味千拉麵

营业中

休息中

鄭叻呢輪少左堂食，主要都係外賣翻屋企🥡🥢前幾日，屋企人就買左味千拉麵嘅 懶人拉麵🍜🍜 只要跟足盒上的指示，就可以食到新鮮熱辣嘅拉麵🥰。主菜：豬軟骨拉麵🍜小食：日式餃子🥟飲品：可口可樂 🥤。首先，將上層的裝麵隔拎出嚟，再將湯包慢慢倒入去。(湯同麵係分開上，可以避免將麵浸軟，影響口感，設計相當窩心體貼❤️)。第二，撕開底層入面的加熱包包裝，再擺回原處 。第三，倒大約半杯滾水到注水線。。第四，將已加入骨湯的拉麵隔放回原處，之後即刻關上盒蓋。大約等候五分鐘，就可以開動喇🙆🏻‍♀️(要小心蒸氣，小心燙手🔥🔥🔥)。整體感覺真係熱辣辣，有堂食嘅感覺呢輪天氣咁凍，食一碗熱辣辣嘅拉麵，個胃即刻暖笠笠😙拉麵條軟硬適中，彈牙得黎又唔會過硬😛。豬軟骨煮得夠香滑軟腍，而且雞蛋嘅蛋黃仲係流心架☺️仲會有昆布、椰菜等配料。。餃子煎得香脆，雖然翻到屋企時已經略為凍左少許，但係入面嘅肉餡口感仍然濕潤。。順便一提，大骨湯嘅湯包袋，同埋裝麵嘅盒都係相當實淨，唔洗擔心外賣會倒瀉 或者 整爛。

拉麵take away?原來一樣好滋味。mongkok分店好旺人，店家悉心咁樣準備咗獨立嘅湯底一包，同埋加熱容器，真係好貼心，超級warm, waiter服務態度好好，好熱情，就算dinner time返到屋企唔使開爐一樣可以坐熱佢，好似係店鋪入邊食得咁開心。入面的材料好豐富！我最鍾意吉列的炸蝦同埋蟹柳，麵條爽口，好好食。小食方面，牛肉粒真係唔錯加埋蒜片嘅香味，更加提昇咗牛肉嘅鮮味。自己係屋企一樣好享受！

好耐無去食拉麵，今日同左朋友去味千拉麵食。朋友點左個味千拉麵，麵條彈牙，湯底濃郁唔會過咸，豚肉肥瘦均勻，口感軟糯，溏心蛋賣相唔錯，蛋香味濃。我試新野，點左個味千赤沾汁麵，湯、麵分開上，配料有竹筍、京葱、叉燒、流心蛋。拉麵掛湯力不俗，沾汁濃厚，辣度十足，好適合鐘意食辣的朋友。如果食到中途，d湯唔夠熱，可以要求餐廳幫忙換熱湯。我地另外叫左兩個小食：日式手造餃子 - 餃子外皮層香脆，餡料頗多，配以黑醋食用非常開胃。金菇牛肉卷 - 金菇吸晒啲燒汁，非常入味，肥牛肉汁豐富夠嫩滑。我仲叫左杯白桃乳酸梳打，酸酸甜甜，清爽解膩。臨走前見到原來Foodpanda外賣有獨家優惠，100蚊減30蚊，抵丫，下次可以外賣。

上次係荃灣經過見過原來味千係有下午茶 仲要好平 仲包野飲 係荃灣食過一次 感覺不錯 幾好味 隔左一排就諗住再食下 約左朋友係旺角食 去到唔太多人 唔洗等位 直接入得 同朋友一齊叫左個豚肉拉麵 本身個餐跟可樂或者橙汁 其他檸檬茶檸檬水就要加3蚊好快兩個拉麵就黎左 份量正正常常 一個人食岩岩好 麵係一個人份量 肉都唔少 都幾多 仲有隻蛋 湯底都好好味整體黎講都唔錯 絕對唔會因為個價錢而份量少 一個人食一碗係好夠飽 不過個人比較中意叉燒多啲 希望下次下午茶會有返叉燒拉麵揀

這天一個人晚餐是豐富的日式沾麵。Foodpanda 外賣有獨家優惠，滿$100就有$30優惠，足不出戶就可以品嚐美食！我這天品嚐的是味千·沾汁麵。沾麵有提供翻熱包，不過由於沾麵沒有湯，所以在處理上有點複雜。雖說沾麵熱食更加美味，而且翻熱都好方便，但翻熱的同時，半邊溏心蛋會一併煮熟...我還品嚐了海陸拼盤及巨峰乳酸蘇打。拼盤有炸魷魚及雞翼，吃的時候仍然非常香脆！飲品顏色挺好看，味道不過不失，不會很甜！

久違了的味千拉麵，由細食到大嘅「味千拉麵」令我諗起好多兒時回憶，最令人津津入味的濃湯拉麵湯底好仍然保持一貫穩定水準👍👍😚😚今天的主角上桌囉！首先是我的「黑武士拉麵」，哇！真的超黑的，連裡面的麵都看不見了！拉麵的口感真的蠻像陽春麵的，如果事先沒有告知，我真的會以為這是陽春麵！入面仲有半隻雞蛋望落去好吸引叉燒嘅比例 好肥美！！！ 湯底偏油～ 整體上 拉麵 好入味濃湯吸收精華😋😋蔬菜薯餅外面香脆～入面係淋身嘅 好適合老人家同埋小朋友食我哋揀咗蔬菜健康啲🥬

味千拉麵真係充滿我既兒時回憶! 仲記得細個既時候香港係冇咁多日本餐廳, 拉麵店, 可以係當時同屋企人食碗味千拉麵已經係好享受好滿足! 隨住越泥越多日本過江龍拉麵進駐香港, 味千拉麵感覺慢慢沒落, 每次經過都冇諗住入去, 直到有一次見到佢完全翻新左, 成個設計都唔同哂, 終於再次令我踏入味千!入到去第一眼見到牆上有味千拉麵既一生發展, 原來1996年已經係香港開業, 望到更加感嘆時代既變化, 亦有種令人回味既感覺。日式手造餃子$30  餃子外皮微脆, 肉餡飽滿可口。金菇牛肉卷 $38金菇牛肉卷大卷有睇頭, 牛肉唔會韌, 佢既燒汁調味亦恰到好處好香甜, 點少少芥辣更惹味, 非常之夾!赤火戀 $62朋友點既拉麵, 溫泉蛋煮得剛好, 另有兩塊半肥瘦既豚肉, 脂肪位入口即化, 味道甘香, 估佢唔到。而湯底呈橙紅, 味道香濃有辣勁, 辣得黎又唔會蓋過哂本身豚骨湯既香味, 加上麵質彈牙, 朋友表示滿意!味千．赤沾汁麵 $65我自己叫左沾麵, 配料方面同朋友既差唔多一樣, 不同之處就係有脆口既荀片~ 赤沾汁同赤火戀一樣都係辣既湯底, 但係赤沾汁既質感更加濃厚, 令麵條掛汁度更高, 而辣度就較低, 但豚

彌敦道食肆五花八門，想食咩都有，經過味千拉麵，友人說想食個極盛套餐，好耐冇食味千拉麵，就入咗去開餐啦🥳。-豬軟骨拉麵：豬軟骨炆得好軟淋，湯底好濃郁，而啲麵又彈牙，我又飲晒d湯啦，真係啖啖好滋味！-櫻花蝦味 shake shake 薯條櫻花味第一次食，又幾香喎，薯條炸到很脆，而個shake 粉唔咸唔淡剛剛好，味道夾得唔錯😋。-極盛套餐 （友人叫）見佢碗海鮮拉麵🍜都足料，小食是餃子，咬落肉汁鮮甜，有5隻份量都算多啊！跟餐飲係提子乳酸飲品：友人說唔太甜，贊贊👍。

同家人去旺角行街,呀女突然話好肚餓,於是係附近睇下有咩好食. 心血來潮好耐無食過味千拉麵, 其實真係好耐好耐無食過.全盛拉麵 $68@一人叫左一碗,貪佢咩都有.. 天婦羅蝦、叉燒、栗米粒、蟹柳、芝士獅子狗.天婦羅蝦放起餸料最上面.拉麵爽口彈牙, 份量都唔少, 湯底加左超香嘅蒜味叉燒唔太少肥, 入口霖軟, 好夠味,天婦羅蝦好食, 脆漿唔厚, 即叫即炸, 所以食落口熱辣辣小食叫左日式餃子$28同日式秘製炸雞$35.餃子有點冷卻了, 但都OK, 底部煎脆左, 所以幾好食秘製炸雞仲有配上沙律菜絲, 炸雞即炸仲放係網上, KEEP住脆脆狀態, 值得試下食食下抬頭仲見到牆上介紹味千拉麵係世界各地既足跡,幾特別, 唔講唔知原來咁多地方都有味千拉麵

行經「味千拉麵」見好耐冇食過，正值午餐時份，我就決定買啲嘢食返Office當Lunch同同事一齊食。印象中油麻地店有好耐歷史，但我都未幫襯過呢間分店🙈。店舖環境唔錯，牆身有好多介紹味千拉麵歷史嘅資訊😂，整體幾光猛乾淨。短髮女店員超好人，全店得佢一個滿場飛，但都好好禮貌同友善。我驚兩碗麵太多，所以只係叫咗一份麵，但就再追加咗小食。店員估計呢個量唔係我一個人食，所以話特登畀多對筷子我🥢，勁細心。我都係而家先知原來味千拉麵嘅外賣進化成咁厲害，湯同麵分開上已經係基本。佢個碗嘅下層仲特別預備咗個暖包比你加熱(大陸好流行嗰啲即食火鍋嘅模式)，咁嘅話就算外賣都可以食到熱辣辣嘅拉麵🍜，誠意十足。外賣盒🥡嘅包裝有齊步驟説明介紹，非常清晰。餐廳將滾湯灌入銀仔包裝嘅湯包內，湯底仲係熱的 1️⃣步驟一：將上層麵隔取出，並將湯包內嘅湯慢慢倒入。2️⃣&3️⃣步驟二及三：撕開底層嘅加熱包包裝袋後，放番喺原位，再加半杯普通水至注水綫。同時，加熱包包裝袋亦有列出多個注意事項⚠️。4️⃣步驟四：將已加入湯嘅上層麵隔(即步驟一)放番喺注咗水嘅加熱包上面，再即刻冚蓋。5️⃣步驟五：等大約五分鐘後，散熱口唔再出煙，就可以食用！不過要小心燙口啊，堅

味千拉麵都可以話係我嘅童年回憶，價格親民，味道相宜，嗰陣真係成日幫襯，後黎味千拉麵都買少見少，屋企附近嗰間都執埋笠，計落都相當多年冇幫襯過啦。今次經開，就走入去探一探究竟，而家味千變成點呢？而家嘅裝修靚咗，但價格同味道都依然係走親民路線，簡簡單單解決午餐晚餐都係一個唔錯嘅選擇。.麻辣牛肉拉麵 $65麻辣牛肉拉麵嘅辣味似五香肉丁，麻辣味=零，牛肉粒亦好似肉丁咁切到一粒粒，所以不得不令我食嘅時候聯想到五香肉丁，但牛肉粒係有真實感有牛肉味嘅雪藏肉粒，質地軟淋，呢種辣味配豬骨湯都幾好食～.海洋拉麵 $58比較呢兩款拉麵，我個人就鍾意海鮮拉麵多啲喇，原因係除咗主菜海鮮（蟹柳、帆立貝、蝦、魷魚等），仲加入咗好多雜菜，食起上嚟冇咁油膩感覺健康啲，配料豐富。而拉麵方面，麵質、口感、味道就係相當有回憶嘅味千牌拉麵，就係一種熟悉親民嘅味道，不錯吃。.蒜片牛肉粒 $43蒜片牛肉粒估唔到份量都幾多，而且蒜片炸得非常香脆，出色到甚至搶咗主角牛肉粒嘅光芒，哈哈，好食呀。.日式秘製炸雞 $35炸雞烹調得唔錯， 炸粉薄身，雞肉嫰滑，點蘸味道香濃嘅蛋黃醬很好吃！配菜有椰菜沙律&車厘茄。

買拉麵外賣帶回家吃🥡, 外賣包裝精美, 又方便攜帶。拉麵湯是獨立包裝的, 食時自行加熱♨️, 不用擔心中途會倒瀉湯汁, 或放涼了變得不好吃~ 🍜拉麵盒印上煮食方法, 包裝附上發熱包, 加水即熱, 不用開火, 只需約10分鐘就可以在家享用熱辣辣的拉麵! //長崎海鮮拉麵🍜//這個套餐限定套餐會配上一杯飲品, 很抵吃! 秘製乳白色的豬骨濃湯, 再配上海鮮及蔬菜等配料, 啖啖滋味! 拉麵配料有帶子、日式魚片、蝦🦐、蔬菜等等。豬骨湯底味道香濃, 又不會太鹹; 拉麵有彈牙的口感, 充分吸收到湯底的鮮味。//蒜片牛肉粒//牛肉粒肉質嫩, 不乾身, 脆脆的蒜片增添味道層次, 令牛肉粒更惹味。

味千拉麵是我在香港第一間試的拉麵店, 有著一定的因緣,讓我認識到拉麵的美味,我的確係試完佢之後先喜歡上日後各式各樣既拉麵!我試的是麻辣牛肉拉麵 (65$) , 因為食開豬骨湯,所以我才想試下新野, 果然都無令我失望,首先湯底夠香, 小麻小辣, 香港人食辣都係小小要個味就夠, 不需太辣, 以保健為主.飲落入口微微甜味,算係唔錯.拉麵方面小硬, 適合我口味,我中意比較彈牙的麵身,牛肉係整得最好, 有小小台灣牛肉麵既風味, 但又有D港式麻辣上的調味!盛菜拉麵 (58$) ,仲可以加多40g既竹筍, 呢道係專比食素的人士食用,湯都係傳統比較重味既豬骨湯,味道比較濃重油香味, 都比較甜, 都係當初令我喜歡上日式拉麵既起源,主要味千係價錢不貴, 60元左右的拉麵好像在香港也難找第2間.蒜片牛肉粒(43$) 呢道小食都可以叫下, 除左份量比較多之外, 係真係煮得相當唔錯我覺得必點既菜, 其中一個原因係牛肉口感十分彈牙易入口, 一d都唔覺得硬.佢有個醬但我覺得可以唔點醬, 就咁食牛肉本身既味都好夠.

最近我沉迷咗食拉麵，每隔幾日就要食😋唔食就好似有蟻咬咁，囉囉攣！今日又去咗味千拉麵試新口味！我同老公都好鍾意食味千拉麵，因為覺得呢度又平又抵食，而且拉麵份量亦都比較多，有時仲大碗過出邊百幾蚊嗰啲。今日我們叫左豚肉拉麵$58和長崎海鮮拉麵$58，另外叫咗兩款小食，日式餃子$28和香煎蝦餅$38，老公有啲熱氣嗌咗杯仙草奶茶清涼下，而長期手腳冰冷嘅我就嗌左生薑蜂蜜來飲。⭐️長崎海鮮拉麵🍜材料十足用料豐富！有彈牙大蝦🍤有美味魷魚🦑有帆立貝同埋獅子狗卷仲有大量蔬菜🥬同埋湯底都偏向清清地，食落冇咁大罪疚感，啱晒減肥中的我，又可以過下拉麵癮😆⭐️ 豚肉拉麵🍜超級睛😍超過十塊豚肉，食極都仲有，啱晒我老公最鍾意食肉😊而且選取豬頸肉部位，食落夠淋又keep到少少彈性，配埋糖心蛋同埋特龍豬骨湯底，幾乎係我哋每次都會點嘅encore之選！日式餃子🥟當日即叫即煎，底部煎到非常之香脆，一口咬下熱騰騰的醬汁爆發開來，惹味又好味😋香煎蝦餅非常彈牙可口，而且厚度十分可觀，呢個價錢真係好抵食！

Stayhome with 味千🥡🥢⁣大家都少了外出食飯，個人亦在疫情期間試了不少外賣。唯一問題是，很多外賣店帶回家後，早已涼掉。 ⁣很久沒有試過味千拉麵，最近試了他們的石灰包全盛拉麵。除了味道能保持堂食水準之外，石灰包更能保持熱辣辣的溫度。包裝有清楚說明，加熱過程不用3分鐘。麵冇變淋身，炸物亦然。水果茶入面的冰當然是溶了一點。⁣味道正常，再加外賣自取8折，個人覺得為stayhome 買外賣的一個好選擇。