台蔡滷肉飯

营业中

休息中

呢間台灣菜由開張開始已經大受歡迎，主廚係台灣人，開業年幾就得到米芝連推介，作為街坊每次經過都見到條長長人龍，淨係見到呢點已經提升咗我對佢嘅期望🤫嚟到呢到一定要食佢哋嘅招牌爆蔥滷肉飯 ($58)，呢到嘅滷肉飯偏濕潤，走半肥瘦路線，加埋酸菜都幾夾，而且啲蔥真係舖滿成個滷肉飯，食落去勁香～藥燉排骨套餐 ($82) 都幾大份，排骨都有菜膳味道，仲可以搭配腐乳沾醬享用，最後一定要食埋嚿索晒菜膳精華嘅豆卜～主食可以加配唔同茶飲，大紅袍仙草奶茶 (+$18)同百香果鳳梨烏龍茶 (+$15)都幾正路，排完咁耐隊一嗌完即刻上咁滯，飲落去勁解暑🌬️呢到都有各款台式小食，自己覺得MVP一定係肉鬆起司蛋餅 ($40)，蛋餅個餅皮好香，入面內餡滿滿，肉鬆芝士都balance得幾好，涼拌黃金木耳 ($38) 蒜香味幾出，食完整體幾開胃！九廥塔鹽酥雞 ($42) 都炸得幾香口，唔會好乾，台灣蒜片香腸 ($35) 就不過不失～雖然呢間長期有人龍，不過當日觀察舖頭流轉都算快，上菜速度係貼近澳牛水平，所以都唔係真係等咗好耐，當日12:15排咗20分鐘就入到去，而店家都幾貼心，有提供遮畀客人晒個時擔下🤪 街坊想食下台灣菜都可

食物還好，吾太差，價錢都算合理，但職員態度差，明明已經舉左手，要幫忙，地方又吾係大，都多職員，有2個職員已經見到我舉手，業左眼，都可以照樣走開，想黎再食既慾望，真心減少，話曬都要排隊好耐先入黎食，仲要得到甘既服務態度

台蔡滷肉飯🍚小妹波波素聞呢間台灣菜由開業到依家都大受歡迎，而且更得到米芝蓮推介。令一向都鍾意食台灣菜嘅小妹今日都趁著路過荃灣都要排隊幫襯吓～等咗大概15分鐘就可以入座，一坐低就見到左右隔離都唔係叫咗九層塔鹽酥雞套餐，就係花雕麻油雞湯套餐不過礙於小妹嘅Quote有限，所以今次只係試食咗“台蔡”嘅招牌菜九層塔鹽酥雞 + 玉米起司蛋餅😋💛💛💛💛💛💛九層塔鹽酥雞餐 + 凍珍珠苿香奶茶🍱🧋（$88）鹽酥雞外皮酥脆，內裡嘅雞肉口感嫩滑又Juicy！完全唔會嚡口嘅感覺滷肉飯飯底選用口感軟糯嘅台灣蓬萊米；而滷肉肥瘦比例亦非常啱小妹嘅口味不過小妹覺得滷肉汁質地太稀至於珍珠茉香奶茶，味道唔太甜，而且珍珠口感彈牙，唔會有咬橡筋嘅感覺🧋🧋🧋🧋🧋🧋玉米起司蛋餅🌽🧀（$38）口感有啲似食緊釀滿芝士同粟米嘅蔥油餅💛💛💛💛💛💛雖然食物性格比高，不過小妹覺得職員嘅整體嘅服務態度及禮貌方面真係差啲啲😢～📌：荃灣海壩街99號地舖

🐽爆蔥滷肉飯 $58可選溏心蛋/溫泉蛋兩款蛋都正滷肉飯味道正常不過爆蔥幾有新鮮感珍珠米整得好食另外有啲酸菜飯量好多仲諗住食完去食甜品結果食完個飯已經完左🤣🐣九層塔鹽酥雞 $42熱辣辣聽人講炸雞好juicy但我哋呢次就正正常常～油左啲啲🍹百香果芒果冰茶 $15少甜少冰寒天

去完台灣想再食魯肉飯，見到網上大讚依間食肆咁就黎左排隊試試佢。排隊都唔算太耐，可能等左廿分鐘就可以入座。整體職員都好禮貌..仲見到店舖有貼心準備太陽遮俾排隊既客人借用，不過食物完全令我哋失望。可能期望過高左..魯肉飯一心以為可以回味下台灣大稻程果隻味，點知食一啖就知唔係果回事….麻油雞湯麵啲麵既質感係可以嘅，只不過金菇豆卜係白烚擺上去完全無味，啲雞一食就知係雪藏雞煮到霉既質感但又唔係入味既霉。最尾希望蛋餅會好啲..點知係印度薄餅包住蛋嘅？🙃

星期日下午見到路德圍食街有幾間食店排緊隊，咁台蔡就係其中一間，咁覺得有人排即係有保證拉～ 我地大約等左半個鐘就有位拉💕九層塔鹽酥雞餐（$73）肉汁豐盈，皮吾會咬落去好多炸粉，所以食落肉嫩鬆脆。滷肉飯感覺係半肥瘦🤪調味都幾好食，入味💕藥膳排骨湯餐（$82）排骨入味，肉質軟淋，藥膳味亦都可以接受，吾會覺得有苦味

今天，老公於路德圍看醫生，於是選擇在路德圍搵嘢食，記得呢間台式滷肉飯曾經有YouTuber推薦，剛好不用等位。（經常在餐廳門外有條龍排隊等候)🌺 肉鬆滷肉飯$58飯碗面差不多鋪滿肉鬆，真係好多，滷肉反而只有少許（多些更好），配糖心蛋或溫泉蛋一隻好好味，肉鬆加滷肉送飯非常搭配，不怎麼吃飯的我也一整碗K.O.餐飲加$15或$18不等可配很多款特飲。老公也是叫了相同的肉鬆滷肉飯，由於次次吃飯我很喜歡與他share，今次他主動問我要唔要share啊，激死我！Remarks：見到店內客人差不多有一半以上都是要鹽酥雞滷肉飯，下次一定要試試。

#台蔡滷肉飯 星期六晚去食 去到9點都keep住有人入嚟😳勁旺場·九層塔鹽酥雞餐鹽酥雞炸得好鬆脆 食落唔乾 同埋唔係油油嘅感覺🙂‍↕️真係會食上癮 滷肉飯上面係用辣嘅榨菜 比較少見 因為用左辣榨菜 個滷肉飯都多左個口味變化 ．藥膳排骨湯餐因為驚口乾同熱氣 嗌左個湯黎飲🤣感覺有啲似肉骨茶 但係冇咁濃味 係種淡淡的藥材味排骨啲肉已經分離曬 有啲已經係湯渣 同埋有啲柴 ·香腸蛋餅上菜先發現原來係手抓餅🥹(因為個人鍾意食蛋餅多啲入面啲配菜真係得香腸😂略嫌煎得有啲太乾🥲

因非常忙碌關係，已有一段時間冇來吃了。今日難得有空心突然想吃寶島風味的東西想起這𥚃來到時大概有十人在排隊幸好我不是太肚餓所以慢慢等一直掙扎吃鹽酥雞滷肉飯還是芋泥燒排骨滷肉飯…最後選了不炸的因身體倘待復原中芋泥排骨中芋泥真的打成泥漿一樣綿綿的如果份量可再多一點更有飽滿感排骨炆得好腍入口後骨和肉可自動分開好入味配上蔥花炸蒜片一起吃好好送飯滷肉飯唔使講個味道好正宗肉粒肥瘦適中絆住酸菜一齊食口感極佳餐飲叫了白桃烏龍寒天沒給它拍照依舊好好味好喜歡寒天有𡁻勁盛惠$95換來滿足飽肚感真好😛@taitsai.hk #台菜滷肉飯 #荃灣 #荃灣美食 #香港 #香港台味 #寶島風味 #滷肉飯 #白桃烏龍寒天 #芋泥排骨 #好味 #taisai #hk #hkfoodie #tsuenwan #yummy #yummyfood #taiwanfood #taiwan

第二次嚟食，第二次留負評。原本都冇諗過有生之年會再踏足呢間餐廳，不過唔係咁熟嘅屋企人話想食又唔好意思拒絕，正好可以睇吓餐廳有冇改善。今次於傍晚時分去食，再次遇到有枱但唔俾人入嘅問題，之前都有見到其他人提出過呢個問題，原來呢件事幾乎日日發生而貴餐廳係完全冇諗過解決問題😺今次亦再次見到黑色裇衫嘅'經理'同其他員工高聲交談，期間不斷聽到'經理'同同事講粗口，當然唔係對住客人，但觀感真係非常差。期間屋企人舉手想問嘢但'經理'同一個粉紅色長頭髮嘅男員工背對客人掛住傾計，過咗好耐先有其他同事理我哋，同時員工嘅態度都係好差，好似爭佢錢咁，老實講對住咁嘅嘴臉食飯真係會令人冇晒胃口。講真，香港餐飲業服務態度差就出晒名，但如此惡劣真係未見過。之前有喺影片分享平台睇過老闆嘅訪問片，賣晒台灣嘅人情味，但幫襯完之後簡直令我對台灣呢個地方都大打折扣！咁冇「家教」嘅員工，我相信都要歸咎於老闆嘅「教育」！

去過咁多間餐廳，第一次要留負評。我住附近，之前得知呢間係米芝蓮餐廳，所以就去試吓。首先都要讚吓嘅，食物質素真係好好，尤其鹽酥雞真係炸得好出色。但係一嚟到嘅時候已經被員工不禮貌對待，好似完全唔想招待客人咁，我都明白佢哋只係打份工，你唔需要好熱情咁招呼我，但最起碼要有基本禮貌？當時明明有幾張枱，但一直都冇俾我哋入，我哋得兩個人，直到我哋主動開聲問。入到去舉手想問嘢，啲員工掛住玩電話，有位著住黑色裇衫嘅應該係經理(?)又掛住同同事傾計，果然上樑不正下樑歪⋯⋯成間舖得一位女同事做嘢，我都鄧佢辛苦。嘢食真係高質素，但咁嘅服務態度真係不了。

大概排咗20分鐘，一個女仔食，喺評語見到大紅袍奶茶都係麻麻哋，所以就無謂浪費quota啦，主力試佢好評如潮嘅滷肉飯配糖心蛋同埋鹽酥雞，我冇叫餐，兩個都係散叫，因為想睇吓佢正常價錢嘅份量個糖心蛋的確係入味嘅，唔錯，蔥嘅份量亦都多，但係我覺得可以再切得幼細少少🤏🏻加咗酸菜唔係特別好味，亦都冇令到個滷肉更上一層樓滷肉量絕對足夠，可能味道唔啱本人口味，大概30%肥， 70%瘦，整體嚟講屬於合格絕對冇話誇啦啦👏唔食唔會後悔佢個汁水唔係特別稀，都算濃稠，但係個味唔係好出，我覺得偏淡我數過，一共有9塊呢個價錢真係貴咗少少，但係佢真係好食，熱辣辣即炸，炸漿都好薄，雞都Juicy食咗兩樣嘢啱啱好港幣$100 我就絕對唔會encore啦，坐嘅位置亦都唔係特別舒適，食完就好走啦， QR code落單方便快靚正安排坐位小姐姐亦都好有禮貌

好耐無同閨蜜撐枱腳，難得今日大家都有時間，來一個快閃台蔡午餐😎😎😋😋傾下講下好快就一小時，不用飛台灣都可以享受到台灣味😎😎😎必點九層塔鹽酥餐～有滷肉飯細細碗剛剛好🍚、鹽酥雞份量十足😋😋😋閨蜜點了花雕麻油雞湯麵🍜🍜～幼麵好正，少少花雕味唔會太嗆，雞肉好好味肉鬆起司蛋餅～慢慢煎，外皮好脆，肉鬆芝士蛋味道好夾😋😋😋大紅袍珍珠奶茶少甜少冰 + 熱大紅袍仙草奶茶走甜～茶味好香🤗🤗

呢間米芝蓮推介滷肉飯兩年前曾經掀起排隊熱潮，個陣因為怕排隊所以冇黎試，上個週末終於去試咗，下晝三點幾四點到就唔使點排。鹽酥雞、滷肉飯都係高水準之作！九層塔鹽酥雞餐🌿🍗$73 (🌟9/10)雞肉外層香酥內層嫩滑，咬開肉汁爆棚，唔只個皮有調味粉，雞肉都好入味，沾有少少九層塔香氣，可以再濃啲，整體都係好好食！跟餐亦配一碗滷肉飯，份量相當多，滷肉切得大粒肥瘦相間，連住豬皮嘅地方入口即化，好黏口係我鍾意嘅口感🤤🤤仲有酸菜中和返鹹味，真係好好撈飯，飯都好夠軟糯肉鬆起司蛋餅🧀🥚$40 (🌟8/10)一定要趁熱食，酥皮唔算薄身，但都有層次感，不過可以再酥脆啲，加上肉鬆同芝士份量多，芝士有輕微拉絲，個醬油汁又甜甜哋，係幾好食嘅藥膳排骨湯餐🪴$82 (🌟8.5/10)藥膳湯頭甘醇，淡淡藥材味又唔苦，排骨有5大舊，而且炆到好入味好稔，咬一咬就肉骨分離，仲有豆卜、杞子、金菇等配料，旁邊仲配辣辣地橙色嘅腐乳醬可以點排骨食大腸包小腸🌭$40 (🌟8/10)大腸即係糯米腸，好似熱狗咁將小腸夾住上碟，小腸即係台灣香腸，多汁帶甜味大紅袍仙草/珍珠奶茶🧋跟餐 加$18 (🌟8/10)大紅袍香氣馥郁，叫少甜就剛剛好，實測咗

中秋節當天中午1400後見門外轉角位置有四人排隊，一直想試但每次行過都好多人排，今日少人就跟住排，大約排5-10分鐘，黑衣女店員用手示意前面4位一同入坐，當我們一同上前時，店員關門同用手示意要再等，我們企在剛剛四人企的位置，10分鐘內中途沒有人再出來或離開，突然一對情侶直入餐廳，我們見狀就上前問店員，男店員說張枱用餐時間只有30分鐘因之後要給店員們用膳，剛才的女店員看見我們都沒有理會由得打尖客人繼續在餐廳內同時只有男店員回覆。這間店舖我不會再想去光顧，因他們的對答和處理手法完全無視排隊的顧客，全部客人可有可無的感覺。祝貴 餐廳生意興隆，多得您們的態度令更多人選擇北上消費。