台食館 (獨立大廈)

营业中

休息中

芋泥肉鬆蛋餅($35)第一次試呢個combination，鹹鹹甜甜嘅配搭，芋泥控應該會鍾意，餅皮正常，少少燶，可惜整體感覺有啲單薄，冇咩芋泥，蛋比較薄左少少小食大拼盤 ($65)可以揀四款小食，揀左鹽酥雞，地瓜，墨魚餅，香腸，食材都係入貨，味道係街邊水準，炸得有啲乾(除咗香腸)百香果綠妍($22)黑糖珍珠髒髒 ($32)比較一般街坊價錢，所以食物質素合理，唔好有太高期望，不過嘢飲相比之下就貴啲，分數: 5/10

行開油麻地附近所以搵吓嘢食 搵到呢間台灣野 睇個餐牌幾好 其實啲嘢食 好！唔！掂！首先嗌咗個珍珠奶茶 啲珍珠黐埋一齊 完全飲唔到 至少15粒珍珠黐埋一齊 點飲呀！跟住帶咗個阿嫲控肉飯 佢嗰啲扣肉好韌 一開始食到酸酸地🤢最後叫咗個紅燒牛肉麵 啲面質好唔掂 好韌好硬 叫咗3分鐘都冇全部野上晒枱 又唔夠熱 好似未熟咁 又唔入味 好似食緊麵粉 紅燒牛肉好似湯渣咁韌 真係唔想食我以前冇俾個差評 但真係冇食過一間咁差嘅餐廳 希望佢會改善 但係暫時唔推介大家呢間餐廳食嘢👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼

叫左個控肉滷肉飯，望落以為會幾好食，點知個飯有少少漿漿地，仲要佢啲滷肉酸既，而個控肉更加唔使講，實物同張相差極遠，食落又鬼咁韌，唯一一樣幾好既就係杯珍珠奶茶，其餘真係唔掂，完全唔推薦黎呢間食。..............................

尼間新開台式餐廳食物價錢唔算貴，選擇亦算多元化。餐廳環境大，座位之間鬆動，坐得舒服。堂食/外賣均有9折。叫左鹽酥雞排滷肉飯($58)，麻醬雞絲麵($45)，手作芋泥蛋餅($30)，熱珍珠奶茶(跟餐加$10)。雞排好大塊，酥炸後肉冇變乾，肉質嫩，食落唔熱氣。滷肉既瘦肉比例多，滷味重d就會更好，仲有西蘭花點綴。而飯量多，男仔食一定飽。拌麵必點，因為真係好重麻醬味，仲有d碎碎地既花生粒。雞絲量好多，肉唔鞋口，而青瓜絲清爽。底部既麵大致上已經幫手拌好左，食個陣自己將麵同配料再加以拌一拌就夠。一夾起，超多麵，平時可能只係好細碗。尼碗2個人食都好飽。蛋餅選擇有好多，蛋餅皮夠煙韌，而且好香蛋味。面頭既醬甜甜地，配搭一齊食唔錯。內餡有滿滿既芋泥，就連頭尾兩件既蛋餅都夾滿。不過芋頭味唔重，有d可惜。跟餐可以加$10有飲品，奶茶既奶味較為重，而珍珠夠軟夠Q彈，唔錯。整體，食完蛋餅就好掛住台灣食到既味道。抵食大份，而且服務唔錯，主動問要唔要碗仔，上菜速度亦快。

這天經過新開了一段時間的台食館，在炎熱的天氣下不想再找餐廳了，就試試這個台式下午茶吧。現在有愈來愈多台式餐廳的下午茶餐餐牌使用A+B+C的套餐任選形式，台食館也不例外。除了套餐，我們點了一客起司蛋餅($30)分享，切開六件。一咬開就覺得蛋餅皮做得不夠時間，過生以致質感仍然是十分煙韌的狀態，不算淋也沒有一點香脆，像是要趕出菜似的弄熱了就端出來。裡面的餡料有蛋和芝士，份量普通，後者食得出是片裝芝士，跟蛋皮一樣火候未夠，若能夠讓芝士再溶多些會較好。不過感覺這個蛋餅普通，味道就是把所有東西夾在一起加熱，用料的質素也沒有很好，例如芝士加熱後也不覺得很香，不太吸引。餐飲我點了不用加錢的茉香綠妍。飲品偏甜一點，有幾香的茉香和綠茶味；另一杯則點了紅豆粉奶茶，表現出奇地好，紅豆味濃郁不太甜，奶茶入口順滑，喜歡紅豆的可以試試。小滷肉乾拌麵須要另加$2，那我就試試，卻令我有點失望。表面有些滷肉，味道還好但份量可以多一點點，因為麵其實都有不少的，不太夠拌勻整個麵，而麵都算有質感，不會煮得太淋。讓我跌眼鏡的竟然是配料和醬汁。除滷肉外，還有常見的酸菜；但是卻有我未見過，加入花生和芽菜的組合。這個組合已經很特別，然

今日小弟同友人係旺角聽到尼間野新開，深愛台灣美食文化嘅我緊係狗衝la。一坐低我就叫左個蔥油餅加大腸麵線，朋友就叫左個起司肉鬆蛋餅。(我太肚餓唔記得左影😂)第一樣黎嘅係大腸麵線，大腸都算多，但比較碎，面都有幾棵莞茜。味道就好重豉油味，蒜蓉同莞茜味。麵線就好冧。講真，同台灣味道唔同都算，可能係個人特色，但個陣豉油味同我飲緊豉油湯真係無分別😡接著係蔥油餅，蔥油餅嘅餅皮通常有兩種，一係整到好脆，一係就比較煙韌嘅。但佢又唔脆，又唔煙韌。蔥味有，但唔算多。大多數係食緊麵糊嘅味道，真係唔知食緊d咩🌚最後就係個起司肉鬆蛋餅，一黎到，同蔥油餅一樣，都係唔夠熱❄️d芝士根本唔融。。。味道就好單調，餡料味道完全唔融合，芝士還芝士，肉鬆還肉鬆。真心唔推，其他野未試過，但以上嘅野真係唔好嘥錢食

前排見油麻地開了台式料理餐廳，次次從外面張望，都會見到好爆場。見餐牌圖片都很吸引，於是就一條友膽粗粗入去試下。番茄牛肉麵$62雖然肯定是用番茄罐頭兌水，不過勝在夠濃郁，作為湯底味道是及格有餘。配料方面，有幾舊切塊番茄、紅蘿蔔和牛肉。蘿蔔煮得很軟淋，沒有有草青味。牛肉都算大塊，腍身入味刀削麵麵質不佳，口感略厚，不掛湯又不入味，喜歡與否，見仁見智，不過對我而言就麻麻地（餐牌上說可選擇其他麵款，可按個人口味選擇。）跟餐台式凍奶茶要+$5（熱飲不需加錢），跟餐價來說算貴，不過上檯才發現意外的大杯。用餐整體感覺良好，服務態度不俗，爆場情況下，一個人也不用搭檯，經過可以一試。

做完facial就同男朋友行去屋企附近食嘢，見到呢間未試過，就行去門口睇下有咩食，企左一陣就有店員行出來話現在有折（忘記是9折定95折），見有折就行入去試下，我叫左個鹽酥雞扒肉躁米粉，男朋友就叫咗肉躁雜錦飯，之後再加多左個拍青瓜，另外叫多左杯珍珠奶茶！D嘢食賣相唔差，杯珍珠奶茶個茶底就係港式奶茶味，有D奇怪，所以我只係飲左一啖。肉躁唔錯，肥瘦適中，米粉係新竹米粉，不過個雞扒就炸乾左D，有D鞋口、完全冇哂水份，男朋友試左一塊，佢睇到件雞扒係有反炸過，所以可能咁樣炸到亁哂！不過佢就大讚佢個飯，碟青瓜都唔差，本來店員話有小小辣，但食落完全唔覺辣！呢餐食完我跟男朋友一樣覺得呢間好食過老街百倍

去完油麻地唔知食咩好，就一直慢慢沿住D 彌敦道慢慢行搵餐廳，然後就見到呢間台式餐廳。入到去感覺同附近某間台式餐廳有點相似，然後第1時間就被餐牌上的蛋餅吸引住了。好多時香港台式餐廳都無蛋餅或只有原味，整個餐牌很台灣。芋泥肉鬆蛋餅$35 +$3凍奶茶送上枱賣相還可以，可能因為餐牌上的照片太好。中間好多芋泥肉鬆，吃起來還好，芋泥就平啖無乜味，主要靠肉鬆提味。蛋餅其實都一般麻麻，然後總覺差點東西，就突然醒係因為無得加芝士。下次再入呢間餐廳，相信我唔會選擇蛋餅系列。+$17 小香腸每次吃台灣野必店的小香腸🧡 香腸無死，點煮都係咁好味，好難會唔好味🧡

如標題一樣我係其中一個勇者， 入到去叫左碗牛肉麵 ，速度十分之快，不出三分鐘，牛肉麵已經出現在眼前。個麵 同 橡筋有得比較。硬到pk。牛又冇味，個 蘿蔔都係半生。好彩冇叫其他野食。好心啦，d野煮到禁樣，唔好開店啦。會做得長咩?🙄🙄🙄

我地叫左 芝士肉鬆蛋餅— 個口感怪怪地 我諗叫啲Creamy 啲嘅材料 可能芋泥會夾D 紅燒牛肉麵— 賣相唔靚但食落口好似係屋企煲湯跟住用個湯煲咗左個麵，牛肉都唔夠入味，食唔到紅燒既味道同感覺細嘅柯仔麵線— 一般 無咩特別 好彩叫細碗花雕醉雞卷 小食四拼盤（鹽酥雞 地瓜條 花枝丸 台式香腸）— 食落去全部炸嘢都係得一個味 仲估台式香腸係用烤嘅形式 點知都係炸 環境係坐得幾舒服嘅 略嫌冷氣太大凍左D 嘢食一般而言 冇乜特別 不過而家食野 不論堂食定外賣一律都有九折

It is such a sentence with wisdom that is "no comparison comes with no despair". Recently I tried another very similar restaurant that serves almost exactly the same kind of food of Taiwan snacks with noodles which is also located in the very close area, about 2 streets away but no comment on this web site which surprise me, any reason why? i am interested.It was also another tea set which I had so it makes this comparison fair and clear. So, let's cut to the chase and start to comment and compa

今天經過見到旺角這店，沒太多人所以試下，點知就出事！肉燥肥我吾介意但真入不到口！飯冷冰冰又一嚿嚿！蔥油鉼仲衰過去起市嘅貨 ！本人不會有下次！對吾住都要話比大家知。