君頤上海小廚

营业中

休息中

話說我份part time就嚟last day，於是約埋同期入職嘅同事嚟食fellow飯。我地12：00鬆d嚟到，見到有好多位吉咗，不過去到12：45左右就開始多人，走果陣已經見到好多人起出面等位。佢依度收加一，茶芥每位$4，冇lunch set。Menu都有好多野簡，湯麵類係最平嘅，基本上below $50，見唔少人都係叫湯麵同年糕，應該都係吸引嘅。上海小籠包嚟上海餐廳必點，個皮非常薄，味道唔錯，啱啱上枱就食嘅話個皮唔算易穿，但係放耐咗嘅話，一拎個底就穿咗，所以都係襯熱食。蝦球炒拉麵($82)蝦份量多而且好大隻，非常彈牙，個麵唔會炒得好油膩，成碟嘅份量夠2個人share。津白肉絲湯年糕($48)佢落咗年糕、白菜、豬肉絲同冬菇絲，年糕嘅份量多，煮得好淋，個湯係奶白色嘅，好重白菜同豬骨嘅味。野食唔錯，茶都好好飲，staff見到隻杯就冇茶會主動過嚟添。不過等嘅時間就要耐d，我地個小籠包都等咗半個鐘先到，埋單又要等差唔多成個字。

太古食上海菜嘅餐廳真係唔多，而君頤上海小廚係我極力推薦比大家嘅一間上海菜餐廳。到訪當日我哋點嘅係小籠包、香炸豬扒擔擔麵、生煎包同埋豆沙鍋餅。首先講吓小籠包小籠包嘅皮唔係咁易爛，湯十分濃郁，肉非常好吃。擔擔面方面，湯底辣度適中，而配上香炸豬扒，算係一個唔錯嘅配搭。豬扒外皮炸得非常脆，唔算太肥膩。最好食嘅當然係豆沙鍋餅，豆沙夾係鍋餅之中，入口即融，鍋餅煙煙靭靭，富有口感。呢間餐廳嘅價錢算係一般，職員服務態度都算一般，而且距離地鐵站大約要10分鐘嘅步行路程，但都希望可以推薦比大家去試吓啦！

小妹都唔知有冇嚟過太古城，由於今日探親黎到附近，所以就同一家人一齊去食上海野 上海野離不開小籠包、生煎包、上海炒年糕、擔擔麵、雞絲粉皮等等嘅菜式，所以小妹以上所有全部都有叫嘅首先要介紹一下小籠包，熱辣辣上枱之餘皮亦非常薄，基本上一夾即爛，所以要非常小心。小籠包入面湯汁非常多，小妹極度推介估唔到生煎包等得最耐，不過好彩都係即叫即整，入口熱辣辣，不過外皮比較厚而且內餡唔算太多，所以小妹覺得同一般生煎包分別不大上海炒年糕份量好多，幸好唔會太鹹，椰菜同肉絲嘅比例都好，年糕煮得淋老人家都食到 感覺花生醬唔太多，少咗一份擔擔麵的香味。同坊間擔擔麵相比，湯底比較輕而且辣度屬一般所以應該好多人都食到雞絲粉皮嘅粉皮煮得比較爽口加埋蔴醬都唔會太膩，雞絲同青瓜份量都比較多，做一個前菜都幾唔錯P.S. 啱啱睇其他食評發現好多朋友都講服務態度好差，但我嗰日係星期日嘅下午茶去到餐廳，入座率唔高但服務質素幾好，好照顧老人家需要，若果仲有機會的話小妹都會再去

晚上黎到依間餐廳食飯，入到去都已經滿座,,,,入面個個都好忙,,,我見大家都好忙,,但個藍色衫好瘦既男人，疑似經理既人,,好悠閒唔知做緊咩??叫佢埋單,,,佢好似聽唔到咁,,,行黎行去,,,但係又冇野做,,,走向周圍幫人加茶,,,,落單又唔落,,,聽到有圍枱叫人落單,,,有個同事話都想落單,,,但經理叫話只可以佢落單,,,,我地叫埋單又係咁講,,,個侍應話張單係收銀到,,,個經理話佢自己先可以埋單,,要等佢....但個經理又唔做野,,,依間公司既培訓係咁差???

今日和太太來太古城，因為之後在附近打網球。 看看水牌，雖然太古城食肆很多，但不知怎的，找來找去都拿不定主意。 留意到有一間叫君頤的上海館在商場外，我們也不介意步行十分鐘去試試。6時半來到，人不太多。 店員都很年青，服務有點生疏。 我們點了四樣菜，豬手冷盤、蔔絲酥餅、上海小籠包和擔擔麵。豬手好入味，但要$60，有點貴。 小籠包皮很薄，但四個包一拿起肉就跌出來，那麼薄又好像沒什麼意思。  蔔絲酥餅就有份量，一咬就鬆化。 擔擔麵很濃味，份量相比其他食館大。 到七時許，食館已差不多坐滿人，可見在這區應非常受歡迎，這類小館在太古城不太多也可能是原因。 有點可惜是店員都不太了解基本服務水平，食館應作一些培訓。

年初3 加上星期日既關係, 太古坊一帶好多餐廳都冇開門, 就連大家樂大快活都賣哂大部份食物, 惟有行去食呢間。叫左個豬扒拉麵同煎鍋貼, 佢俾足醬料同分開豬扒, 湯同麵。幾細心。豬扒一如概往煎得好好味, 我鍾意有骨豬扒麵就一般般, 但阿仔好鍾意食

那天當我到後,要等好久,然後我看到大量工作人員甚至經理都在吸煙。所以我懐疑食物可能不衛生。當我入到去後,冷氣又凍,待應態度極差,因為我問一些問題時,他們的樣子十分耐煩。食物質素又差。

住在太古十年多都沒有發現過 這間上海小店週六晚上七時多 不用等候入座二人隨便就點了小基本上海小籠包 $36-------------------作為我的家鄉菜 便要試試基本的小籠包小驚喜 常常都藏在我們的日常生活裡 今天的小驚喜 便是這個小籠包 肉汁香燶 皮薄令口感變得立體第一口便會有滿足的感覺 湯汁在口裡徘徊是小籠包的After Taste呀~醬爆雞丁$72---------------雞丁用了雞臂肉 用肉質豐富口感肉嫩彈牙 醬汁可以說是這道菜的重點味道濃厚但不油膩 喜歡肉汁送飯的朋友要試鹹肉津白$75----------------由於前兩道餸菜都比較濃味所以便點了個比較清的本晚的冠軍原來是這個鹹肉津白這個津白 口感不得了 外爽內甜吃得出食材新鮮 而鹹肉美道亦不會太過剛剛保持了兩者中和的平衡太古城 這樣的水準 這樣的價錢已經是難得

中午2点去到order左一碗排骨擔擔麵，周圍得三四枱客，個長髮女侍應仲話排骨要炸所以要等15分鐘，ok落左單便等，点知等左20分鐘先知原來漏單，期間仲要見到入面d侍應係度嗌交，個個面冇表情，一般漏單醒目d都話句唔好意思即刻幫你搞，但係可能佢地唔憂做，完全冇反應，甘緊係唔等佢再落單直接走啦。費時俾人加料，貼錢買難受!

話說頭先叫咗個銀絲卷，我平時食開都會連埋煉奶一齊食。跟住我就問嗰個中年男人，貌似經理嘅人有冇煉奶，然後佢就話呢度冇煉奶。跟住我就話唔要個銀絲卷喇，佢就黑我面，又同我講話未聽過有人會跟煉奶食、佢話出面嘅餐廳都唔會都唔會跟煉奶食銀絲卷。我就同佢講我去過每一間上海餐廳都有煉奶，我想講就算真係唔包埋煉奶，其實簡簡單單個客問有冇煉奶你俾佢已經可以解決咗問題，冇需要同個客理論。就算係加錢我都冇所謂但係佢嘅態度真係非常之惡劣，不斷同我理論，係去到最後一刻佢先叫其他侍應dum咗佢，其實佢對下屬嘅態度都唔見得特別好。再者呢間野啲嘢食都唔係特別好食，冇下次！

昨晚原打算去君頣食飯，攞咗等位號碼後好快有位，咁我哋5個人到咗4個人，個位中年負責人都話唔入得，我哋好聲好氣同佢商量可以叫定嘢食，唔得晤緊要，不過佢喺用極唔禮貌嘅態度拒絕我哋，卒之我哋過隔離食服務好十倍嘅越南餐廳，亦都見到排在我們前面嘅一家人頂唔順此男子態度而離開。如果大家唔想食咗背脊骨落，無謂去囉。

食物出品都可以，不過從來未遇過咁差服務態度的！全店態度都不好！尤其一個中年男士服務員。 21:05入到去全店空空，由於我們四人包括大只佬，選了較空曠的近門口的6人檯，兩位服務員分別指我地坐的檯要早收，我地有點差異，都算。我指我地食好快，之後我地四人快速地 字型坐埋位。中年男服務員說：‘‘你地點坐㗎？’’ 我：‘‘我地一齊的，一張檯。’’⋯當中發生了不小如其他comment的埸面⋯21:50左右用餐完畢找數，中年男服務員走過來說：‘‘你地下次唔可以咁坐，公司規定！’’一張長型六人檯，四人坐，就餐時間周圍全部都冇人，非繁忙時間，我地字坐都要俾人話？！真是莫名其妙！同一張檯，點坐都要俾服務員話，真係要準備好謙卑的心先好入去幫襯！

I don’t understand why the man who looks like a manager is so rude. I asked if they had seats, he just said “you have to wait” and slammed the door. My family especially my kids do like the food there, but that man makes us no appetite to go there. I saw so many comments about the bad service, but no action was taken. Disappointed.

今天天氣十分炎熱，就和同事近近地去食上海嘢。我們叫了雲吞拉麵、排骨麵和當然我的至愛上海小籠包。小籠包嘅皮不會太厚，內裏嘅肉汁十分鮮甜而油分又不會過多，很讚！至於雲吞拉麵和排骨麵很好味，麵底分量夠和很好吃。雲吞夠香和排骨夠爽口👍👍👍餐廳環境唔錯，都算舒適，對上班族可算是一個可透透氣和放鬆一下嘅餐廳。

每一次來對身體都是挑戰，凍到震。商家話改唔到，我覺得係唔肯改。可能係錢嘅問題。冬天還好，因為本身d衫著得多，夏天d衫本身就單薄，著住冷杉都頂唔順。食物方面，我覺得好食過王家沙，不過差過翡翠拉麵小籠包。