影片
以上资料只供参考，请与餐厅确认详情
今日同同事lunch hour經過見人少少就諗住入去試吓，叫咗個咖喱雞飯，但啲雞係生嘅。本身食第一嚿嘅時候已經覺得質感有啲異樣，但冇為意繼續食落去，食到第二嚿拆開啲肉嚟睇先發現入面係生嘅，仲係紅色透透地。之後叫個職員嚟，佢睇完舊雞似乎唔想換過碟，叫我睇第二舊係咪生嘅，我話有一舊生已經唔食得啦，之後佢先走去換咗碟通菜牛肉，但啲牛肉係韌嘅，食唔到半碗就走咗。唯一可取係埋單嗰陣，佢找錢冇一蚊找咗兩蚊俾我。
继续阅读
呢間餐廳嘅288晚市套餐實在令人失望!首先,最期待嘅牛仔骨就少得可憐,完全唔值得呢個價錢。除此之外,眼鏡阿姐根本無服務意識。成餐飲體驗亦因此大打折扣,實在不太值得推薦。整體來說,呢間餐廳嘅餐飲質素同服務水平均未如理想,性價比實在太低。如果你問我,我會建議你另外選擇一間更有誠意,更能滿足食客需求嘅餐廳。往前行少少，幾多兩餸飯都可以試下，菜品、口味都冇乜分別。希望呢間店能夠有所改善,為街坊提供更好嘅用餐體驗🫡
继续阅读
過年前行過佐敦，見到新開左一間小菜館，企企理理，入去同老闆馬小姐交流了一會，咁啱酒友相約年後聚會，決定一試。今晚一行六人，晚上六點幾就到，小館已經為我們準備好餐桌，而且加大了桌面，方便我們擺放酒杯及餐酒，還提供冰桶，「雪」住白餐酒，值得比個讚。👍👍據老闆馬小姐話，開張只有兩個月，環境舒適，地方整潔，連好多餐廳不重視的洗手間亦非常乾淨。食物方面，先來個椒鹽鮮魷，粉漿唔厚，入面塊魷魚好有份量，而且新鮮有咬口。胡椒蝦，好入味，唔算好辣，送酒一流。小炒皇，竟然用新鮮蝦，唔係一般嘅蝦乾。豉汁蒸鱔，入味，魚好滑，冇魚腥味。鹽焗雞，好味，D雞好滑，時間剛剛好。鯪魚球，彈牙。由六點幾坐到接近十點，都只係每人二百大元，而且有求必應，值得推介及再次光顧，非常適合三數知己聚會的選擇。老闆馬小姐仲不斷試新菜式，推陳出新，精益求精。💪🏻💪🏻
继续阅读