和三昧

营业中

休息中

第二年食!公司聖誕飯8人食了$7557VIP 房，獨立廚師。叫了四個二人餐，龍蝦餐和鮑魚餐南非黑邊鮑魚好味，內臟好味龍蝦爽脆龍蝦湯鮮甜好飽!食完無油煙味，值得一讚!

We had reserved a table in advance for business lunch on a weekday. I ordered this assorted sushi set at a price of $460+10%. I am afraid it was very disappointing. The quality of sushi was quite poor, even worse than those sold at supermarket. You can tell that none of the sashimi were particularly pleasing or expensive. The sashimi was not particularly fresh nor fatty at all. The salad had nothing special. The seafood soup served in a small tea pot to be poured into the small dish with a lime

久違了既鐵板燒😋.對上一次去鐵板燒就已經係差不多一年前去東京個一轉😂😂😂冇假冇錢冇剩真係同唔到波波一齊去旅行喇🙈同埋去到一定忍唔住食呢樣個樣，條數都幾噤計🤣🤣.今次食既係佐賀A5和牛3成熟😋老人家我覺得佢既邊位略位熟多左少少，差個少少就係入口即溶🙈鴨肝加多士😋啲油多到呢😝但真係好好好幸福🤤青酒煮蜆超清甜同肥美既，波波超鐘意，下次要試下係屋企整比波波食先得🥰散叫左個銀雪魚就$120 一細塊，魚油比較少感覺唔太抵🤣🤣🤣不過波波想食既❤️一定會滿足佢既願望啦☺️最後就係我老人家致喜歡既牛油炒飯，粒粒分明，唔會太硬太乾，岩岩好👍🏻成餐飯都好enjoy ，主廚好好人，我地問東問西問點煮，佢都有問必答😄.最後提提大家用某啲信用卡有10% OFF 🤩去之前book 位問一問就最好😛

次次來和三昧都是和家人晚飯來吃鐵板燒，今次第一次食lunch，價錢相宜好多，味道保持水準。叫了一個沖繩苦瓜炒豚肉，豚肉味濃多汁、苦瓜清甜一點都不苦，整體感覺不錯。和三昧食飯其中一個賣點，一定是服務好、服務員夠細心，當然今次也不例外。因為walk-in原故，未能安排靠窗位置，這一點美中不足，但所有位置都是梳化位，還是挺舒服的。對於潔癖的人來說，餐廳廁所絕對是決定會否幫襯餐廳的條件之一，和三昧的廁所整潔程度令人滿意，絕對係甲級商廈廁所 🤣🤣

剛從日本回來，又去了吃日本菜，在日本還未吃夠呢。到和三昧吃午飯，屬即興性質，沒有提前訂座所以未能坐在窗旁卡位。窩夫點了鮑魚及海膽釜飯定食。海膽要等釜飯的火熄滅後才自行加入，份量不少。定食的刺身有一隻蝦和兩款魚生，全部都非常新鮮美味。媽媽點了銀鱈魚西京燒定食，她說很久沒有吃過如此高水準的銀鱈魚。加了10元將定食的白飯升級為雜穀飯，內含18種健康穀物，比十穀粥營養更豐富。窩夫的釜飯煮好了，鮑魚很新鮮呢。吃完飯，被安排坐在另一邊吃甜品和喝咖啡，騰出桌子讓下一輪的客人入座用餐，這樣的安排不錯。下次要去吃鐵板燒！

老板請食lunch，梗系食好嘢啦。位於銅鑼灣嘅和三昧食材夠新鮮，服務質素高，服務員不停為客人加茶，廚師廚藝了得，煎煮食物時間控制得宜，能保持食材應有之口感。我個人今次揀咗個套餐有帶子，鱈魚，大蝦，和牛(可揀厚燒或薄燒)，我比較喜歡薄燒內嘅配料，多一份香味。除左肉類外，套餐仲包沙律，炒飯，炒蔬菜同甜品。今餐所有同事都食得飽飽，好滿足、滿意，多謝老板。

今日去咗試呢一間係銅鑼灣都幾出名嘅餐廳，今次都係試佢嘅鐵板燒，嗌左個佐賀和牛嘅套餐前菜沙律套餐有煎鱈魚同埋煎大蝦廚師會喺煎嘅時候幫蝦去腸拆殼煎鱈魚感覺有點普通煎大蝦不過隻蝦煎完出嚟有啲細份，同樣無乜特別，蝦頭我就留左俾朋友食最重要嘅主角:厚燒佐賀和牛平時我食和牛嘅份量唔多，因為覺得食得多好”漏”,呢一份我係全！部！食！曬和牛絕對為餐飯加曬分食完炒飯，最尾會有雪糕同茶跟埋，飽！不過成餐飯值得一讚嘅真係佐賀和牛，好回味，但其他嘢都好普通

第一道是匈牙利鴨肝多士🐤鴨肝煎得恰到好處，將脂肪鎖住，一啖咬落去瞬間感受到脂肪在口腔內爆發🤤配埋鬆脆的多士食，口感十足，同時能夠吸取鴨肝部份的脂肪，達到解膩的效果😆.然後是我最愛的一道菜- 清酒煮蜆🍲湯底以清酒為主，不過經高溫烹調，酒精揮發後只剩下蜆肉的清甜+鮮味😚所以全家人一致認同呢一碗蜆肉湯係飲過最鮮甜入味❗️.牛肉厚燒🐮牛肉點了五成熟，肉質軟稔，鮮嫩多汁😽這次選的美國牛當然沒有和牛那種入口即溶的感覺，不過論肉汁+質感都已經很不錯🙊.日本豚肉生薑燒薄餅🐷豚肉脂肪比例分佈剛好，薄餅皮薄身，口感有點似餃子皮👀 材料簡單，調味不錯，不過相比起其他菜式就沒有什麼驚喜🤧.總括來說，每一道菜式水準好高，用料絕對不是廉價貨色，亦吃得出廚師的心機☺️個人認為午市來更抵食，因為平均只需$500一人，性價比極高! 建議大家先預約，因為平日午市來餐廳都是滿座的~

同女友慶祝生日，決定黎好多正評既和三昧食餐好既入到黎果環境都唔錯叫左兩個南非鮑魚餐（一個要帶子，另一個要大蝦）配佐賀和牛首先，上左個前菜沙律先，正正常常，都ok fresh跟住就係俾個鮑魚，帶子同蝦你影下相先，隻鮑魚仲識郁，証明好新鮮煮果陣職員會問你要唔要鮑魚既內臟，我地就話唔要，佢就幫你整走佢，食落都幾彈牙，不過鮮味不足帶子就反而有驚喜，好鮮甜，果表面又煎得香口，好正蝦🦐佢一路燒會幫你去埋殻，不過，燒完出黎好細隻，一啖都無咁食完d海鮮，就有d菇食下，普普通通，無乜特別黎到主角佐賀和牛，呢個真心好食，油脂分佈均勻，入口即溶而且牛味十足之後用d和牛既油炒既芽菜，淡而無味，劣食最後一道菜係炒飯，加入少少和牛粒，幾香，唔錯總結：和牛係唔錯，但係其他料普通，絕對唔值呢個價

老細請食飯, 梗係食好嘢😂其實唔係第一次去, 之前食過dinner, lunch相對抵食好多! 估唔到平日食午飯時間都2/3 滿座！今次揀咗特選套餐, 有大蝦,銀鱈魚，北海道帶子,牛肉揀咗厚燒美國牛，因為薄燒牛肉包住啲蔥冇乜肉味，厚燒肉味相對濃郁, 食材非常新鮮, 我同事揀咗嘅南非鮑魚餐，隻鮑魚喺我哋面前仲郁緊, 師傅即刻燒，真係超級新鮮！個餐除咗有四款食材之外,仲有餐前沙律,炒菜, 炒飯同埋最尾有雪糕或咖啡茶,飽到捧住個肚走!值得一提係呢度服務非常周到，會幫忙戴圍巾，不停添茶，最後又會安排你去另一個Area 慢慢食雪糕/飲咖啡茶, 食完成餐成身都冇乜油煙味!👍🏻

難得偷🉐️浮生半日閒就帶阿女友食好d，搵左呢間一直都想試嘅鐵板燒，貪佢食 lunch 價錢平過晚餐☺️☺️⋯⋯果然很不錯，專登揀左一厚一薄嘅和牛海鮮燒肉餐，咁就可以一次過試食兩個口味！先上銀雪魚，大大粒帶子同埋大蝦，再燒和牛，原來薄薄嘅和牛中間係夾有洋蔥... 不過我更愛原汁原味不需加任何調味嘅厚切..口感十足，美中不足係佢地有個coffee coner ...令我呢個咖啡控有了一絲期待，只可惜杯咖啡☕️不夠香無質感～

辛苦搵嚟自在食！今日同朋友去咗銅鑼灣搵食！我突然好想食鐵板燒，咁當然要幫襯和三昧啦！和三昧好大，有好多張燒烤枱同容納到好多人！而且佢仲有一間特別嘅房，係專招呼客人飲咖啡，食雪糕！睇完餐牌後，我同我朋友都叫咗個澳洲鮑魚餐！另外，我哋揀咗北海道帶子，銀雪魚，同埋美國薄燒牛肉！啲澳洲鮑魚好大隻，有好多片！燒完之後好香口，而且好爽口，超級好味！銀雪魚同北海道帶子都燒得好香脆，好鮮甜！美國薄燒牛肉入邊包住香蔥同埋蒜粒，好惹味，每人都有三大件！之後仲有炒芽菜同埋炒飯！碗炒飯好香，每粒飯都係炒到粒粒分明，好好味！成個餐好多嘢食，好豐富！我都已經食唔晒碗飯啦！和三昧依然保持住一貫嘅水準，佢係我響香港食過至愛嘅鐵板燒餐廳之一！

慶祝生日關係，揀左呢間食和食定食既餐廳，位置方便，鄰近地鐵！餐廳環境不錯，坐卡位可望到外邊景色，地方大，人不太多，坐得舒適！叫了set dinner (只適用星期一至四)，除了叫套餐，也可散叫！這是沙津，內有波菜和蟹柳，味道不錯刺身新鮮甜美這是A5和牛，配以醬汁非常美味！侍應燒的時候，會詢問想燒至幾成熟！亦會讓你自己燒，不過自問燒得麻麻，還是交給侍應燒會比較好！食完和牛還有炒雜菜，材料款式多，用餘下燒完和牛的油炒菜，又環保又美味，還可自我加鹽加胡椒粉😋最後還有甜品:桃🍑雪芭(還有其他雪糕味道選擇)溫馨提示:可自攜蛋糕🎂並不收切餅費總括:環境舒適，味道不錯

坊間有鐵板燒中意用唔同醬汁去提升食物既味道，但係和三味多保留食物原先既味道，咁先係丫嘛！師傅亦用心處理每煮完一道菜佢就會放係你前面個碟仔。🐶完全係皇帝等食既狀態我地一行四人中午時分叫左business set, 都有5，6道菜啵！每次少少地你以為唔夠食，但因為佢都算整得快手，好快就好飽了仲可以撩師傅傾計（唔好意思習慣了看到食物就馬上咬一口）熱熱既鴨肝多士都係無得輸既！無諗過呢個會係第一道菜，一開始以為係鵝肝，但睇番menu佢又寫鴨肝啵！算係好大舊，先食呢個就唔會比其他有少少醬汁既食物蓋過左你既味蕾象拔幾新鮮，呢個相對野味，食完會想再食，如果用黎送酒就一流松葉蟹腳一路煎一路香哂出黎！同食開凍既感覺好唔同，落左少少黑椒，未食已經聞到好出既蟹味，而且鮮味一d都唔少，無麥雪味。食過最濃清酒味煮蜆個人覺得如果多幾粒就好嚕，肥美des.呢個五成熟美國牛處理得唔錯，岩岩好，而且連蒜片食會開心哂如果蒜片係熱既會更好！呢個你可以選擇其他種類既牛肉，和牛個d都有，價錢就差好遠，食哂呢個已經開始飽飽地。食食下出左個炒飯，見到就有吃不消既感覺，味道非常普通。豚肉薄餅香脆，但豚肉好快就凍了不過以佢黎作結都差唔多

和三昧一直都好出名，所以一直都好想去嘗試，結果上個星期有機會，我知發現呢一間餐廳簡直就係隱世既日本料理餐廳。我地叫左Saga牛肉商務套餐，牛肉非常之新鮮，蜆肉湯十分滿意，相當清甜，因為佢係用sake做個湯底，反而個炒飯相當之失色，因為佢炒得好油，然後冇乜調味，所以呢個係成個套餐嘅敗筆。今餐係會有杯嘢飲又或者一杯雪糕，大家記得要試吓個豆腐雪糕，因為真係好好味，好有豆腐嘅味道，喺香港根本就係得呢度先會有咁重豆腐味嘅雪糕，可惜雪糕裏面有少少冰塊，呢度要扣番少少分。大家要預咗啲服務員嘅態度係相當之惡劣，好似認為你食唔起咁樣，所以千祈唔好同佢地計較，反而大廚相當之友善，仲主動幫我地影相，非常好。