同心泰國菜館 (已結業)

餓了十幾日食減肥餐單，略有小成，今日終於都出關，當然係食番餐好既﹗夜晚同友人一行四人去左呢間佢地介紹既同心泰國菜館食番餐。九點來到，人客未算多仍有位，地方企理，見佢門口有玻璃窗睇到廚房工作，入面0的燒雞同燒魚一隻隻一條條掛哂出來，見到都想食﹗難得放監，想食咩就叫咩，是日無生蝦食有0的失色，要了冬蔭公、泰式木瓜沙律、燒雞半隻、炸蝦餅、咖哩配蒜蓉包及原隻燒魷魚。冬蔭公用細隻既大頭蝦煮成，入面大大話話有六七隻大頭蝦仔，入口夠酸，蒜味重，可能第一樣來到就飲辣野關係，辣得渾身是汗。眾多食物中，食家話燒雞最好食，燒得外皮夠乾身脆口，食落有陣陣烤香，雞夠大隻多肉，肉質不o鞋口，十分鐘內見食家吃了成三四件，個個爭住食，一陣就無哂﹗木瓜沙律紅紅的，加人吃一口辣到標哂汗，木瓜絲未算十分爽口，如更新鮮會更脆更好食﹗蝦餅炸得脆口彈牙，蝦味足，脆漿夠薄又香口，蘸少少甜酸醬同吃惹味﹗我地幾個都好鍾意食咖哩，呢間泰菜有樣好就係可以單叫咖哩配蒜蓉包，唔洗特登又要叫個蜆叫個牛但其實只想食咖哩，妹仔大話主人婆。咖哩濃稠，蛋味重，入面盡是洋蔥及香草，咖哩掛在蒜蓉包同吃真有化腐朽為神奇之效，最後蒜包叫了兩客，成碗咖哩食哂﹗燒

一去到有5成人都係泰國人.......去到點了...雞肉炒飯...炒含羞草.鴨肉河同紅豆冰雞肉炒飯一般........只係加左的咖喱都的豆....炒含羞草.個汁好正....香口辣辣地...有的似豆角加西洋菜咁的樣鴨肉湯河最正......我點的,的確係呢間店的名菜鴨肉多.細細件.甜味又足,而加上鴨紅又香..個湯底.唔知用乜整.好鮮甜....紅豆冰....椰汁做..幾香...二個店去新個間好的,環境正,的店員識聽廣東話....仲比舊店有禮

作為泰菜fans，定期都會去食。今次又係一行3人，叫咗好多野。鴨肉河、豬手河、咸魚炒椰菜苗、酸辣豬什湯、青木瓜沙律、仲有個炒飯。河粉係我的至愛。至愛佢ge 湯底，好鮮甜。鴨肉切成薄片，好入味又淋。豬手見人食就見得多，今次第一次試。豬手配咸酸菜好正！豬手啖啖肉，好淋好入味，又唔會覺肥膩。椰菜苗當做，所以超嫩。咸魚味濃，椰菜苗又吸晒d味，所以好正。酸辣豬什湯第一次飲，以往都係飲冬蔭公。都有好多不同香料同豬什。味道較冬蔭公清，不過都夠酸夠辣！豬什有豬心、豬肚、粉腸，份量足，絕不吝嗇。下次都可以再飲呢個。個炒飯就一般，我連個名都唔記得了！青木瓜沙律今次超辣。食一啖已經噴火。青木瓜爽口，sop sop 聲！當中的蕃茄最入味，夠酸夠辣！

九龍成太多泰國菜...經過呢間都幾多人食又唔洗等位, 就入去做下白老鼠....結果...冬蔭功湯 ~ 超掂....冬蔭功湯味好濃, 唔覺得有味精夠辣, 香料好香, 大頭蝦多, 草菇多...正!!海鮮沙津 ~ 唔係好得....只有魷魚, 蝦, 超多蔥同洋蔥, 無粉絲, 汁應該只得魚露, 唔辣...唔推薦!!大蝦炒金邊粉 ~ 味道十個一般, 炒得唔香, 無乜料, 三隻蝦, 蛋絲, 蔥, 牙菜...唔得...我炒應該好味好多多多!!!泰色炒棷菜苗 ~ 一般貨色, 唔難食, 但無驚喜, 叫咗加辣, 但一d 都唔辣, 普普通通!!棷青 ~ 呢度d棷青好新鮮好嫩, d棷青肉用匙輕輕力刮就可以食到, 棷青肉仲好嫩滑呢!總結: 短期內都唔會來...下次o黎九龍成會試下其他店, 九龍成太多選擇吧!!

昨天又去九龍城食泰菜, 次次見好多大等位, 即管試下。兩個人, 叫了一條燒烏頭 ($88), 肉很霉。木瓜沙律, 有少少怪味。炒通菜, 是用大條水雍, 不是一般幼身的。一碟香葉肉碎飯, 香葉無香味, 很鞋。很失望。走時, 仍見外面, 很多人等位。

第一次食螄蚶，沒記錯的話是數年前在牛皇打邊爐，感覺沒甚特別，即使侍應一再強調「男人食咗身體好」，但也沒有再吃的衝動。後來，蔡瀾寫旺角的「馬拉盞」，順道提了螄蚶對喇沙的重要性，我記起同心好似有白灼螄蚶，於是就去試了。嘩，一上枱，血淋淋的一碟，要自行剝殼　．．．．．．　一吃之下，好正，好有「谷血上腦」的感覺，如蘸一點附送的泰式辣汁，則少了點「衝勁」，多了點香辣味道。如果喇沙加了牠（起碼要十隻！），可以想像到，味道會提升十倍，可惜，香港食唔到。之後，再去同心，又試一試螄蚶沙律。這個是比較平易近人的選擇，去了殼，無血水，賣相佳，味道也不太搶。另外還試了炸蝦餅，也是物有所值的選擇。

又黎九龍城同心，周六晚8:30新店仲係好多人，去咗舊店。坐低發現有烏蠅，唔...no good。照例回味下個鴨湯河，味道一樣出色，湯底濃郁芳香，其他湯河無架，所以一定要食鴨湯河。另外食咗個魚蛋湯河，d魚蛋都差，不過就無咩特色囉。

........其實我並沒有從任何推介發現這一間充滿泰國風味既餐廳我只係前一晚食牛肉餅時經過,聞到好相識既味道 之前....(我同我男朋友好中意係泰國街邊食女邊粉)第一次去到都知食粉好,就係佢牆上睇推介,見到鴨湯河,日賣百碗,就即刻叫左黎食果然無令我失望,味道同係泰國既一模一樣,仲有糖加TIM湯底好濃,好好味,仲有好豐富既配菜,湯裡有鴨肉片及豬虹......店內全部都係泰國人, 仲以為自己係泰國街頭緊呀 ... 哈哈,好好味我地仲叫咗海南雞飯,同生蝦,都得!生蝦好新鮮架

星期日，一行七人去咗同心食泰菜。叫咗勁多野食，食到十一成飽。燒烏頭：第一次食，因為以往一家三口黎食，無可能食得晒。今次多人，一於叫一條試吓。條烏頭非常新鮮，一點腥味都無。肉質鮮嫩。有兩款醬汁可以點，兩款都係辣嘅，幾惹味。不過唔點醬都ok喎，因為條魚新鮮。木瓜絲沙律：今次無以往咁好食，第一因為木瓜絲切得唔夠幼，令其無咁入味。第二因為木瓜生咗d，好硬。豬雞串燒：以往都少會叫呢d。今次豬、雞各半打。豬好咸，用了大量味精、鹽同鬆肉粉去醃製，唔好食。雞就好少少，無咁咸，加埋沙嗲醬就幾惹味。鴨肉湯河：呢個依舊咁正，湯底好濃好鮮甜。有d鴨肉同兩舊豬紅。鴨肉很淋好入味；河粉為幼身的那種，口感無粗大的咁好。豬肉濕炒河：呢個係我嘅至愛，差唔多每次都會叫。個碟好大，好多汁，好多雜菜；但就得好少粉。幾個人食都ok，不過七個人食，每人只分得少許。用上闊河粉，將其炒香，好好味。酸辣鳳爪：唔錯，無咩雪味；個醬汁大家一致認為係勁辣。但又好惹味喎，酸酸辣辣辣辣辣，將原本無味嘅鳳爪添上味道。釀雞翼：雞翼炸得好脆，尤其係個雞翼尖，炸到脆pok pok。糯米好黏，有花生同冬菇。味道唔錯，下次會再食。蒜茸炒椰菜苗：椰菜苗好嫩，

尋晚睇完煙花，同屋企人(daddy, mummy,sister)一齊去左九龍城食泰國野~家姐話同心都ok ga~又算乾淨..就入去啦~不過唔記得take photo...我地一入去..媽咪即刻叫左條燒生魚~^^不過~waitor哥哥話要等9個字wor~...好啦~不過我地都係照要gei~因住我地又叫左1. 凍雞腳 2. 串燒半打(雞) 3. 咖哩蟹+飽飽~ 4. 泰式炒椰菜苗 5. 椰子海鮮飯 1.凍雞腳 d味都ok~唔係好辣~2.串燒 都沙爹汁唔夠味...同埋有一個凍左之後好難食...咬唔入...3.黃咖哩太甜啦~可惜無青咖哩叫...隻蟹一般...(但係個飽飽就好好味~)4.好好味~不過太細碟啦...一人都夾唔到兩下就無晒啦~42蚊一碟有點點貴...5. 味道都ok..入面仲有d椰青肉，好清香~最正係佢~6.燒生魚...火喉不錯~味道幾特別，比烏頭好好~^^另外，我地仲叫左2隻啤酒同一杯珍多冰...埋單果陣成600蚊~因為係年初二要加二wor~出面又無寫清楚wor...嗚嗚...係張單度先寫jar///有d貴貴wor~不過compare係隔離果間王珍珍叫平d ga la...

31-12-2008之前睇過 KC 食評關於呢度的紅 bok bok「彩虹湯河」, 幾有興趣, 今日 lunch 落0黎試試.未食已聞到好香蒜味, 湯底呈 Stabilo Boss 螢光筆的粉紅色 (!!!), 賣相勁似藥水, 老實講真係幾嚇人... 飲落無預期中的南乳味, 但蒜味強烈, 酸酸甜甜, 幾得意; 河粉滑身, 不過一般薄又黐埋一餅0野, 感覺麻麻; 配料就有一條條碎濕濕的魷魚, 彈牙但帶腥味的魚蛋, 一樣彈牙但無咁腥的魚片頭, 爽爽的通菜, 一件滑身但帶點實淨的豬紅, 及索湯得很的豆卜, 幾豐富. 幾有特色又五顏六色的一碗粉, 值得試試.呢度由泰國人經營, 環境屬街坊格, 衛生 ok, 招呼亦 ok.$23 一碗, 抵食. 下次試試其他食物吧.

2008.12.25食完幾餐之後行下街我又返黎九龍城搵食…今次又到左我鍾意既同心泰國菜館…點解咁鍾意? 因為佢款多(比一般泰國菜館多, 價錢合理, 又唔加一)叫左咸蟹青木瓜沙律, 咖喱南瓜海鮮, 芝士蝦…咸蟹青木瓜沙律d咸蟹好咸, 青木瓜ok…個汁調得幾好…下次會叫番淨青木瓜沙律…hehe..咖喱南瓜海鮮個南瓜超靚, 好甜, 超正, 我成個食晒咁濟, 連皮都食埋!! 海鮮又正..唔係俾埋d炸魚塊你, 有誠意…芝士蝦比較油, 好重garlic味, 反而無乜芝士味, 都ok既. 但唔算超好味..hehe..lee度有款炒椰心, 唔係咁多泰國食店有, 下次會試…

同心係我同老公經常幫襯嘅食店.首先係平,第二係地道泰菜.我有以下介紹:1.鹵水豬手:無骨豬手好soft,好入味,味道好似在泰國食到嘅一樣.2.鴨肉湯河:湯底好正! 3.炭燒豬頸肉:好惹味,加埋個醬汁,酸酸地,都幾好食.4.辣椒豬肉碎碟頭飯: 紅辣椒,豬肉碎加埋金不換放在白飯上,好香,好有泰國風味,一個1都可以食哂成碟.5.辣椒膏炒蜆:好惹味,啲汁仲可以用作撈飯食.其他未試過,會再慢慢explore.在金融風暴下搵到咁嘅價錢,咁嘅水準,認真筍!

細佬生日約左家姐一家去食泰國菜...雖然同老公次次都係去叧一間泰國菜..亦都好滿意..不過就想試下新野...就係網上搵到依間咁既C野..1)泰式炒椰菜苗...一睇就知唔對版...熱都唔熱下..就咁皃下..淋個生粉獻就上碟..難吃..2)咸蟹木瓜沙津...待應仲問我地要咩辣...因為有小朋友,,,所以要左小辣...點知辣到咀都痛...老公叫佢換左佢...兩個待應係咁蚊貓尾..想唔理..終於老公發晒老皮..先肯換咋...3)海鮮濕炒河.....又係一灘生粉獻...杰達達...我知泰式炒河..不留都係好多獻..但係絶對唔係杰達達囉...4)最精彩就係最係既炸蝦餅.....成舊炸魚片..D肉係白色中有一點點又紅又黑既粒粒...都知唔會有咩蝦肉架啦..真係唔好成日話黃麗梅講咩...D魚好有魚味...D蝦好有蝦味...其實要D蝦有蝦味..對同心依間泰國餐廳黎講..真係好難...D蝦餅...竟然係一D蝦味都無...仲有陣陣..揀水味添呀...同心係一間超難吃既泰國菜...佢仲竟然開到有兩間舖...真係費解...

同心, 未必係九龍城最出名的泰國菜館, 但我由佢未紅食到佢擴充營業, 都幾替老闆娘高興。雖然, 佢話金融海嘯令食客減少, 但觸目所見仍有半滿, 點都好過人地拍烏蠅!早前, 覺得佢水準好似跌左, 尤其係叫胡椒雞居然冇胡椒, 真係太離譜喇! 老闆娘就話有時師傅放了假, 唔同人煮, 水準有分別都係無可奈何的事。好在今次去時大師傅在陣, 水準應該有保証吧!鴨肉生菜包跟之前食差唔多, 但唔見晒D辣椒乾, 唔知係咪夥記聽錯咗, 我叫佢辣D, 佢以為係唔好咁辣呢! 值得一提的, 是生菜係可以揀D大塊D畀客人吧, 否則, 就包唔到D鴨肉碎了。脆肉炒椰菜苗就係咁多年來最出色的一次, 那些椰菜曲鮮嫩到不得了, 成碟自然一掃而空。而豬什湯河D湯依然咁濃, 材料亦冇少到 --------- 上半年乜都話加時, 去邊度食飯D野都好似縮左水, 希望而家D野可以平番, SIZE都可以回復舊觀啦!賣單找數, 百二蚊左右(因為今次冇叫啤酒), 抵食, 希望大師傅放少D假啦!