合利潮洲粉麵

营业中

休息中

上次食完新蒲崗新開嘅粉麵今次試反D老鋪呢間係衍慶街地鋪嘅粉麵檔 開左都應該有廿年(?)我朋友係新蒲崗由細到大都食佢位置近民居 主要都係做街坊生意野食相對平好多 勁抵食兩餸麵大大碗都係30蚊 好似返左5 6年前咁味道方面比較清 可能要照顧街坊 話晒都係舊區老人家多 唔食得咁重味但值得推介係鋪頭自家製嘅辣醬好香 又唔會死得個辣字餛飩同魚片餃都幾好 有咬口 皮薄咸靚銀針粉好大碗 朋友食唔晒最有驚喜都係呢個炸魚皮朋友話平時就咁食碗麵 老闆見佢熟客會送細細地碟魚皮比佢食咁今次我地就掉反轉主動叫啦我地都未講要咩SIZE 老闆就話要碟細夠食啦黎到 嚇死我地 呢個細魚皮係打破左我地對細炸魚皮嘅認知平時D細魚皮最多咪得5條短短的但呢到15蚊  個份量係夠一個人齋食魚皮食到飽塊塊都手掌咁大 食到驚驚地老闆仲好貼心咁上左碗魚湯 食住等 唔洗等碗麵先食得總括黎講係超級親民價 食人情味

墨魚丸河 ($30)墨魚丸彈牙,有墨魚味,好食河粉唔碎,份量正常合理配佢提供嘅自家辣椒油,正總結:係地道嘅潮州粉麵,價錢亦合理recommendation rating (out of 5):

平時食開成記 但覺得質素開始差左 冇咁抵食 就嚟附近呢間試新野一樣都係叫食開嘅魚蛋米$30 識食就梗係叫埋加汁首先 講份量 個人認為比成記多 魚蛋有幾款 正常普通魚蛋,魚片 同埋有扭紋嘅魚片魚蛋彈牙 新鮮有魚味見其他食評有推介墨魚鬚 所以都加左$5 併係一粒粒嘅墨魚鬚 爽口,有鮮味 但可能同我本身expect嘅有啲出入 所以覺得差左啲咁除左推介墨魚鬚 ,大家都有講嘅辣椒醬/油落完單 侍應會主動比一碟辣椒醬/油唔好睇佢細細碟 真係辣 係偏咸嘅辣椒醬/油幾過癮~p.s. 相係食到一半先影 完整份量係多啲嘅

位置唔起眼 人流並唔多 做街坊生意行近門口 已經有姐姐打招呼問幾位門口貼左文宣 唔使再fc 即入~見到鋪面乾淨企理 有哂消毒酒精 同隔板做到足試左雲吞河 魚蛋河 炸魚皮 (細) 凍檸水走青 姐姐會問要唔要炸蒜。。加左真係好味d~另外再俾左碟辣椒醬~話唔夠可以再叫河粉滑 魚蛋彈牙 雲吞冇試 但細佬話都好正~魚皮雖然係細size， 但係份量好多 滿滿一碗 ，差d食唔哂 ，都好脆口~湯冇味精 食完唔口渴姨姨服務十分好，好窩心。。會問有冇爭野未黎。。見到有人叫左飯 佢會話 唔夠再添~成餐飯時間雖然短 但好舒服 好愉快~街坊價錢呀～單餸粉面 $30~ 平過好多地方~會繼續支持呀～加油p.s.張相係食左一半細佬先記得影既

小狗越老越大膽，攀出露臺的欄杆，所以來新蒲崗買小狗安全欄杆！下午茶時間，問熟悉這區的朋友，朋友介紹去合利潮州粉麵。滿座，不過等幾分鐘就有客人讓坐，超好人，真不好意思，哈哈！沒有量體溫，也沒有搓手液，我們天天都自己量體溫，也自備搓手液！全店員工都有戴口罩！Hubby 點了一碗朋友推薦的筋腩米粉 $30，我就看食評，點了一碗炸醬墨魚丸撈粗麵 $40。老公說筋腩不錯，我的墨魚丸及炸醬就真的麻麻，墨魚丸完全沒有墨魚味，炸醬很一般！整體價格合理！味道及格，只是來撐場 ！

好開心終於有機會黎到合利潮洲粉麵！次次都係叫外賣，所以都唔記得影相出post，今日黎到堂食，就出到啦😃合記餐牌樣樣都抵食之餘，食物質素完全係越級高質！ 基本單餸麵只係$30！本人例牌叫雲吞麵，雲吞又多粒，仲要粒粒蝦肉爽口，蝦肉香濃，絕對無車大炮！ 湯底好正，令人飲個不停！餐廳在區內已經好多年，最近9個月都為同路人幫助好多，最近疫情關係令生意百上加斤，需要告急，希望同區街坊都多多幫襯！另外，堂食當日，形同虛設的限制堂食令🚫仍未實施，但黎緊14日麻煩大家去餐廳食都合作，或者叫外賣都好方便！

今日黎新蒲崗去namco順手搵吓有咩好食嘅嘢食俾我發現到一間超級好食嘅黃店💕首先店員叔叔非常之Nice咁樣安排我哋入座而且仲超級好服務態度見到佢哋有湯粉同埋撈麵等我哋都要做牛腩河,同雲吞牛腩河首先一上菜嘅時候已經聞到湯底係超級濃超級香🥺🥺😍但居然係冇任何味精嘅味道牛腩質地係超腍 簡直係人間美食💕而且佢哋仲有佢哋獨有嘅辣椒醬俾我哋試吓我覺得我自己太小看佢原來真係好辣😂而且我係第一次係呢啲鋪頭入邊食炸魚皮係冇任何嘅油益味 而且好趣好趣佢仲送咗一個魚湯俾我哋去點呢個炸魚皮💋我哋都未準備買單嘅時候我男朋友已經話下次一定要再嚟☺

小妹住在新蒲崗已經20年，平時返工放工都會經過呢間鋪頭。今日放假同朋友經過，心血來潮就入咗去試吓，驟眼睇環境就同普通潮州粉店一樣。入到去我就嗌左墨魚丸同墨魚頭銀針粉。落完單，店員就好快上菜。賣相方便都幾好，個湯幾清。我通常會食麵之前第一啖會飲下個湯，味道好有魚味，幾鮮甜咁。之後我試吓食個墨魚頭，有咬口，口感幾唔錯。麵條點解我會揀咗銀針粉?因為口感通常都口感軟滑，懷舊，平時都好少機會食到銀針粉。食落都非常之爽滑，諗返起細個都成日食到。PS 魚皮好趣 一定要哎總括而言，我都幾推介呢間店。大家都可以去試吓

見啲人成日講，今日就去食一食。此黃店好傳統嘅潮州粉麵隔離嚟食撈麵，但我比較鍾意食河粉，所以叫咗碗。見到有墨魚鬚食，以為係傳統嘅炸墨魚鬚，原來唔係，冇諗過可以咁樣食。但最真誠推介嘅係佢哋送嘅一碟仔辣椒油，超級野味。我平時都唔點辣椒油，但食咗一啖之後成碟畀我食曬～

由細住黃大仙住到大，自問都食勻成個黃大仙咁滯，但早前有人宣傳呢間舖頭之後先發現原來一直都無食過呢間真香港人小店，愧對美食呀。有一晚黎食，店內已經有好多人，老闆話做唔切添，而且好多野都好早賣晒，食到無幾耐未到關門時間已經要截人。試唔到出名嘅墨魚鬚銀針粉(熟客朋友稱為墨鬚針)加紫菜，只好先試墨魚鬚配魚三味米粉加紫菜，不過廚房太忙嘅關係唔記得咗落紫菜，紫菜變咗另上，賺咗。講返碗粉米粉唔會有間中係其他粉麵舖有時食到嘅"行"味。而魚三味即係魚蛋，魚片頭，同魚皮餃，魚蛋爽口彈牙唔洗多講，魚片頭嘅魚肉鬆化，唔係重麵粉嘅沾口下價貨質素，而魚皮餃有驚喜，唔係平時係街市買到嘅貨色，真係食得出係有魚味嘅皮黎，咬落係有魚膠嘅質感。唔好唔記得呢度嘅重點墨魚鬚，真心爽口，同埋夠新鮮所以亦食得出墨魚香味，唔係煮過頭嘅橡膠可比。紫菜湯都係另外煮嘅，好在分開上咗，如果唔係就分唔出咩味道。整體好似好平凡普通嘅魚蛋粉其實用料非常唔錯，值得食。另一樣呢度出名係辣椒醬，唔係平時啲潮洲粉麵店咁放出黎任落嘅，佢地係俾個小碟，初初仲諗住咁孤寒嘅，但原來呢碟辣椒醬真係幾辣，而且好香，俾個like，如果落太多就反蓋過咗碗粉嘅好味。另一次

為左試唔同丸，但又得自己一個食，所以食左四寶丸米，超高水準！宜家要食得健康，佢地唔算太咸，好合適外出食飯，又要食得健康啲的人士。湯底當然亦都唔算咸。真係血壓高人士都啱！

A small shop with simple noodles, but tasty nonetheless! The little fried bits they sprinkle on too really gives the entire bowl of noodles a lot of flavour, while still tasting light. They also make their own chili sauce which you can buy a jar of too!

放假同老公揸車去覓食咁啱講起小時候情懷既牛腩上網搵下 就決定向新蒲崗進發揸十分鐘車就去到一見到舖頭外觀就知道唔會失望我同老公都好鐘意呢種舊式情懷奈何香港呢類舖頭已經買少見少街口都有幾架電單車泊係度我地同老闆講話想坐外面睇車佢即刻好幫忙咁搵個門口位比我地好好客亦好好禮貌但一坐底佢就話我地知無哂牛筋喇😭😭個時一點都未到 証明實在太好賣了。。。老公嗌左牛腩麵老公話辣椒油好香 但唔夠辣~我嗌左牛腩水餃銀針粉加腩汁芥蘭牛腩好入味 又夠淋最開心係有銀針粉 兒時回億同埋好大羹“冬菜＋芹菜”係面超正！！！憑老闆招呼其間既口吻同態度完完全全有真。香港人既感覺良心食物 愛心招呼 真心對人絕對值得同路人狠狠幫襯用錢大大力懲罰佢

自從換了新蒲崗上班，與灣仔有巨大落差，人變少了，食物價錢平了。但這區就是處處都是小店，每日食不同食物，即使同一樣食物都可以有好多選擇。小店就是比較舊式，冷氣沒有連鎖店勁，但食到平時食不到的味。一眼睇曬，有什麼菜都吾洗問，大大隻寫了今日有什麼菜。 餐牌一目了然，沒圖沒真相，其實慣性見到隔離食什麼，他的表情又好似告訴你很好食，就叫什麼好了。雲吞墨丸銀針，本身以為雙併加錢，原來都是29元。銀針粉這個選項不算常見，多數是河粉，米粉，麵，所以一定選擇銀針，也同時叫了了一個通菜。雲吞最普遍，亦最容易食得出好食與否，一定會叫，1 )雲吞不錯，有咬口，裡面既豬肉肉味濃，而且蝦也彈牙爽口。2)墨丸， 平平無奇，無咩特別銀針粉，其實真的不輸河粉米粉，反而每條每條地食，十分有咬口。湯底不錯，每碗有蔥和蒜，湯也不錯，清得來有味，但不是濃濃味精會口渴那種。但要提這個辣椒油，重點絕對在這裡。它並不似一般潮州辣椒油，嗆喉無比，2滴已經辣到呢。入口只有小小辣，但食一滴之後就會食不停口，連我不好辣椒油都被吸引了，真係試過第一滴就想加曬落碗粉。其實與其他新蒲崗粉麵店比較，其實不便宜，但粉量又真的較大。就是一般的腐乳通菜，

本來想去試成記，特登搭車過去。點知去到成9:30 時，佢貼出休息一天。由於做完野未食飯，所以求其搵間食算。見到附近有呢檔合利潮州粉麵就試下。牛筋幾夠稔。牛腩帶少少肥膏，所以唔太柴，都有少少牛味。河粉略嫌厚身同唔算滑，飽肚角度可以但食感就差少少。腩河嘅湯普通，冇乜特別。阿姐有問要不要辣椒油，原來枱上冇得自己加。可能因為辣椒油係店的主打之一，有得買樽裝，所以只會俾少少。圖中那碟就是我得到的。老實講，如果好味想人買，可以俾多少少，等食客可以試真些少啦。味道不算太特別，但這價錢都唔可以要求太多了。