味皇 (僑明大廈) (已結業)

今日出左去行街，行黎行去唔知食咩好，友人係大胃皇，巧遇味皇，於是走左去試試佢。環境方面，正宗茶餐廳裝修，無咩特別裝修，坐既係一般茶餐廳既卡位，沒有軟墊。見佢個自選套餐幾抵，2人餐可以選三個菜式，可以跟白飯或油飯或者烤抓酥餅或者時菜，再包兩杯飲品同埋例。我地最終叫左芥末手撕雞、炭燒豬頸肉、紅燒蕃茄牛腩配了兩個油飯，兩杯柑橘話梅梳打。上菜速度好快，呢個係要讚既，第一眼望到個豬頸肉，豬頸肉好倉白，無咩血色，但點左個泰式辣醬都ok 既；芥末手撕雞原來係沙律黎，但雞肉得好小，沙律味道一般；紅燒蕃茄牛腩個蕃茄汁有d酸，同埋個菜式名同紅燒好似唔係好match，d牛腩似炆多d。 最後個油飯唔知點解都有小小微酸既味道

第一次去呢度食平時行過都有留意呢間主打海南🐔今日特登去食，食完反工！65蚊午餐加凍飲貴左少少無所謂啦！買相正常点知一食嘩吾知以為食緊湯渣咁似煲湯廋肉完全無味 鞋颯颯 韌到不得了，油飯無味無油吾識形容。如果你中意食湯渣你就去啦

份量又小 價錢又貴⋯⋯完全唔值呢個價海南雞飯得一個醬啲雞又鞋又un又小 唔好食附近返工諗住試下新餐廳，點知比呢度啲評語伏咗，好差嘅體驗附近嗰啲餐廳好食好多 價錢又冇咁貴真係不了

中午在太子附近，在弼街，搵到間店叫味皇。似乎也整潔衛生，入去叫咗一個海南雞飯套餐。上菜，都幾好。份量都大，價錢略貴。不過個餐有湯飲，有菜食。可能唔使要餐都夠食。

今日出旺角剪頭髮，見肚仔餓，經過呢間海南雞飯，就入去試，大約點幾鐘，裹面幸好不會太多人，應該過左lunch time ,我叫左個招牌無骨海南雞雞同跟餐有碗椰子雞湯，唔洗等太奈就上左個湯先，唔會死咸，好有椰香味個湯，不過個湯再熱啲就好，因為得暖暖地。之後跟住上埋個雞飯，雞都算滑，雞件好彩唔係剩係俾雞胸肉，有啲餐廳雞件剩係俾雞胸，肉質又柴，份量又少。個飯好煙韌，我鐘意個飯嘅質地，唔錯！之後埋單59蚊！！！

花園街一帶都有好多類型既餐廳，呢間見門口都主打海南雞同花膠湯飯，見到平時都多人，就入去試一下。我地叫咗咖喱牛腩飯同青咖喱雞飯，先講咖喱牛腩飯，夠林，味道唔差，不過牛腩比較碎，份量變得少。青咖喱雞好香，但個獻濃咗D。不過我建議套餐應包湯包飲品，成本唔會多好多，但令客人又滿足。餐廳既環境，枱太迫，而家加埋疫情間板，坐得好辛苦，人多仲嘈到不得了。😩

不理好醜，但求就手，太子沒甚麼特別好吃，又到了味皇。下午茶時間，友人又再次叫這個海南雞米粉，於上次在大埔熟食市場吃過的海南雞比較，這兒一隻雞翼，其他只像雞胸肉的雞絲，質素頓覺相形見絀，湯底都沒有什麼特別，不覺得特別清，亦都不覺得特別香濃。雖然在下午茶時段來到，但沒有叫下午茶，我叫的是那個咖喱，由於本身比較肚餓，而且看來吃個飯比起吃其他小食更加優惠，就勉強吃多了，又叫了個咖喱飯。只是普通尋常的港式咖喱，味道不算特別辣，普普通通。薯仔份量好像比雞更少，雞好像沒太多汁醬，應是臨尾才塞進汁內，因此不是混滿咖哩，比較失望味道正常。飲品茶走鴦走，味道亦都不算太出色。因此看來，味道比較出色的厚切牛脷那個套餐。

又係要出街食晚餐的一晚今次想快食，就一試味皇的海南雞飯先黎碗椰子雞湯，算好足料，但其實味道比較淡，冇咩椰香同雞湯味之後到主角海南雞飯，個油飯算幾香，d醬都算合格，但雞方面比較鞋又冇咩味但以食茶餐廳只係想醫肚就算係咁喇

晚上路過進來試試，此店菜色選擇不多，點了個招牌無骨海南雞飯套餐，肉質無味且硬如骨頭，雞肉一塊都咬不動 全是渣吐出來。碗飯都食唔落，味道真的不好。最後把菜吃完就算了。埋單$81。吃完牙縫都是渣，可以由於咬不動全吐出來，肚子還餓

頭先5:15想食下午茶嘅時候打去叫外賣，佢話無外賣人員返都算！我本身要同佢講我自取，但佢好似好忙咁即cut線！但我頭先經過去其他地方買外賣，見啲員工都只係企喺度又唔多客！是否多生意得滯，唔差我呢一個半個客😡重點係打咗成5、6次先有人聽電話😡😡😡😡

去左旺角行街，行得攰想隨便搵間茶餐廳食個lunch! 入黎茶餐廳本來係睇見有陳皮燉鴨腿湯飯，好似幾正！不過上左open rice見到味皇原來最好味係食海南雞飯，所以都係食左雞先！海南雞飯連飲品仲有個中湯送，係椰子雞湯，個湯味道有椰子清甜，幾好飲！雖然食茶餐廳，不過海南雞飯個賣相其實可以擺好少少吧😅, 不過味道還可以啦！雞都算嫩滑，不過肉的比例就比較少！有齊姜蓉、兩款醬汁！飯有雞油香味，略嫌有略硬！$53茶餐廳來說，算是可以！

今日出去買外賣返鋪頭食🍽🍴行過味皇見餐牌2点就有下午茶又多款選擇!点了下午茶🐔🍚🍵🍽宮廷貴妃雞🐔🍚飯，例湯$38貴妃雞飯~似白切🐔吾咸'皮滑肉嫰,薑蓉惹味,味道好例湯系鮮椰子雪耳雞腳湯濃郁，多料，夠火候老火湯!正🤗🤗

清明時節瞓到自然醒，沒有比這個更好，今日嘅天氣晴朗陽光經過出邊隻蛇入嚟睡房，溫度舒服大概應該25度左右，一覺醒來當然係會有點肚餓，肚餓嘅時候梗係諗起即磨咖啡以及早餐，因為我家樓下都有很多選擇所以今次就試一試味王這間餐廳，可能時間11點零鐘，可以人數唔會話冇位坐，最適合我呢啲悠閒閑嘅人，然後就叫咗個香茅豬扒早餐加杯即磨咖啡，老實講我對咖啡要求不是太高，但係就覺得杯即磨咖啡都好普通，相反過香茅豬扒就畀到驚喜我真係好特別，令到我印象好深刻，相信我覺得豬排嚟講呢間真係算幾好

以前在銅鑼灣附近返工，想不到食什麼，都會㸃味皇外賣，味皇的海南雞好處，又無骨又好食自設農埸，今天經過太子味道忍唔住入去回味一下😊😊😊店內的坐位吾會狹窄。👌🏻👌🏻👌🏻我今次吾想食飯了，就改了食海南雞河粉。海南雞同之前食的外賣味道到一樣，雞皮，雞肉鮮嫩滑身，真是好好食。怪不得店內客人有9成都是點這個海南雞餐。堂食河粉分量比外賣多好多😅差不多多一倍，😱😱😱湯清清地，有牙菜的味道。精選午餐招牌無骨海南雞飯加熱即磨咖啡☕️$55 ，低價錢高質素之選。如果兩個人睌上食我建議可以叫二人餐＄138-$168有上湯時蔬

味皇一向都知係正正常常既連鎖茶記，但呢間就標明係食海南雞同喇沙。其實好似間間分店都有海南雞食🤔入到餐廳見到個個都點海南雞，我同朋友都點，我加左個椰子雞湯。個飯係黃油飯黎，所以好味😂但顏色真係好黃，唔係淡淡雞油飯，都幾濃味。雞係冇骨雞，有3隻醬點，薑蓉、點乳豬隻醬(?)同埋有隻甜酸醬(?)咁既野。我自己比較鍾意傳統加薑蓉，但個隻甜酸醬都ok好送飯。椰子雞湯都濃既，要自己撇開面d雞油先，同埋都見到d料都幾足