吃扒

营业中

休息中

朋友好鍾意食牛扒，咁啱係附近經過見到舖頭名都同扒有關，見到價錢都唔係好貴就入咗去。個環境都幾懷舊，坐低嘅時候望吓左右隔離兩邊碟扒都好大塊，最後我同佢就嗌咗一塊西冷一塊肉眼，用鐵板上嘅牛肉真係零舍好食。‣ 西冷牛扒配薯菜 $188朋友鍾意食西冷，因為相對上冇咁多脂肪，牛味都比較濃郁。雖然口感相對肉眼比較紮實啲，但係食到牛肉嘅香。而洋蔥汁嘅鮮甜就更加突顯到肉鮮味，大份之餘個價錢都好合理。‣ 特選肉眼扒配薯菜 $188肉眼相對上脂肪比較多，但係佢啲脂肪都算分佈平均，所以食落去嘅時候食到好重嘅牛油香味，而肉質相對上都比較嫩滑啲。而我超鍾意搭配薯菜，因為無論薯條淋定脆身都係一樣咁好食，我最後都忍唔住嗌咗洋蔥汁，而我覺得嗰調味都好唔錯。‣ 套餐：餐包 & 餐湯 & 凍飲 ＋$25餐包就係我一直食開舊式扒房會用嘅餐包仔，我自己都幾鍾意甜甜嘅餐包。而湯我就嗌咗羅宋湯同豬骨湯，豬骨相對上比較清淡，羅宋湯就正常發揮，一樣都係餐包嘅最佳配搭。‣ 心太軟配雪糕 ＋$28個心太軟烤焗得啱啱好，一羹畢落去已經有流心嘅效果，甜度適中，鬆軟得嚟又有淡淡嘅焦香。而個朱古力雪糕都相當夠凍，所以食落去嘅時候超級爽，兩者配搭

Budget有限但又想去鋸扒嘅不妨去呢間位於旺角豉油街嘅懷舊西餐廳。裝潢以復古風為主調，燈光昏暗，紫色外牆，十分吸睛。食物方面主打多款鐵板料理，適合約另一半嚟拍拖。打卡之選有20cm吉列豬扒，上枱時真係嚇親，豬扒超級無敵厚切，外皮炸至金黃酥脆，內裡肉質唔乾，帶淡淡香氣。旁邊附上粗身薯條、西蘭花同兩粒小番茄，點埋茄汁同芥末醬食啱啱好。特選肉眼扒配薯菜有9oz，店員建議要五成熟，見個樣好紅咁但係食落又OK，牛味突出，嫩滑可口，私心鍾意蒜蓉汁，偏濃味且配牛好夾。套食包括餐包、湯、甜品同飲品。湯有中有西，甜品可加錢轉改為心太軟雪糕，有流心效果！唔夠飽嘅亦可以再加主食，有白飯同意粉，麵條軟硬度適中，沾滿醬汁唔覺唔覺就食晒。

睇到呢間餐廳食評幾高分又想食牛扒, 就嚟呢間試吓。叫咗一個鐵板肉眼同埋鐵板西冷, 其中一個等咗接近半個鐘, 嚟到兩塊扒都極度失望。首先我未試過食鐵板係可以凍嘅, 塊扒基本上得外邊嗰層係熱, 裏面基本上係凍或者微暖...再講肉質極差, 塊肉眼極多根加肥膏切都切唔到, 終於切到一舊係可以擺入口嘅但係肉質仲老過我阿婆塊面。 結果兩塊扒都係食咗唔夠一半就放棄...埋單五百幾, 仲貴過花園餐廳...完全唔值。第一次差到要打食評，真係千祈唔好嚟。

旺角呢間吃扒主打港式懷舊鐵板餐～餐廳入面一路播住香港以前八九十年代既歌，裝修都係有少少昏暗既扒房feel。鐵板餐價錢都幾抵食！大約二百蚊可以鋸到扒，仲可以升級套餐加湯同飲品。1⃣️牛油果軟殼蟹飛魚子意大利粉（$138）飛魚子都幾多，配上炸脆軟殼蟹、牛油果。意粉醬汁夠曬撈，入面仲有啲菇，唔食扒既話叫意粉都係個唔錯既選擇☺️2⃣️熱熔芝士紐西蘭牛柳配薯菜（$206）芝士芝士芝士！未黎之前已經諗好要食佢！牛柳揀左五成熟，肉質夠嫩冇筋啖啖肉，佢夠厚得黎完全唔會好難切或者韌！鐵板熱辣辣上本身已經聽到啲滋滋聲，店員仲會即刻攞出加熱左既芝士出黎，即席係檯面點火再淋落牛柳上面🤩視覺效果一流！同時絕對滿足到我既芝士胃！芝士配牛柳真係好正夠曬邪惡！個底仲有薯條、西蘭花、洋蔥絲。食既時候絕對冇放棄任何一個角落既芝士！狂蘸！另外仲有得揀多一款醬，揀左紅酒汁，可以再點牛扒食。3️⃣餐湯+飲品（+$20）（凍咖啡+$3）（有機蘋果醋梳打+$17）餐湯有得揀豬骨湯同埋羅宋湯😂有豬骨湯呢個選擇又幾估唔到😂飲落都唔錯，不過我都係鍾意羅宋湯多啲。真係食到牛肉粒，而且啲洋蔥、紅蘿蔔等等配料都煲得幾淋幾甜。飲品可以加錢要特飲，蘋果醋梳打無

今次黎到依間位於旺角同油麻地中間，充滿港式懷舊風味嘅扒房鋸扒🤭 餐廳門面採用迷人嘅豔紫作主調，超級搶眼吸睛❤️ 內部裝修典雅美觀，柔和嘅燈光，背景播放著懷舊經典金曲，超有氣氛❣️ 㨂咗一份鐵板餐😋 西冷牛扒有足足9 oz😍 份量十足好滿意😘 食落肉質軟嫩有嚼感，肉汁滿溢，牛味濃香🤤 加上惹味嘅黑椒汁，更添滋味😘 跟牛扒附有大量薯條和配菜❤️ 大滿足之選👍 套餐包括有餐包、餐湯、甜品同埋野飲🤤 超級豐富👍 特登加錢㨂咗心太軟🫶 心太軟上枱熱騰騰香噴噴，食落超重朱古力味😘 配搭冰涼香滑嘅雪糕，冰火交融嘅滋味令人回味無窮✅

今日同同事去据扒嚟左呢間門面紫色裝修入面有d復古feel我地叫左兩個晚餐熱熔芝士紐西蘭牛柳配薯菜 10oz $206加$20轉餐有餐湯~凍飲再加$3七成跟黑椒汁芝士會係你面前淋落去好邪惡芝士味濃稠~牛柳份量十足兩大舊牛柳切開係粉紅色配埋芝士+洋蔥一齊食好有層次黑椒汁無淋上去~蘸嚟食黑椒味都幾香問店員拎埋茄汁~芝士茄汁薯條無得輸特選肉眼扒配薯菜 9oz $188同樣加$20轉餐有餐湯~凍飲再加$3如果想食埋甜品同餐包可以揀加$25五成跟洋蔥汁肉眼扒亦都好大塊~牛味濃郁呢個價錢CP值好高湯：有豬骨湯&羅宋湯西餐覺得都係紅湯夾d非常濃郁~好多料牛腩大大件飲品：凍啡&凍檸茶~大大杯

同朋友旺角行完街食晚飯，朋友話想鋸扒，於是帶咗佢嚟之前食過嘅吃扒。餐廳裝修懷舊風，播放經典流行曲，格外有情調。雜扒配薯菜 $196轉餐 +$25 有餐包、湯、飲品、甜品餐湯揀咗羅宋湯，呢度羅宋湯唔似一般餐廳咁稀。羅宋湯材料足，味道濃，酸酸地好開胃。軟熟嘅餐包烘到暖暖地，可配上牛油。雜扒真係好抵食～ 上枱時，不禁「嘩」一聲，份量勁多，成個小山丘。雜扒有牛扒、豬扒、雞扒、煙肉、司華力腸、魚柳仲有煎蛋。每塊扒都好大塊，牛扒多肉汁、豬扒肉質好腍，雞扒嫩滑，煙肉煎得卜卜脆。20cm吉列豬扒配薯菜 $178轉餐 +$20 有湯、飲品吉列豬扒係餐廳必點推介，20cm 大過我隻手。吉列豬扒炸得香脆，一切落去就聽到好脆嘅聲，炸漿好薄，食落酥脆可口，外脆內軟。再配上黑椒汁，食落感覺惹味。甜品 +$28心太軟配雪糕焗得剛剛好，有流心效果。朱古力唔太甜，配上冰凍嘅雲呢拿雪糕，滿足。

今次嚟到吃扒，好有香港情懷嘅扒房，餐廳入面播住香港70、80年代左右嘅歌，好似走入懷舊嘅西餐廳咁！🤫餐湯可以揀羅宋湯或者豬骨湯，幾特別係呢度唔係分紅白湯！羅宋湯好足料，真係見到有牛腩～好濃喐唔稀！豬骨湯亦好足料，有豬肉、紅蘿蔔、洋蔥等～主菜嗌咗一個A餐，雞扒+魚柳，魚柳非常鬆脆，雞扒炸得好香！另外嗌咗個肉眼扒，好大塊！好抵食！跟餐甜品係朱古力雪糕，而A餐係附送一個朱古力心太軟，即整、流心，正！😋

這次的牛扒餐廳體驗讓我感到非常失望。首先，女店員的服務態度讓我印象深刻，卻並不是正面的。她輕佻的語氣和不屑的表情，讓我感受到自己就像一個麻煩的顧客，而不是受到重視的客人。至於食物方面，牛扒的品質更是讓人不滿。肉質多筋，咀嚼起來十分困難，完全沒有應有的牛香味，讓我懷疑這是否是一塊新鮮的牛排。更糟糕的是，服務員並沒有詢問我想要的熟度，導致我無法享受到理想的肉質口感。此外，青口的味道也讓我失望，竟然帶有苦澀的味道，完全影響了整體的用餐體驗。總體來說，這次的經歷讓我難以推薦這家牛扒餐廳，期待能有更好的服務和食物品質。

📍吃扒 ⭐️懷舊港式扒房一入到去就畀佢嘅懷舊氛圍吸引住，鋪頭嘅裝修係復古風格，播住啲懷舊金曲🥰真係好有feel，好似瞬間番去以前嘅港式西餐廳。餐牌選擇唔少，主打當然係各式扒餐，另外仲有意粉同飯類可以揀。不過，既然嚟到呢度，當然要試下佢哋嘅招牌扒啦！✨ 特選肉眼扒配薯菜 (9oz) $188 👍🏻👍🏻👍🏻👍🏻 呢個肉眼扒扒煎得啱啱好，叫咗五成熟，保留到肉質嘅嫩滑，仲有足夠嘅肉汁🤤✨ 熱熔芝士紐西蘭牛柳配薯菜 $206 👍🏻👍🏻👍🏻👍🏻 牛柳本身已經好軟身，仲加上咗熱熔芝士，仲有拉絲效果！😍每一啖都係芝士同牛肉嘅完美結合，真係好滿足☺️👍🏻👍🏻👍🏻👍🏻👍🏻（最推薦）- 👎🏻（可以唔使試）

帶我好同事一齊去鋸扒先🤭🤭呢間扒房餐廳🍴上次食過晚市覺得好正，今次試吓佢哋lunch，性價比超高👍人均$100都唔使，勁抵食🥰而且餐廳環境裝修以懷舊風格設計，感覺特別有味道，當日仲播緊好多九十年代嘅流行曲🎼🎼吃扒什扒配薯菜魚柳、豬扒、鷄扒、司華力腸MIXED STEAKS WITH POTATO、FISH FILET, PORK CHOP, CHICKEN STEAK, SAUSAGE乜都有嘅餐，岩曬為食嘅朋友仔❤️我地揀左黑椒汁☺️份量超級豐富，好大份，呢個價錢真係無得彈🤣全部扒嘅肉質都唔會柴，一咬就甩，仲包餐包、餐湯飲品同雪糕🍦$100都唔使，點解可以咁抵⁉️😳香煎三文魚柳配椰菜花飯PAN FRIED SALMON WITH CAULIFLOWER RICE見餐廳推出生銅餐，即刻點返個😳點左三文魚配椰菜花飯☺️份量適中，三文魚煎到少少🤏焦香，滿滿咁鋪滿碗上🤤椰菜花飯口感真係同米飯好相似，加上餐廳加入忌廉芝士烹製，愈食愈停唔到口😋想講餐廳嘅餐包好好味，鬆軟又有少少拉絲❤️我仲另外點左一杯特飲，西班牙凍咖啡☕️幾有特色🤭下次再嚟要試吓加$28轉心太軟雪糕先🥰啲款就係跟餐送📍吃扒 (旺角)旺角豉油街

充滿懷舊情懷嘅港式鐵板扒房喺香港買少見少，估唔到喺旺角依間「吃扒」食翻到昔日嘅經典味道，今次Order咗佢哋嘅名物：熱溶芝士10oz紐西蘭牛柳配薯菜，味道唔錯，不過其他菜式只係正常發揮，依間餐廳定價中上，不過稍為失望嘅係，女店員問我：「請問跟餐嗰杯熱朱古力需唔需要忌廉On Top？」，之後我就回覆佢需要，熱朱古力上枱嗰陣，係有忌廉同朱古力醬On Top嘅，我以為忌廉係免費加嘅，點知埋單嗰陣時先發現原來熱朱古力有忌廉On Top係收額外收多一項特飲跟餐價$17。最後我有照俾依$17，但對女店員行為感到無奈，又無講明加忌廉要加$17，埋單時向佢反映佢可以額外收費項目一事可以講清楚D或列明在Menu上，但佢聽完後嘅態度極為敷衍。*此餐廳收取加一服務費。10oz熱溶芝士紐西蘭牛柳配薯菜（單點$206），七成熟、黑椒汁，店員會即席為客人淋上火焰熱溶芝士，熱溶芝士份量多，多得猶如瀑布地鋪滿於牛柳表面，口感濃稠、類似希臘乳酪，拉絲效果突出，味道濃郁；牛柳肉質粉嫩，肉味濃郁，配以黑椒汁食用，味道惹味；薯菜包括有小甘筍、洋蔥、西蘭花、粟米、薯條。羅勒香草忌廉海龍王意大利飯（單點$198），表面鋪有豆苗，

熱溶芝士紐西蘭牛柳店員即席將熱辣辣的芝士倒在牛柳上滿滿的芝士勁香，將牛柳切開，味道濃郁芝士汁非常香滑，我喜歡食熟少少，七成都唔錯，肉質嫩滑仲有滿滿的黑椒汁另上，微辣惹味西冷牛扒都係鐵板上，磁磁聲先至過癮西冷牛扒大塊，切開見到肉色嫩紅我最怕切到有筋咬唔到但竟然唔算太多筋膜唔會浪費左成件扒加25蚊就有餐湯餐飲仲有雪糕食羅宋湯香氣濃郁，每一啖都有牛肉絲，蔬菜切條，蘿蔔條，西芹都唔少，絕對不是罐頭湯。雪糕係雲尼拿，奶味濃郁。我哋叫左凍檸茶同凍華田，用鋁杯都保持到凍冰冰的狀態餐包很軟熟，仲要熱騰騰呢,加上仲有牛油，用麵包的餘溫令牛油慢慢溶化，真係好暖在心。

個日自己嚟食牛扒，服務唔錯，兩個侍應生非常熱情嗌咗個五成熟既肉眼，味道普通，但肉質有d堅硬，比較多渣，浪費咗半份牛扒。自費食飯，計埋+1俾咗$218，昂貴。送咗雪糕，雪糕幾好食，凍檸茶唔係好好飲，茶底麻麻哋，不過非常適合聚會。

見倒尼間好評比例極高，滿懷歡喜，去食尼一間据扒啦，咁我自己就食是日晚餐，雞扒吉列魚柳，點知黎到一睇就已經睇得出塊雞扒極乾，食物微暖，應該唔知擺左幾耐，勉強食左半塊扒就夠了，吉列魚柳好粉，都係勉強食半塊就夠，只有薯條配菜最新鮮，真係忍唔住要打番編食評評一評理。而我先生就食肉眼扒，配蒜蓉汁，鐵板上，但係唔熱既，只有暖，扒食粉味重。是晚樓面有兩位職員，有禮貌，做野快手快腳，值得一讚，不過真係試一次就夠，不可一不可再，夠了🤧。