台蔡滷肉飯

营业中

休息中

好耐之前要排隊食過台蔡滷肉飯，好不錯的用餐體驗，今日再訪，有新的菜式。12時已經要稍為等位，我用餐後排了一條人龍了。芋泥燒排骨餐（$80）燒骨好稔又入味，份量也不少，但芋泥則好少，最初以為上錯菜，但食落又有點芋蓉，可能跟我想像中的粵式芋頭菜式有好太分別，但味道還是不錯，套餐跟一個滷肉飯。台味滷肉飯（$52）這個飯可以選擇溫泉蛋或糖心蛋，大大的一碗飯，有幾棵小白菜，非常好，滷肉用心煮用心切，一小條一小條的看到有肥有瘦，旁邊的鹹菜又能提味，糖心蛋做得不錯，金黃流心又入味，怪不得有咁多忠實fans。

晏晝去排隊，條隊有四五家人等緊，睇住入邊有幾張枱都食完出咗嚟起碼10分鐘以上，都冇叫過人入去，其他人都忍唔住行入去問佢入得未，接待嘅前線員好似如夢初醒咁，一入到去有四張吉枱，外邊又曬又熱，唔明點解唔俾人入去坐住先。嘢食方面，湯麵冇咗牛肉麵，得返藥膳湯同埋油雞，呢2款都唔係特別好味，又唔係特別難食，嘢飲方面加$15就正常水準。蛋餅個皮係脆脆嘅，但個餡都係一般。可能對呢間餐廳期望比較高，之前食過亦覺得OK好味，但食過今次之後，覺得荃灣其實仲有好多台灣菜選擇，亦都唔會再幫襯。餐廳嘅食物當然重要，但氣氛亦都好緊要，入面所有員工冇一個有笑容，啲侍應好似烚吓烚吓咁，如果你哋下次去食，可以感受吓。

6點前入，無咩人，所以坐得都幾舒服。同事聚會傾偈都比較長。但店員都有禮，冇特別行埋嚟阻住你執吓嘢咁。所以印象都幾好。。叫咗三個餐，味道都算唔錯。價錢合理。性價比都高。

好耐未去過荃灣，睇吓有咩食咁就見到呢間垃圾， 我就問我朋友好唔好食佢極度建議我唔好食 因為佢試過好難食但我唔信啦，見幾多人介紹又台灣人打理點知就中伏勁難食，試過一次不了第一 煲飯竟然唔熟，成間餐廳都冇人知 生米，佢話同我換過碗，但都傻既，成間餐廳都係得一煲飯 換來換去又係生米第二萬年油 鹽酥雞承浸油益味仲話對煮野食有幾執着 幾又熱誠 賣曬廣告 呢d都係呃人 台灣人開，唉 當我地香港人水魚咁最慘係佢咁嘅質素仲要排隊 真係勸大家 唔好俾佢搵笨

第2次黎食，今次都係平日中午黎，等左10分鐘就有位。照叫返九層塔鹽酥雞餐，再加多個新菜式，涼拌蒜泥豬頸肉餐☺️，仲試埋兩杯新飲品，凍黑芝麻仙草奶茶，凍巧克力仙草可可。鹽酥雞依舊出色，唔會鹹，夠酥脆，亦都唔會好油膩。至於蒜泥豬頸肉，豬頸肉爽脆有彈性，唔覺有腥味，不過淨咁食就差啲，配埋佢個醬，辣辣地幾好食，個醬係無撈埋，分開上。滷肉飯加上酸菜一流，滷肉飯份量都算幾大碗，滷肉唔會鹹，撈飯岩岩好。至於飲品，黑芝麻仙草奶茶走左甜，但個黑芝麻好出，唔會乜味都無。巧克力可可少甜但都好香巧克力。下次可以試下啲蛋餅，個樣好飲都幾好食幾足料。芋泥燒排骨都係新菜式，但唔見有人食，所以唔敢試住，下次有機會先再試，menu個樣都唔差嘅

第一次吃台蔡鹵肉飯，是去年盛夏，那時烈日當空，正值中午時分，雖然店家很貼心地提供傘子，但是我寧願在其他地方徘徊，也不想在烈日下苦等。最後入座，依然選了湯品，麻油雞湯配迷你滷肉飯。當時覺得麻油雞湯有點苦，但是超讚的是沒有一層厚厚的麻油鋪在湯上。滷肉飯很美味，但是看見肥肉，就有點兒卻步，我記得當時我是吃完了所有飯，然後還剩了不少滷肉。然而今次再來，是一個超冷的冬日下午，我叫的依然是一模一樣的東西，除了稍嫌湯不夠熱，滷肉飯我卻完全不覺得肥膩，大口大口的吃着，只覺得是人間美味，原來氣溫對人的胃口真的有那麼大的影響。滷肉飯上的酸菜最好吃，微辣配飯吃，胃口大開。忍不住再叫了蒜香椒鹽蔬菜，有椰菜花、粟米芯和四季豆，蒜味和椒鹽味都很突出，很醒胃。吃完了還買了些外賣回辦公室救贖同事，買了九層塔鹽酥雞，起司蛋餅，和椒鹽甜不辣。趁着還新鮮熱辣，我即場偷吃了一點，鹽酥雞和甜不辣，讓我在剎那間彷彿回到台北夜市。記得老闆在訪問中說過香港的九層塔（金不換）比肉還貴，心中有點難過，但也希望他繼續好好努力。蛋餅回到辦公室才吃，才知這個真的是高質，厚厚足料，蛋香濃，芝士足；同事們都對蛋餅讚嘆不以，下次再來目標一定是蛋餅。

🙌🏻I have been eagerly wanting to try this popular shop for a long time, as there was always a long queue. They are known for their braised pork rice, but unfortunately, it didn't quite replicate the authentic flavor from Taiwan. The food overall was decent, though.

台味滷肉飯（配溏心蛋）$52 - 台味滷肉飯嘅飯底喺用咗蓬萊米，碗飯包括有滷肉、醃菜、白菜仔同一隻溏心蛋。而滷肉係用豬腩肉做成，聽說比例是7瘦：3肥，食落肥肉香，瘦肉有咬口，做得好食。大紅袍珍珠奶茶（跟餐價）$18- 加咗跟餐飲品，揀咗大紅袍珍珠奶茶，味道正常。肉鬆起司蛋餅 $40- 食台式餐廳當然要試埋個蛋餅，叫咗個肉鬆起司蛋餅，外皮酥酥脆脆，餡料有肉鬆同兩種芝士混合，芝士拉到絲，整體味道幾好。

點了爆蔥鹵肉飯，肉鬆芝士蛋餅，九層塔鹽酥雞餐，凍大紅袍仙草和凍茉香仙草。鹵肉唔夠香，太瘦，飯沒有飯香，也不夠黏，蔥花是交來的，已乾又唔香，只有酸菜是好食的。鹽酥雞一般正常水平，唔特別好食。蛋餅其實係現成手抓餅，卷入蛋、肉鬆和芝士，但芝士也不夠多，不難吃，但沒有很好吃。飲品茶味淡，好hea 。整體來說，水平好一般，就鹵肉飯而然我個人認為唔合格⋯⋯

每次經過都排長龍，今日門口路過剛好冇人就入咗嚟試吓啦，甘就嗌左招牌塔盬酥雞和藥膳排骨湯餐和大紅袍珍珠奶茶個湯幾好飲，藥膳味好足料，盬酥雞好好食，外酥內嫩，同在台灣食過的味道一樣，值的一試

今日勁想同大家分享下喺過江龍台式滷肉飯食到嘅驚喜！🍲 喺這間打卡熱點，我點左佢哋招牌滷肉飯系列，飯頭上舖滿咗香噴噴嘅滷肉，咸香中又帶點甜，搭配埋爽口酸菜同滑溜溫泉蛋，嘩，一啖飯一啖肉，滋味正宗得滯！老實講，跟條隊排到有少少嘈，但當啲九層塔鹽酥雞端上嚟嗰刻，細滑嘅肉質搭埋討好心頭嘅香脆外皮，真係即刻令人散發幸福嘅微笑！😄有關杯珍珠茉香奶茶嘅，雖然米妹自己會覺得啲茶味可以再濃烈少少，但啲珍珠咬落又Q又彈牙🧋真係宜家流行嘅台式滲入香港本土味！成個食完既感覺，係舌尖喺台港美食交流中漫遊，每一啖都能夠品嚐到港陽台灣獨有嘅小食情懷，唔錯嘅選擇，下次仲想再試喎！👍🏼

平時見到荃灣台蔡滷肉飯好多人排隊，今日提早 5:30 去食，果然唔使排隊。今日點咗涼拌鹽水雞餐附小碗台式滷肉飯，鹽水雞有淡淡的蒜香味，雞肉彈牙，配菜有菇有青瓜同蘿蔔絲，全部都好爽口，好食！我仲加左溏心蛋，加埋落滷肉飯一齊食，超正！滷肉飯嘅滷肉帶點甜味，酸菜帶點辣，食落好開胃；配埋杯白桃烏龍茶，好享受😋！而朋友就點咗碗紅燒牛肉麵牛肉係用牛展，肉質好軟嫩，湯汁夠香濃，帶點甜味，麵質爽滑，吸晒湯汁嘅甜味，好味！值得一試！

今日休息行過荃灣路德圍見，見到呢間台灣野食，呢間野每次經過都見到好多人排隊🤷‍♂️，今日兩點左右得1個人等緊，咁我就去排下試下係咪真係咁好食先。😋 呢間台灣野食，主要係食藥燉湯同滷肉飯，我叫左個藥燉排骨湯套餐，個餐有藥燉排骨湯同一碗細滷肉飯。 藥燉排骨湯酒香味幾夠，一般藥燉排骨湯都係濃味底，不過呢個湯頭就好似淡左少少，濃d會更好，排骨就夠晒淋，唔係好夠味，不過都接受，幾好飲。😋 到滷肉飯啦，食落都OK,不過個飯係辣嗰喎🙄，有少少奇怪，味道就一般般，唔難食既。總括嚟講，未食過可以一試，不過大前提係要排幾耐隊，如果要排成半個鍾呢，咁就未好食到呢個水平。仲有，呢度係有用膳限時同最低消費咖。 價錢就見人見智啦，我個餐加左個百香果鳳梨烏龍茶，埋單$97，我覺得貴左少少。

香港人都幾鍾意台式嘅食品, 台蔡滷肉飯為於荃灣海壩街, 大大個滷肉飯招牌, 加上台灣廚師和簡樸嘅木質裝修, 更覺地道親切。花雕麻油雞湯套餐材料豐富又滋補, 湯底清甜有著花雕酒香, 雞肉嫩滑, 加上吸曬湯汁嘅豆卜和杞子, 配以滷肉飯, 吃起來好滋味。紅燒牛肉麵套餐牛腱肉大大塊, 肉質嫩滑又有膠質, 紅燒牛肉湯濃郁得嚟辣辣地, 麵條爽彈掛滿美味牛肉湯汁, 吃起來唔會覺得肥膩。涼拌鹽水雞鹽水雞較為淡味, 由於味道唔咸, 吃多點都唔會感到口渴。涼拌筍絲滷海帶筍絲鹹香爽脆, 涼拌小食口感清新。酥炸花枝丸外層炸得酥香, 花好丸餡料好爽脆。椒鹽脆皮地瓜條地瓜條甜甜脆脆幾香口, 加上有椒鹽, 味道更突出。大紅袍珍珠奶茶(凍)大紅袍茶味清香, 淡淡奶香加上煙韌嘅珍珠, 甜度適中好潤喉。白桃烏龍茶仙草烏龍茶茶香加上白桃果香, 口感清新。

荃灣海壩街是美食集中地, 很多特色小店, 有時都會感到選擇困難, 這間台式食店主打滷肉飯和風味小食, 由台灣廚師主理, 全木質傢俬加添古樸味道。藥燉排骨套餐藥膳味好濃郁, 口感和肉骨茶很相似, 排骨肉質嫩滑, 湯底潤喉, 加上招牌嘅滷肉飯, 吃起來更加滋味。花雕麻油雞湯套餐麻油雞湯有花雕酒香, 煲完湯嘅雞仲係咁嫩滑, 都係配滷肉飯, 啱食。香腸蛋餅蛋餅酥香煙韌, 香腸甜脆, 加上醬汁和香葱, 口感有層次。大腸包小腸賣相最為吸引, 台式臘腸甜香, 糯米軟糯香滑。九層塔鹽酥雞椒鹽和酥嘅口感好突出, 雞肉嫩滑, 還有九層塔嘅清香, 味道好豐富。滷肉燙青菜鹹香嘅滷肉和清甜嘅白菜好配合, 簡單又滋味。百香果鳳梨烏龍茶(寒天)入口充滿茶香和果香, 加上寒天嘅爽脆質感, 口感豐富。百香果芒果冰茶(仙草)酸酸甜甜冰茶充滿果香, 加上軟滑嘅仙草, 感覺更加涼快。台蔡滷肉飯荃灣海壩街99號地舖#台蔡滷肉飯 #荃灣美食 #台灣菜 #滷肉飯 #藥膳排骨 #麻油雞湯 #蛋餅 #鹽酥雞 #手機食先 #美食打卡 #香港美食 #香港必食 #香港探店 #香港打卡 #香港旅遊 #香港必喝 #香港好去處 #taitsai