和平飯店 (V Walk) (已結業)

Order外賣好多次，嘗試了不同菜式，好難食！醃篤鮮，鹹到喉嚨痛，筍只有兩塊，鹹肉的顏色也很奇怪；黃金蝦球，蛋黃結塊，蝦球軟綿綿；楊梅骨，超級甜；生煎包，乾巴巴沒有汁，只有小籠包還可以。優點：外賣包裝ok；全日外賣7折；服務態度ok總結：不推薦

限聚令回復4人，是晚與三位友人終於復出，4人當中有2人9月份生日，一定要慶祝下。朋友搵左好多間都話只限用餐時間1.5小時，只有這間可以比我地坐到打烊，因為我地有蛋糕切🥳第一次來V Walk 亦是第一次來和平飯店店員很細心，安排我們坐在最角落位置，可以慢慢食同傾計。先來一個雞絲粉皮，好味道，普普通通，沒特別。牛肉餅，好好食，又夠熱，食落個餅唔會好厚，似係即煎。👍👍龍井河蝦仁，好清香，友人指定要試，但凍左就有點蝦腥味。葱油雞，呢味好香，佢將啲乾葱炸香左放面，連埋雞一齊食好正👍👍👍不等你小籠包，因為唔等你嘅關係，瞬間食晒，無野講🤣🤣🤣花膠菜苗，花膠好林，菜苗係脆嘅😋炒飯係因為男友人是要吃飯的😆😆 但個飯要讚一讚，佢炒到一粒粒之餘又唔係好乾，又唔太油👍👍 好嘢最後要晒一晒張銀票！因為我有種「阿媽，我得咗喇！」嘅感覺🤣 大家可能唔明我係好耐無出街食飯同埋好想拎呢張銀票嘅感受

是日於V Walk購物, 順道吃個late lunch, 考慮了一眾食肆的環境和menu, 最後選擇了和平飯店。喜歡餐廳有落地玻璃引入自然光, 景緻開揚, 沒有自閉感。午市滋味勝在已包茶位, 不用另加收費。而且很久沒吃滬菜, 也是選擇這餐廳的原因之一。1) 上海粗炒 $522) 時蔬 $103) 熱鮮豆漿 $54) 豆沙鍋餅 $285) all + 10%上海粗炒麵質實淨, 肉絲, 冬菇絲和椰菜絲份量剛好, 不會太油膩, 但不知為何麵條有種說不出的怪味。時蔬為白菜, 雖稱不上嫩, 但也不算老, 蠔油另上是為一細心位。豆沙鍋餅可能因早上菜, 放涼了, 外表不脆, 厚厚的粉粉的, 幸豆沙滿滿, 整體只屬一般。熱鮮豆漿一點也不熱, 只算是暖, 味道蠻有豆味。看到這裡, 是否有疑問為何標題寫著"令人不安的一餐"? 頂多是質素平平, 有何不安呢? 事源入座時接近落場時間, 員工一般都會走出樓面用膳和休息, 這都十分普遍, 唯有一名非樓面員工, 沒帶口罩, 也沒掩口下大聲咳了數次, 除了覺得其毫無衞生意識, 這種行為不論對客人和同事的健康都構成威脅。雖然我與他有3張枱的距離, 但身處同一空間, 實

晚市無堂食，唯有中午同老友午飯聚一聚位於V Walk內的和平飯店，有蔟新裝修，經理更親身到樓面打點一切招牌菜和平炒飯有十足份量的鮮蝦，很咬口，鮮咪十足！加入特製醬油炒飯更是別樹一格現時餐廳午市，做點心七折優惠，逢星期一會員更全單85折（不包七折點心）。推介給識食嘅讀者們～

原來和平飯店係敘福樓及株式會社旗下集團品牌食店，雖然樣樣都好精緻，但因為疫情關係所以午市時間套餐特別優惠，今日係星期一全單免茶仲有八五折，叫咗一個和平炒飯同紅燒花膠炸茄子蓋飯，和平炒飯多蝦仁而且飯粒粒分明吵得乾身，加入甜豉油去炒份外香口，花膠茄子蓋飯，真係有兩片花膠，雖然茄子只有三塊但用脆漿包裹着去炸，特別酥脆，配上上海菜飯都幾夾

同老朋友食飯想坐得舒服D, 上openrice search左一會就搵左和平飯店。雖然疫情關係，但餐廳都有唔少客食飯。我地大約七點鐘到，幸好不用等位。食物叫左小籠包，海皇羹，翡翠苗，和平炒飯，脆鱔及乳鴿。小籠包鮮味多汁算唔錯，不過湯汁可以再濃香小小。海皇羹足料既，好耐未食過呢D湯羹😂雖然唔算有驚喜，平平實實唔錯啦。炒翡翠苗正常發揮，屬於一般中式酒樓飯店質素。前菜脆鱔就麻麻地，炸到好重油益味，我覺得下次叫燻魚會好一D。和平炒飯都好一般，以為係招牌炒飯會有大d期望，但味道偏淡，亦都炒得唔夠香，有改善空間。綜合覺得和平飯店食物質素OK啦，而且價錢親民，所以如果一家大細又想環境好坐少少都可以選呢到。

【 令人回味的生煎牛肉餅  】去左行新開無耐位於南昌站的V Walk ，行街之前首先要醫下肚先，V Walk 的餐廳選擇都幾多，我地都行左好耐先揀到，最後決定去和平飯店Peace Cuisine食Lunch，食上海野。我地早去食，完全唔使等位，而且可以俾我地坐四人枱，舒舒服服唔使逼，餐廳侍應好細心，會每人提供一個Mask Holder，圖案仲好可愛。我地點了小籠包，生煎牛肉餅，小食拼盤，四川擔擔麵好攪笑的係小籠包個名好得意，叫 「不等你小龍包」，小籠包皮薄多汁，好好味！四川擔擔麵我覺得味道一般，份量都好小，下次可以唔叫。值得一讚的係個生煎牛肉餅好好味，好多汁，令人想食完再食。但自選拼盤就有啲唔抵，百幾蚊但份量真係好小，我地揀左雞絲粉皮，鎮江餚肉和醉豬手，3款驚喜不大。知道這間和平飯店最近外賣自取有半價優惠，所以係門口都見到勁多人買外賣，因為真係好抵！

同屋企人搵餐廳食飯 呢間係唔錯嘅選擇！喺商場入邊，而且環境衛生都唔錯 價錢又唔貴👍🏻今次係lunch time — 食物水準正正常常唔會話好大驚喜——————————————————————《小籠包》味道唔錯但皮偏厚，有湯汁！抵食嘅～～《鎮江餚肉》呢一個雖然味道唔錯，但肉質偏乾。我本人比較鍾意半肥瘦排骨！🐷《和平炒飯》香口，炒得夠乾身。有少少似肉絲炒麵嘅味道。不過不失😌《自選拼盤三款》個人認為呢個冇咁抵食，每樣野得好少🙈口水雞味道唔錯，有四件左右。雞絲粉皮同埋涼拌青瓜就正正常常！《四川擔擔麵》唔知係咪因為我叫咗小辣嘅關係～味道偏淡！我個人鍾意花生味重嘅擔擔麵。麵質OK

朋友相約在南昌站，但由於很少去此區，所以安全起見都是選擇自己喜歡吃的上海菜！而且有限定抗疫抵食菜式😁可能未到Peak season , 不用等位，而且可以坐舒適的四人枱，侍應更細心地每人提供一個可愛Mask Holder😊小籠包的名字好有趣 「不等你小龍包」，而且皮薄多汁我最鍾意食嘅就係 「百合毛豆炒魚片」，首先用$48食到原價$88的菜式，而且魚片好滑（代表厨師功架👍），又潤肺止咳，覺得特別抵食😆砂鍋餛飩雞：如果有侍應代切開的雞就更好！

我係牛角同温野菜fans咁相信你如果食過既話都應該有download到佢哋集團既kabu app。因為真係有太多分可以換，為免浪費最近都有去試埋佢哋旗下嘅其他餐廳然後和平飯店係其中一間。行到去門口就見到外賣自取半價😭不過唔係住喺附近所以冇辦法就行咗入去食啦啲嘢不過不失啦，價錢都算係平個擔擔麵$50有找仲要都幾大碗叫佢小辣又真係可以小辣，好香花生味不過加番啲肉碎就更加好食😋之後仲叫咗砂鍋雲吞雞大煲到喊出嚟邊有可能食得晒呀😭 個湯都好好飲！然後當然唔少得我最愛嘅蜜汁火方佢呢度幾新潮，配埋蓮子同青瓜食😂不過啲金華火腿唔係太靚同埋蜜糖唔係好夠所以我都係覺得唔係太好食最後因為想用埋kabu app啲分食咗我人生食過最難食嘅高力豆沙真係好難食😟 啲粉唔知想點咁，有啲失望總括來講不過不失，不過真係算平所以一餐好普通嘅上海菜咁！唔特別好食仲食咗小籠包不過冇影相，都係OK既！有冇人都因為想用kabu app啲分而去咗試呢？hahahaha

母親節為左方便屋企人，就選擇左嚟呢度。佢有做母親節套餐，無特別加價。最初以為個四小碟係一個碟4格嗰種，原來係分開碟上，份量好多，老人家食完都飽左一半。用餐當晚沒有海蜇，用了薰魚替代。醉雞酒味比較濃，啱我口味。四喜烤麩和雞絲粉皮就比較大路。湯品有花膠海皇羮，見到有蟹肉、花膠絲，質感偏厚。滬菜當然有小籠包，皮唔算厚不過夾起無穿。主菜係松子桂花魚，夠脆，我哋食晒。名單中自選兩款小菜，我哋選左茶燻皇子鴿、百頁結紅燒肉，四個人食份量比較大。最後仲送高力豆沙。另外套餐有包四杯豆漿/汽水。茶錢每位$9。食到幾乎頂住，平均每位二百幾。超級抵食

讚1. 蔥油雞幾好，醬汁少甜，蔥油量足，雞肉好滑，係做得唔錯2. 價錢唔算貴，彈1. 其他野食就真係要進步下，麵係無味既，小籠包既肉汁有膻味2. 服務要改善下，叫人倒茶係有啲難

路過看見外賣全日半價，即管搵日試試。擔擔面2碗：湯底略薄，但還可熏魚：似煎魚多啲，但入面無乜味，骨也不脆醉雞：雞竟然未熟，有肉是帶透明粉紅，雖然生，但都不太滑，酒味也不香，賣相也較老（雞皮個樣好鞋）生煎飽，牛肉飯：始終外賣，濕氣難免，但飽饀望落有點乾，肉汁欠缺葱油飽：賣相不錯，有葱香，現場食期望應有的脆口小籠包：皮稍厚，內裡沒有汁或者很少汁煎大腸：勁辣帶麻味，一盒有很多很多辣招，大腸唔太似大腸，無大腸味和質，煎到色澤暗淡，味道有兒時小食$2有3條的咖喱脆卷的味道，味粉味勁濃雞絲粉皮：不過不失，份量稍少高力豆沙：不過不失上海炒年糕：不過不失茄汁煱巴：不是煱巴（飯焦），而是米通，但也脆口，汁也可。和平炒飯：似旦白炒飯，乾身，算不錯黃金炒蝦球：不錯，較乾身紅燒豆腐：正常

第一次行這個商場，見好多人排隊，以為有咩正嘢，決定同爸媽試吓，一問之下，原來是外賣有半價，唔怪之得咁多人，反而堂食無咩人，心諗試唔試好呢🤔最後也決定試吓，叫了小龍包、和平炒飯、蔥爆羊肉、菜同湯，佢個蟲草花淮山湯做推廣$28一盅，味道也清甜，不過個盅口比較細，個湯匙有D難𢳂湯同渣，我覺得倒落碗飲易飲D，個小龍包皮比較厚身，汁不夠多，有進步空間，個炒飯用料好一般，蛋同蔥為主，不過炒得幾乾身，色澤均勻，至於羊肉味道有D羶，菜就無咩特別，試過一次算🤭

簡直垃圾！近期差不多日日都叫外送，每次叫外賣試新餐廳都好期待。今次簡直只得驚無喜。外賣速遞價錢有水份就預咗！但$370 食啲咁嘅垃圾，絕對令到我要上來分享一下！講咗碟不過不失嘅餸先。百頁結紅燒肉係唯一還可以的。紅燒肉炆得好num，百頁結都num嘅好犀利。呢碟值得試下。但啲百頁可以多少少質感有啲咬口。生煎牛肉餅...絕對唔係生煎。蒸完個包再煎一煎。但又煎唔夠耐。有圖有真相龍井蝦仁... 唔值145蚊！啲蝦有一陣味。還要好鹹！無特別嘅茶香味。我expect 嘅係有一點清香味。最離譜... 係個碟四季豆。72蚊，得豆... 啲豆仲無搣絲！食嗰時每一條都好似搣蝦殼咁搣哂豆兩邊嘅絲和渣。有圖有真相。總括嚟講... 啲餸菜都好鹹！唔係落師父嘅... 不過好好好鹹！