和平飯店 (V Walk) (已結業)

假日黎新商場行下，兩點幾先食午餐，叫左牛肉餅 生煎包 擔擔麵。唔難食，亦唔算好食，好一般連鎖的味道。牛肉餅同生煎包舊肉都好細粒😐包有好多，餡得一粒😅咬兩啖都食唔到粒餡😐生煎包同牛肉餅只係個樣唔同，味係一樣👏🏼擔擔麵一般味道，湯唔算濃郁，花生味較重，味道帶點辣，麵條有咬口，但好快就滯環境ok, 坐得幾舒服，飲茶傾計幾好，侍應開的茶葉好多，可以沖幾次都得，不過3:30 last order 4點收工。唔知係唔係有落場呢？🤔

新開既v walk最近成為左我既飯堂今日經過和平飯店見到menu有擔擔麵就忍唔住入左去排骨擔擔麵 $55首先講下個湯底，個人覺得略淡，唔夠濃同辣，不過都食到少少花生味由於唔夠濃既關係，啲湯唔算好掛到上麵身，食落就真係淡左啲，無左擔擔麵嗰種風味至於排骨，個人覺得唔錯，炸出黎唔油，亦唔會話好乾留意返埋單會加一同茶芥，所以個人認為擔擔麵既話可以有更好選擇，至於其他食物可能會唔錯，不過一個人食叫唔到咁多所以評價唔到住了

今日的香港，正邪爭戰不休，每星期都在開戰，戰火彌漫，烽煙四起，不過身在香港這正邪不兩立的戰場上的我，這一天，卻很「和平」，原因只得一個，就是我正身處於這間剛於深水埗最新大型購物商場 V Walk中開業的「和平飯店」之中，可以暫時忘記那些喪心病狂，禍港殃民的渣滓，靜靜地享受一頓寧靜的午餐。店中的和平名菜推介有「不等你小籠包」和「生煎牛肉餅」。兩款都有點，兩款都有吃，兩款都幾好，小籠包皮薄多汁，牛肉餅外皮香脆，肉餡也軟熟好味。主食點了經典的「上海粗炒」，油夠濃，醬夠赤，也夠大碟，雖然肉絲與椰菜不夠多，都過得去。一客八件的「豆沙鍋餅」只是普通，雖然夠熱，豆沙餡也不太甜膩，但邊位過硬，就不太好。和平是好，但要得到真正的和平，戰爭有時候仍是必要的。

叫了一個4人餐加碟炒飯鍋貼，雲吞只係煮法唔同但餡料一樣。鍋貼就餡多啲，但冇比醋點五香牛肉:薄切牛肉，份量算多，醬汁太多浸住左成碟牛肉變左好咸同油膩。花雕醉雞:酒味很重好香，完全滲入雞內。餚肉:粒粒晶瑩通透，餚肉唔咸；凍凍地不經不覺清晒。話梅骨:份量好多，酸酸的好胃口，每粒都好多肉韮黃炒鱔糊:韮黃同鱔都好多，如果有埋白飯就好可愛撈汁食飯黃金大蝦（8隻）:厚肉，好入味炒飯:雖然料多但好咸甜品高力豆沙，大舊，餡多好味。算抵食。。4大人1小朋友來說

今日有同朋友去咗Nam Cheong V walk食飯，我哋揀咗「和平飯店」，朋友其實係台灣人，竟然揀咗上海菜食真係好好笑。我們沒有揀選傳統的小籠包，選擇了酸菜魚、上海粗炒、奶油津白、前菜同埋一個炸魚。酸菜魚真係好好味呀，加多左好多酸菜落去，而且仲有薯粉喺裏面，味道十分之搭。奶油津白也是極之有趣，奶油完全像一個忌廉汁湯底，但味道出奇地棉密。上海粗炒同前菜與其他地方差不多，那個忘記什麼名字的炸魚，很有下酒菜的感覺，不錯說。👍🏻

等左好耐, 終於都有新商場開喇!除左有超市同埋戲院, 我諗最重要就緊係多左一大堆食既選擇啦!今日一開, 就即刻同屋企人黎「搵食」喇!因為有大有小, 想食中式D既野~最後揀左和平飯店!一家大小圍埋一齊坐開心D丫嘛!入到去, 雖然新開, 但係都唔會有太大裝修味 -- 唔知係咪餓得太耐喇, 所以我地起勢咁點...明明只係得6個人...點到成台都係食物...不過最後都食得曬!!一開始黎左幾碟涼菜先~~夏天食就最岩喇!我地都好鐘意個白內同茄子呀~~跟住再吠左D小食!好食呀~~~個口水雞好入味D雞又好滑喎我地差D想encore添呀不過我地真係叫左好多野...所以都係留返下次先唔好浪費丫嘛!雖然都係lunch, 但係我地都叫左兩碟小菜雖然一d都唔小...haha第一道住大小朋友都岩既糖醋魚...再黎食比大人食既水煮牛!想講既食, d牛好足料呀! 唔會一人一小片就無~~~而且個辣度適中~~唔會搞到你勁辛苦!!最後都再點多個都比大家埋尾!好似有d麵/飯落肚會好d咁~~我地未食完已經討論緊下次食d乜...同埋已經打算夜晚再搵多間黎試喇...