和三昧

营业中

休息中

第一次食呢種鐵板燒，三個人叫咗澳洲鮑魚套餐。啲海鮮真係好新鮮。見到鮑魚真係好驚喜，隻鮑魚大過成隻手！師傅燒完再切埋片分比我哋，鮑魚好爽口好正，雖然好大塊但食完都唔會頂住，配個酸酸地嘅汁都好match。蟹腳煎到好香牛油味，但唔會蓋過蟹肉本身蟹海水味！最深刻係個清酒煮蜆，師傅用個錫紙兜喺鐵板上面燒好有功架，已經係視覺享受。啲蜆隻隻脹卜卜，好鮮甜，真係好好食，仲有個清酒湯吸晒啲蜆嘅精華，好清甜！厚燒牛肉切咗一口size，好方便。有麵包喺底索吓啲油先食就唔會太肥膩。薄燒牛肉包住啲蔥同金蒜，蔥嘅甜好襯牛肉，反而有啲金蒜有少少苦我自己就麻麻地。最後竟然仲有個炒飯，好好味但好多嘢食真係食唔晒個飯。叫咗杯梅酒，好甜好容易入口！值得一提係呢度服務真係好好，無論係師傅定係侍應都好殷勤，成個體驗好enjoyable！

巳經有年多沒有到銅鑼灣的和三味了！今次約了很久沒見的朋友，打算找一間高質素的餐廳來吃晚飯，便想起和三味，預先訂位訂了卡位，坐得很舒服！我今天和朋友分享了兩個套餐，天婦羅炸蝦真的很鮮味，粉漿薄身很脆口！魚生也很新鮮，燒銀雪魚很香很滑，套餐內的茶碗蒸香滑美味伴碟小菜銀魚仔好好味！不過因為由於我不吃牛的關係，將套餐內的燒和牛改了成燒豚肉😂豚肉就有D韌啦！甜品雪糕有很多種味道可選擇！兩人消費約$1200

因為我就黎生日，同事揀左和三昧請我食午餐，我地可以坐係窗口位。我揀左長腳蟹及海膽釜飯定食，同事揀左美國牛肉鍋定食。定食附有前菜、沙律、蒸蛋、漬物、麵豉湯、甜品、咖啡或紅茶。前菜正常，沙律幾新鮮，蒸蛋幾滑，漬物好酸，麵豉湯唔會過鹹。長腳蟹及海膽釜飯定食呢個定食仲有三款刺身，十分豐富。釜飯唔係一早整定架，係要等火熄，啲飯先會完全熟。長腳蟹同海膽都幾鮮甜。美國牛肉鍋定食其實即係Sukiyaki，牛肉唔鞋，幾嫩滑。自己落隻生雞蛋係鍋到，鍋入面仲有娃娃菜、豆腐、粉絲、冬菇、金針菇、洋蔥。整體唔錯。甜品係蕨餅。我飲熱檸茶，同事飲咖啡。

食過幾次, 第一次係誤打誤撞無預訂走左上來食, 之後都醒目訂左位先, 因為呢度真係勁爆場,  呢晚準時 7點上到來 22樓, 門口都有少數食客正等待入座, 我地都只係等左幾分鐘就入到去, 今次係窗口位, 雖然都無咩窗外靚景睇, 但有窗口位既感覺又好似係舒服 D ! 來過幾次其實都係 order 返同一樣, 就係澳洲鮑魚套餐, 因為入面有自己最喜歡食既原隻新鮮澳洲鮑魚, 同埋有三款牛肉揀, 今次揀左澳洲和牛等左大概 10分鐘, 由鐵板燒師傅親自將食物一一攞入來, 首先就係大大隻既新鮮澳洲鮑魚, 反轉放係鐵板上仲見到鮑魚係度郁, 之後就蓋住焗一陣, 等候其間就先上左個沙律, 清下個口同腸胃,  又可以睇住師傅處理隻鮑魚, 鮑魚再切片慢慢燒, 師傅另一邊就整左 D 南瓜, 冬菇, 茄子俾我地食, 鮑魚整好上枱, 入口係好爽好彈牙, 之後就係整兩隻大蝦, 分開蝦頭蝦身咁整, 當然蝦身會比較快熟, 一樣係好新鮮好爽口, 再來就係清酒煮蜆, 呢樣真係睇表演咁, 而且有好香既清酒味,  煮完出來既蜆係岩岩熟, 好好味, 之後仲飲埋個酒, 然後就係燒薄和牛, 會做成和牛卷, 入面加左少少雜菜, 我地

特別推薦大家Business Set (For Two/Three Persons)✅象拔蚌Geoduck (不過食嗰日冇貨，轉咗做日本螺片，都好好食)✅匈牙利鴨肝 Hungarian Duck Liver✅松葉蟹棒 Snow Crab Stick✅清酒煮蜆 Boiled Clam with Sake✅牛肉厚燒 Beef Steak✅日本豚肉生薑燒薄餅 Japanese Pork with Ginger Sauce Wrap💰$800/2p (US Beef)💰$920/2p (AUS Wagyu)💰$1100/2p (Saga Beef)《日本螺片》象拔蚌冇晒貨係有少少失望🤏，不過轉咗依個日本螺片又唔錯喎🐚😍，食到佢嘅鮮味，又好爽口😛《匈牙利鴨肝》煎得好香，口感肥美，入口溶化☺️，連埋吸晒油嘅多士一齊食好好食🤤《清酒煮蜆》係煮嘅過程已經好好睇，有好多火😂🔥，蜆肉好鮮甜，帶點清酒味🍶，個湯都勁甜❗️一定要飲晒呀‼️《日本豚肉生薑燒薄餅》依個豚肉薄餅好特別🐽🫓，其他鐵板燒係比較少機會食到，豚肉好惹味，仲有好多葱同洋蔥🧅，薄餅煎到微脆狀態，完全唔會漏，夾埋一齊食又好match又好食😋*B

今日星期六去咗銅鑼灣一間餐廳「和三昧」食鐵板燒，我預早係星期一訂位，原本想訂12:00，但餐廳要14:00才有位；我哋叫咗2份「南非鮑魚套餐」第1️⃣份套餐 包括：- 南非鮑魚 South African Abalone- 匈牙利鴨肝 Hungarian Duck Liver- 美國薄燒牛肉片 U.S. Beef (Sliced Beef) $400第2️⃣份套餐 包括：- 南非鮑魚 South African Abalone - 匈牙利鴨肝Hungarian Duck Liver- 美國厚燒牛排 U.S. Beef (Beef Steak) $440整體來說：鮑魚、鴨肝、薄燒牛肉及厚燒牛排都整得幾好味😋；今次負責嘅廚師是一位女廚師👩‍🍳，比較少見價格💰：$840 ($400 + $440 + 加一服務費$84 + 信用卡優惠九折 -$84)味道😋：OK

諗住開年飯食好D…見到和三昧既鮑魚午餐都係$400…就打個電話book位先。坐低時見到生意都唔錯…鐵板檯全部都有客人。望下餐牌…叫個鮑魚餐…見到個海鮮餐都唔錯…咁就每樣一個share食海鮮餐就點左銀雪魚…大蝦…北海度貝柱同松葉蟹棒…鮑魚餐就轉左US beef厚燒同鴨肝。食緊沙律時沙律…師父到左就大約問下牛要幾成熟…同埋鮑魚食唔食內臟。師父好快手…雀一聲鴨肝…貝柱…蟹棒一齊上…感覺好趕下。鴨肝味道都幾濃郁…不過未煎到外脆內嫩。帶子唔錯幾新鮮…蟹棒就有少少雪味。之後到銀雪魚…呢個就麻麻…煎到老左…個蝦都爽脆…蝦頭會煎香d再食。之後到最期既鮑魚…見到仲郁好新鮮…味道鮮甜…厚燒牛…牛味都濃…可惜比較肉質比較鬆。之後到炒飯同菜…好奇怪地兩個完全無味…成件事45分鐘完哂…之後安排去餐飲區飲埋杯餐飲就埋單走人…雖然又鮑魚又海鮮…都係$400-$500價位…可以試到和三昧既鐵板燒…不過如果以質素同服務黎講…我覺得就一般…同之前晚飯感覺差好遠…雖然價錢都貴好多…唔知係咪新年人手問題…d野食完又唔收野又唔refill茶。又無人講解下d汁醬用法…暫時都唔會再去luuuu

這𥚃的情人節午餐已經比起其他餐廳貴，龍蝦餐二人前配A5牛$3400再加10%⋯ 男友唔食牛要轉豚肉同一價錢極不合理！之前去花盃食平日套餐只需+$30可轉蝦，絕不會讓客人感到hard feeling....完全不明白$3xxx食個lunch都咁唔flexible, 仲點解可以係香港立足⋯食物方面零decoration, 完全不用相機食先⋯旭在這方面做得很出色，價錢比和三昧便宜，絕對IG able😊 食物味道方面比起旭同花盃油膩很多，食材不夠新鮮，炒飯太濕沒有蛋香😡😡😡😡😡大家如果想食鐵板燒，不用再考慮去和三昧！

兩位用商務套餐包羅萬有，三個套餐價錢都包含象拔蚌、煎鴨肝、松葉蟹腳、清酒煮蜆、牛肉厚燒和日本豚肉生薑燒薄餅。分別在於美國牛（$800）、澳洲和牛（$920）和佐賀牛（$1,100)。我就試了佐賀牛，但沒什麼特別，相信食最平價的性價比會更高。值得讚揚的是每位師傅只負責兩位客人，享受到獨家服務。師傅三爬兩撥就把食材煎好放到你面前，可說是非常有效率，打工仔午市光顧必定能控制在一小時內。但像我一樣想嘆慢板的就太趕，第一道菜未食完，第二、三道已緊接推出。總括來說，味道、價錢、環境和服務都做到平衡，值得推介。

 特別日子給特別的我們   Teppan-Yaki  (For One Person) 一人前Special Set : 大蝦、北海道貝柱、銀鱈魚、牛肉Prawn, Hokkaido Scallop, Cod, BeefA Lunch Special A Carte:南非鮑魚SA Abalone沙律 Salad炒飯 Fried Rice麵豉湯Miso Soup咖啡 / 雪糕 Coffee / Ice-cream貝柱鮮甜、大蝦蝦味濃郁、鮑魚爽滑彈牙厚切和牛脂肪比例高, 肉質十分鬆軟。炒飯加入了先前已煎脆的牛脂肪一起炒, 原味十足。入口有少許奶香, 之後越食越有豆腐味道。  整體食材十分新鮮屬於高質, 服務也很好, 價格屬於高, 都是值得。

每次講起話要食鐵板燒，和三昧都係我哋嘅不二之選✅而家真係好難訂位，我今次係三個星期前就訂定。同鐵板燒師傅閒談之間佢仲話農曆新年已經🈵晒，係連4pm都滿！因為好多人諗住早D食，當食埋晚餐，真係疫情下嘅新常態！餐廳俾咗間房我哋5個人，中間隔幾塊膠板，其實坐得好舒服😌雖然隔得遠，講嘢要大聲D，但係都冇影響到其他人。我哋叫咗幾個餐share嚟食：➡️商務套餐（美國牛肉二人前）$800個餐包括：本來係象拔蚌，但係冇貨，轉左嚮螺片。匈牙利鴨肝、松葉蟹棒、清酒煮蜆、牛肉厚燒同日本豚肉生薑燒薄餅。嚮螺片鮮甜爽脆；鴨肝煎得甘香，味道濃郁，冇筋；蟹棒肉質嫩滑多汁；清洒煮蜆D蜆隻隻都冇沙，而且好飽滿；牛肉厚燒火候控制得好好，五成就真係五成熟，三成就三成熟💯日本豚肉生薑燒薄餅係和三昧獨有。豚肉調味啱啱好，小朋友唔會覺得太重薑味，反而好香口，薄餅又煎到脆卜卜。➡️龍蝦套餐 （美國牛肉二人前）$1480套餐包括：澳洲龍蝦、北海道貝柱、清酒煮蜆同牛肉厚燒&薄燒。龍蝦好新鮮，上枱時仲郁緊。龍蝦煮熟之後用牛油同本身嘅膏煮成濃稠嘅醬汁，真係十級美味；北海道貝柱即係帶子，大大粒，同牛油煎香後，鮮味提升。➡️和三昧套餐（美國薄燒牛

𝗪𝗮 𝗦𝗮𝗻 𝗠𝗮𝗶 和三昧 🥩🦀二人限聚令下，二訪和三昧🥰 今次四個人去食，雖然冇窗邊位，但隔開坐都佔據咗一個Chef👨🏻‍🍳同一整個Teppanyaki area🤣 位置好闊落，Happy no share🥴😜！二訪主要原因係基於 和三昧服務好，食材新鮮！今次order左 [𝗦𝗼𝘂𝘁𝗵 𝗔𝗳𝗿𝗶𝗰𝗮𝗻 𝗔𝗯𝗮𝗹𝗼𝗻𝗲 𝗦𝗲𝘁]，𝗛𝗸$𝟰𝟰𝟬 + 𝟭𝟬% 服務費一位。沙律 𝗦𝗮𝗹𝗮𝗱 🥗 原隻南非鮑魚 𝗦𝗼𝘂𝘁𝗵 𝗔𝗳𝗿𝗶𝗰𝗮𝗻 𝗔𝗯𝗮𝗹𝗼𝗻𝗲 🐚🌟匈牙利鴨肝 𝗛𝘂𝗻𝗴𝗮𝗿𝗶𝗮𝗻 𝗗𝘂𝗰𝗸 𝗟𝗶v𝗲𝗿 🦆🌟厚燒美國牛扒 𝗨𝗦 𝗕𝗲𝗲𝗳 🥩 🌟炒飯 𝗙𝗿𝗶𝗲𝗱 𝗥𝗶𝗰𝗲 🍚 炒雜菜 𝗙𝗿𝗶𝗲𝗱 V𝗲𝗴𝗲𝘁𝗮𝗯𝗹𝗲𝘀🥬麵豉湯🥣 𝗠𝗶𝘀𝗼 𝘀𝗼𝘂𝗽咖啡☕️或雪糕🍦𝗖𝗼𝗳𝗳𝗲𝗲 𝗼𝗿 𝗜𝗰𝗲-𝗰𝗿𝗲𝗮𝗺🤣我影晒成個南非鮑魚🐚既烹調過程。好新鮮，大大隻，仲好活潑識郁💃💃牛扒🥩同埋鴨肝🦆就保持返一樣嘅水準。但覺得今次牛扒個擺盤冇上次咁靚😜有朋友order左 [𝗦𝗽𝗲𝗰𝗶𝗮𝗹 𝗦𝗲𝘁] 有大蝦🦐同北海道貝柱，大大件且新鮮💯Overall, 𝗪𝗮 𝗦𝗮𝗻 𝗠𝗮𝗶 𝒏𝒆v𝒆𝒓 𝒅𝒊𝒔𝒂𝒑𝒑𝒐𝒊𝒏𝒕𝒆

二訪的鐵板燒店，值得ㄧ訪在訪👍第一次去時點了鮑魚套餐～第二次去這時有加點了龍蝦🦞真的好好好吃唷👏👏👏食材新鮮，鐵板師傅手感穩定價錢高但值得😋謝謝🐷🐷帶我去這好吃的店日本和牛，好吃真的要看師傅技術想到之前在別家吃⋯真的不堪回首😂這次點了「厚」「薄」各ㄧ份兩種口感皆不同厚的外面酥酥裡面軟嫩👍薄的搭配師傅製作3款配料炒香包覆在薄片肉裡多汁多口感～回味無窮啊🤤餐後甜點要移位置到另外座位雪糕要另外➕10元柚子雪芭、紅豆雪芭剛好適合餐點完後順順腸胃😊

𝗧𝗲𝗽𝗽𝗮𝗻𝘆𝗮𝗸𝗶 𝗮𝘁 𝗪𝗮 𝗦𝗮𝗻 𝗠𝗮𝗶 和三昧 🥩🦀🦑🍨☕️Ordered Business Lunch Set for two $800!- Salad 🥗 & Soup 🍲- Geoduck - Hungarian Duck Liver 🦆❤️❤️❤️- Snow Crab Stick 🦀- Boiled Clam with Sake🍶- US Beef Steak 🥩❤️❤️❤️- Japanese Pork with Ginger Sause Wrap 🐷- Fried Rice 🍚- Ice cream with coffee 🍨☕️Great Teppanyaki experience! Definitely worth for $400 per person!! All the seafood, liver and steak are excellent!! We are too full to have the fried rice but it was perfect!They will guide you to another area to enjoy coffee a

閒日同好友嚟食鐵板燒，由於想和好友喺寧靜嘅氣氛下食，未到12點已經到咗，喺reception等咗一陣先至被安排入內坐近大窗旁。喺塊落地大玻璃旁，一路欣賞窗外風景，一路欣賞大廚嘅鐵板燒技巧，頗賞心悅目 。同好友分別叫咗特選套餐： 大蝦，北海道貝柱，銀雪魚，美國牛肉厚燒南非鮑魚套餐： 南非鮑魚，日本和牛厚燒及匈牙利鴨肝鴨肝表面煎得金黃，內裏質感仍保持軟滑，味道濃郁。大蝦蝦肉彈牙，帶子飽滿，外脆內軟，頗鮮甜。銀雪魚煎後魚油香味仍在，冇嚡口。鐵板燒牛肉，個人覺得厚燒可以試到牛肉嘅 texture，同好友各自揀咗美國同日本牛。美國牛雖沒有和牛嗰種所謂嘅入口即溶，但反而覺得有𡁻口，牛味比較濃烈🤣。食完飯粒分明夠鑊氣嘅炒飯後，到出面慢慢飲杯咖啡和食啖雪糕，可以同好友好好享受一頓頗滿意嘅鐵板燒和美好嘅時光❤️