合時小廚私房菜

营业中

休息中

原來訂咗6人用餐，臨時得5位，結果好多餸要拎走，今次叫嗰啲餸，系之前未試過嘅。花膠螺頭哈密瓜（爵士湯）$1180，花膠有6片，湯就係起碼有10 碗，火路夠好清甜，但真係貴左d，性價比不高。蝦多士$68/件，大大件，蝦膠爽口彈牙，好食。千層咕嚕肉$188，件肉外脆內軟，個汁甜酸度適中。羊腩煲（生菜一碟）$528，份量多，羊腩夠淋加上大量馬蹄、枝竹、蒜子，抵食。江瑤柱扒豆苗$188，江瑤柱吾少豆苗也鮮嫩，但味道比較咸。綠豆沙系送嘅，煲得好綿好香臭草味，一點也不馬虎。埋單$2800，都可以啦，但爵士湯真係吾建議叫啦。

試過合時小廚的外賣，可惜因為送外賣公司的失誤，令上次嘅餸菜失色不少，但有些餸菜凍了還是很好吃的，驅使我們非常想堂食一次。合時小廚是出了名的預約困難店，終於等到他再開一間私房菜，成功預約到12月中這一餐飯！先來椒鹽鮑魚，一上枱已經香氣四溢，炸粉很貼服簿透，椒鹽味非常香口，鮑魚軟腍有咬口，非常喜歡這一道頭盤！菜胆杏汁燉白肺湯，不是我吃過最滑的白肺湯，但這裏的肺肉很好吃！百花炸釀蝦多士，一上菜時有點被嚇到，蝦肉非常厚實很足料，蝦肉咬下去十分彈牙，配上多士脆脆，很開胃很滿足，是很推介的一道菜。花雕雞油蒸馬友，這個是必點的菜！馬友新鮮嫩滑又肥美，配上花雕雞油簡直是畫龍點睛，冇得輸！羊腩煲，我自己是不太喜歡吃羊的，同行友人都對這個羊腩煲一致讚好，相信也是很出色的一道菜！薑蔥焗肉蟹煎腸粉，最近有點覺得煎腸粉是潮流(?)，常常都吃到煎腸粉的菜色，但是這樣就有比較了，這道菜的腸粉煮得有點太腍以致外皮不夠脆口。茶皇雞，記得上次外賣也吃過，一試難忘，這晚的茶王雞也是沒有讓我失望，茶香味四溢，雞肉鮮嫩，非常出色！當然少不了菜和煲仔飯。個人比較喜歡這裏的焗豬扒飯，但是今天點了太多菜真的吃不下，繼而點了臘味煲仔飯

親切的款待，1. 迷你蝦多士，非常乾身👍🏻2. 懷舊咕嚕肉，外脆內軟，酸甜恰到好處👍🏻3. 茶王雞(半隻) 煙燻茶香，非常濃郁👍🏻4. 中蝦煎腸粉底，新鮮蝦又鮮甜👍🏻5. 生炒糯米飯，軟硬適中👍🏻6. 雞油豆苗，沒有油膩感覺👍🏻糖水：蛋白杏仁茶，有杏仁清香甜度適中👍🏻

唔係誇張 真係打咗好耐電話終於有人拎起電話 夾咗好多個日子終於book到喇！我一早訂定以下嘅菜 驚去到賣哂 無得食signature dish就掃興啦 🎃百花炸釀蝦多士厚厚彈牙嘅蝦膠 仲要夾多隻蝦喺入面多士炸得爽口脆脆口感大滿足🎃薑蔥焗中蝦煎腸粉蝦彈牙入味不在話下個煎腸粉非常之出色有驚喜條條腸粉都煎得香口 吸哂薑蔥蝦嘅精華🎃花雕雞油蒸馬友魚is my favorite 所以呢味一定要order!! 馬友新鮮嫩滑 配上雞油花雕 原來可以咁夾個汁絶對可以撈幾碗飯🎃菠蘿懷舊咕嚕肉舊舊都好大件 外脆內軟唔會係死酸 🎃極品茶皇雞送到上枱已經聞到陣陣茶香味咬落雞肉鮮嫩 舊舊都漲卜卜 仲有雞肝伴碟 超讚其實想叫埋少爺焗豬扒飯 但真係太飽留番下次

佢啱啱開之時，專登行過去訂位（因為打電話系冇人聽），book 左今晚6位6:30 pm早幾日預留左以下四款餸菜。杏汁豬肺湯（位上）個人覺得杏汁鹹食感覺比較怪，所以都係飲左少少，火路都夠。茶香雞1隻（連雞什），雞肝鬆軟、雞腎亦都好淋，隻雞嘅薰煙味好濃，鍾吾鍾就真係各有所好。薑蔥蟹腸粉煲，腸粉吸曬d汁加上大量蔥段，好好味，隻蟹反而系配角。拉絲焗豬扒飯（6人份）加荷包蛋，豬扒吉烈切條啖啖肉，加上大量芝士和鲜茄粒，我哋只係食咗半份，有半份要拎走。另外加左個懷舊咕嚕肉，皮脆肉嫩，但唯一要挑剔嘅系用罐頭菠蘿。金銀旦菜芯苗，正正常常而且又清清地。送左陳皮紅豆沙，陳皮味好濃，吾錯。埋單$3000，大部分餸份量都好足，細食嘅要留意，基本上系抵食嘅。題外話，可能因為星期日的關係，座位安排得比較迫。另一方面，有位侍應芳姐，殷勤有禮，主動換碟加茶水又快手，一讚。

聞說現在最難預約的中菜，饞嘴的我當然一直都很想嘗試，突然朋友說預約了這星期六，簡直就是心想事成馬上報名。老舖在西灣河，我們今天試天后的新店，適逢週末，老闆加大廚也在這裏坐鎮。椒鹽鮑魚粉很貼服，令到鮑魚質感很實在，味道偏濃，很是香口。蝦多士分量很大，蝦膠非常滑，多士炸得剛剛好，沒有太油膩。咕嚕肉，也是粉薄餡靚，甜酸份量拿捏很好。魚翅濃郁，也是偏鹹但我比較喜歡龍尾所以完全是我杯茶總括一個好酒好菜的晚上，三五知己，樂也樂也