味吉拉麵館 (已結業)

天氣太熱,唔想週圍行,見到呢間個menu有喬麥麵,所以就入左嚟,點知打開個menu,只得兩款喬麥麵揀,其他果d天婦羅暫停供應=_=我地係因為喬麥麵而衝入嚟,所以只好揀果兩款…我果個就係吉列豬扒配凍喬麥麵。豬扒炸得唔會好粉,肉都唔鞋, 已經好過好多吉列專門店了。至於喬麥麵,比較上淋左d,不過口感都幾好,係ok的。而朋友果個就係牛肉抄菜都係配凍喬麥麵。呢個無影到相,面頭有好多蒜頭同其他味精配料,所以牛肉同菜都好入味,但就比較油膩。總括呢餐飯都唔算差,因為佢地主要係食拉麵嘅,所以都覺得可以接受。不過服務就好一般,價錢連埋加一,每人$80到,都算正常！

雖然落左8號波, 但老闆決定晤洗我地番工~~ 所以夜晚都出左街食飯. 日本野again~凍菠菜超正! 上面有木魚, 下面有冷面汁, 令成個菜一d都晤 “寡”~ d 菜好嫩, 同埋只選用波菜中段部分, 即菜葉尾同菜頭都晤會有~ 超好~~巨峰提子soda正常味道, 無特別. 不過我覺得個樣幾青見.餃子個餃皮好白, 晤知點解, 不過食落又無咩特別. 餡料無咩肉汁, 同埋好糊口, 麻麻地, 不過配上餃子汁食, 味道尚可.地獄湯拉麵wf 叉燒+肉塊 (中辣)肉塊: 有醃過, 好香醬油味, 好入味. 入口一d都晤韌, 好腍, 正!叉燒: 半肥瘦, 不過無咩味, 口感ok.拉麵: 無得揀軟硬度, 不過硬度ok. 最重要係無咩鹼水味… 算晤錯.地獄湯: 好味! 呢排壓力大, 都有d作嘔, 晤想食野, 但我食左兩啖呢個麵竟然想食多d, haha~ 個湯真係好開胃~香辣珍寶雞翼首先賣相係先聲奪人~~ haha~ 擺得好好~ 味道方面雞翼醃得夠入味~ 醬料係蜜糖醬, 甜甜地, 幾好食~~ 而且燒得好香脆!Overall: waiter n waitress都好細心, 會察覺我地有咩需要, e.g. 我地想要

今日去睇Eason演唱會所以早啲食Dinner,咁岩系旺角我同個friend就揀左味吉拉麵,因為聽講個照燒雞翼幾好味。去到好早都無乜人,但系都無人招呼,興興地,不過算一坐低就叫左個豬骨叉燒濃湯拉麵，香蔥豬骨叉燒拉麵同埋照燒雞翼，叉燒就揀左半肥瘦。 黎到個碗勁大不過份量都OK一黎試啖湯先,唔覺有咩特別,之後就試下個糖心蛋,個蛋皮系茶葉蛋,而真系有糖心,真系唔錯之後就試個叉燒,佢話系半肥瘦,食落我都覺得OK, D肉都幾"林"最後試下個麵,一食就知今次中伏啦!!!!!個麵個鹼水系勁到為以自己食緊車仔麵, 麵質麻麻,食食下發現個湯愈飲愈咸,好似好重味精咁OVERALL黎講個麵簡直系唔合格,系得個糖心蛋同叉燒OK 而我個FRIEND叫既香蔥豬骨叉燒拉麵,D蔥系幾香,不過其他都同我一樣 個麵都食都差唔多個雞翼,諗住系重頭戲抱有好大期望,換黎系好大既失望, 雖然個口感唔錯,但系食落系似老水雞翼,唔知邊忽有照燒過,味道尚可不過完全不合預期,仲有三十幾蚊4隻,好唔抵食!! 最後總結,唔會有下次!!

叫了豬骨湯叉燒拉面。但叉燒好鞋+硬要花時間才能咀嚼。若喜歡超濃的湯底會令你失望。但我覺得湯底尚可拉面亦不錯 不會太淋另外叫了炸蝦 ok這間拉面不是推介 但個人認為尚可下次會再幫襯試吓其他款

我專登開呢個acc就係為咗寫呢個食評今日我同朋友去食飯點了一個豬骨湯底和一個味噌湯底的拉麵佢來了一個墨魚湯底的我們告訴落單的侍應黎錯咗佢話"唔係!呢個係你哋叫ge,你啱啱係點呢個"我朋友"唔係喎,我哋冇叫呢個"個侍應就拎本menu過嚟,指住錯嗰個麵"你啱啱係指住呢個架,我啱啱覆你都係覆呢個,你都冇話錯,你明明係點呢個"因為我唔可以好確實咁話我哋冇錯雖然我都幾肯定我冇叫墨魚,因為我同朋友係講完"墨魚會食到d牙黑晒,我哋先決定點豬骨但我冇証據亦唔想大家尷尬我好聲好氣咁同佢講"咁唔緊要啦,咁請問可唔可以換比我哋"佢轉頭叫咗經理嚟呢位年輕的男經理同樣拎住本menu走過嚟"你哋啱啱係叫呢個架,你指比我同事都係指呢個,我哋冇錯"我心諗"我點餐嗰陣你冇企喺隔離睇住,你點知我叫咩?你又點知我指邊個,你根本唔知咩事就幫晒自己下屬"但我都係想同朋友開開心心食餐飯唔想嘈交我話"咁唔緊要啦咁請問可唔可以換"經理"唔可以喎,已經整咗,冇得換"我朋友話"但係我哋真係冇叫呢個,而我哋亦都唔食呢個"個經理最後先換比我哋我由頭到尾冇堅持自己冇錯,亦冇堅持係佢哋錯但個侍應同經理竟然咁堅持自己冇錯我哋冇人有證據我哋做客人的

見到openrice咁多正評, 間店既門面又幾靚咁, 就試下啦。叫左個美國牛肉極上醬油拉麵, 叉燒可以揀1塊或3塊, 我要3塊。個面黎左, 湯碗好大, 紫菜另上, 但冇乜湯咁。先講湯底, 真係好好好淡...唔覺有牛肉同醬油味...仲要唔夠熱, 食拉面, 第一啖基本上要吹一吹先食得, 但我第一啖就可以毫不猶豫連湯放入口...到個叉燒...我見佢推介, 諗住呢度既叉燒應該好食啦點知鞋到爆, 咬到有渣咁, 仲涉哂啲渣喺牙逄。唯一可取之處就係佢夠大塊囉, 我不知幾後悔叫左三塊...於是我比塊叉燒比我朋友, 佢就比左舊豬軟骨我...(佢叫豬軟骨拉面)點知...連舊豬軟骨都係伏, 肉嗰部份仲鞋過舊叉燒, 真係鞋到阿媽都唔認得輪到啲面...呢個相對下算係比較好少少, 但可能幼身既關係, 我覺得偏腍冇乜口感我地另外叫左個炸豆腐, 係得呢個好食...而碗拉面...就剩係得嗰半隻糖心蛋好食...

上午老婆在廣華預約了做結構超聲波，做完之後我地一齊開開心心去附近搵食。去到家樂商場地庫，本來想食豚組D炸豬扒，但係有少少喉嚨痛，所以試下隔離呢間拉麵。十二點半，唔係有好多人，個環境都好舒服。牆上都掛住大大碗麵，相當吸引。成間餐廳都扮舊式拉麵舖，以木為主，D用具都係木製，精緻且衛生。叫左兩個拉麵。我揀招牌豬骨湯自製叉燒拉麵，有半肥瘦和全瘦叉燒，要了半肥瘦。豬骨湯味道剛好不算太濃，叉燒肥的部分不油，瘦的又唔會柴皮，唔錯。有半隻糖心蛋，都 okay。老婆要了墨汁叉燒拉麵，味道香甜，沒有腥味加 $25要了一碟餃子，味道就一般，唔係特別好食整體黎講都滿意，坐得舒適，味道中上

平時很少踏足旺角，因為實在太多人，而且我已經不是嚷著要去旺角逛街的年青人了，哈哈。由於今日是閒日，於是就揀咗呢間拉麵店。由於時間尚早，只是中午十二時左右，餐廳內的客人寥寥可數，而我們二人更被安排坐係相信可以容納六個人的卡位內，很寬敞呢！店內的佈置像是模仿舊式拉麵店的，主要是木的擺設，配上日本的紙燈籠，另有一番韻味。認識味吉，是因為小時候看過的卡通片，那個味吉，看個店名就想像到這裡食物應該不太差。店員先奉上又大又長的餐牌，圖文並茂，每一個主題也很吸引，無奈自己的選擇不多，要忍口，最後選擇了特盛豬軟骨拉麵轉烏冬，朋友點了一個牛肉冷烏冬，再加一個照燒雞翼。照燒雞翼賣相不錯，照燒汁做得出色，雞翼味道剛剛好，不會過濃，而且保持水份，唔會因為是照燒，變成炸雞翼，或者是煎雞翼。特盛豬軟骨烏冬，喜愛食豬軟骨的我，對這裡的豬軟骨也有期待。烏冬配料有一塊紫菜，與一般 ‘碎上’ 的的感覺很不一樣，不過浸在湯的一部份已經變軟。糖芯蛋煮得洽到好處，如果有多半隻就更加好了，另外有些荀和我不知道是什麼的配料，我當係海草類食物，十分爽口。這個特盛豬軟骨，又肥美又腍的，十分出色。由於自己非常喜歡食豬軟骨，平時一有機會也

平常很少到旺角食午餐，今日見完客，隨意走進餐廳醫肚，這間味吉，也是因為不用等位才選上它。打開餐牌，店員很殷勤上前介紹，我選了厚切豚肉拉麵，起初以為$58一碗，原來$58只有一片豚肉，那麼來個3片的要$78一碗。這個價錢的拉麵，我期望味道應該非常好才值這價格。無錯豚肉的確厚切，而且帶點肥糕，看來有點似東坡肉的質感，但3片裡有只有一片是"林"，其餘的兩片都要花些時間咀嚼。這裡沒有午市套餐，飲品要另加$10，我和兩位同事一起，加了兩客特價小食 -餃子及炸豆腐(每客$25)每人點一款拉麵，加小食兩客及兩杯飲品，共$325。老實說，不太值這價錢。不過他們的服務也算不錯。

家樂坊地庫係我經常搵食既地方, 因為俾較易搵位,, 同幾多唔同既野食揀...本身想食火鍋, 可惜人龍太長...人又太餓...無辦法等太耐...所以揀左LEE間拉面...見人少少唔洗點等得黎又多人食...所以一試...叫左兩個拉面, 明太子同炸蝦拉面,....明太子拉面, 可能明太子太少, 唔係好食到佢地味道,, 好快就溶晒落D湯到.....不過湯底濃得黎又唔會死咸, 都算唔錯...面身係粗身個種,,,,都算彈牙..........炸蝦拉面, 蝦都幾大隻, 食得出蝦幾新鮮............總括黎講是不錯的, 不過又唔係話好味到好想番轉頭O個隻...

今日又為左食黑糖珍寶雞翼黎味吉夜晚8點左右竟然唔洗等位就有得食，難得難得一坐底就叫左牛骨湯拉麵，一片叉燒$5x, 三片叉燒就$7x塊叉燒雖然好食，但系好似個五蚊硬幣咁薄。。。我覺得。。。有d貴同唔抵咯個湯底好香好好味，不過食完之後好濟。。。餃子一蝶5隻，無什麼特別，同自己係超市買返黎煎的一樣味，麻麻地啦黑糖雞翼黎啦，我的至愛，外皮好脆，好大隻，加埋d黑糖芝麻黑椒粒，好惹味！一人share一隻已經好飽好滿足！

因为赶住上厕所，就急急脚跑到家乐坊。结果发现，需要商铺钥匙先去得。就看到楼下有间味吉，而且肚子又饿，就去哩间吃也－ －！看了menu，店员顺口推荐了优惠价的饺子，但我看到menu上的叉烧拉面几吸引。就点了3块叉烧的拉面（有一块叉烧的拉面，便宜点但不抵）。本人是很喜欢吃拉面的。结果上来的拉面，卖相不错。碗的面子是我的脸的两倍，但面的分量只有大只老两叹的分量。好在我不是很饿。一般我先喝下猪骨汤底，试下味道。味道肯定比味千好，起码我feel到一d 猪骨味。不知到服务员话，加蒜蓉味道会好些，可惜我吃不到怎么好法。面的硬度比较适中，所以不至于难吃。总体来讲，中规中矩。环境在嘈杂的旺角，算吾错了。我就贪距够静，可以静下来吃。可惜分量和价钱很吾ok，不值。宁愿去吃碗大大的云吞面。

湯底成奶白色, 香濃既豬骨湯味,膠膠地, 麵色彈牙食食下開始覺得好漏...叉燒好薄好淋, 肥瘦得宜, 入口即溶炸蝦等左10分鐘...不過出奇地大隻同爽...食完想再食...

Centrally-located, which is fabulous.The seats are big in size and pretty comfortable. The environment is clean and cozy The staff, in general, is all right. Some are smart and polite; whereas, some are a bit slow.Well, for the food:the Cold Udon is the best among all the dishes that we have ordered. It tastes real good; a nice dish on a stifling hot day. The soup for the cold udon is yummy. and i highly recommend this dish.The Ramen is pretty good. But not as good as 一風堂 or duan wong. the soup

旺角對我黎講實在無咩好野食，而且周圍環境都比較嘈，所以次次係旺角食飯通常都黎味吉，價格相宜，環境幾舒服。試過呢到既豬骨湯同極上醬油湯底既拉麵，之後每次黎親就只會點本格美國牛肉極上醬油拉麵，湯底微甜，可惜係每次牛肉都稍為硬了一點，溏心點每次都keep到水準，唔會太熟或太生。另外呢到既牛脷串燒都唔錯，燒到外脆內軟咁，好味。不過最唔滿意係每次叫左野飲都好耐先黎，野食黎齊晒，都就黎食完先至黎野飲。