吉野家 (頌安商場)

营业中

休息中

话说大家成日都话马鞍山系美食沙漠(其实我就唔系太觉既)，好多人一直好想呢边开吉野家，听闻仲有人真系SEND message比人地管理层添，等左N年，终于去年在颂安开左，还记得第一日排哂队的情况…哈哈！由于心心都几钟意食，所以我地久不久都会帮衬外卖或堂食，今日就坐低食啦！其实佢有既位置好少(已经放多左2张枱在出面走廊)，所以我谂大部份人都系外卖的！值得一提是，佢地都支持走塑！我地试过拎盒黎买，OK架！吉野家其实款式唔多，黎黎去去𠮶啲都系牛呀、猪呀、鸡呀咁，今次就叫左野菜煎鸡饭(大)($44.5)、牛肉生姜烧($38)同猪肉生姜烧($35)，套餐可以跟汽水、茶或面鼓汤，老实讲D面鼓汤我就唔系太欣赏，但唔想小朋友饮咁多汽水，茶又唔啱佢地，所以唯有都系拣呢个。唔知点解我每次食既时候开头都觉得好似唔够𩠌，但最后又系够有突的。份量都OK啦，3个餐我地四个人食，够饱。生姜烧其实无咩姜味，D肉都不过不失啦。快餐黎讲唔会要求太多。不过平日有学生餐就会抵食。P.S.呢度D冷气好冻，记得带外套。