和三昧

营业中

休息中

今天呀Sir請食晏，居然帶我行入SOGO，重諗究竟去邊度，原來22樓就係呢間"和三昧"。打開𨋢門，以為食日式午市套餐，但行入坐咗落吧檯，才知是食鐵板燒冇睇餐牌，被介紹食薄牛肉套餐，以為只有牛，原來重有蝦同銀鱈魚。先來一個沙拉，菜好新鮮，賣相可以。等食。。。製作中，師傅的工架有番咁上下。先鮮味彈牙的蝦，睇住起埋條腸，所以冇沙，食得安心。再來鱈魚，煎到脆卜卜，但D肉又淋滑又多汁，極品終於主角登場，牛肉包住D煎香的芽菜甘荀等，牛肉入口融化油香，夾埋蔬菜不覺油膩。掂! 本來諗住唔食蝦頭，但見師傅前得咁認真，決定試試。哈，又幾香脆喎。食埋炒到一粒粒的高水準炒飯，同一般質素的湯，雖然份量不多，都夠飽。最後重有杯相對普通的咖啡☕ 整體都很滿意

今日一個人去食鮑魚套餐，材料新鮮，味道好好，價錢亦公道。不過我啱食完放低個碗就講，食完可以轉去咖啡廳飲嘢食雪糕！仲即刻幫我除圍裙，同我講可以過去了！當時實在有d不知所措，好似啱食完俾人趕咁！所以下次唔嚟了。

My regular lunch spot. Today we order three lunch sets. The sashimi are fine, but not particularly impressive. Sushi rice are too sweet for me.The seasonal sushi set comes together with a bowl of cold/hot noodles. Very generous portion. Satisfying.Best out of three is the saga beef kamameshi. The lovely aroma of beef combines well with the rice. Delicious. Rice texture is great as well which is very important.Good quality as usual. Nice that they can keep the standard throughout these many years

適逢中秋，一家人一起去和三味吃鐵板燒，因為人多，所以特登預訂房間。因為樣樣都想試吓，所以大家拎住餐牌就乜都想order,又鮑魚又龍蝦又刺身拼盤，唔知份量大小，所以每款都想要幾份，侍應聽到都擔心我哋食唔晒，主動幫我地諗下叫幾多，好彩侍應經驗豐富，如果唔係就浪費了！刺身拼盤十分新鮮，尤其是係拖羅！ 十分美味！我們另外叫了一客鵝肝，外脆內嫩真係好香好滑！極度邪惡！澳洲鮑魚超級新鮮生猛又大隻，鐵板燒完都仲係好軟熟！大蝦同蟹腳都好彈牙美味！龍蝦好新鮮，鐵板燒緊果陣佢仲識郁，師傅用龍蝦糕煮啲龍蝦肉，真係十分鮮甜，爽口彈牙！一試難忘！龍蝦頭順道拎去煲湯，不浪費！牛肉我們分別點了美國，澳洲，及日本和牛，分別是厚切及薄燒，唔同地方的牛肉真係有唔同味道唔同口感，一次過試晒分別十分明顯！師傅燒得剛剛好！正！清酒煮蜆，玩火～哈哈！蜆十分大隻肥美！必試！因為我好鍾意食鰻魚，特意在order鐵板燒鰻魚！師傅燒得好出色！鰻魚皮燒到好似薯片咁薄咁脆！好好味！不過同平時食鰻魚飯有啲唔同，鐵板燒會比較乾身。

上星期六本來 book 左同家人去食我既生日 buffet, 由於係後補第一位, 諗住一定有位啦, 點知去到等左成大半個鐘之後話 D 客來齊哂, 無人取消或者 no show, 係失望既情況下, 家人突然提議話去 Sogo 樓上間鐵板燒試下, 因為之前有親戚食過話好好 ! 由於是星期六晚上的 8時, 我地都只係搏一下睇下 walk in 有無位, 上到去第一個答案是無位, 再看看餐牌, 其實第一眼見到個價錢咁貴, 都諗住走啦, 但我家大少話難得我生日, 又上到來喇, 平時好多野都食過哂, 不如試下啦, 可能接待員聽到係來食生日飯掛, 就叫我地都等一下, 睇下有無客人取消訂枱, 見佢打電話去問客人, 等左 10分鐘左右, 最後都有客人取消了, 入到其中一間鐵板燒房間, 坐低再睇下個餐牌, 最後決定揀 $3069+10% 既三人套餐不到 10分鐘, 侍應和廚師分別攞齊新鮮食物入來, 最吸引當然係海鮮盤入面既澳洲大鮑魚, 第一個放上鐵板就係呢個主菜, 雖然覺得好似好殘忍, 但煮完放入口果種味覺既滿足感, 真係筆墨難以形容, 其後所有既食物都很新鮮美味 ! 再加上廚師係面前既用心調理, 呢個價

位於銅鑼灣的和三昧是食評人士極力推介的餐館之一,今天小筆有機會一試, 希望以下的介紹能為各位提供有用的資訊。事不疑遲我地即刻開始啦! 是日我地共四個人用餐, 點了兩份 商務套餐(US Beef $800)加兩份和三昧套餐(US Beef Steak $340 X2 = 680 ), 兩種餐的菜式分開四人平均食用,所以嘗到種類就可以更多,而是次結帳合共約$1,600元。 商務套餐  日本響螺師傳用快炒方式煮熟響螺肉, 保持彈牙的口感,作為頭盤是不錯的選擇。法國鵝肝肥厚的鵝肝表層被煎得恰到好處, 剛好鎖住鵝肝的脂肪, 而用鐵板煎得鬆軟的麵包適當地吸取流出的脂肪油, 兩者互相配合。松葉蟹腳商務套餐每人應有兩隻但因分四人量所以是次每人只有一隻, 蟹腳味道鮮美可見用料新鮮,屬水準之作。清酒煮蜆師傳用清酒作為湯底,另外配以簡單的蔥花,煮出不一樣的味道;清酒味不濃但卻剛好沖走了蜆的海水味突出其鮮味。牛肉厚燒我地點了五成熟牛肉, 女友認為五成是剛好的熟度, 因為鐵板的餘溫會傳入牛肉中,所以雖叫五成熟而最後上碟大約會接近六成熟。肉質雖然未到入口即融的地步, 但就咬口﹑肉味﹑肉汁水份而言, 該菜屬上乘之作

之前來過幾次都係食鐵板燒，今日決定試下禾食今日order左特上手握壽司lunch set~ 包括前菜，沙律，蒸蛋，小蕎麥麵，清湯，甜品和飲品蒸蛋好鮮甜，蛋裏面有鮮菇，蟹柳等， 最重要夠熱，好好味清湯真的好清，有一隻蜆和少許海帶手握壽司共有16件，全部刺身都好新鮮，大大片魚肉好有光澤，尤其最鐘意係拖羅， 帆立貝， 甜蝦油甘魚，鉄火卷也好正海膽就有D腥鈇火卷好多拖羅魚蓉，紫菜又夠脆小蕎麥麵好有蕎麥味最後飲埋杯熱檸水和甜品真係大滿足

生日對自己好D當然要食好DD。位於SOGO樓上，唔係d隱世食店極容易揾，鐵板燒位置靠窗邊，自然光透入感覺開揚。上次食過龍蝦，今次試下食鮑魚 前菜沙律 鮮淮山雜菜沙律 脆脆脆 勁新鮮丫嘩。。今晚既主菜呀鐵板豪燒澳洲大鮑魚+澳和牛2人前套餐澳洲大鮑魚 1隻鮮大蝦 2隻是日海鮮：日本螺肉酒煮蜆澳洲大鮑魚手掌咁大既鮑魚，話咁快成隻鮑魚出左黎我真係鄉下出黎未食過燒過既鮑魚都咁脆口，通常屋企煲湯、炆鮑魚，通通都係炆得好腍。唔知以為食緊刺身，但又有d焦焦味，口感真係唔識點講，仲之就好食到震燒大蝦 勁新鮮 大大隻超鮮甜，啖啖肉是日海鮮：日本螺肉 估唔到咁脆口架 酒煮蜆 用上錫紙兜盛載並在鐵板上用火令酒精揮法到一個點，才將大蜆加入慢煮 出來效果湯汁超清甜完全無苦澀味，大蜆超肥美爽滑 薄牛肉&厚牛肉(澳洲和牛) 薄燒和牛：正到爆除左和牛之外，師傅用上脆蒜片及露筍卷著卷著放到我面前。。。又一驚喜丫~~ 好正丫~~ 唔會齋食和牛咁罪惡囉厚燒和牛：medium丫~ 唔該 完全係師傅控制範圍之內，不過食完好飽 仲有個炒飯，真係食唔落，唔該打包真係又食又拎。比埋個menu你地參考吓總括黎講，跟2年前水準一樣。食材鮮

晚上來試試，不錯，師傅技術好，食物質素真的新鮮，服務也有日本水準，先吃了沙拉，龍蝦肉質鮮嫩，和牛我喜歡吃生一點，師傅技術好，和牛肉汁豐富，還有經理介紹菜式也很專業。十個贊

今晚老公生日，本身想同佢去試灣仔碼頭既築地市場，但好似好少野食咁，最後揀左想食好耐既和三昧。一路以為呢間野好貴，ok wor, 可接受喎！我地揀左兩個鐵板燒一人餐，一份要大蝦，一份要松葉蟹棒同埋揀左美國牛，一份薄燒一份厚燒！前菜先來沙律廚師一次過燒晒海鮮先，我同老公都認為是晚最好味係鮑魚，又大隻又新鮮又爽口，不需加調味，食到鮑魚既鮮味， 另外蟹棒同蝦都好好味！跟住就係燒野菜，有燒豆腐雞脾菇同南瓜食左一陣，就上埋麵豉湯同前菜跟住廚師就準備燒牛肉，先整配料，連蒜片都係即炒，由生炒至熟麵包不吃的，用來吸油個人最鍾意薄燒，普通去居酒屋好難食到薄燒，係屋企又好難整，超好味！食埋炒飯就飽晒跟住職員就帶我地去一個地方歇歇，食雪糕同埋餐飲。下次我一定會黎試午餐，抵食好多，$300幾喳！

🎂😋🦐🦀今日為咗慶祝我摯愛嘅生日～特登book咗銅鑼灣＂和三眛＂，其實2年前已經食過，因為太好食加上小小私心下😋，所以決定今日再食。(你知啦呢度價錢都唔算平🤣大事大節就最好架啦)我哋個位係可以正面望住師傅燒嘢食，加上今日天氣好好自然嘅日光可以晒入店內，非常開陽。order左佢既2人龍蝦和牛lunch set。之後師傅將一盤食材擺上枱真係不得了😱個龍蝦新鮮程度係切開完一半仲自己係咁郁，呢度嘅師傅除咗非常細心問我地平時食嘢嘅口味，手勢亦都非常純熟，基本上佢煮野嘅時候我哋就好似一班好投入嘅觀眾，原來睇人哋煮嘢食某程度上都係一種享受。第一道主菜係將龍蝦起肉，將蝦頭既膏拎起煮成醬汁煎，過程之中加上黑椒，之後會將海膽煮成海膽醬再加係龍蝦肉切粒，遠遠已經聞到超香🤤一擺落口已經讚嘆不絕，新鮮爽甜嘅龍蝦肉好有彈性好甜，同海膽係一個完美嘅配合，又濃又香。好食嘅菜真係源源不絕😍師傅問左我哋鍾意食幾成熟，之後就到薄燒牛肉，將牛肉連埋蔥、蒜片一齊燒，手法好純熟，牛肉吸收晒蒜同蔥嘅香味又唔會煮得太熟，牛肉汁依然都好豐富味道當然係超正🤤松葉蟹啖啖肉，牛油同醬汁香味完美結合。清酒煮蜆大大粒，每啖有微微酒香keep住原

友人即將離港回崗，戰意超昂，決意要吃好的才再上征途。貴價一點，吃個高檔日本菜。未吃鐵板前，先有酸酸凍凍的沙律開一開胃口。鵝肝配多士，自是不變的法則。然而鵝油份略欠，未免打了折扣。古時殺妖有五味真火，今次還不是殺吃已夠的真真正正的三味真火？已經上枱的鐵板肉食已影過多遍，今次影的真章，乃師父在鐵板上的燒功。鐵板牛肉，未見其實，已聞其香，食入口是溶的，已經不用多說。連燒豆腐、冬菇、魚都要排列得整齊，日式燒物確實講究。魚燒得剛剛好；鮮冬菇勁香，豆腐更是既脆且滑，燒功非凡！再來的鮑魚更是妙絕！燒出來不靭，兼且還有汁的，食得出的心機之作。看師父兩三下手勢，不多的用料，便炒出近乎極品的炒飯，小人吃了兩碗都未夠，可知多美味！貴價貴食，是值得的一餐。

辛苦左一年，今日收爐食好d，約埋同事一齊食返個鐵板團年午餐！和三昧食過幾次晚餐，午餐係第一次食，強力推薦大家試午餐，因為食物一樣，但真係平好多！師傅係面前即刻煮，欣賞師傅功夫都值得了！我地每人叫左個特選套餐，每人有大蝦，帶子，銀鱈魚同牛肉。先食個醒胃沙律，芝麻醬沙律好好味呀！首先食海鮮先，師傅係你面前將蝦去殼。帶子中間唔夠熱，銀鱈魚就好好食，皮煎得好脆！跟住就到最期待嘅牛肉喇，我地揀左美國牛厚燒，五成熟，岩岩好，夠juicy！正呀！最考功夫嘅炒飯，師傅係我地面前將飯炒到粒粒分明，厲害呀！個餐份量好多，仲有炒雜菜，真係好滿足呀！之後就可以換個位置，去另一邊嘆杯咖啡或者雪糕！每人$400+10%，用sogo card仲有9折，即係免加一，實在抵過晚餐好多呢！

一聽到朋友話要去和三昧午餐聚會 第一時間就諗起鐵板燒 同埋好貴一年一次冬至 冇所謂啦 一行十人 餐廳安排左房間給我們 因為朋友同經理好熟 所以開sake免開瓶費今天有winter 的 special menu.... 全部都是定食 仲要唔係鐵板於是我點左一個基本上乜都有嘅set:TORO 第一眼望落去超級肥美 另外兩款白身魚口感好爽 高級食材 我個人十分驚喜食完sushi 加 sashimi 基本上都飽 餐牌上寫的燒物原來是燒魚 (心想是牛舌或薄牛燒 話晒都成五舊水一份) 再加埋烏冬 (冇特別）miso soup (好有誠意 有clam 有豆腐 好濃好rich）飽到上心口最後還有咖啡 豆腐味雪糕原來這裏除咗食鐵板燒 魚生壽司一樣壽司非常出色 極力推介未夠15:00已飲飽食醉

天冷冷，熱辣辣嘅食物自然特別吸引所以當G先生提議去食鐵板燒~ 我T某當然舉腳贊成點兩款套餐，平均$380 per head就食到海鮮+厚切美國牛排，絕對係一個豐盛嘅聖誕大餐看著新鮮食材在鐵板上滋滋作響，未入口已經暖心三大亮點...待應勤勤添綠茶，食稍微熱氣嘅板燒都冇有怕牛扒係完美嘅五成熟，用麵包晾住亦似乎有助保溫餐廳在訂位時已經預告由於用餐人數多，午市用餐時間只有60分鐘，要大口大口地痛快吃！好彩咖啡茶可以去隔離嘅cafe區慢慢嘆