吉利尼 (已結業)

第一次黎試呢間新加坡餐廳，我點左咖哩雞配薄餅&薑奶茶餐廳係半自助形式，先去counter買飛，跟住拎個牌返位，待應稍後就會拎食物過黎咖哩雞配餐可以配飯或配薄餅($58)，我揀左薄餅。個咖哩好香，有少少辣味用黎點薄餅食啱晒！個薄餅好似酥皮咁，外脆內軟，好好味！不過就覺得雞唔夠入味，入面的肉淡左d。個套餐可以配一杯$18飲品，我就加左$2配左杯薑奶茶。個奶茶令我好有驚喜一飲落口好有薑味，攪兩攪先發現原來入面真係放左幾片薑好有誠意呀！個奶茶又唔會太甜，同薑味好夾

在尖沙咀起家的killiney竟然大駕光臨到屯門, 咁就幫襯下啦~價錢不貴, 食平民星馬菜都坐得幾舒服兩個人吃這些呢個新加坡叻沙, 湯底蝦味濃, 又有椰奶香, 不太辣, 幾好味配料有魚片、豆卜、雞蛋、芽菜同蝦, 蝦有蝦味, 魚片彈牙麵條就似米線, 滑滑地, 連埋湯食最正~美祿恐龍, 真的好濃郁的味道, 奇怪的是邊飲液體邊有些未溶的美祿粉夾雜其中, 又不會覺得核突, 反而好合理咁, 有咬口添!熱薏米水唔太甜, 純粹薏米的天然味道傳統咖椰多士烘到脆脆地, 裡面有香甜咖椰醬, 夾埋厚切牛油, 好鬼夾, 又好惹味!

一段頗長的時間沒來了，由於個人比較懶，離家步程約20mins的吉利尼，對於懶人來說太遠了. 父親難得回港，到處算逛是他的愛好，20mins對他來說太小兒科，所以一起來到安定邨吃下午茶.下午茶餐選了香辣蕃茄湯通粉配餐肉蛋、熱奶茶，另加一客咖央. 父親同樣選了這款茶餐呢! 香辣蕃茄湯通粉熱辣辣的茄通粉，辣度小得吃不出來，幸好蕃茄湯底酸甜美味，配上有咬口的通粉，都幾吸引.餐肉、煎蛋香煎的餐肉、雞蛋，只要要即煎的，已經很美味了. 咖央多熱烘的咖央多，內裡塗滿香甜的咖央醬，再加上薄薄一片牛油，實在好吃到不得鳥!熱奶茶奶茶用上煉奶沖成，雖然是比較甜膩，但風味十足. 自從父親放假回來，我的體重亦直接上升，一定是陪他到處吃喝而得來的屯門屯門鄉事會路2A號H.A.N.D.S 1樓A區A-121號舖2194 6218

一向愛吃南洋吐司 + 奶茶, 通常都會去比較就腳的吐司工坊遠少少既吉利尼勝在環境較大 坐都坐得舒服D而且一至日都有tea set, $26 ~ $32係輕食既好去處星期六訓到12點幾先起身tea就梗係要食番多D悠閒的午後配此輕食~ happy weekend!

今晚唔算太有胃口，所以過左黎輕食填肚。經典多士餐 $38 (全日供應)份量真係唔多，不過勝在好味。有一份咖央多士，入面塗滿牛油，椰絲同奶。加埋方包烘到脆卜卜，味道好好。兩隻半生熟蛋平時黎講應該話咁快就畢入口, 不過職員送餐時, 順便放下一支胡椒粉同一樽豉油O係檯面...其實呢佢地混入半熟蛋黎食真係好好味, 蛋黃本身已經有佢既味道, 不過再加入少許豉油, 其實又變出另一款美食, 口感滑漏, 再加埋少少胡椒粉, 少少香味~最後再飲多一杯熱既白咖啡, 叉電後, 再開工!

幾個月前去了一趟新加坡旅行，對新加坡早餐念念不忘。星期天約十一點半到達商場，想吃早餐時又想吃午餐，結果選了Killiney。餐廳以半自助式服務，先自行到收銀處點餐付錢，店員會發下號碼牌，找到座位後，最後乖乖等店員送餐。半熟蛋：半生不熟蛋，配著白胡椒和黑醬油攪拌，沾吐司吃。咖椰吐司：吐司沒有像新加坡吃到的脆口。紫薯麥片：紫薯很香，呈淡紫色，連鄰桌的小女孩也被吸引，要求家人為她點同一飲料。新加坡叻沙：叻沙適合香港人口味，唔會太辣，湯沒有新加坡當地濃，但又不會像港式叻沙稀。豆卜吸收了足夠湯汁，好吃！白咖啡：咖啡因有點強，不太像白咖啡。

講起新加坡，自然少不了為人所熟悉的美食。這間店身處於屋邨內，人流不算太多，很容易找到位置坐下。不得不嘗試一下咖央多士。咖央多士配上熱奶茶沾了咖椰醬的多士配搭了鮮牛油，濃烈既蛋香味，甜而不膩。不過，食一份已經足夠了，畢竟熱量很高。這間店人流相對上較少，而且高樓底，枱與枱之間寬闊，給人感覺寧靜悠閒，相對上沒那麼焗促。值得再來品嚐。

前排去完新加坡旅行, 而家返到黎香港仲係好掛住d叻沙同咖央多, 之後行到屯門見到killiney, 為左要一解相思之苦, 我同個fd立即入去食!我地兩個人叫左三樣野食——咖央多士, 叻沙同娘惹咖喱雞!先講第一樣: 咖央多士呢樣係加$10配呢份咖央多士, 本來都以為只係d hea既多士, 點知佢真係即叫即烘, 而裏面舊牛油就係凍既, 口感超好! 講真, 好耐無食過咁用心整既多士, 雖然啖啖牛油, 好有罪惡感, 但係真係忍唔住食哂!XD之後就食$55娘惹咖喱雞飯份量我覺得好合適既, 一黎就聞到好香既咖喱味, 本身我都係唔太食得辣既, 但係呢個辣度都OK, 撈飯一流!最後就不得不提呢個$55叻沙, 完全無令我失望, 我真係食返新加坡果隻味! 最後我連湯都飲哂呀!!! 因為平時出面果D既叻沙係比較淡味既, 但係我就係中意濃味D, 所以完全岩我口味!Overall, 我覺得以呢個價錢同味道, 係抵食! 我地兩個人每人都係$70-80就食到飽, 仲要有quality既! 呢間值得我再黎!!!

第一次係香港食新加坡既餐廳，緊係叫晒新加坡所有特式既野食喇！KAYA多士，海南雞飯，LAKSA，仲有意外好食既咖哩雞喇！！環境算係咁，話晒都係商場入面，空間感都算OK，唔太多位，但勝在間鋪少人，可以靜靜地傾下計食個TEA咁。傳說中既KAYA多士！入面係鮮牛油，正呀喂！配返杯咖啡，哈哈～個腦就諗起阿發白咖啡～個侍應姐姐好好人，我自己係飲好甜既人，我叫妹妹加左２次糖，我都知我麻煩，但佢都仲係笑面迎人LOL另外，主菜LAKSA就岩我口味D，重少少椰奶味，唔會太辣，我覺得都算足料！佢D蝦都叫大大隻，唔係蝦米咁。岩一班姐妹下午茶GOSSIP好去處。

因工作來到附近，一個人的晚餐諗住對自己好d,見到呢間裝修唔錯就入黎試下。 點了以為穩陣的海南雞飯，但結果都令人極度失望。 油飯很乾而且有怪味，雞肉很韌。。。點了薑蓉豉油都仍然好似無味一樣。。。仲有間鋪好多蚊飛下飛下。五十幾蚊食個咁既飯令人好唔開心 >.<真係好難食 T_T

是日約了友人去屯門取東西當然一起吃個tea啦友人揀選咗KILLINEY話係食tea其實係我哋嘅lunch,選咗海南雞飯$55~海南雞飯跟足三色醬雞肉尚算嫩滑味道不過不失啦油飯不算油膩但可惜不夠香口~香茅豬扒飯$46成品豬扒大大件不乾硬香茅味淡淡的算不上出色但也算可口吧!!加$12配咖央多士~烘得脆口加上厚切牛油邪惡非常還有4件之多最後2件要撤去牛油才敢吃下~另外加$10配特飲美祿恐龍~這特飲正正係我童年回憶大家有冇試過咁沖美祿飲呢?還要一口吃下美祿粉當天竟可重溫多謝魚子醬& Megan好介紹呀~

自從在GARDEN BY THE BAY吃過一次很好吃的叻沙之後，我就開始愛上這道美食，每次在東南亞餐廳遇上這道菜，都忍不住要試試。今次來到位於安定商場(現已和友愛商場合併並改名為H.A.N.D.S)的KILLINEY，店的樓底很高，環境很舒服，可能因為食物選擇不多以及價位較高，平日的午餐時段也不用等位，而且鬆動得有點為它的生意擔心。叻沙湯底濃郁美味，不過價錢不便宜之餘略嫌份量少了一點，下次可以加錢要埋咖央多士應該會更滿足，但吃一頓午餐價錢就變得更貴了。下次想試試這兒的海南雞飯，希望能夠同樣滿意喇~

有次食lunch set 同行者點了“香茅豬扒“, 結果是兩塊炸燶且無任何香茅味的豬扒，附送小碟黑色貌似是豉油的醬汁，豬扒乾僧僧之餘其中白飯是硬得難以入口，同行者面有難色，向我索取“喇沙汁“ 拌飯。最感不值的是價錢走中高檔，食物質素如此馬虎，不太令人接受到。

芸芸星馬菜連鎖店中，吉尼利是我心中的最愛。無論係食物、價錢、服務都係第一的。尖東分店最方便，食過幾次，今日入到屯門又再食佢。 睇睇餐牌，加左幾款新野。叫左兩個set lumch。馬來米暹做得唔錯。米粉質地唔會太淋，有咬口。四大件虾肉尚算爽口。最愛嘅豆卜已配上洋葱粒甜醬汁，豆卜索哂d 汁，正呀！撈米個款醬就少少辣，相當惹味！ 另外一試新野，香茅豬扒飯。即叫即煎，都要等一陣。 兩大塊豬扒大過你塊面呀！豬扒好香，煎得香脆乾身，肥膏唔多，唔油膩。配上兩款醬，點豉油就幾夾，但另外個隻似係海南雞嘅朋友多d。最後一定要加錢食咖椰多士喇！不過依家貴左，要$12。 個咖椰醬落得夠哂多，由於唔係太甜，所以絕對食得哂。個醬好香，有少少似奶黃味咁，夾上一塊牛油，就算罪惡感標食都要食呀！一如以往，一杯熱淡奶奶茶。 記住哩到會幫你加埋糖，所以怕甜就一定要叫少甜。哩到無加一，餐具都係自己拎。但係哩到我感受到加一嘅服務。要求加醬料，待應好快送上。收拾枱面時亦十分禮貌。最後見我飲完奶茶，幫我收左杯後仲送上熱水一杯。吉尼利，我點可以唔愛你呢！

本人雖然未曾去過新加坡, 但卻對辛辣及椰香的菜肴情有獨鍾, 讓您胃口大開.食店的裝修在我之前的食評有介紹過, 圖片請參考之前的食評. 但這裡有些微改動是靠近落地玻璃的位置由沒有椅背的長椅改為卡位, 所以坐位會比較舒適!有看過我食評的朋友都會知道我之前曾吃過這食店它的叻沙, 咖啡和咖央多士都非常出色. 今次會嘗試一下它其他的海南雞飯和香茅豬扒飯.海南雞飯($55): 凡是星馬餐廳，一定有這一道海南雞飯, 這裡的雞肉嫩滑, 不會過肥膩, 我是很注重健康的人, 雞皮不肥膩沒有肥膏可以連皮一起吃, 醬料有豉油,蒜泥及辣椒醬, 蘸些特製的辣椒醬拌著吃，非常可口; 油鹽飯很有飯的油香并不會過咸, 冬天吃可以暖暖胃; 伴碟番茄和青瓜都很新鮮和清甜. 香茅豬扒飯($46):  豬扒炸得很香脆而肉質嫩腍, 肉質炸得金黃色買相一流但不會煎過火, 肉的油份由裡面滲出來但不會過膩, 更滲出清香的香茅味, 吃點生菜絲以減肥膩感.咖央多士(套餐+$10): 叫套餐加$10可嘗到咖央多士, 多士焗得很香脆加上厚厚甜香的咖央醬及牛油非常惹味!嘗試過其他的食物, 它的水準真是不錯, 有時間會再來光顧的!