名店車仔麵

营业中

休息中

最低消費$30起我揀咗三個餸：牛腩、豬紅、勁辣魚蛋配粗麵$9牛腩$11好入味，而且肉質炆到夠晒林😋份量都好多🤩豬紅$8夠晒鹹而且冇雪味，大嚿得來都好爽口，有5大嚿勁辣魚蛋$8魚蛋係屬於比較硬身，勝在個汁好正，一樣都係有5粒醬汁有：咖喱汁/沙嗲汁/腩汁/秘製醬汁（小、中、大辣）無蠟不歡的我，當然揀咗秘製醬汁小辣啦😏🌶️第一次幫襯車仔麵，真係超驚喜，好耐冇食過咁好食嘅車仔麵！啲餸全部好有味！可以話係重口味！但又唔會覺得超級咸！除咗啲餸好食之外，連個秘製醬汁嘅湯底都好濃郁，識落開胃又惹味！而且份量都算多。起碼飽過40幾蚊碗嘅兩餸三酸撈薯粉🤣另外，長期行過都會點嘅雞翼尖同碗仔翅都係CP值好高，值得一試😋📍 名店車仔麵 (天水圍)天水圍天華路33號T Town North地下T Town頌富市場沙田同粉嶺，都有分店架！🔍#nseat_天水圍#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨

不嬲都知呢間野班阿姐好冇禮貌叫佢煮個麵好似要跪求佢咁明明我先係俾錢嗰個，咁鬼受氣😑😑但因為真係方便，所以都有照食終於有一次俾我見到佢地勁核突🤢我次次都食魷魚鬚嘅其實平時都見到佢隻手呢頭收完錢嗰頭就咁徒手拎啲魷魚鬚出黎煮但我諗住用滾水煮嘅消到毒就是但啦然後今次佢又係咁樣徒手拎啲魷魚鬚出黎然後今次佢成抽跌左落地然後佢執返起，我以為佢會掉左佢⚠️⚠️⚠️但佢冇‼️‼️‼️佢就咁用清水沖一沖就掉返落個煲度煮🤮佢諗住俾我食啲跌左落地嘅魷魚鬚😭跟住我話：下，跌左落地架喎，換過條俾我啦😥佢仲要覺得我好奇怪咁話：下，洗左喇喎🤡嗰下真係想講粗口🤬跟住我話唔要喇俾返錢我好彩佢都肯退錢😒😒😒

本身平平地36蚊食個3餸面買到返屋企發現只係比左兩個餸馬上換返衫沖落去街市 要求佢退錢退錢係因為 如果佢比返個餸比我 一來一回本身個面都賬哂 又凍左要佢煮過一碗 我又怕佢加料店員大嬸當場打開個面 睇下有幾多個餸我話我一啖都無食過 你地店個份量你地知同時講出外賣的號碼起初佢問我係咩餸 想加返比我了事我拒絕 我要求退錢之後店員檢查完 當住我面 張我碗面d豬腸 夾返入佢個車仔餸格仔見到佢咁o既行為我馬上話:“你唔係掉返落去咁核突呀嘛”佢先好快咁退返錢比我對於店員咁有環保意識 我唔會再幫襯

lunch 過黎買外賣常常大排長龍有好多選擇選擇困難症又發作喇!今次我揀左蘿蔔+豬紅+豬大腸+米粉湯：腩汁+小辣其實份量真係幾多圖中我已經偷食咗2舊先醒起影相其實蘿蔔4大舊係走唔甩又炆到勁淋豬大腸好大舊最緊要唔好有"壓味"當然哩個係無啦豬紅又唔會過鹹份量又係一"學"出面試過係得3 4 舊ja!成碗咁大碗都係$29真係近期食過最抵車仔麵！一定會再返嚟食不過佢哋最近應該新請咗個staff有d 雞手鴨腳希望train 吓會再好d

真係好少會留言，我考慮咗好耐要唔要上來評論，但真係忍唔住！我一星期都會有兩三次去呢度買嘢食，味道尚可接受問題黎，唔係第一次發現同一對手套周圍摸同一手套收錢又會走去拎餸例如收完錢即刻將啲菜用手搣開放落去本身呢個行為已經好污糟依家疫情仲要非常時期，做飲食應該要注重下衛生，我睇唔到都冇得講啦。。。但而家係光明正大我咁樣望到真係擺唔落口其實我之前都提點過一次，可以話我犯賤後尾我又繼續幫襯，只係從此唔再叫菜食，淨係叫d用夾夾嘅餸重新一次都係我犯賤又再去買，後尾發現問題依然冇改善而且佢係咩餸菜都徒手拎。。。。因為我自己都做過飲食業，一個小小步驟已經可以睇到你有冇心做好飲食將心比心你對手套收完錢，會唔會拎住嘢食擺落自己個口？佢嗰度其實有幾個人手，就算人手唔夠，單手收錢找錢並唔困難，我自己做過飲食業都可以一隻手放配料一隻手收錢，而佢次次都係雙手去收錢以及拎食物，因為自己認為收過錢唔直接掂食物係常識，有啲良心對得住客人！喺客人面前都可以咁唔乾淨我真係唔知背後仲有幾污糟Btw可能有人接受到，認為咁嘅價錢味道提供咁嘅質素服務，但個人意見我真係接受唔到2021啦，注重衛生是常識

讚咗先啲食物好正，由其是個辣醬，香辣之如舊又唔會麻痺你嘅味蕾！ 食得辣嘅人士記得一定要食佢個秘製辣醬！但係佢啲夥記就真係好唔掂！有一次我去買車仔麵，同佢落單嗰陣話咗要魚蛋，張單上面亦都有寫要魚蛋，我冇留意到佢會漏嘢，攞到返去發現原來冇魚蛋！今日去買車仔麵就連續出現咗兩個事故！首先我去到，前面有一個人已經等緊攞車仔麵。我嗌要幼麵，跟住一個店員答我幼面，幼面嗰隻右幼？跟住我應係。當時有四個店員係度，一個煮緊麵，另一個啱啱答我嗰個同其他兩個吹緊水，講完嗰句之後繼續吹水！我以為佢等緊有位煮麵，所以我就繼續等。 點知過咗一陣，有人埋去話要買麵，佢就走咗去部機前面幫佢落單！算！我繼續落單要面！買完之後有上次嘅經驗，知道佢哋有機會漏嘢，所以我睇住佢哋攞嘢。我叫佐少少辣，點知去到最後佢都係冇落到辣汁。我同嗰個阿姐講我要小辣喎，佢話 “要腩汁？”我話“係辣汁！”“ 你冇要到腩汁喎！”我話“係要辣汁唔係腩汁！”佢先至加返辣汁畀我！之前佢一路都冇加到辣汁畀我！

剛才外賣一碗4餸車仔麵，返到屋企打開碗蓋，成碗只得2塊咖哩魷魚，少得有點離譜吧，還是...魷魚已成為上等食材？餸款種類有不少選擇，味道不過不失還可以的，講到尾...份量的確少！