吉野家 (康麗花園)

营业中

休息中

啊，吉野家牛肉飯係我喺屯門食過嘅好經典嘅選擇！佢嘅牛肉汁係真係份量啱啱啱啱啱啱啱啱啱好，唔會太多太少，啱晒食一碗飯。啲牛肉汁又夠熱，啲牛肉又夠嫩，真係好滿足！中午食吉野家牛肉飯真係係一個好正確嘅決定，特別係你想食啲熱辣辣嘅嘢。吉野家嘅食物都係好實在，唔會令人失望。如果你中午唔知食咩，吉野家係絕對係一個首選！係咪你都係吉野家嘅粉絲呀？哈哈！食完之後，可能會仲想再嚟一次呢！絕對值得推介！不過間中我都會食雞飯

很久沒吃吉野家了，出新墟食啲野再買餸，經過吉野家睇下有咩下午茶，點知見到衣個野菜煎雞飯都係19元，叫果時都唸可能好迷你，不過晏啲都歸家煮滾飯食，唔洗食咁飽，就試下，點知一點都唔迷你囉！對我黎講岩岩好😊，咁又幾抵食喎！

吉野家的溫泉蛋牛肉飯不過不失。牛肉切片嫩滑多汁，搭配溫泉蛋的柔軟口感，每一口都散發著濃郁的牛肉沖香味。飯粒蓬鬆，能完美吸收牛肉和溫泉蛋的風味。這道牛肉飯簡單而美味，無論是外觀還是味道，一直都唔錯，不過不失。

午餐抵食既選擇黎講，吉野家真係一個好選擇。今日就選擇左吉野家既招牌王牌，牛肉飯。吉野家既牛肉飯價錢唔貴，夾埋餐飲都係HKD$50到，LUNCH黎講的確好抵。首先，牛肉飯既牛量係好多，名副其實啖啖肉呀，不過呢個價錢唔好預係靚靚和牛，質素只係酒樓火鍋既肥牛，但已經好滿足了。最重要係吉野家好貼心，只要你REQUEST，佢地會俾多D牛肉汁你，牛肉汁絕對係精華黎，撈飯一流呀。啖啖肉加牛肉汁，VERY GOOD。

個日趕時間唔知食乜，突然想去中學時期最愛既其中一間連鎖店（暴露年齡🤭），就想話入去回味下入到去見到咁靜，打左個突，因為係平日午飯時間，冇咩道理🤔🤔但又廢事要諗食咩，就入左去睇餐牌其實我好懷念佢三文魚蟹籽飯，佢又唔比外賣，但我諗我真係好耐冇幫襯佢，個餐牌已經面目全非，咁就求其叫左d野食，員工同客人都冇咩眼神接觸，答問題又有d敷衍，成個場都冇人執枱。野食價錢唔貴，平平地解決一餐係ok既，但味道除左個飯係正常水準之外，其他真係不值一提，飯既牛肉係吉野家咁多年黎招牌，呢個仲叫做keep到，咖哩感覺好似日本食品店買既咖哩磚開出黎，咁味道都ok既，抹茶紅豆冰，紅豆太少，唔夠甜，冇綠茶味，但6蚊。。。。。算係咁，真係唔能夠要求太多，關東煮係最差，完全冇味，d野食係淋到一個點，好難食

今晚諗住去呢間分店食火煱，去到見到門口有8個空位，叫老婆坐低就走去訂餐，點知收銀阿姐話半放題火煱唔賣飛，我問佢點解？佢話唔知，我話點解有位都唔賣飛，佢叫左個女經理出嚟，個經理話半放題火煱已經無位，個啲空位係留嚟俾人買其他飯坐低食，當時我身旁無人排隊，我再問點解有生意唔做（門口位係設有電磁爐，可以用嚟打邊爐），佢話佢唔會開個啲位做火煱，我唯有離開，去第二度食。真係唔明呢啲係咩嘢嘅服務，我發誓以後再不會幫襯呢間集團嘅任何一間分店。

吉野家嘅牛肉飯永遠冇得輸，今日晚餐食咗流心蛋特盛牛肉飯。洋蔥煮得好淋好甜，牛肉可能時間嘅關係煮得比較鞋。不過放埋一齊食又覺得OK喎。另外叫牛肉飯必點牛肉汁，倒落返到有少少似湯飯嘅感覺，真係好開胃。但係每次食完都要勁飲水應該好多味精。

上星期六同兩位朋友去迪卡龍買游水裝備，買完就揾個地方坐下食下野，二話不說就去左吉野家。👍🏽👍🏽👍🏽平時都係食開吉野打邊爐或者牛肉飯，今次朋友話新出左個下午茶餐，有個牛肉飯、氣水，仲有一件綠茶券，原來都只係$20。咁抵？！點都試下啦😍😍😍結果我地三個都叫左呢個餐，好冇創意呀，哈哈哈！！！我就加$3 轉凍檸茶，牛肉飯係迷你版，一如以往既好味道。呢個餐其中一個亮點應該係件綠茶卷，試一啖，嗯，係正常既，如果多少少cream就更好！不過$20仲想有咩要求？性價比算好高啦！☺️☺️☺️

其實吉野家只是我近這一兩年才開始接觸，以前並沒有什麼特別地會令我去吃。只是一次巧合地要吃一個快速的早餐，然後就開始了第一次，然後間中也會來吃個早餐。每次只吃玉子牛肉飯($30)，最近加了價，以前是$26，但現在飯量增多了，其實以前的量也很足夠)。有天嚐了個洋食早餐($33。蛋是凍的，炸魚柳的肉很薄，炸粉卻很厚)，就更加確信以後只吃玉子牛肉飯！

星期六晚睇完戲，就同朋友開咗戲院對面間吉野家打邊爐。因為之前見到吉野家推出新鍋，而自己一直都係吉野家嘅忠實粉絲，所以點可以唔試呢。新鍋叫濃厚咖哩鍋，就咁睇湯底香濃惹味，但係食落其實唔太辣，配上牛肉，蟹棒，芝士腸，等等我最鍾意食嘅食物，實在係大滿足！唯一美中不足既係湯底去到後尾我覺得太濃好’gip’ 要加返啲清湯中和下。整體嚟講我都好滿意，而且屯門呢間吉野家係用電磁爐，非常方便。

又到咗3點3下午茶嘅時間，一個人最好就係去吉野家度食下午茶👍合乎經濟原則,又夠飽味道還不錯😋$30有嘢飲又有嘢食今次食咗煎雞麵。出前一丁軟硬度啱啱好，雞扒嫩滑不會鞋口。見佢仲有推出其他新下午茶餐，下次可以一試!

一人邊爐首選當然揀吉野家！佢既芝士竹輪鍋係一人平價火鍋之王！濃湯十分出色，令到入面d配料都好入味，蟹棒係好味既，並唔係嗰種一煮就散既蟹棒！粉絲同烏冬都好好味，無得輸啊！雞肉滑嫩，就算加配料都唔算太貴呢！

吉野家邊爐一直都是快餐店打邊爐的首選，湯底吸引，配料高質，牛肉不是用非常廉價的肉類，烏冬像日本的那種，吸收湯底後，彈牙入味，蟹棒也高質，飲品都挺多選擇，今天加錢要了菊花蘆薈蜜，很滿足的一頓。

大牛肉飯+牛汁吉野家既牛汁係可以令我食兩碗😂牛肉好出牛味，仲好多肥膏。仲有好多洋蔥，煮得好淋，好味道。飯方面，係用珍珠米，煮得剛剛好，唔會過淋，過硬。好憎啲出面餐廳啲飯煮到爛哂🤮

因為已經食厭自己屋苑附近的餐廳，因此塔車去了吉野家，1月食吉野家夠50蚊有優惠卷用，今日用埋佢食L1-L16送隻溫泉蛋L16 （日式咖哩、無椰奶味，個人較喜歡這種）奶茶中規中距我自己下載左app做會員，有張優惠卷29蚊汽水加細牛肉飯太肚餓同埋牛肉飯太好食忍唔住吉野家最好食係牛肉，調味方面做得好好，好過大多數餐廳的牛肉飯，米應該係日本珍珠米，好食😃價錢唔貴，肯涯麥記既女人我早找到了，但原來佢也肯同我涯吉野家的，太好了因惠我用了兩個優惠，因此，唯需要分單。