吉野家 (頌安商場)

营业中

休息中

馬鞍山吉野家每次都有驚喜,今次係鰻魚雞玉子蛋飯,我一開以為盒飯有人食過,鰻魚完全唔見有,剩係得嗰啲碎喺度,每次叫外賣就係畀啲碎,其實都已經好多次啦,都有打個電話嚟,次次都話跟足啲,下次唔會,其實我真係好怕寫要上網寫食評,因為我人比較懶,諗住隔咗一段時間再嗌點知又係,咁睇嚟有排都係唔使再叫馬鞍山吉野家

今天中午點咗個香辣肉醬豆腐丼飯外賣自取，結果取餐時職員話香辣肉醬冇曬了，所以轉普通肉醬。整好餐了先黎同我講都算了，OK冇問題。但係點知返到屋企打開外賣發現原來連粒豆腐渣都冇，得個肉醬撈飯。真係好差嘅一次體驗，以後都唔會想再係到點嘢食了

冬天特別想念北海道️嘅雪節和美食，最新有日本北海道海產，至愛海鮮嘅我試左啦。帆立貝吉邊定食用日本北海道直送的優質帆立貝，鮮甜肉厚，肉質彈牙。我揀了招牌湯底，極尚鮮味火鍋盛盒內芝士竹輪芝士味濃、魚皮蝦餃彈牙。新鮮蔬菜有清甜娃娃菜、香甜南瓜、粟米、金菇都好新鮮，邊爐定食點可以無牛肉，優質穀飼肥牛經特別切片，完全唔韌，冬天食特別吸引。堂食吉邊$49起配烏冬/麵或者飯，呢個價錢好抵食，外送帆立貝火鍋二人前 $198 ，屋企嘆就更暖笠笠。

下午茶時間 個肚已經餓到無哂知覺咁 所以揀左飽肚之選— 吉野家 相信呢間店鋪香港人唔會覺得陌生 係全港有多間分店 價錢黎講亦中規中矩 而我就係鐘意佢夠大 可以比你慢慢坐底休息 唔會趕人走！ 今次我就揀左牛肉昆布烏冬+綠茶 佢嘅湯底用左好好味嘅牛肉去煮 令到個烏冬食落好有味 而個昆布又吸收哂湯底嘅精華 但有份量唔少嘅牛肉+其他配料 係香港$30嘅價錢有一個套餐而飽肚得黎價錢又平 又可以慢慢休息

一早起身又要諗食乜, 唔想成日食港式或西式早餐, 可以試下吉野家日系早餐↑哩間舖裝修都幾富麗堂煌, 下面有食客, 所以唔方便影, 枱櫈都係平時個個款式, 而家好在係有2部自助點餐機, 減輕職員既負擔我見哩間吉野家幫襯既人比較多, 但員工人手就偏少. 要表揚既係哩位叫"fat"既員工, 有好多無理既食客, 佢都好有耐心好應對, 自己1個已經一腳踢, 都可以沉住氣去一一回答, 值得嘉許↑哩個係我經常食既牛肉烏冬, 記得牛肉汁係必須加既, 如果食得辣既, 不妨試下落2包辣椒片, 味道就會煥然一新↑雖然朝早食飯係比較heavy, 但係配埋溫泉玉子, 蛋漿佈滿每一粒飯, 令到成個飯口感綿滑, 再加埋少少牛肉汁, 成個飯絕對可以清底

早餐我近來經常光顧吉野家，野菜牛肉飯都只需$20，份量雖然比平常少，但飯都不少，足夠飽肚，現在社會環境下，這個價錢比較有人情味。其實下午茶都有$20 野菜牛肉飯堂食份量更多，牛肉鮮嫩，彈牙鮮味，洋蔥香甜，野菜有椰菜花、西蘭花、紅蘿蔔，一齊食更健康，我會加七味粉、辣椒籽，辣得更惹味。如果加酸薑更醒胃，獨立包裝夠衛生。凍飲只需加$2，好抵食，難得這間分店店面不大，但經常有位坐，枱有時不夠乾淨，但快食都可以接受。

今日再試吓用不同的外賣app，搵到吉野家比其他餐廳平點運費，於是合共買咗一個二人前套餐和一個一人前餐，各包一罐汽水！套餐係特盛牛肉飯，牛肉都算幾多，而且餐廳可加配牛肉汁，孩子吃落更加易入口。整體味道不錯！不過外賣一定有風險，今次就係漏汽水一罐，餐廳唔會特登再送去你屋企，唯有下次點餐睇吓有冇補返。今次牛肉飯送到時已不熱，這就比較遜色！最失敗嘅係，收據上寫填問卷後獲贈$5優惠券，已經即刻填，點知填完之後可以下載截圖時，原來優惠券已過期，真離譜！餐廳應該正視問題啦！

吉野家打邊爐係我嘅至愛，無論乜嘢季節我都會選擇$60左右1份嘅一人邊爐。我令男朋友都愛上左吉野家邊爐。 平時每隔幾個月都會推出新款，但係小編依然都係鍾情於佢嘅濃湯基本款式，一來覺得好抵食二來覺得主要都係食牛肉同埋個粉絲。所以好少試新野。早幾年前會食烏冬，但近年我只會order 個粉絲,因為佢嘅粉絲吸入左佢嘅湯底，再配埋牛肉真係超級好食，因為烏冬個吸收力都冇佢咁好。另外我乜嘢將都唔會要我淨係會食佢嘅麻醬，一流。每次食完都捧住個大肚腩走 ，佢嘅綠茶紅豆冰都好好飲㗎！順帶一提，我發現到服務員大多數都係比較年長既婦人，而且覺得吉野家樓面嘅工作量都好多，每次見到佢哋辛勞工作，我都會有啲心痛，希望佢哋嘅待遇可以好啲啦

話說大家成日都話馬鞍山係美食沙漠(其實我就唔係太覺既)，好多人一直好想呢邊開吉野家，聽聞仲有人真係SEND message比人地管理層添，等左N年，終於去年在頌安開左，還記得第一日排哂隊的情況…哈哈！由於心心都幾鍾意食，所以我地久不久都會幫襯外賣或堂食，今日就坐低食啦！其實佢有既位置好少(已經放多左2張枱在出面走廊)，所以我諗大部份人都係外賣的！值得一提是，佢地都支持走塑！我地試過拎盒黎買，OK架！吉野家其實款式唔多，黎黎去去嗰啲都係牛呀、豬呀、雞呀咁，今次就叫左野菜煎雞飯(大)($44.5)、牛肉生姜燒($38)同豬肉生姜燒($35)，套餐可以跟汽水、茶或麵鼓湯，老實講D麵鼓湯我就唔係太欣賞，但唔想小朋友飲咁多汽水，茶又唔啱佢地，所以唯有都係揀呢個。唔知點解我每次食既時候開頭都覺得好似唔夠餸，但最後又係夠有突的。份量都OK啦，3個餐我地四個人食，夠飽。生姜燒其實無咩姜味，D肉都不過不失啦。快餐黎講唔會要求太多。不過平日有學生餐就會抵食。P.S.呢度D冷氣好凍，記得帶外套。

這是馬鞍山唯一的吉野家，位於馬鞍山頌安邨。新開幕的頭幾星期很多人排隊，熱潮過後也不算很多人。食物款式其實不算多，主打牛肉飯，另外還有鰻魚雞肉東坡肉等食材可供選擇。食物味道不錯， 不過堂食位置較少。

自從說服了囡囡試一試吉野家的牛肉飯以來, 偶然問她想吃什麼, 她就會想起牛肉飯. 今天囡囡再次想吃, 就一家人到吉野家吃中午飯了. 自己就希望試一試新的食物, 飽肚之餘又可以跟大家分享一下.  忌廉很滑, 微甜, 應該是罐頭的忌廉汁. 蘑菇都算爽口, 沒有草青味. 今天的牛肉不算很多脂肪, 顯得有點結實及有咬口. 三文魚是三文魚碎, 有些許鮮甜, 但略為乾身. 碗是巨丼用的黑色碗, 份量似乎是不少的, 但可能分了三種不同的配菜, 吃完了配菜還有白飯剩下來. 還好, 下單時要求了額外的牛肉汁, 可以用牛肉汁伴飯. 收費是HKD45左右, 價錢合理, 價性比都相對高. 店員態度亦算良好, 親切有禮. 這分店坐位較少, 宜先找坐位. 

吉野家真的很常去吃, 但大多數都是中午飯. 今天下午茶時間去到, 就硏究一下有什麼分別. 發現有個下午茶餐有包, 就下單試試. 這個餐的內容有雞扒包, 出前一丁及飲品一杯.雞扒包就應該是一向雞飯的雞扒, 當然就沒有切開, 一齊塊的. 麪包方面都很鬆軟, 有沙律吃落更濕潤. 雞扒乾身, 皮脆, 肉都有少少汁. 出前一丁就要在湯內多泡一會, 如果立即食用會感到有點生麪, 麻油是小包裝的那種, 要自己加到麪中. 飲品點了健宜百士, 不是另一大氣水牌子, 個人來說味道大家都差唔多. 員工服務態度良好, 都是那一句, 先諗好再排隊講買, 到您買時您又講不出要什麼, 人家會很難做的.  坐位方面不算很多, 所以最好先找坐位坐下.   

吉野家第一間喺馬鞍山開業嘅分店終於坐落咗頌安邨喇，開頭嘅時候排隊排到離晒譜，依家終於回復正常，冇咩人排隊啦。星期六下晝嘅三點幾行過，可能好耐冇見過吉野家嘅關係，唔知原來有一個新嘅3點3下午茶餐，點解叫3點3呢，因為呢個下午茶餐真係要3時15分之後先有得食，價錢比一般下午茶餐仲平，只係$20咋雖然咁平，但份量絕對唔少，有一個迷你牛肉飯，再加一個麻醬豆腐，一條司華力腸，再加一杯嘢飲添。牛肉飯雖然迷你，但條司華力腸絕對唔細條，個豆腐仲凍凍地幾好食添。如果你下次三點左右行過吉野家，不妨等多幾分鐘，識你一個下午茶餐啦

馬鞍山開左吉野家，幾個月前熱潮未過，而座位只有20多個，每日經過都人頭湧湧，終於係下午茶既時間見到有位坐，就去試下啦，因為之前我download左吉野家app，有張$19 優惠劵，可以換購和風牛肉飯/野菜煎雞飯/日式野茶飯，加飲品，肚餓既關係，我再加入$8 要左1塊抹茶臻子醬包，野荼煎雞飯係一貫吉野家水準，比較有驚喜既係抹茶包，佢唔係用普通方包，用左丹麥酥皮包，食上去有一層層既口感，再加上臻子醬，好滿足，但好heavy。總共$27，都算幾抵。

馬鞍山一向係美食沙漠，所以難得有吉野家進駐，竟然成為新聞，又喺屋村度開，所以每逢午飯，都會吸引到好多中學生去食，每日午飯時間，都有二三十人排隊買嘢食。如果可以的話，我一向主張早食午飯，避過人潮，今日可以早食，未夠12點就去到吉野家，冇咩人，於是買完即刻可以食到。試咗日式咖喱煎雞飯，啲雞冇咩味，唯有靠咖喱汁，但係咖喱汁又唔夠多，所以慳住黎餸飯，如果有多啲汁就好喇！飲品方面，有湯、綠茶或汽水揀。汽水方面有輕怡百事，適合我呢啲怕肥嘅人。另外就係呢一度有喺其他分店之前未見過嘅甜酸薑片，不過只有辣，冇甜冇酸嘅味道，為個飯加啲味道，都唔錯既😉