味千拉麵

营业中

休息中

香港吃貨篇✨外賣都可以同堂食一樣咁正‼️ 今次我有推介喇👉🏻味千拉麵- 新外賣拉麵組👈🏻 係屋企都可以食到熱辣辣嘅拉麵🍜..💁🏻‍♀️介紹返...新外賣包裝嘅麵盒係有上下層，上層係拉麵同配料，進食時要加入溫熱嘅大骨熬湯湯底，而下層有”發熱包” 加水即時發熱🔥 只要5分鐘就食到同堂食一樣嘅拉麵，完全無得輸👍🏻..點左”🐷豚肉拉麵” 濃郁嘅湯底加上嫩滑豚肉同溏心蛋，係屋企就食到真係超滿足😋 “蒜片牛肉粒”食落牛肉粒一啲都唔韌，配上香脆蒜片，唔錯㗎〰️..依家係某外賣APP就可以叫到呢個味千拉麵外賣喇，仲唔快啲試下🌟

夜晚行過味千拉麵，見冇乜人就入去醫肚。而家都用QR code order，我哋揀左豚肉拉麵，麵可以揀軟硬，又可以揀走青走乜走物，都幾方便，我揀左軟麵，食落口感唔錯，係我想食嗰種❤️，湯底亦都好香，比較欣賞佢切得薄薄嘅豚肉，索晒湯勁入味，而且有好多塊，食極都有😆我哋仲嗌左個蒜片牛肉粒，用鐵板上夠晒鑊氣😍，一擺底就勁香，一粒牛夾一塊蒜片，簡直天衣無縫，唔使點佢嘅芥辣都夠晒味👍🏼因為冷氣有d凍，我加左杯生薑蜂蜜(唔記得影相🤣)，味道好balance，唔會過甜or過辣，飲完個胃都好舒服，值得推介

味千拉麵出左外賣新包裝啦 ，外賣同堂食一樣禁好食，唔洗開火，用加熱包，加水10分鐘就食得。濃濃嘅豬骨湯底，加上半肥瘦嘅叉燒同糖心蛋，因為湯同拉麵係分開放，所以拉麵攞到翻屋企依家好彈牙，係屋企都可以食到咁正嘅拉麵。仲加左個蒜片牛柳粒，蒜片炸到非常香脆，加埋一啲都唔韌嘅牛肉粒，非常野味。平時買麵嘅外賣，翻到屋企有機會倒瀉晒d湯，或者個麵浸到淋曬，就算叮翻都未必好食，但餐廳好細心將d湯放入錫紙袋，仲可以用自熱包加熱，值得一讚。

辛勞一整天, 放工當然唔想返屋企煮, 而且今晚又食自己, 最好都係買外賣返屋企食。經過味千拉麵, 原來新推出左外賣新包裝, 附上發熱包, 標榜加水即熱, 唔洗10分鐘就可以係屋企食到熱辣辣拉麵。於是今晚就買外賣返屋企食, 落order即整, 等左大約10分鐘左右, 外賣打包好就行得!揀左一碗拉麵、小食同埋一杯飲品原來湯底放於密封湯包中, 唔怪得途中冇倒瀉湯啦! 而且湯底跟麵分開放, 唔怕麵煮哂個湯底。湯底是新鮮即煮, 再即時密封, 保證新鮮!好多時外賣返屋企, 食材都已經攤凍哂, 平時可能又再放入微波爐叮, 唔太健康。而今次就用發熱包加熱, 附上加熱說明書, 簡單易明。拉麵食材放於上層, 先將湯包倒入, 而下層就有發熱包, 撕開包裝, 再加水, 之後將上層放頂, 快速蓋上, 整盒拉麵會即時發熱, 快速霧煙, 等5分鐘就食得! 【全盛拉麵】HK$68雖然食材已經放凍左, 但加熱後, 整碗麵都是熱辣辣, 同樣香噴噴。長獅子狗中有微微拉絲既芝士, 口感軟棉, 炸蝦炸皮雖然已經被湯汁浸林, 反而炸皮跟蟹柳一樣完全索左個湯汁, 非常入味。有兩片嫩滑叉燒, 配上大量粟米粒, 口感有層次, 豚骨湯底

很多年前, 我還在上小學的時期, 香港沒有太多拉麵店, 所以如果想吃拉麵, 通常都會第一時間想起這間拉麵店🍜！最近, 他們的外賣推出了新包裝, 會附上發熱包, 加水即熱, 不用開火, 只需10分鐘就可以在家中享用熱辣辣的拉麵。拉麵盒印上煮食方法, 首先取出上層麵隔, 把骨湯包內的湯慢慢倒入。然後撕開底層內的加熱包包裝, 放回原處, 倒大約半杯開水到注水綫, 把已加入骨湯的拉麵隔放回原處, 並關上盒蓋, 待5分鐘後即可享用~豬軟骨拉麵 - 拉麵質感煙韌彈牙, 充分吸收到湯底的濃味。豬軟骨肉質夠軟腍, 配料很入味, 和堂食一樣好吃！蒜片牛肉粒 - 牛肉充滿蒜香味, 很惹味呢~

今天好晏先食野咁就走左入黎食拉麵平時在尖沙咀食開既豚肉拉麵今日都不例外點一樣的，此間是用QR code下單，看著都方便的不過湯底略為咸了點，我都忍不住要多碗湯先得豚肉片都非常多，食飽飽就閃人了

味千拉麵算是香港拉麵店始祖，但因現在市場上有很多過江龍拉麵店，依種傳統拉麵店，已經比下去了。原因應是無新意，品質下降今日經過試一試好多年都冇食嘅味千拉麵。當然係失望，整碗份量少，味道真係。。可能以後也不會再食了

夜晚叫左味千拉面 同埋一客章魚燒 餐廳雖有侍應 但舉左好耐手都無侍應過黎落單 坐低左一陣水又無俾到 我去荃灣分店既時候侍應會自動上熱水 今次又要舉多次好耐既手先有侍應俾熱水黎 章魚燒好快就上 但咬到一粒最尾既時候發現有凍凍地咁既口感 朋友那一粒仲要全粒冰既 好似岩岩在雪櫃拿出黎都未融雪咁 叫左侍應跟進叫廚房重新整過 第一次食咁樣既章魚燒 好失望 原來係見上次在荃灣分店食既時候覺得幾好食 但旺角分店做成咁 下次唔會再叫章魚燒了 拉面湯底重味精 食完番到屋企飲好多水 但我唔唔係飲左好多湯都咁口乾 拉面隻雞蛋唔係流心既 已變成實心蛋 仲失望 令我對味千拉面既感覺差左好多 野食好失望 加上店員唔太好既服務態度

應該不會有人對味千拉麵感到陌生吧！當剛剛開的時候因為不多地方有拉麵吃，的確很多人會去光顧，然後日子久了，逐漸有不同的日式拉麵店開業，慢慢就發覺味千拉麵不好吃了，湯底有很重的味精味，而且比較油膩和咸，今天因為趕時間找不到地方吃飯，於是便想想去再試一下，餐牌的選擇很少，拉麵的選擇不到10個，然後就只有炒飯，沒有套餐可以選擇，所以飲品要單點真的比較貴，所以我便沒有點飲品了，他的麵是屬於比較幼身，跟我對上一次吃的味道都沒有變，應該也是有好幾年了，吃完今次之後我決定以後就算沒有地方吃飯也不會再去

今日去咗油麻地行街搵咗好耐諗緊食咩抬頭一見見到味千拉麵! 我哋就食味千拉麵啦 ! 入到舖頭細細間 但係都已經好多人喺度等呀 !我哋打開餐單就嗌咗兩碗豚肉拉麵同兩份兒童餐一份係男仔一份係女仔嘅， 我哋先講碗拉麵上菜脯快大約5至10分鐘已經有得食啦~ 碗拉麵嘅色澤好靚 但係肉比較乾身左少少面嘅軟硬適中 ;如果湯底味道比較濃郁, 所以整體嚟講味道都算唔錯 ! 後講嗰個係兒童餐比較等得耐等咗成20分鐘左右 ,但一上到嚟睇好精緻首先有架小型飛機碟碟上面裝滿咗有沙律啦 乳酪喇，飯同埋飲品， 顏色好豐富小朋友都好鍾意， 仔女仔嘅就係一個小型嘅巴士上面都係裝住有蔬菜肉飲品乳酪 兩個兒童餐好豐富 ， 雖然話係小朋友份量但係睇落去已經有大人嘅份量大人都啱食! 如果五粒星滿分我都會畀有四粒星嘅!

以前香港未有咁多拉麵店嘅時候，味千真係好多人食😫琴日勁大雨😵拎住好大袋嘢，見到味千冇乜人，啲位又舒服即刻走入去🤣埋單嘅時候先知原來晏奏2點半到6點有7折優惠，2個人食咗$84，冇乜特別要求都幾抵食😆嗌咗一碗味千拉麵($52)，拉麵麵嘅份量都正正常常，唔係好肚餓都應該夠飽😎一開始飲咗啖湯，覺得都算好油😯而且過咗陣都已經口渴😫所以唔想頸渴到傻就唔好飲湯喇☺麵質食落去偏淋，而且係男小編最愛嘅曲拉麵😍叉燒就有3塊，雖然比較薄身，不過肉質都算淋😆另外仲全盛拉麵($68)有炸蝦、芝士竹輪、叉燒同蟹棒😚正正常常嘅質素🤣不過叉燒有啲薄😢

星期六下午在旺角行街！三點多味千拉麵吃下午茶！是日下午頗多人...要找個位也需要花少許時間而呢間都食過幾次。今天我叫了最愛的豬軟骨拉麵。豬骨濃湯也突出, 惹味非常, 但略肥膩。豬軟骨得三舊。比想像中好。軟骨軟硬適中。但是煮得好入味麵就沒什麼特別, 如同以往一樣，麵質爽口彈牙！配菜木耳絲及海帶，爽口有趙頭加點蔥花有清香感覺...環境似日本feel.因為人多, 所以服務員都做到踢哂腳, 找待應來落單、加茶和埋單都要有點耐性。有機會路過會再來食的！

晚上九時多了，還沒有吃晚餐，已經再沒有力氣尋找食店了，見到味千拉麵 (新開張，門口還放有祝賀的花)，就衝進去醫肚了。一坐下，侍應就附上單據，說用手機掃QR Code就可以點餐。這些科技對於我這個IT人來說難不到我 (呵呵呵)，用手機掃code後就可以直接點餐，app都唔駛安裝。貼心的是點餐時已經可以選擇少蔥/走蔥、飲品少冰/走冰之類，滿足特別多要求的香港食客。 我點了味千拉麵，就是它們的招牌拉麵。食開味千的都知道它們的湯底較濃，這間店都是一樣，所以不作特別評論了，總之就是好食。(建議點飲品，否則會很口乾)裝修後感覺上現代了很多，還有一部大電視播放味千拉麵的歷史及發展。侍應們很有活力，就像日本的拉麵店一樣，有客人光臨或結帳離開時，都會以日語大聲說歡迎或多謝，而不是香港的"冇來神氣機械式"多謝，活力十足，很有氣氛，我喜歡！

味千喺我心目中係一個好保守嘅拉麵店，星期日行過，見到佢大大隻字寫住「免收加一服務費」，心諗餐廳喎！有無咁好唔收加一呀！咁抵，一於入去食吓先，入到去見到嘅環境係我估唔到嘅！有別於以往嘅風格，餐廳採用了開放式廚房，保證新鮮衛生！坐底無耐，店員拎咗張紙仔比我，上面有個QR CODE，原來而家佢地用網上點餐，夠哂方便，而麵條都可以選擇軟/適中/硬，方便到老人家同小朋友，真係夠哂貼心！全盛拉麵(HKD68)︰1.吉列蝦~半個部份吸入香濃湯底，另有一番風味，另一半香脆可口！2.芝士餡嘅大大條獅子狗~芝士量很足亦很香，而獅子狗外層脆脆的，形成外脆內軟！3.叉燒~肥瘦參半，夠哂入味，一啲都唔黐牙！4.蟹柳同栗米~基本嘢，無咩特別！食拉麵，最重要嘅，當然係湯底喇~佢用豬骨湯底，加埋獨有嘅香料，真係好香好正呀！最後，真係以68蚊就可以埋單走人，好滿足好抵呀！

The only similiarity between the menu and the real product is the price.The BBQ pork was fat, fragile, and tiny. The egg was over boiled. The soup was so-so. The only improvement since I have last tried one year ago is that the soup is as thirsty as before (less MSG). Amount of noodles is fair. Unfortunately, it is far from my expectationa.They used an open kitchen. The original idea was good but I think their ventilation was not good enough and some oily smell spread towards the dining area.The