合時餐廳小廚

营业中

休息中

一年容易又生日, 年長了心態也改變, 已不再像年前那樣喜歡柴娃娃大班人, 在這屬於個人的日子, 寧願靜悄悄渡過, 但遇著有心的朋友又要作別論記得之前在這和你們距離再次拉近, 闊別半年重臨舊地人物依舊, 但友誼或者更勝從前. 因一些事而遲來了, 你們沒有催促之餘還細心的點上羊腩煲等候, 其實早以明白到是你們為羊腩餓了多時, 所以才會那麼急不及待枝竹羊腩煲 - 真正的羊腩位不多, 多是連著骨的肉, 但也可理解, 只賣百元如全腩位成本可真高, 加上大排檔格局街坊價錢, 腩不腩已不太重要, 味道和風味更令人嚮往. 那天正值寒風初起, 在帳篷下每檯也吃上這來暖暖胃, 雖這煲羊臊味不算, 但當檯檯也見它蹤影時, 立時身邊臊味四起. 同場的筍, 冬菇和枝竹同樣入味, 朋友之後想再追加, 但恐怕再容不下所以作罷蝦乾醬娃娃菜 - 蝦乾略炸過, 鹹鮮中帶點香口, 配上清甜的娃娃菜更是一絕, 但此菜嫌油了點蜆介鯪魚球 - 早數個月前吃過時炸出來已縮了一團, 今回卻明顯四正得多, 鯪魚球色澤金黃, 外脆內軟, 加上蜆介一助, 送酒良品椒鹽鴨舌 - 和數月前吃過感覺一樣, 外觀平庸, 但吃落內裡軟腍爽脆, 丁點

今日同姨甥仔去將軍澳買完嘢，就專登去坑口村搵食，路過見到呢間嘢高朋滿座，好不熱鬧咁......我哋一行五人就入去食個飯啦！嚟到呢啲大排檔，豉椒炒蜆、炸大腸、沙鍋魚頭煲、蠔仔粥呢啲例牌嘢諗住實冇衰啦！點知樣樣都勁唔掂呀首先個豉椒炒蜆，竟然係甜嘅，跟住我哋叫個疑似老闆娘嚟試吓碟炒蜆，佢食完之後不發一言轉身走咗去，以為佢會幫我哋換另一碟啦，等咗一陣，佢連影都冇埋，算！食第二樣，炸大腸勁冧呀，最離譜係個沙鍋魚頭煲，面頭嗰件係正常，但之後嗰啲，Oh no~係冰凍㗎，我話莫非呢味叫冰鎮魚頭煲先啱，大家食到一肚火，好耐未試過食唔晒啲餸喇，仲要係未飽添，我哋都好奇怪呢度點解會咁爆場？佢哋係咪冇味覺嘅呢？跟住一致決定再去第二度再食過！

和很久不見的朋友飯聚, 地點選在離大家都不遠的坑口村, 早兩個月前還未算太炎熱, 所以坐在街上沒冷氣也不會熱氣襲人, 晚飯時間人客可不少, 要等上一段時間才有位. 論環境是有點嘈雜, 但大排檔就是這樣, 人人都可大大聲高談闊論, 大大口的喝著啤酒, 無拘無束, 實是開懷. 自携白酒不用收開瓶, 慢慢喝著再點菜 沙薑雞腳 - 第一道來的開胃小吃, 沙薑味很香濃, 每隻雞腳都很入味, 加上煮得腍中帶爽, 很是惹味馬拉盞炒通菜 - 通菜青翠嫩綠, 而馬拉盞下得夠多，汁很夠香濃, 簡單的一道菜, 有鑊氣口水雞 - 打正旗號做招牌菜, 就要半隻來試試. 本來有加辣版的, 但同行朋友不太好辣, 所以也沒有去挑戰, 在香港已難求有新鮮雞, 所以已經不再要求有什麼雞味, 但當吃著雞肉時發覺竟能做到嫩滑有彈性, 實是意外驚喜. 而辣汁是這道菜的靈魂, 辣味不重帶少麻, 配上蔥粒, 花生等味其實算幾香濃, 但最敗筆的是雞和汁竟完全各自各的, 雞肉只是被浸著的部位才有味, 看上去應是有單落才淋汁在雞面上 豉椒炒蜆 - 有別於平時吃開的味道, 醬汁頗甜, 很怪怪的, 而蜆肉需不太大隻, 但肉身鮮甜, 加上不會

紅日同屋企人黎食小菜好多人…食左千層咕嚕肉 (GOOD! 有三色椒n菠蘿)口水雞半隻炸生 (好大碟)椒鹽白飯魚 (配醋 好香口)鼓汁蒸蟮 (無食)炸大腸 (無食，屋企人話OK)炸通菜七餸四粥五人埋單$420,好抵食!

尋晚一行十三人一齊去合時食本身諗住打邊爐,但係未有所以就叫左胡椒豬骨煲,當邊爐咁打好大煲既豬骨煲呀~~叫左牛肉,西洋菜,生菜,鵝腸,水餃,魷魚做配料~牛肉好好味,唔係出面賣開既肥牛,係真係新鮮既牛肉~~西洋菜都好好味~~十三個人..淨係呢D當然唔夠啦仲叫左6個菜: 糯米飯-招牌菜,熱烘烘好warm~千層咕嚕肉-咕嚕肉同配料既比例岩岩好,我最欣賞咕嚕肉一D骨都冇,又冇肥豬肉,口感好充實呢~~~D汁仲好開胃TIM~西檸雞-又係啖啖肉,汁唔會太酸,炸粉又唔厚,食過番尋味~蒜香骨-炸得好香口呀~~仲有魚香茄子,蚵仔煎都OK~埋單每人$60,好抵食呀~~~下次帶屋企人去食先~

今日我一家諗緊去邊食晚飯嗰陣...諗起上次老豆買的口水雞味唔錯,所以今晚就一齊去食。今晚一共點左五餸一湯:茶寶雞:味道唔錯,有茶葉味,幾特別。咕嚕肉:唔會好酸,嗰汁唔錯,不過上碟過陣唔夠熱,個皮唔趣。魚湯菜心湯味精味好重,D菜都幾翠綠。黑椒牛仔骨:骨同肥高太多,D黑椒幾夠味,火侯都夠。豆豉蒸烏頭:豆豉味夠,不過條魚唔新鮮。魚頭湯:味精味重,飲完好口渴。食物整體一般服務都OK有電視睇方便泊車

今晚好想食小炒，所以兩口子就到了坑口村我們點了:口水雞加辣 : 上枱的口水雞，賣相相當好， 麻辣汁紅紅的，連隔離枱的食客都好奇問是什麼菜，雞肉肉質都算滑，麻辣汁都好有麻味，不只是有色且有味的，只是雞皮多點毛千層咕嚕肉: 炒得好干身，咕嚕肉吃落真的好有層次感，外層仲好脆，而且不吝嗇，有齊青紅黃椒及波羅，汁又不會太酸，那麼有層次感相信是將咕嚕肉卷起加脆漿才炸，好味 金銀蛋莧菜: OK . 令人覺得有驚喜的咕嚕肉, 讚

行晒最後都係好自然食返呢間~點菜後唔駛十分鐘就上齊~ 快~叫左:馬拉盞炒通菜, 味道ok架, 係的通菜唔靚者~椒鹽九肚魚, 好味, 成碟清晒~辣子雞丁, 雖然佢唔係專做辣野, 但味道拍得住出面的川菜館又快...又夠鑊氣~ 一流~

雖唔係近日去食, 但小炒佢真係炒得唔錯, 算平又大碟, 有幾款幾有特色, 尤其京蔥炒魚柳勁香口!

天寒地凍，由科大搭車黎到坑口村，原來係諗住去金葉軒，不過莊員們都好似病病地，唯有改變計劃，揀過第二間。天氣咁凍，當然係食羊腩煲既好時機，四個人叫左羊腩煲，豉椒炒蜆，三色蒸蛋，原本諗住賽螃蟹，可惜冇...首先黎既係豉椒炒蜆，好像欠了點鑊氣，不過味道尚算不錯~之後係羊腩煲，很香，羊肉冇乜酥味，不過真係唔夠"林" (莫非是我們太心急..?)三色蒸蛋，好像鹹了一點點，不過味道不錯喔~

每一次去坑口村,差不多每次都去食得妙,今次轉一轉口味,拉大隊到村口的"合時小廚".其實係周末夜,食得妙門口人龍不絕,才逼我們轉汰.門面格局,不及食得妙,環境較草根.外面半露天的座位,有如置身大排檔.一行六人,也算坐得寬趟舒服.半打人叫些大盤菜分吧,一大兜沙薑雞,非常入味,雞肉很嫩滑有雞味,雞皮亦很滑溜,不過隻雞唔夠肥,吃得不夠痛快.田下灣村三姐的窩貼小棠菜冠絕全港,一村之隔的合時又如何?外層也炸得鬆化,小棠菜混合墨魚膠的內函,並沒有三姐做得彈牙.有人想食煎蠔餅,叫一客試試,畢竟此店不是什麼潮州菜館,出品一定遜一籌.蛋漿煎得極厚,面頭仲有油積聚著.蠔仔也不顯得肥美,完全失敗.椒鹽白飯魚做得不錯,外層不厚,脆如吃薯條.再來個一品煲,涼瓜牛肉,一般之作.叫些啤酒,白飯,埋單唔使五百.平就平,但唔係大晒.下次再到坑口村的話,都係再去食得妙算.