君蘭餅店 (已結業)

今日係美孚由荃灣線轉西鐵線，路過餅店，居然俾我見到有布丁燒。身為布丁粉絲的我立即要買返一個（$24),店員話$36有2個，即時加碼，就買2個。係其他鋪頭買個布丁都要$3x-4x 一個。呢個布丁燒無味道㨂，得原味，都係有三層，包括焦糖、布丁和蛋糕。佢個蛋糕層得好少，5分一左右，大部分都係布丁。佢個焦糖唔苦，而布丁有陣陣的雲呢拿味和蛋味。可能個布丁面積好大，食得一半的時間會覺得有d漏呢個。但價錢完全收貨，抵食！

因家住美孚，所以，不時會經過由屯馬線轉至荃灣線一段通道，早前就幫襯過「A-1 Bakery」嘅「青森蘋果批」，而今次，就平平哋買咗「君蘭餅店 」嘅出品當下午茶。 其實，佢哋出嘅瑞士卷或磅裝蛋糕我哋不時都有幫襯，最鍾意喺香蕉蛋糕，夠味濃，又實在，仲要喺平嘛。不過，今次就唔見有，店員話呢類產品喺輪流出，時有時無。花生咖啡蛋糕 $19.5「君蘭」算喺本地老牌連鎖餅店，主打都喺啲基層市場，屹立到咁多年，實力有番咁上下。講番個蛋糕，以咖啡口味嘅瑞士卷為基礎，再晌外層鋪滿花生碎碎，睇賣相都滿有期待，我哋兩公婆都幾鍾意食花生粒，買花生醬都揀粗粒。 不過，雖然好多花生粒，但唔多脆，覺得受潮咗，幸好件瑞士卷本身唔錯，蛋糕好軟綿，充滿咖啡香，難得中間捲起嘅忌廉唔太多，合晒老婆心水。簡簡單單一件瑞士卷，一杯熱咖啡，為平淡嘅生活添少少「味道」。

上年萬聖節前夕 經過君蘭餅店 見到玻璃櫃有好多好可愛嘅小鬼撻 即刻好想買嚟試下！原來佢嘅大名叫小幽靈撻 其實係朱古力棉花糖曲奇撻！就咁睇以為佢係好空氣感 不過原來好厚實 外面係棉花糖嚟 好煙韌好得意 包住入面既朱古力海綿蛋糕 下層仲有Ganache 還好唔算甜到膩 都幾好食😂連唔太好甜嘅屋企人都幾滿意！不過幾日後再經過鋪面 見到大部分既小鬼都整到走哂樣 眼嘴放到東歪西倒咁 如果而家先見到就唔會比佢吸引到😂好彩早咗買～

喺美孚西鐵站內的君蘭餅店經過的時候看到玻璃櫃內有咖喱雞酥叉燒酥 葡撻還有雞批樣子看起來不錯 所以買回家跟家人一起分享買了三個咖喱雞酥還有三個叉燒酥但店員各給4個原來現在做緊優惠買三送一但明明店內的寫只有甜品買三送一早知就唔買咁多舊啦-回到家中即刻切開試一試誰知 都已經唔熱同埋已經唔酥脆叉燒酥內涵還OK但係唔脆呢下斃：（好失望仲買咗咁多舊 :"(

咁啱經過美孚間君蘭餅店，見到櫥窗擺住好多葡撻， $7一件，買滿$25仲減$5 ，我買咗四件先$23 ，除開仲平過蛋撻或者kfx嘅葡撻。味道都OK，得閒可以去試吓😋🤤

今日超級想食芝士蛋糕🍰就叫肥仔放工買俾我食❤️佢買咗君蘭芝士蛋糕 細細件一隻手掌咁大 味道係比較清嘅 唔會過甜 口感好綿密 雪凍之後非常軟綿 淡淡香嘅芝士味我都幾鍾意 🤗🤗🤗

返工每日轉西鐵綫嘅時候都會經過，香噴噴嘅烤酥皮味真係好吸引，而且舖面個櫃擺滿各式酥皮包點、蛋撻同葡撻，好目不暇給。今日終於幫襯、買咗一個咖喱雞角+一個葡撻。返到屋企用個氣炸鍋加熱，可以令到酥皮同葡撻皮變回香脆。加熱2分鐘左右，啱啱夠暖，咖喱角感覺香脆，但係一咬落去角位嘅位置，好硬，應該係酥皮搓得厚同摺得唔好啩，除咗個角位其他部位嘅酥皮都正常口感，不過牛油香欠奉。個咖喱角Size 大過我手拳，但係餡食到尾先得少少。啲餡好似咖喱粉加鹽，真係得咖喱嘅香味同顏色，簡直係冇調味，味道就完全超咸同一丁點咖喱味道都唔似。話就話咖喱雞，完全食唔到一粒雞肉，薯仔就有一、兩粒咁啦。葡撻係大佬食，佢話個撻皮超差，蛋方面又淡又硬，佢仲話家鄉雞嘅葡撻好食過呢個100倍....叫我唔好再買。總結真係難食到一個點。

依家年年中秋節，都唔會主動買月餅，一來唔使買嚟送禮，二來老婆對月餅一般，尤其傳統蓮蓉餡嗰款。不過，今年似乎有少少月餅運，首先就喺出席咗「開飯喇！」個「開飯搶鮮試！水果月餅大比拼」試食活動，跟住就無啦啦收到唔少「餽贈」，有嚟自食友，有嚟自朋友，有嚟自老婆嘅朋友，亦有嚟自老細嘅朋友……等等，總之讓小弟一下子有機會試到唔同店家，唔同品牌，唔同特色嘅月餅。君蘭，麵包、凍餅就食得多，因為屋企附近西鐵站就有，今次有機會試到君蘭嘅月餅，實在多謝食友厚愛，雖然只喺一件迷你裝月餅，但已收到好友嘅心意。君蘭月餅依印象，應該第一次食，雖然君蘭除麵包、西餅外，一向都有做埋唐餅，不過月餅方面，唔覺君蘭晌市場嘅表現好突出，宣傳攻勢唔多，見過吓佢早前做過團購。所以收到食友依份小心意，趁路經西鐵君蘭都「專燈」入內睇睇，基本嘅蛋黃白蓮蓉、蛋黃黃蓮蓉就鐵膽啦，仲有呂宋芒果、瑞士朱古力、桂花豆沙、蛋黃黑芝麻、牛奶杏仁、紫薯、香辣牛肉、九製陳皮蓉、醉人櫻桃蓉、紫菜肉鬆……古靈精怪，各式其式，真喺可見啲做餅師傅幾大壓力，年年都要絞盡腦汁諗啲月餅新口味。迷你茉莉花茶月餅 $15（原價$16）君蘭標榜自己晌香港自置廠房製造，保證新

今日坐西鐵經過橫掂有 coupon所以睇吓有乜吸引試試係雪櫃剩番一條我最鍾意食牛油蛋糕雖然等姐姐收灑其他人錢才有時間serve 我但都覺得她們服務還可居然仲提供膠刀 回家把蛋糕切成 1.5cm 厚質感軟硬適中(因為我愛偏硬很多時食到都偏冧)仲有好香蛋味同牛油味 唔會過甜我一口氣吃了三件 (平日我只會吃一件)比起其他大品牌我覺還要好食

為免看戲時肚子餓行過西鐵站附近買定蛋糕仔先從雪櫃裡拎出黎既texture 好硬的灘凍左之後先食就岩岩好雖然芝士味不算好重但蛋糕既質地鬆化搣開既時候軟林林的原來細細件不能妄想可以頂肚子食完反而更撩起食癮要食得更多呢

記得以前公司附近有分店，通常都惠顧買早餐，我仍然記得熱的芝士煙肉法包內芝士溶化中的美味。可惜，後來分店結業，一直未再試過。今天剛巧路過見到，當然要重溫舊夢啦。食物：－芝士煙肉法包：6.5元一個，一定要用焗爐焗熱，否則很韌，芝士味濃，煙肉很肥菠蘿片蛋糕：4元一片，菠蘿味濃，蛋糕如果可以再鬆軟些會較好馬仔：十元三件，但買了後火速被人取走，相都無得影服務：－普通，無特別環境：－店舖於閘內不能進食

弟弟回家時拿起兩盒東西,只說是我朋友W給的,因為要準備開飯了,也未曾細問是什麼,到食飯時才揭開來看,原來是蛋糕及多款布甸,我這個朋友太有心了,除了拿東西給弟弟託給我,還買這麼多甜品,今晚妹妹及妹夫剛好也回來食飯,大家都話當飯後甜品,可以一齊分享了.這款原來係芝士蛋糕,好鬆軟,有芝士的部份最好味,特別軟滑,可惜芝士部份嫌少了些另外的木糠布甸,芒果布甸及Tiramisu,三款口味沒怎樣特別,但我稍為喜歡木糠布甸多些,因為面上那些花生碎增添味覺,而且布甸比較幼滑今次真的要謝謝這位突如其來的~~訪客~~

趁著假日，與朋友們入元朗逛逛，從美孚荃灣線轉去西鐵線，途經長長的通道，巧見有間君蘭餅店，因為平時在市區都比較少見此餅店，所以就入內看看有甚麼好買。偶然發現有雞仔餅賣，還有細細包的品嚐裝，只賣$8，旁邊則有較大包的正常裝，份量似是多一倍，所以售價也要$16。當然，只是作為旅途的零食，品嚐裝已很足夠了。雞仔餅何解叫雞仔餅真是不知道，但喜歡它的咬口，煙煙韌韌很有嚼頭，甘香酥脆，而且味道甜中帶鹹，又很有南乳香。至於君蘭這包雞仔餅一包有近廿粒，同樣煙煙韌韌，不過南乳香稍微。始終是比較油膩的小吃，多吃無益吧！

由於兩鐵合併所以間店舖已經唔係閘外而係閘內因此我買左個包包都要等到出閘先有得食不過反正佢都唔係新鮮整而係由廠送過黎所以個味道同埋鮮度應該唔會太大影響講返個包都仲好夠軟但個皮唔脆都係軟不過軟有樣好唔會食到四圍都係味道都可以但唔夠濃郁原來入去想買丹麥條但無...其他選擇都唔多數埋手指十樣包都唔知有無雖然個時係下午6點但種種包都係都返2-3個好無奈

貪吃的我,於美孚西鐵站轉車時,又被吸引住了。看件幾款芝士餅都不是太昂貴,決定買一些回家當甜品吧!◎意大利芝士餅◎吃弄去的感覺像是海綿蛋糕般,就等於這是擁有一個Tiramisu外殼的蛋糕而已,咖啡酒味欠奉了,芝士味亦不濃,質感像較結實的布丁,只能說就是一個頗甜的一個Tiramisu。/_\◎藍莓芝士餅◎凡是選芝士蛋糕,的我首選必定是blue berry cheese cake,可是這兒藍莓醬吃得出來是便宜貨色,太失望了~◎檸檬芝士餅◎這一款大概是我最欣賞的一件蛋糕吧!,因為喜歡檸檬那酸酸甜甜的味道,不過餅身還是較實,而餅底比較濕,若改為薄脆片,應該會不錯。總結來說,一件不用十塊錢的蛋糕還算可以吧,服務有待改善,因店員都在說笑,容易忽略顧客。希望下次質素更好吧!!