜片，味道更香又美味。台灣風味小食，蚵仔麵線小不了，估不到小小台灣郞可以做到這麼地道，鮮、香、甘甜，味道一流。讃👍🐥⭐⭐⭐⭐⭐午餐($66)：有前菜、主菜、飯、飲品前菜：油醋雜菜沙律，雜菜配上油醋令我胃口大開。主菜：醎酥雞，外脆內軟，份量剛剛好，好味😋😋😋飯：滷肉飯也是少不了的台灣味道。嫩、滑、滷水汁超甜，好味讃👍🐥⭐⭐⭐⭐⭐飲品：茘枝乳酸爆珠，茘枝味道濃郁，爆珠酸酸甜甜，正👍🐥⭐⭐⭐⭐估不到小店有咁精采嘅台灣菜食，我10分推薦。👍🐥⭐⭐⭐⭐⭐️

今天天氣不錯，又不會太熱，去了大潭水塘行山，之後過了去天后那邊食午餐，下午差不多兩點，依然全場爆滿，等了約十分鐘才有位。午餐$66樣樣都有齊，而且價錢便宜。其他食物都不貴，款式亦地道且多。午市套餐有娃娃菜、鳳梨糖醋魚塊及廟口肉燥飯。魚塊炸得香脆，肉燥飯不油膩，加上滷蛋很入味，送飯一流。阿嬷魯豬腳飯豬腳炆得入味且腍，醬汁充滿骨膠原，食完嘴脣很黏，豬腳入口溶化，而且不油膩。高雄夜市蚵仔煎蚵仔煎有點似蠔餅，這裏就比台灣的無咁厚粉，蛋漿比較多。香芋珍珠奶茶芋香味濃，珍珠煙韌。

台灣郎已經是第二次光顧，食物質素分毫沒有下跌，而且今次所選的菜色實在非常出色。水蜜桃乳酸爆珠($20)甜度適中，每爆珠入口都將甜味提升一下，消暑解渴良品台灣四神湯一上檯已經香氣四溢，精神為之一振，入口味道鮮甜而不膩，用料充足，消滯祛濕，非常適合夏天飲用。酥炸五香雞卷外型賣相吸引，外層炸得酥香惹味，入口帶點蔥香，而肉質滑而不膩，再沾醬汁後味道再提升一層次。72小時慢煮豬軟骨豬軟骨經過長時間的慢煮後，味道已經由外至內充斥於全部份，軟骨及筋位已經完全軟化，入口可以輕易咬開，而且味道久久不散，醬汁帶點薑醋味提升食欲，而底層的蘿白吸收肉汁後極為入味，非常出色的一道菜。山葵燒汁野雜菌飯淡淡的山葵味不濃不淡，入口輕輕刺激口腔，雜菌味道濃郁，兩者配合下雙得益彰。鳳梨甜酸蝦球香脆彈牙，爽滑入口的蝦球，外層甜酸惹味，令人食欲大增，蝦肉新鮮煙韌，底層鳳梨惹味可口，配合非常得宜。叫了這麼多的食物，價錢都只不用400元，實在非常超值，而且環境服務都令人非常舒服，實在值得再一次光顧。

蚵仔麵線 $58麵線係台灣名物之一 台灣掃街我都幾常幫襯呢間台灣菜館既麵線量多餸足 大腸蚵仔都唔少 有別於常見既迷你份量 直頭可以當正餐餸既味道ok 麵湯就好似淡左啲 食食下先發現無落醋 所以差咁啲雖然份量幾豐富 如果可以有細碗既選擇就更開心 因為可以留肚食幾他台灣菜! 紅燒牛肉麵 $88牛肉麵同魯肉飯都係台灣菜館既signature 主食二揀一之下就叫左碗麵再加配其他小食驟眼睇價錢唔平 上左枱先發現肉又好蘿蔔又好 份量都又多又大舊牛肉麵頗彈牙 跟既湯底都夠味 當然對鍾意辣既本人黎講如果有香辣揀就更加正牛肉幾厚身 好在食落唔會過韌 蘿蔔好好食 大大塊好juicy 配料蔥花都落得多 所以話個價似乎體驗左係餸料上雖然唔夠台灣地道牛肉麵咁重口味 都可以一試馳名鹹酥雞 $78雞 全部都係雞 因為真係好多雞雞熱辣辣整好 有一貫鹽酥雞既水平 外脆內軟 最得意係用隻公雞籃裝起啲鹽酥雞粒 present幾有心思雖然兜香口野好食 不過都要一提 份量實在超多 如果唔想浪費最好開心share高雄夜市蚵仔煎 $88呢份蚵仔煎賣相似中式蠔餅多過台灣既蚵仔煎 不過係咪高雄果邊既蚵仔煎特別啲就唔sure味道方面 其

在天后探個朋友，之後一齊去附近的銀幕街台灣郎的晚餐，店舖的牆上貼了一個個店舖的特色菜式菜牌，在水吧的位置有飲品的燈箱，餐廳是統一使用公雞碗，播住一首首的懷舊金曲，有種感覺似入左去台灣的老小店。香芋珍珠奶茶 ($20) & 百香果乳酸爆珠 ($20)，這兩款可說是台式飲品特代表 --- 珍珠奶茶 和水果茶，不會太甜，而且水準都可以的。高雄夜市蚵仔煎 ($88)，這份蚵仔煎蠔仔的成份也不少，而且每粒的蠔仔都脹卜卜、很新鮮，煎得帶點濕潤，混合了大量都香蔥、韭菜，味道香濃，點上了甜甜的酸辣醬，鹹味中帶點甜甜酸酸的味道，美味可口、相當出色。黑豚肉磨菇醬飯 ($35)，這碗飯的份量十足，黑豚肉和磨菇滿滿的蓋在飯上，黑豚肉煮得很軟熟，和磨菇的配搭都幾夾，味道的確唔錯，而且價錢都幾算是幾抵食。台灣紅燒牛肉麵 ($88)，成碗牛肉麵有幾塊大的厚身牛肉和紅、白蘿蔔，煮入非常入味，而且牛肉的口感鬆化，麵條粗身，幾有咬口而且很彈牙，湯底亦都很濃味。

今日中午係天后附近做野 返左黎香港咁耐都未食台灣野所以周圍行既時候即刻入左去試大概三點既時候 唔太多人 唔洗等位就入到佢有個LUNCH SET 連野飲 $66 都幾抵食(前菜x1, 主菜X1, 飯/麵 同野飲)我揀左上湯浸時菜 今日要菜係娃娃菜台灣馳名鹽酥雞台南魯肉飯同蜂蜜柑桔娃娃菜好清甜呀!最尾我連個湯都飲埋鹽酥雞個size係一口 細細粒既雞粒新鮮熱辣 食個時記得小心啲至於個魯肉飯就不過不失啦肉比較乾 同餸較小最尾我餘左啲白飯

久唔久都要食一餐台灣野，原因無他既，夠香口夠大眾化。一大班人開心share又得，兩口子細味品嘗亦可。今日嚟咗依家係天后嘅台灣郎，店鋪裝修頗有玩味。酥炸五香雞卷雞卷入邊有免治雞肉，馬蹄好爽脆，炸出來整塊好鬆軟好香，加埋酸甜醬汁亦都好惹味廟口肉燥麵份量頗大，很足料，麵條熱辣辣好煙靱，肉燥好夠味。絕對值得推介一下滷水拼盤又係份量大，豬大腸唔會靭，夠入味。薄片雞腎就略為遜色，切得太薄無口感。雞翼同蛋都好好味。秘製醬汁係酸帶少許辣，配上滷水拼盤能增添一份香味。珍珠奶茶呢度有飲品供應價錢絕對合理，珍珠奶茶只係＄20。而且質素唔差，珍珠煙靭有咬口餐廳大部分店員都說普通話，聽得出係台灣口音，應該係台灣人。我地仲偷聽到隔離枱客人對食物讚不絕口，亦見有台灣客人光顧。所以依到既食物質素都得到肯定，下次再黎要試下佢既牛肉麵

好友從外地回港探親，成班朋友出嚟飯局，想揾個坐得舒舒服服又夠靜局嘅地方聚腳，於是揀咗天后銀幕街嘅台灣郎。小館子地方細細，但佈置極有特色，仲設有樓上雅座㖭。嚟到台灣小館，梗係要叫番碗牛肉麵試吓。麵一上枱，啖湯香味濃郁，牛肉鬆軟入味，紅、白蘿蔔炆得啱啱好，麵質柔韌有咬口，上佳之作。👍跟住嚟個高雄夜市蚵仔煎，但呢度嘅做法一D都唔台式，因為台灣蚵仔煎會落好多太白粉，呢度冇，反而有D似傳統潮式做法，不過味道不俗。熱辣辣嘅古早味三杯鷄，幾惹味，不過鷄唔夠滑，乾咗啲。炒時蔬，比較一般。最後到嘅鹵水拼盆，有鷄翼、豆腐、鹵水蛋，豬腸同鹵肉，不過不失。整體而言，地方別緻舒適，食物亦不俗，不過份量偏少。如果係食量較大嘅男士，就要叫多幾款。計埋條数，就唔算抵食。