合發翠華餐廳 (已結業)

今日放假...晨早去左跑步...跑左100分鐘....好肚餓! 記得同事話呢度既脆豬仔包好食又大個....我唔要奶油...剩食包...然後再叫多個鮮奶麥皮!鮮奶麥皮$14..煮得好綿...不過...我食唔出佢係用鮮奶定煉奶?? 個脆豬真係幾大個....同好脆口! 不過...朝早呢個亞姐就真係唔好態度...叫野好似欠左佢咁....晚市既亞姐好人!笑臉俾食物既!

同一條街有兩間...合發翠華細....我去左隔離大間兼有設非吸煙區既...翠華! 我叫左個菠菜鮮蝦雲吞米線, $20, 4粒雲吞都幾彈牙...米線淋左少少....魚湯浸海車勝瓜, $13, 細細份, 普通! 老公叫左個咖哩嫩羊仔扒併印度薄餅, $45, 薄餅上既時候熱辣辣, 好好食...! 老公話羊仔扒煮得好食過outback! 我試左少少...好淋! 特別一提係咖哩汁好香...少少辣....送飯一流! 中間伴住既薯蓉好綿...正!最好係佢隔左非吸煙區...咁以後就多個選擇啦! 同埋呢間既亞姐幾好人...服務唔錯! 不過...所有粉麵飯都唔包野飲....比一般茶餐廳貴少少!

(9/9/06)終於說服男友陪我黎食呢個.....問中環翠華,無;行過銅鑼灣翠華,都無見呢張"poster"─雪糕薄荷咖啡!!"poster"影出黎好靚,底層黑咖啡,上面加奶層,再一球雪糕,好吸引!誰知實物,只是一杯普通的凍咖啡,加一球咖啡味雪糕,淋上少許的薄荷,根本一D薄荷味都無!真係又被扼了。男友飲o既熱雪梨水,很好o羅!

每次早上到來都是全場9 成满, 其餘一成是些單座"吉"位, 往往要等一等才能坐下, 被迫快快地吃個早餐。被迫的意思是, 因人多, 地方又窄, 使人不能多留一會, 要趕快食完便走...今次點了D餐:火腿三文治- 兩片白麵包夾著兩片凍冰冰的火腿。麵包算軟熟, 可惜太薄, 咬落口欠奉。火腿凍凍的, 有點硬及乾。我通常只用四份一片夾麵包吃, 其餘的放通麥皮中, 來個自制的火腿麥皮。以往試過味道也不錯的呀, 來自火腿的鹹味是很鮮的!雙奶麥皮- 雙奶, 估是鮮奶加花奶吧, 沒機會問清楚, 待應都忙個不停, 我都不便問太多! 它是淡淡的牛奶麥皮, 不甜不鹹, 質感尚可, 幾濃及滑。因為我吃慣鹹麥皮, 所以今次也像上次一樣, 弄個鹹麥皮。可是這次的麥皮不夠熱, 端上來時只是暖的, 暖度是再放多一會便會凍的那種, 所以不夠熱來把火腿味迫出來..熱咖啡- 要了少奶, 因為正常的實在奶味太重, 像在飲花奶似的。今次雖然是少奶, 但仍覺太多, 幸好咖啡都幾香濃, 有啡味, 可接受。雖然這裏環境是迫及多人, 食物水準一般, 但我還是再來, 因為附近的幾間也試過, 以餐的款式及味道來衡量, 還是選了這裏!附近好像

準備整包私房菜前先食個早餐，雖然明知當晚有好多home make包食，但食過幾間翠華，只有這裡的多士才可留邊，忍不住都要食。脆脆的厚多士加上粒粒花生醬，充滿口感外，仲好有滿足感，一件唔夠喉，要再來多件。老公要早餐A本來是配墨西哥流沙包的，因買晒關係，只好改牛油方包，感覺上好似唔多抵。而奶茶亦唔多掂，太多奶沒有茶香。

今日幫老闆出去港島區拎d野，然後去荃灣綠揚坊0個邊交收，攪掂都已經2點半(仲未食飯=.=)，之後當然飛撲去醫肚啦﹗因為我食完野要去銀行，知道d銀行都響哂荃灣街市0個邊，所以就落去0個邊搵食。因為我平時好少落黎呢個位，先知呢度有好好好好多食店，攪到我花多眼亂(哈哈)，最後擇翠華因為早前有網友介紹過翠華畀我，一試無坊^__^原本叫左個下午茶餐\(上海炒粗)$28，落左order見知道仲有午餐\(本身想食飯)，對於個””海陸雙併””幾有興趣，知道左”海陸”係”龍利柳+豬扒”，非常岩口胃，所以就order左﹗$33，凍檸茶+2=$35紅湯味道都ok，凍檸茶好好飲好大杯^__^個飯都等左陣，心諗呢d餐\唔係一早整定嗎點解要等咁耐既呢﹖﹖好啦個飯黎到，我內心嘩然﹗除左碟飯整體好大碟之外，塊魚柳亦都好好好好大塊好厚啊^Q^豬扒就係一塊一般size，飯就一碗仔，反而我好開心d雜菜佔成半碟呀﹗好少餐\廳畀配菜會有咁多架﹗有椰菜﹑車里茄﹑秀珍菇忍唔住食啖魚柳先，噢熱辣辣都不得了，而且又脆，原來係即炸怪唔之要等咁耐，味道好好﹗豬扒就冇乜特別，汁就係蒜蓉汁，有點’流’不過配飯食都ok。雜菜清清地配合炸魚食一流

I have tried other Tsui Wah branches which are Ok, however this time I decided to try the Tsuen Wan branch.I ordered the Tofu noodle with Prawn, Prawn egg.It tasted ok, however I found a green worm, which must have come from the vegetable.

我叫了通粉早餐.餐包(幾好)通粉(湯太多, 賣相差, 通粉味道麻麻)蛋ok咖啡(勁難飲, 完全無咖啡味)老公點公仔麵餐.牛肉及公仔麵(味道完全唔掂)不會再幫襯!!!

平日只係食銅鑼佢灣o個間, 見荃岩灣呢度岩岩裝修左,咪去試下lor...豬軟骨米線..好咸同好油咖哩牛飯..不過不失焗葡國雞飯..d雞冇味,而且d飯係分開上. 即係得個汁係焗覺得唔係咁好食, 出面o個幾間分店會好味d, 比呢個價o係荃灣食好似唔係好抵.

呢度比同區的大部份茶記為貴, 不過小妹覺得唔係特別好味, 但侍應服務態度幾好, 記得有一次小妹係度食早餐後, 因為唔舒服要食藥, 故叫了一個侍應俾杯茶我, 當他拿了杯茶後, 見小妹拿出藥來, 便主動問我要唔要換杯水, 他這種行為未必間間茶記都有, 可能因為呢種態度令呢度經常滿座。

D好好食,服務態度又好, 尤其係個收銀員同部長,成日對住我笑

這間餐廳的食物非常之好..由其是干炒牛河又大碟又好食.... 總知就很好..價錢又平服務又好...

雖然同屬翠華集團，價錢同食物亦差不多一樣，但荃灣呢間d服務就實在太差，本人同家人連續兩日下午三時後打算到此餐廳食午飯，兩次去入到去都冇人理會，餐廳當時不太人多，只有我們等位，但竟然冇一個侍應生(甚至有位掛住經理牌)問我們幾位，佢地望完我地就繼續傾計，兩次都係咁，我地最後嬲到走左，話過以後都唔會去，其實我最想同翠華既負責人投訴，相比中環翠華就好好多，侍應生既服務就非常好，唔似呢間咁。

上個禮拜五，我特登同我男友去呢間o野試試...我o地叫o左個豬扒炒一丁，同埋咖哩雞翼飯...我同我男友都覺得個一丁唔錯，豬扒都整得幾鬆軟...至於咖哩雞翼飯，我好鍾意食裡面o既薯仔，我男友就覺得個咖哩確係唔錯！總括而言，兩款食物都唔錯！不過，我o地就覺得唔算抵食，價錢只屬一般!!!

唔...我覺得呢個度的食物好食..又多選擇多到唔知叫咩好。