名都 (已結業)

週一去飲茶，貪唔冼等位. 好耐冇去名都，感覺食物質量下降(或者加咗價)，款式又少，CP值低！可能係做街坊住戶客，明顯唔憂做！服務水平對區外來客差少少. 不進則退~希望改善一下！

週一去飲茶，貪唔洗等實有位，果然！食物方面，可能只做周邊住客，有固定客群，點心選擇不多！服務水平一般，明顯對住戶客好D，而對外來客態度較差！整體水準有待改善~不進則退！

2023年5月1日下午約兩點都酒樓飲茶。坐低，待應便放開始放低杯碟碗筷子。怎知，當預備冲快食具時，便發現有手指頭大小嘅食物骨頭留在碟面，即時通知經理更換。之後，又再發現有食物殘渣留在茶壺底。一連兩次，有食物殘餘留在食具，足証明名都酒樓有多清潔 😓

屋企附近，一直都沒有過來試下，果然沒有失望！環境還是不錯的，點心種類雖然不多，不過勝在足料！都企理乾淨！員工做嘢快靚正！！唔錯！！下次會再來，約埋其他親朋戚友！

今日搬入馬鞍山後家人入來玩，晚餐就揀咗呢一間酒樓食，上網搜尋原來係聘珍樓旗下的酒樓，入到去原來都好大地方，寬躺舒適，可以枱之間都有距離，正合我心意呢度嘅套餐都好多選擇 ，樣樣都想食心大心細最後我哋揀咗set dinner A煙鴨胸肉拼蜜汁燒豬頸肉煙鴨胸唔會死咸，豬頸肉甜甜地，有啲燶邊一齊食增添香口廚心煲靚湯 今晚嘅湯係粟米青紅蘿蔔煲瘦肉清甜潤喉冇味精 西蘭花帶子螺片帶子同螺片無煮得好韌的問題而且帶鮮味不錯芝士雜錦蝦球烏冬 呢個汁較咸，而且無咩芝士香味，不過用料都新鮮的酸菜龍躉魚鍋龍躉魚味鮮味十足，湯底酸酸地不嗆胃好開胃最鍾意佢的粉皮係通心型 更加吸味吸湯蒜香燒雞皮脆雞肉嫰，唯一中間的雞膏有點多 要咬走才能吃肉呢陳皮紅豆沙紅豆沙煲到起沙同夠綿 ，食落帶點點陳皮香味為呢一餐飯甜蜜完滿地結束

再次嚟名都飲茶，點心絕不求其，蝦餃-簿皮餡靚、腸粉-皮不厚不粉、糯米飯- 一個字（雖然不是生炒，但都很🈵️意）、酥炸魷魚鬚🦑香脆而不油膩、唯一上湯魚翅餃普通、下次要食甜品。

排隊排左40分鐘，見到入面好多"吉枱"都唔比我入去，因為我得兩個人，佢就放晒啲3個人以上嘅入去，真係好衰！真係唔好幫襯佢.我一路等 一路見所有持有4人枱飛嘅人及新黎一大班人唔駛羅飛，“支客“幫佢地羅飛就入晒去......🤬🤬🤬🤬😡

23/7（fri),我地一行四人有2个96歲老人家，因為冷氣太凍要求轉檯，服務員竟然態度語氣奇差，。😥😥我地要求開3胡茶，佢竟然掟茶糊，真激氣，🤬🤬🤬。管理層唔去了解多D酒樓管理，多D搵神秘人check，依家嘅經濟情況，貴酒樓遲D預備執笠。😥😥😥我地back list左佢地以後都唔會再去，做乜要比錢養佢地。😤😤😤

呢間酒樓開左咁耐都未幫襯過，見今日天氣好，行下海濱過去食晚飯。見有孖寶優惠就揀左松子魚同椒鹽魷魚，松子魚炸得好香脆配酸汁好開胃，椒鹽魷魚就比較細碟，不過都係新鮮炸熱辣辣好香口。用優惠價加咗個肥牛粉絲煲，呢個送飯一流，所以我叫左個鮑汁炒飯，其實個飯淨食都好好食好夠味。仲有叫左個小食九肚魚，又係細細碟得幾條，不過都好食，係新鮮即炸既。仲有叫埋西檸雞，酸度剛剛好，好開胃，d雞炸脆左吸哂d汁好正。不過最後係敗在個西米露，其實加蘆薈都有d九唔搭八，不過其他又唔岩食就試一試啦，第一啖我無乜味既？？？25蚊喎大佬，有需要溝咁多水嗎？？又細碗喎。總結，食物係好食，上菜速度快，新鮮熱辣，價錢就中上，間唔中食一餐半餐啦。職員有禮貌，主動勤力。係衰係碗糖水度

自從WE GO MALL 依度開左之後，附近嘅街坊就多左個就近飲茶食野買野的地方。商場入面只有一間酒樓，唔係平常稻香富臨果Ｄ，又係比較少見比較中檔的名都。佢地開張之後，見住佢地由無咩人，到而家閒日飲茶都有固定熟客，六日直頭要等位添！話明係走中檔，除左價錢係稍稍貴一點之外，最重要係佢地食物的質素真係一食之下係唔同Ｄ。味精少／冇，用料靚，老實，手勢傳統唔花巧但反而比較健康，唔會過份多油重味，所以都幾岩中產人士同老一輩客人的味道。應該係話，因為佢用料扎實，份量足，所以計返其實比其他話平話多優惠的酒樓仲抵。我地食左幾次之後，都當左依度係飯堂。午市飲茶，平時係即蒸的，假日就係推車仔。點心的心水有蝦餃燒賣，粉粿，雞扎都唔錯，仲有蒸飯／豉油皇炒腸粉都唔錯。晚飯時間的例湯同小菜都食得過。

今天星期日本想試下,但到達時只有幾個人在門口,囉飛後可即時入坐，但景然穿要坐門口出面的加怡，但成間茶樓還有很多吉位，我要求坐入面，職員態度差到冇人有，話唔坐就再囉飛先可以再安排喎，我立即走人。

因有地利之便，加上晚市套餐算是抵食，所以經常到名都享用晚餐。但經過今天晚上的食物及服務，我想已可對此酒樓加入黑名單。第一：套餐內的鐵板肉碎豆腐，第一碟已發覺肉已變壞。換上第二碟後，試吃第一件味道正常，就分給家人及小孩吃。吃到一半，怎知道只是半碟正常，另外一半的豆腐是酸臭的。但小孩已吃下。同時，我留意到其他客人投訴此肉碎豆腐。明知食物有問題，何苦堅持不斷送上給客人，拿人家的肚皮開玩笑嗎？第二：結帳準備離開，發現放上空椅上的外套濕掉，椅背及椅上佈滿湯跡。估計侍應上例湯時不小心造成。本應只是小問題，但侍應倒瀉例湯，打算側側膊了事。其實，最低限度告訴客人一聲，好讓我們及早洗掉衣污跡。所以服務完全令人失望。

同家人在名都食團年飯，叫了一個四人套餐，加了瑤柱豆苖、乳豬例牌（侍應推介）， 糯米飯；每一樣野都「超難食」； 未食過咁難食的酒樓；套餐條蒸龍躉唔新鮮，瑤柱豆苗$188 ，豆苗出很多水，上面的瑤柱稀疏，味道完全唔掟當，咁基本的菜式都可以咁差；乳豬例牌皮唔脆，糯米飯完全唔香，一家人整餐飯食到成吐氣。一直期待附近可以有間好酒樓，見到是聘珍樓期下，滿懷希望，但失望到一個點。咁樣架價錢，咁差的質素，真的無下次....

名都據說亦係聘珍樓集團，新開不久但週末人都唔少，要提早少少拿位至得。因為新開，環境唔錯，服務態度都算係咁。出品同金鐘名都相比差距唔大，如果價格再優惠少少就更好啦～

痴線!!!!!!! 2個人千奇唔好去呢間飲茶。唔會俾你坐架!!!!!!!全場有一半都係吉, 2人台得番門口位。當然唔坐啦, 有咁多位做乜要人坐門口???????立即要求坐另一張, 佢就俾另一張門口位。 玩野呀?????我地就示意入面個張, 男部長話唔得, 呢張係4人台, 2個人唔可以坐, 你出去等啦!有咁多張吉台, 都唔俾人坐?生意唔係咁做! 開張幾個月已經咁臭串, 第日仲得了, 唔食都罷!3-4個人消費, 就一定高過2個人? 2個人就低消費, 唔招待? 不如你直接寫係門口"唔招待2位"啦!!!!!!!!***總結: 唔歡迎2位, 請都唔會去名都!