吉祥冰室 (已結業)

有個吃貨朋友升職，於是同佢食一餐好食嘅，咁就可以俾我哋談心🤩於是一於揀左呢一間銅鑼灣嘅餐廳食野，喺OpenRice度見到成間餐廳嘅環境裝修都好啱feel，非常之舒適可以享受下真係好好🤩坐低見到有我至愛—咖喱牛腩飯我很喜歡這個，好厚肉，肉方面好juicy，入味好香，好好食💯

同男朋友住新界 成日都周圍覓食😋茶餐廳冰室都好鍾意食㗎👍🏻入到嚟都即刻問要唔要湯😋好好味好濃味！老火湯👍🏻💕黃金鮮魷拼豆腐好香鹹蛋黃味！沙沙地嘅口感！份量都好多，口腐幾滑同鹹蛋黃味好夾！前菜一流瑤柱金銀蛋浸菜心我基本上有呢個餸都一定會嗌🤣好鍾意食！同埋有瑤柱嘅香味👍🏻皮蛋都好多！四川麻辣水煮滑牛真係差啲食唔晒！叫咗小辣都夠惹味！又夠辣！牛肉同配菜都好大份！唔洗驚唔夠食！牛肉好滑！😋

今朝係social media上面見到有人介紹去咗呢一間餐廳食嘢😙睇到喺OpenRice有好多人話呢一間餐廳好正，所以就好想去享受一下！我幾鍾意呢一度嘅氣氛。🥰咖喱雞扒飯上枱香噴噴，軟硬度恰到好處，肉方面好juicy，十分惹味，超推介！

今日同同事收工經過見到呢間新式冰室，見幾多人，所以我地都入去試下🫣🥢啫啫豬肚雞煲🐷🐔 $88轉套餐加$6（包例湯、白飯、熱飲）呢碟好夠熱，上菜時都有za za 聲，雞件夠入味，但少少硬，份量都算多，豬肚都夠淋🥢泰式炒飯🍳🍚 $55呢碟炒飯好有鑊氣，估唔到冰室都會有算係fusion泰式嘅菜，佢有紅色嘅蝦仔，個炒飯味道都好開胃，又唔會太油膩～🥤紅豆奶茶🫘 +$8個奶茶味好濃，而且都係好港式嘅奶茶底，同紅豆好夾，紅豆有d沙可以增加個口感🤏🏻🥤五穀阿華田 +$8呢個好surprise，因為佢個個五穀係獨立一包上，好足料🤌🏻阿華田都算濃我地聽到店員話蒸嘅菜式會耐d，因為即叫即蒸～

今日星期日難得放假，特登去左元朗周圍行下，行到甘上下時間，又差不多午飯時間，就睇下附近有咩好嘢食，由朗屏西鐵站沿住天橋行左二分鐘，見到衣間好有特色的「吉祥冰室」。入到去第一感覺得環境好舒服，不會有太大壓迫感，樓面侍應充足，而且有超水準服務態度。今日點了XO楊洲炒飯，炒飯粒粒分明，配料非常多，再加上獲氣，值得比10個之後再來一個瑞士汁三C炒河，瑞士汁炒河係出面就食得多，衣度嘅瑞士汁份量與河粉調配得剛剛好，不會太甜，再加上配料。最後就係主角，招牌小炒王，小炒王我就食得多，但吉祥衣個小炒王絕對比到驚喜我，所有配料都係我至愛，有韭菜花，菜脯，魷魚，叉燒絲，蝦乾等✌🏼✌🏼再加上廚師的獲氣，比起出邊好多地方好得多最後加埋一杯紅豆奶茶&凍檸茶，已經好飽了！下次一定再去試其他小菜

皇上如意吉祥呀 呢間位於朗屏站附近嘅吉祥冰室裝修好特別其中一部分係中國特色 例如 櫈同埋調味料架 都係非常中國風 不過牆身設計同檯 燈等等 都係用咗復古嘅歐陸風 成個配搭好得意晚餐時間嚟到都幾多人食呀 好在唔使等位叫咗三個小菜啫啫通菜煲 原鍋砂鍋咋咋聲 非常有鑊氣 上面好多冬菇絲 肉碎 蝦米等等 超級惹味 通菜索曬醬汁嘅味道黃金鮮魷 鮮魷外皮炸得超級香脆 用咗鹹蛋黃醬 鹹香惹味 同時夾埋爽口嘅新鮮鮮魷超夾招牌菜千層脆皮蝦球 蝦球粒粒都好大隻肉質爽口彈牙夠曬新鮮 外面包上超惹味嘅千島醬 大人細路都啱食

喺朗屏站附近搵食，一落天橋見到佢個下午茶A-Z嘅餐牌，心諗成26款咁多，實有一款啱食，加上餐廳嘅裝潢幾vintage，所以冇睇其他餐廳就入左去。叫左個T餐-迷你咖喱豬扒飯🍛$39，人生可以幾可叫到T餐？雖然話係迷你，但其實份量都唔少，咖喱微辣，但本人嗜辣，所以要再落辣椒油。如圖所見，飯量勁多。豬扒會食到煎/炸過嘅香味，肉質唔韌。凍奶茶（+$3）奶底香濃，带有少少紅茶澀澀嘅味道，茶同奶嘅比例都調配得恰到好處。餐廳只收現金，如果有得用電子支付就好了。

行咗幾次近市區啲嘅山，今回入嚟新界西行吓啲中長途嘅，由掃管笏起步，經千島湖，再經黃泥墩水塘落番去大棠村，最後坐番K車出朗屏。嚟到朗屏，差唔多5:00pm，最後搵個舒服嘅地方抖抖，嘆番個下午茶就最好不過。我哋就好隨心，見到呢間「吉祥冰室 」就入咗去，近地鐵站，純粹就腳。除咗門口挨窗有幾張吧位枱之外，裡面嘅環境都如大部分茶記咁，裝修簡潔，左右喺卡位，中間就方枱，前者喺梳化椅，又闊落，當然好坐啲，後者無得挨，坐得無咗舒服。我哋嚟到時，啱啱好有卡位！店家嘅下午茶餐供應嘅時間都幾長，由2:00pm到6:00pm，早食晚飯嘅人大可到6:00pm嚟最後衝刺慳少少食個下午茶當晚餐。而選擇亦非常之多，由A-Z共26款，輕怡到大份量，平平哋到貴貴哋都有。餐具、餐紙放晌枱側，排列整齊，值得一讚，而枱上放咗少少調味料同牙簽，其實喺正常不過，但個器皿就好中式，好復古。順帶一提，店員都喺啲後生仔女，但好好禮貌，亦快手快腳，用平板落單，都幾有管理系統。美式長熱狗 $29啱啱賣晒菠蘿油，退二求其次揀熱狗，因為晏啲又話食晚飯喇，所以，揀款熱狗應該差唔多。有少少驚喜喎，唔喺得條腸加啲芥辣咁，長熱狗包烘過嚟，香腸有半呎長，

天氣好熱，行一陣就想坐低涼下冷氣，去左間裝修古色古香，復古風格茶餐廳，茶記來講佢裝修算好用心，以墨綠色為主，仲有啲好懷舊嘅櫈。每個餐都會跟例湯同餐飲~黑椒牛扒焗意粉 $62因為未算好餓所以叫左少意粉，一上到枱熱辣辣，芝士夠多可以拉出黎!!! 🤭意粉煮得夠淋，啖啖好滋味，而且份量好多，少意粉依然食到好飽，抵食!焗白汁魚柳飯 $62魚柳飯更加吸引，面層鋪滿芝士，焗至少少焦脆。魚柳肉身厚。炒飯底粒粒分明，份量同樣係好大。入面仲有少少蛋碎，口感更加好雪山阿華田 +$8麥芽香味阿華田，加上五穀麥芽，雙重享受😎入面有薏仁、黑白芝麻、大豆等等。感覺黑白芝麻嘅味道最重，雪山粉味道唔會太甜，所以配上阿華田感覺啱啱好，值得一試🤭

朋友推介打卡一流既冰室，係朗屏西鐵站B1出口行2-3分鐘就到，十分方便店內環境好有懷舊特色，打卡一流而且店員親切友善黃金鮮魷$92魷魚新鮮爽口彈牙，火喉剛剛好炸得好香脆，而且有大量咸蛋黃包住，岩曬鍾意食咸蛋既我，超好味梅菜扣肉煲$82扣肉入口即融化，又不太唔油膩，鋪了滿滿梅菜，而且梅菜好香，煲底內還有些白菜，有菜有肉好抵食馬拉盞炒通菜$58通菜新鮮而且份量好多，馬拉盞醬汁香濃轉套餐加6元，有湯有飯有飲品，好抵食又好味，而且湯仲好好飲下次經過一定再幫襯

六點前，岩岩好仲有下午茶時段，可以叫到女兒最愛即西多士同吉列魚柳配紅豆冰😂西多士見到粒粒花生，夠香又夠滑！當然仲有小朋友最鍾意嘅紅豆冰吉列魚柳薯角又係女兒最愛！當楊州炒飯一聽廚房既鑊氣聲，就知道炒飯十分夠火喉！米飯粒粒夠乾身，味道足，火喉夠！我好耐冇食咁有鑊氣既炒飯，火喉十足！！吉祥真。奇妙雞煲上菜時香噴噴，即刻流口水🤤，秘製醬汁味道真係夠奇妙😉，叫了少辣都十分惹味！送飯一流！洋蔥青椒都十分爽甜！值得一試！

中午太熱, 辦公地點又實在太遠, 所以又FOOD熊貓送餐到公司, 係APP 內搵左幾間餐廳, 結果隨機抽樣下選擇左呢間, 點左個芝士龍脷腩燴飯。跟餐配送熱奶茶一杯。相信是我個人的問題, 我一直都以為燴飯是DEFAULT 會放好多汁係D飯上面, 但收到飯盒時左一下, 咁少汁既!!! 而且D 魚口感都好一般, 咁又未算好差, 但炸粉太厚了, 龍脷魚腩感覺就同普通茶記既魚柳差唔多。唯一可取係跟餐送野飲唔需要加錢, 但未計運費情況下都要60+, 呢個價錢我相信可以食得更好。 同埋D汁實在太少了, 而我今日又實在好肚餓, 所以最後係逼不得已情況下食白飯

🐱🐷吉祥冰室🐱🐷好耐冇嚟過元朗！咁啱嚟朗屏探朋友 到咗西鐵站諗住食啲野先🤗行落天橋見到有間新開冇耐嘅吉祥冰室✨入面嘅座位係以綠色/啡色皮革為主調 少少復古嘅感覺～野食嘅種類好豐富有好多唔同嘅港式飯類😆亦有每日唔同嘅午餐menu, 咁就星期一到日都有新鮮感啦🤪當然都有茶記嘅常餐食啦😌唔食飯都有麵食🤗我地見除左menu啲野食外 店內嘅牆身仲有其他款式嘅野食！所以我地嗌咗個沙薑雞飯同埋口水雞飯😋跟餐有個例湯，今日係老黃瓜紅蘿蔔豬骨湯🤗好足料！亦有跟杯野飲，我地加咗3蚊要杯凍齋啡同加7蚊嗌咗推介嘅紅豆奶茶～凍齋啡味道正正常常～紅豆奶茶有好多紅豆🥰🥰🥰有驚喜首先嚟嘅係沙薑雞飯🥰比想像中大碟✨✨有7-8舊雞！味道都好夠 好開心有我最愛嘅雞翼添😆然後就係個口水雞飯😋😋佢辣度夠但又唔會辣到食唔到😆佢同一般嘅口水雞汁有少少唔同，但我幾鍾意佢呢間嘅調味😌口水雞個底仲有好多芽菜🥰🥰佢係有啲酸酸地嘅 有醃過 同個雞好夾💖仲好送飯🐱🐷總結：老闆同老闆娘（應該係）好親切～

元朗呢間冰室一入到去第一眼吸引到我嘅就係佢深綠色嘅大門 仲有啲復古風格嘅裝修枱櫈😍 環境好乾淨 重點係佢冷氣夠大 夏天來講呢個真係好重要‼️ 咁先係冰室㗎嘛😋放假真係起身都到下午茶時間 呢間嘅下午茶真心抵食 唔貴份量大 選擇又多 香煎雞扒芝士撈丁$40 +$5轉左出前一丁 +$5加個炒蛋🤭有芝士🧀呢個組合真係好good 仲要呢個價錢 jap落啖啖肉 自己整都唔止呢個價了 抵食ʕ•ᴥ•ʔ迷你咖喱龍脷柳飯$41 鍾意食下午茶嘅原因係貪佢價錢平啲份量又冇咁多 咁就可以以最優惠嘅價錢食到唔同種類嘅嘢😋雖則佢叫迷你 但係佢個size都真係好足料 都有三，四舊龍脷柳😍 加埋其他薯仔🥔青椒🫑 都咪話唔飽🤰🏻西多士$32 下午茶唔叫西多士又點叫下午茶🫖 呢個係港式冰室經典冇得輸 脆卜卜新鮮炸起 加埋牛油同埋糖漿 仲有個邪惡花生醬夾心🥜🥜 真心大滿足🤤再加左兩個例湯好足料有晒豬骨 真係港式茶餐廳先食到嘅味道🥹😍佢每個餐仲送熱飲凍飲加$3 呢個價錢仲包飲品真心冇嘢可以挑剔了( •̀֊•́ ) ̖́-總括而言元朗呢間裝修復古 環境又舒服嘅冰室 價錢大眾化 選擇又多 住元朗嘅朋友得閒可以落嚟探索下 🥰🥰

今日因為家人下午有事要出去，所以就用外賣平台快揾咗元朗其中一間冰室外賣送來。家人叫咗個雪菜肉絲炆米配凍朱古力，家人意見味道淡淡，一般而無特別。我就叫咗蔥花鹹牛肉炒蛋常餐，跟多士，通粉夾鮮茄濃湯，配凍檸茶。初時會覺得通粉配鮮茄湯淡淡地，好似唔係太夠味，不過食落又覺得唔會太咸，而鹹牛肉炒蛋亦整得好味，整體感覺味道較為天然，唔會多味精。我試過家人的雪菜肉絲炆米，味道同樣係較為清淡，相對無我個常餐咁好味。或者下次可以試下吉祥的炒粉麵飯夠唔夠鑊氣。