名寶石餐廳 (已結業)

呢間餐廳行舊式鼓油西餐既風格，入邊內座有卡位可以選擇，播住輕音樂，感覺幾好的是晚同男朋友要去睇音樂劇，所以提早六點左右就去左呢間餐廳食飯。我地各自點左一個鐵板牛仔骨配意粉同埋焗芝士石斑飯，再加多一個法式薯茸焗田螺，套餐有餐包、餐湯、飲品同埋甜品！百幾蚊有咁多野食，而且質素都唔錯，又唔會要等好耐先上餐，我地都好滿意特別一提既係佢甜品有布甸同啫喱㨂，但布甸個樣好似同啫喱差不多的係個模形唔同同埋加左生果咁解 （呢個我係憑回憶講返的，因為都隔左一段時間先記得要寫返個食評如有誤，有勞各位更正，謝謝）

尋日有個吃貨朋友提議就去咗喺銅鑼灣嘅餐廳食嘢😎見到IGd人話呢一間餐廳好有驚喜，一於要去回一回佢！嗌咗星洲炒米意外地有啲驚喜，口感好好，香嫩多汁，咬下去好有滿足感，絕對要嗌呢一個❤️

呢茶餐廳來講都算係咁，平時中午都係食一餐頹飯，又有牛扒又有飯，再有餐湯同埋嘢飲，我叫咗羅宋湯，味道中中等等，牛扒應該係有調味處理，都算幾大件，再加杯熱奶茶，港式奶茶味道不錯，奶香茶濃

會展供應既飯盒實在太難食，仲要成百蚊個，我地受夠喇 ﹗無論如何都要食次外賣先可以一洩心頭之恨 ﹗多謝義安姐長途拔涉、身水身汗親自由譚臣道速遞飯盒到會展探班，好滾動啊 ﹗焗芝士肉腸肉醬意粉，焗意超級香噴噴呀，雖然經過十幾廿十分鐘既路程，依然熱力四射呢 ﹗最愛食香腸，屬於雜肉腸既脆皮司華力腸亦不例外。不需忴持，擘盡個嘴大整片塞入口，勁咸喎 ﹗頭幾口極重口味，有點吃不消，幸好食多幾啖開始習慣了，我不太受得咸架呢。撇開味道，皮脆肉嫩又泛著肉汁，口感真的不錯。毫不吝嗇地加入大量肉醬及芝士，完成覆蓋所有意粉。啖啖肉、啖啖芝士好滿足呢，掛在嚥韌彈滑意粉上，全部啜晒落肚 ﹗香濃芝士併著甜美肉鬆，那有不好吃的理由呢 ﹗被我清得一乾二淨，連個兜都差點食埋。各同事食不同既菜色，但都異口同聲大讚好好味呢，有料到 ﹗

26/2(一) 5:50pm連日OT已弄至油盡燈枯;是日放監後,拖著疲累身軀隨意到處覓食.路過此處乍見下午茶至供應6時,二話不說立時入內.店內環境跟花園餐廳,九龍城美斯,西環森美餐廳等歷史悠久的港式扒房大相逕庭;燈光是指定的暗黃,帶點七八十年代俗套的韻味.侍應醒目地極速遞上下午茶餐牌,過目後要了黑椒三絲炒意粉$40跟餐飲一杯.黑椒三絲炒意粉--先評份量,份量之多遠超過下午時份胃納所能承受的份量;炒意粉油光滿碟,不夠乾身是大弊端!意粉口感尚可,唯黑椒味道不太突出;至於配料如青紅黃椒絲,雞絲,火腿絲,芝麻等食味平庸,但相當足料,甚至有點過甚!餐飲要了咖啡,咖啡乃喜出望外的高質素,濃郁而沒苦澀!服務也可以,$44(加一後)的一個晚餐屬經濟,$44的下午茶又如何?http://hk.pg.photos.yahoo.com/ph/congee_bread/album?.dir=/d63fscd

本來想試隔離間日本麵, 因為太多人... 之後就試吓呢間...Order了3個餐:餐湯: 揀了羅宋湯(唔錯) 和海龍皇湯(真係比佢個名扼左), 好難飲, 仲有D腥腥地...吉烈石班沙律: D石班好新鮮, 熱辣辣...雖然熱氣, 但真係幾好味.茄汁牛利飯: 牛利好淋, 個汁麻麻...洋蔥豬扒飯: 豬扒好UN, 唔掂!服務方面: 茶餐廳Feel.其實份量都算大碟, 3個女仔Order兩個餐Share 食都仲得…!

原來皓熱天氣警告如此影響食慾。該用餐的時間不想用餐，是夏日的老毛病；除了用火辣辣的東西刺一刺激味蕾以外，便是用涼浸浸的東西鎮一鎮個人。吃的是三文魚沙律套餐，跟紅湯、餐包、甜品和飲品：餐包是正宗overheated 嘉頓紙杯牛油餐包，但每檯上的包款有可能不同（有茶記的牛油餐包，也有多士）；紅湯上得恐怖- 「水浸」碟加「水浸」耳杯，味道普通，可是胡蘿蔔粒和西芹粒佔了1/3 碗湯。三文魚沙律中的三文魚很「淳」：肥，且一間間的脂肪用叉都分唔開，有一點點入口即融的感覺，可惜仍是次貨。三文魚沙律中的（雜果）沙律是我暫時吃到最高薯仔比例的（+1/3），且有紅腰豆、加奶...罐頭雜果避無可避。甜品有布甸、o者喱、雪糕和涼粉選擇：普通貨色，無評；又是熱咖啡：熱又微酸，不大合格。算罷，這幾天灣仔人頭湧湧，能撈個位子坐已經不俗了。

又係另一間我心水既食店幫襯過好多次不過次次都係食晚飯晚餐佢都有好多不同既扒餐同焗飯揀不過我通常都係叫焗豬扒飯料夠多味道又好豬扒邊煎得有少少燶好正飯底炒過又好好味不過至正係佢既餐包熱辣辣好軟熟次次都會即刻忘記左肥呢個問題成個食晒因為次次都有人請記憶中都只係六七十蚊左右以晚餐o係一間環境咁優靜又昏暗又有少少candle點綴既地方食飯我覺得係超值或者我係dinner time 去反而從來無遇過之前幾位食家所講咁差既服務喎

都係灣仔區！入到去環境幾好，光線柔和feel；人多冷氣足。舊朋友聚餐，柯打了牛柳拼牛扒，焗飯、意粉... 餐包熱，牛油雪得凍，白湯足料，好過很多專食扒的食肆。牛扒選七成熟，呈上來總覺得最少有八成，味道OK，可輕易切開。牛柳都可以，薯條幾好，不會凍。餐茶自加糖漿那種。最後有甜品，可選涼粉、雪糕還有一樣(不記得>_<)整体覺得環境幾好，食物質素餐湯材料足，其他普通。

20050807 1pm(此"Tiffany" 不同彼Tiffany 啦當然!)諗住去再興食叉飯, 醒唔起星期日佢唔開! 無計! 附近搞掂, 男友無食過名寶石, 唔, 都可以一食o既. 始終呢o的老牌豉油西餐廳都有信心o既保証.2人食2個set lunch-* 餐包x 2 - 軟熟熱辣辣餐包乙隻.* 餐湯x 2 - 羅宋湯, 有水準.* 焗豬扒飯x 1 - 試o左舊豬扒, 唔錯, 熱氣騰騰, 幾好.* 鮮茄龍利柳焗飯x 1 - 我食唔晒2條龍利柳, 1條比埋男朋友, 份量太大份. 好味就幾好味. 魚好滑.* 凍奶茶x 1 - 顏色偏奇怪地紅. 茶味濃, 個茶膽靚.* 凍檸茶x 1* 布甸x 2 - 布甸粉開果o的, 不過整得幾好食.service 勁差. 食到最尾, 餐茶都飲完, 因為唔知有無甜品食(見其他檯有, 我地無), 咁問個阿叔係咪有甜品送o既咁, 佢竟然勁惡咁答, 你唔叫我地唔上o架wor! o下???? 無病呀?! 你唔講我鬼知你有送甜品呀?! 就算我地唔order 或者唔食你都要問o架! 何況個餐牌又無寫個餐包埋! 激氣!埋單唔知幾錢, 味道80, 服務0 分!

一到lunch time 就要諗食乜, 通常冇乜胃口就想到灣仔名寶石餐廳的三文魚沙律午餐; 就算天氣咁凍, 去到飲個羅宋湯加個熱熱的牛油餐飽, 包保暖哂, 然後上主菜, 三片煙三文魚伴蘋果薯仔沙律, 還有幾片西瓜及哈蜜瓜, 食完已飽飽, 再來一杯熱奶茶；盛惠$55加一, 非常抵食且味道不錯. 服務態度也不錯，有次我趕時間返工，我話唔要杯餐茶，個waiter話可以用紙杯比我走，等我返公司慢慢飲，真好！　此處唯一缺點是不設電話訂位, 去到可能要等10-15分鐘才可醫肚.

20041011 1.30pm落灣仔做o野, 突然間好想食肉醬意(唔好問點解), 咁我又一定唔會去大X樂或者大快X (唔好問點解), 醒起呢度都有兩三年無幫襯, 懷舊下.叫o左個午餐($55), 有餐包- 熱騰騰, 軟熟.有紅或白湯, 我要紅湯羅宋湯- 足料唔會好鹹好漏.有主角肉醬意粉- 我覺得個份量好大, 同埋cheesy 得滯, 好飽, 但係幾好味. 飽足一個下晝.餐飲要杯熱奶茶.後來有朋有響附近做o野o黎配我食飯, 加多個熱檸茶($22).total 埋單$84.7 連加一

早排平日晚餐幾抵吃，$48一個餐，份量比散叫細，但足夠飽肚。港式西餐的經典選擇之一。灣仔呢間就比較細，卡位略嫌狹窄，而且比較殘舊。管理員請加上旺角店資料九龍太子道148號Tel: 23811516 Fax: 23974175

我係食太子果間, 因好少位, SO 多數要等位! 三文魚牛柳唔錯, BUT果SET 仲多過扒王之王, 多麻個甜品0忝!不過D 扒唔係鐵板上, 差緊D 野!