台食館 (福榮街)

营业中

休息中

初初覺得下午茶就算ok 所以又點了份正餐 （$65一份牛肉撈面冇飲品）但收到之後整個人O嗮嘴 以為下午茶少很正常 但正餐外賣少過下午茶真係第一次試 先堂食再外賣 份外賣唔記得打9折就算 張單仲要手寫喔 問下正餐點解咁少 擔心佢d把正餐當下午茶來做 個別女店員稱我d正餐就係咁麼多 （試過幾十個間餐廳外賣 從未試過）態度惡劣 有試過隔壁街間台灣餐廳 對比之下 這間味道就很普通 又貴又少服務差 一次夠 唔會幫襯第二次大家想被騙就隨便啦 我個人就唔會被騙第二次啦 黑名單🤣

路過見佢個下午茶都幾多選擇，好過茶餐廳食來食去都係個啲野。點知一試就覺得佢有料到，個麵好彈牙，湯底濃，本身我好少食碳水食物既，但因為太好食，差不多比我食哂。另外個三個小食一啲都唔馬虎，夠香脆夠入味，好過豪大大。杯野飲就有啲太甜，不過唔知可唔可以叫少甜。

深水埗返工嘅你，如果想食台灣野嘅話，呢間台食館都幾推薦吓，佢嘅鹽酥雞滷肉飯分量夠，而且個炸雞都好脆，配料都好食。喺度食仲可以叫埋珍珠奶茶。 食物賣相都唔錯，上菜又快，60蚊有凍飲，性價比都正常。

未試過食飯背脊骨落三寶牛肉麵、滷豆腐滷肉飯、麻辣鴨血、椒鹽魷魚穌女服務員講野句句有骨，米粉容易無湯，好聲好氣話想加少少湯，就講：「d湯梗係比你飲哂，係‘索’(執筆忘字，此字代替)哂。」呢d係咩態度？？食物味道怪怪，台灣野食一般真係唔難食，但呢間牛肉，鴨血、豆腐都味道怪怪，飲品叫正常，加上咁嘅服務態度，真係食唔落。收銀時問返服務員，我係咪得罪你，可以唔使咁講野。佢話都係隨口講，你唔使咁介意。我覺得講出嚟聽者覺得唔舒服，而且對件事無幫助，其實係可以唔使講。呢間鋪唔會再幫襯，食物服務都唔掂......🤬🤬🤬

平日放假去深水埗走走見到有間食台灣野 又想試下個tea叫滷肉麵同配小食盛惠39蚊 如果加芋頭奶茶加3蚊其實間餐廳好港式經營港式味道 味道一般滷肉份量極少 如果要食飽建議叫番午餐應該唔會番轉頭區內有更好的選擇

一個電話，一個外賣平台，美食就可以送到府上，超級便利！返工間中都會與同事叫外賣食，淋淋種種嘅美食，每次都會有選擇困難症。經過一輪嘅選擇，最後揀了台式食品。🪧鐵路滷排骨滷肉便當賣相幾吸引，令人垂涎三尺，胃口大增。可是滷肉比較粗糙乾身，滷排骨被醬汁浸住，令原本脆脆的排骨皮腍了與滷排骨肉分離，失色不少，而且滷排骨厚肉質偏硬。看似以為係台灣腸的其實係無味道嘅豆腐。🪧紅燒牛肉麵麵份量偏少，但牛肉都腍。🪧甜不辣煙煙韌韌的，小食來講都唔錯。🗯️🗯️🗯️今餐只係飽肚，主食較失色。

我今晚又去咗台食館食晚餐 上次係食紅燒牛肉麵，覺得味道唔錯今次試咗佢哋嘅三寶牛肉麵。裡面有紅燒牛肉、滷牛肚、牛丸同埋紅蘿蔔。湯底有好多藥材嘅味道，好濃郁，覺得唔算太鹹，不過少少甘甜味份量算多，食完覺得好滿足跟餐揀左一杯台式珍珠奶茶，茶味濃郁，奶香十足，珍珠都幾煙韌 ，得12蚊，覺得幾抵飲餐廳內部環境幾唔錯，簡約風格。以香港黎講，座位算寬敞舒適，啲員工都算有有禮貌，服務ok㗎。整體來講，味道唔錯，好幸運揀夠啱嘅餐廳呀。

遲咗收工，想搵啲食物慰勞下自己，醒起附近唔係間間餐廳晚上9點幾都仲有營業，於是過嚟呢間碰碰運氣。嚟到門口見到十點截單，十點半收舖，諗都無諗就直入餐廳。之前試過呢間餐廳其他食物，咁啱又好想食台灣小香腸，於是就叫咗一個夜市小香腸滷肉飯，再嗌左杯芋見珍珠鮮牛乳。餐廳可以人手落單，唔洗用QR Code，非常方便。飲品先到，雖然堂食都係用即棄膠杯同飲管，但都有放咗鐵匙羹係杯比客人可以舀杯邊嘅芋泥同底嘅珍珠，唔洗怕嘥咗啲芋泥，又唔洗怕吸唔到珍珠。今次點嘅飲品係正常糖量同冰量。台式飲品最忌唔夠凍，但呢杯飲品冰量好足。加上芋泥夠滑夠甜，唔會一粒粒。珍珠嘅份量亦都剛好，唔會飲哂杯飲品仲成個底都係珍珠。主食夜市香腸滷肉飯都係不得不讚。賣相好好之餘，味道更好。夜市小香腸嘅份量非常慷慨，有成4-5條，就算食量比較大嘅朋友食完都應該唔會覺得肚仔空虛。小香腸上面更加灑咗一啲胡椒粉，令小香腸嘅味道豐富啲。食滷肉飯有時都會怕肥肉太多，好快就食到又飽又膩。但呢個滷肉肥瘦比例適中，醬汁唔會過多，所以食嘅過程好輕鬆三爬兩撥已經食哂。飯粒分明，唔會黏埋一堆堆。平常配菜可能都會被忽略，但呢個便當嘅配菜亦都令人留下好印象。雲耳同

好鍾意食台灣嘢,收工路過見到呢間餐廳唔錯,入咗去叫咗兩樣野~鹽酥魷魚鬚滷肉便當超好食!魷魚鬚炸到金黃色,外皮脆,內裏彈牙🩷滷水拼盤都幾大份醃得好入味!會再去!

午飯時無意行過路過，見到夜市香腸好想食，就係咁，行左入去。門面簡單，乾淨企理，一貫台式小店既作風。點左個午餐（$58）夜市香腸滷肉飯，飲品有幾款免費指定飲品，如果想飲凍珍珠奶茶就加$8夜市香腸滷肉飯，跟圖片相似，好多台式香腸，配菜有豆腐，雲耳同青豆，台式香腸好耐無食，今日食返味道吾錯，如果熱一點煎香一點更好好，其他配菜都可以既。至於個滷肉飯，味道比較淡，可能汁比較少，如果多點汁會好味點。7/10珍珠奶茶（少甜少冰）吾錯，真係有少甜少冰，而且珍珠幾Q彈，淋淋地幾好𡁻。7.5/10整體不過不失，可以回頭，下次可以試下拌麵，睇其他食客既拌麵好似幾吸引🤩

好耐都冇去旅行，好想快啲開關可以飛轉台灣🤣喺未去得成之前過嚟食住台灣嘢頂住檔先🤣今日同同事lunch揀咗呢一間，好多台灣嘅嘢食佢都有，例如係肉燥飯、拌麵、炸嘢小食、蛋餅同麵線仲有最重要嘅台式飲品都有齊選擇🤩🤩睇到我花多眼亂到最後揀咗個經典，就係鹽酥雞扒配肉燥飯，雞扒新鮮炸起好香脆，同埋加上台灣鹽酥雞嘅嗰種調味粉！配埋個肉燥飯，感覺返晒嚟🥰🤤🤤另外飲品我叫咗杯珍珠奶茶，不過佢就唔係而家新式嗰種黑糖珍珠嘅口味，而係由細飲到大嗰種香港台式飲品嘅味道🤣

經過福榮街睇到啲餐牌覺得好吸引，有飯有麵同埋好多台式小食供客人選擇，決定入黎試下。好彩午市唔洗等太耐，等咗兩三張枱就輪到我。 叫咗招牌紅燒牛肉麵， 牛肉麵個湯好香好好飲， 有牛肉味同藥材味，覺得好養生。啲面有啲似手工刀削麵，粗身有口感，滑得嚟都有少少彈牙。 個牛肉燜得好淋好入味，大大塊亦好軟諗，紅燒味濃郁， 下次再嚟都會再叫。午市套餐有送一杯野飲，我叫左杯熱檸水，無需另外加錢，覺得幾抵食。下次想約朋友黎仔試下其他台灣飯麵餐同埋夜市小食。

因為喺深水埗附近返工，經常喺呢度搵嘢食，今次又叫左台食館的外賣。午市有鹽酥雞滷肉拌麵套餐，有跟餐嘢飲 覺得好抵食。鹽酥雞份量幾多，每件都夠大件。炸漿算薄，雞肉唔會太乾身。雞肉應該有醃製過，有五香香味，椒鹽粉同鹽酥雞件味道亦好夾，正宗台灣夜市味道但係外賣唔夠堂食酥脆。 滷肉拌麵亦幾出色，滷肉汁加埋芝麻醬，撈麵食一流 滷肉煮得軟爛，入口即化，肉香味十足。但係滷肉份量少左D，下次一定要要求多D汁。仲叫左份 白玉肉鬆山，覺得個名好特別，豆腐加肉鬆加皮蛋，呢個組合之前從未試過 估唔到真係幾好食。豆腐好嫩滑，肉鬆份量亦好多，加埋店家特製的醬汁，味道非常出色，好開胃，令人一口接一口

這家台灣餐廳真的是去過一次之後，就想再去第二次。菜式選擇非常多，份量好足，性價比都算高，超適合跟朋友聚會一起食。餐牌上有很多台灣的特色美食供選擇。香酥綜合便當有魷魚鬚，香腸，鹽酥雞和小量滷肉。鹽酥雞酥酥脆脆，炸得不會太乾身，保留肉汁。香腸肉質彈牙，和台灣夜市的味道一樣，好香。魷魚鬚炸得好酥脆，彈牙好味。滷肉汁搭配白飯，不會太單調。滷肉燜得軟爛，入口即化，五香味濃。黑糖珍奶凍這個在香港第一次見， 奶味重，珍珠QQ的挺不錯呢。非常特別，值得一試！唯一的缺點就是店鋪太小，位子間距較近。

平日行經深水埗，下午茶時間想食少少野醫下肚，隨便入咗一間台式食店。見到餐牌有幾款選擇，主食 + 小食連飲品 $38 (凍飲另加費用)叫了滷肉飯 + 小香腸、花枝丸、滷蛋同埋凍飲食物質素一般，滷肉飯好油，小香腸好多肥肉，其他小食沒什麼特別其實依間只係港式嘅台灣餐廳，沒有其他台式的風味。餐廳環境一般，職員落單時怠慢，職員們大聲高談闊論，影響食客。之後睇返，原來都有食客寫食評時投訴依間餐廳服務與素欠佳，下次都係睇左食評先博一博。咁樣嘅環境同食物質素，都唔會令人想幫襯多一次。