吉祥小㕑山西刀削麵

营业中

休息中

凌晨收工經過呢間嘢於是嗌咗個$48蚊既麻辣手撕雞外賣返到屋企打開先知係平價雞扒肉嚟 又鞋又韌調味亦都好麻麻 總之手撕雞嚟講真係好鬼難食你叫麻辣雞扒肉算啦 叫乜手撕雞 未食過手撕雞係咁嘅樣咁難食絕對無下次 中伏！！

嗌左排骨豬頸肉刀削麵 排骨係酸左 豬頸肉有超大陣疏打粉味 湯底剩係咸味 然後手撕雞唔係手撕 係切出黎既 個汁完全亂黎 好似是但拎啲食剩左既雞 然後淋啲生抽落去咁 最差係價錢好貴 極差

平時都鍾意食辣嘢，不過好少搵到間岩自己口味。今次試左呢間，每一款菜式都有驚喜，香港食到大陸既味道。牛蛙鍋中辣 正！爆炒腰花 正！臭豆腐都正！下次去食都會再點…另外想試下烤魚

好有驚喜啊🥳🥳有個同事呢排成日去屋企附近食烤魚，搞到個個都好想去試😂咁啱上星期成班同事喺九龍打完羽毛球，專登入天水圍食晚飯😋😋由5:30pm食飯飲酒到11pm, 食物水準超班👍🏻（當然唔係樣樣野啦）超級盡興🤗老闆娘人好好，好啱傾，招呼周到🥰仲幫我哋影抖音😆😆😆😆😆初時諗住淨係食啲小食就夠，點知一路食一路飲，最後都叫咗烤魚同雞煲😂個人本身麻麻哋食魚，所以食咗少少，但係啲同事係慕名而來，佢哋覺得好食過元朗嘅XX工房🫢

香茅豬扒飯……完全無香茅味＋硬過條命嘅豬扒星洲炒米……無咖喱味，啲叉燒硬到咬唔開乳鴿……佢好細心甘比左一堆淮鹽粉我地…但係放哂係個盒入面，送到黎啲乳鴿沾哂淮鹽粉，咸到呢～

一肚火，140幾蚊買2個餐，個凍奶茶係用粉沖出黎，口水雞面得2,3件雞，雞完全無味係淡既。豬頸肉米線d肉完全唔似豬肉好似擦膠咁。佢係我呢世人入面食過最難食既餐廳，可唔可以快d執笠唔好再害人呢？天水圍真係俾你影衰晒

呢間野超難食 我呢世人都未食過可以難食到咁我叫個凍檸茶 同凍奶茶 點知直接幫我轉左做 凍檸檬 同豆漿因為話冰櫃壞左 罐裝野飲就罐裝啦 凍咩檸茶？我2樣食左幾啖成個扔左垃圾桶見野食冇味面勁爛勁油 佢係令我第一次專登開個ac黎寫如果評分可以負我會俾負 直情呢度見唔倒最好遺禍人間

叫左2個麵，一個酸菜牛肉，一個紅燒牛肉。一打開，2個麵除左麵底外，基本上合樣係一樣😑之後個湯底得陣小小咸味。跟住我先試刀削麵，真好野，成餅野咁，叉都叉唔開。然後試下另一個似拉麵既麵，真係好驚喜，我地竟然食到有雲吞麵既味道，哈哈哈。再者仲有個小食同唔知咩餅，都係唔好味🙉🙉🙉係連我兩個細佬咬左啖都唔食啦唉其實我地係係外賣平台叫野食，都係衰貪佢有優惠咪試下囉，極度後悔冇上黎睇食評囉。完全浪費左一餐，真陰公

為圖方便，我們選擇了點外賣，菜餚令我地稍有失望。先介紹味道最好的涼拌三絲，味道適中，咸香微辣，蔬菜口感爽脆，複雜的口感為味蕾帶來新鮮感，配搭獨特。再來的是炸臭豆腐和炸蠔餅，雖然已有心理準備這些食物到達時會不再如堂食般酥脆，但從未預想到店家在包裝上的考慮未及周詳，因為包裝盒竟然幾乎密封，而臭豆腐的醬料亦預先倒入食物上，以致食物外層軟爛，口感欠佳。味道方面，兩道菜的調味偏淡，而且蠔肉份量遠比炸粉少，令人失望。另一道酥炸排骨雖然外層仍餘酥脆的外皮，但肉質較乾瘦，幸好排骨調味做得好，濃香味道挽救了肉質的過失。至於對於最後的尖椒鮮魷，評價只有一個詞語：平淡，與預期的味道有明顯落差。整體來說，菜式在包裝和味道方面均仍有後大的進步空間，目前的價格和水準可能難以吸引食客再次光顧。

呢個就係招牌紅燒牛肉麵，打開真係笑咗出嚟，你食埋我個份。外賣55蚊食呢個麵，你問下自己好唔好意思煮比個客食呢啲嘢？寫明刀削麵竟然冇刀削麵揀。廿幾蚊碗牛腩麵都多料過你。

天水圍有刀削麵食嘅地方好少，見到呢一間所以就諗住食下，點知完全中晒伏！叫外賣雖然非常快，大約20分鐘就送到。但係食物就難食到一個點，打開啲湯望落去好濃好夠顏色，但係d湯完全無味，好似飲緊水一樣雖然有分湯，但係d麵煮到溶溶爛爛，完全無口感根本就唔係刀削麵，叫咗豬頸肉、東坡肉同紅燒牛肉削面，其實就係非常非常普通嘅牛腩麵，啲肉乾爭爭又硬豬頸肉味道都算正常，但係偏油。價錢偏貴，咁嘅質素完全唔值呢個價錢，唔會再幫襯

1.号稱"香濃"豬手完全無味道刀削麵又係無味湯似白滾水、几塊東坡肉無肥肉並且硬繃繃,加一舊飯咁就剩惠近50大元2. 我們路過,是頭婆堆起笑臉招我同兒子入去, 小朋友食得慢大約一小時佢竟然搬走我成張枱想趕我們走, 期間不断做小動作騷擾我同六歲兒子3. 天水圍一碗無味刀削麵加一碟涼菜收$68 好過去搶4.我兒子一邊食一邊仲有隻烏蠅要不時揮手趕走5, 本來不想入去, 個女人騙我地岩小朋友食,入到去睇歺牌已覺無乜選擇, 但小朋友不可太夜飯,唯有勉強叫左個我自己食刀削麵, 想不到佢小朋友都唔放過

千祈唔好去呢間野度食 啲嘢難食到一個點 呢個所謂嘅椒鹽豬扒飯 汁又無 仲衰過炸豬扒飯 你地睇吓有冇食過好似呢張相入面咁樣既椒鹽豬扒 真係唔好貪方便食呢間野 去7仔叮個飯仲好食過佢

啲湯完全無味！望住啲色水，以為幾香濃，但一放入口，好似白開水煮麵咁，唔知食緊乜野⋯刀削麵又唔係刀削，一包包麵即麵果類。但肚餓，唯有食落去。仲要唔便宜囉⋯但係無下次鳥！

今日喺天水圍做嘢，見到有刀削麵就試下。叫咗個蕃茄炒蛋餃子刀削麵，蕃茄冰凍，係冰凍，仲硬嘅。蛋碎濕濕好似食剩咁，加埋唔知有冇半隻蛋。餃子係生嘅，入面啲肉仲係生肉。個湯同麵完全冇味，勁難食。叫佢換，廚房佬走出嚟眼超超。隔離枱有位女士叫咗個口水雞撈刀削麵，話雞同麵完全冇味，連汁都冇，唔知點撈。廚房佬喺我面前將少少豉油同辣椒油撈勻比隔離枱位女士撈麵食。勁不知所謂！真係美女廚房都好食過佢！完全係貼錢買難受！