和平餐室 (禾輋廣場)

营业中

休息中

For some odd reason, we decided to follow a bridge we had never taken before and entered a mall we had not been to. There we found 和平餐室 (English name: Woping Home Sweet Home).It was a typical cha chan teng but more nicely decorated with neon lights inside. There were a lot of people dining...all seemed to be residents nearby. Hungry, we decided to give it a try.Menu is in English and Chinese. However, the daily dinner specials for two people are in Chinese only. There is no 10% service charge an

下午餐特價炒粉面抵食，宜家堂食再有九折之前試過星洲炒米有鑊氣、常餐多士鬆軟叉燒意都好食，不過上次個常餐奄列d 火腿就酸左，可能天氣熱，今次試下焗肉醬意粉，都好味，上枱好香焗芝士味道，如果焗豬扒飯都有下午茶就好啦！

已經經常光顧，但真的越來越失望！態度超差，相片同出來的商品不一樣，然後同本人講，隨機及無得選擇，如果早講，本人一定唔點和平西多來食！事緣係本人點咗個和平西多士餐，本人睇相片用雲尼拿雪糕的，但出來的是朱古力，本人問職員，佢話無得選擇，係咁架，隨機架，然後走咗去！我再問個一個高級的是主任，佢話無得選擇，隨機架，我問相片是雲尼拿，主任又話下午茶係咁，真的超失望，如果職態度好啲，話下次會問下或者相片都只是參考都係答案啫，使唔使咁嘅語氣及態度，個名一樣就話下午茶，有圖有真相

香港地食個港式茶餐廳早餐周圍都有，但是間間好食，來到禾輋商場，今日試下和平早餐。店內裝修懷舊為主，部分窗口位景觀開揚 。店員友善接待，其他食客多數都是一家大細，也有上年紀的老友記。指定動作一定要吃經典沙嗲牛肉麵，沙嗲牛肉醃得夠入味，麵質爽口，完全合乎我的要求這個麵餐配火腿、炒蛋及餐包仔，餐包軟綿綿，炒蛋略嫌太熟。其他湯麵類仲有雪菜肉絲米粉等等......阿女選擇了鮮茄濃湯扭扭粉，這是她最愛的湯底，雙拼煙肉煎蛋。香港茶餐廳最緊要是杯熱奶茶，無須加奶依然好飲先至為之合格，茶要夠熱，淡奶要夠滑，這個配搭是必然的。

上一次黎禾輋都已經唔記得係幾時， 原來宜家都開左好多間餐廳， 餐廳英文名woping restaurant 唔知係咪取至wo che既wo字傢呢？餐廳帶有D懷舊風， 暗黃色嘅燈光， 就俾佢吸引左入去～Go其實真係有好多件排骨， 不過真係骨多過肉， 好似我依D長期飢餓型， 食到口都攰都唔覺得飽一入黎當然要試飲下個胡椒湯底， 唔算好辣， 唔夠湯仲會幫你加湯（唔係加水）， 咪睇佢煲仔細細都有好多豬肚同雞件， 不過要淥蔬菜就要早D淥, 因為太多餸喺裏面唔容易煮淋例湯雖然冇料， 但唔係味精湯味

放假時，多數會瞓得晏d ,咁就可以去嘆下午茶😬住咗禾輋咁耐，真係唔多見d 茶餐廳會放靚裝修通常係呢間食早餐多，放假都出咗街冇咩機會去食到下午茶今日就可以去試下啦。見佢有炒野選擇👉🏻迷你版份量咁就試下佢d 炒野掂唔掂叫咗"乾炒牛河"👉🏻嚟到份量同正常一樣👍🏻D 牛肉冇味，河粉炒得ok 嘅，可以一試嘅另外叫咗個"芝士碎牛蛋脆脆豬"朋友想食吓碎牛，又唔差喎👍🏻個飽又真係脆仲要切開一半，方便一齊試吓👍🏻但係朋友話杯奶茶唔多得👎🏻唔夠滑同埋個杯唔係用大肚杯🤔

約咗朋友去踢波，踢波前去對面個商場搵吓有咩食，見到有間裝修幾靚嘅茶餐廳，決定入去試一試，呢個商場大部份都只係做街坊生意，因為佢嘅地理位置遠離沙田新城市廣場，附近只有幾條屋村包圍着<香濃芝士豬扒撈公仔麵>啲芝士都幾夠味，公仔面唔會太淋，最正係塊豬扒煎得幾香之餘，仲保留到豬扒嘅肉汁難得其實煎豬扒塊豬扒要保留到肉汁，係一件幾難嘅事以茶餐廳來講，我因為普遍茶餐廳都係講求速度同埋效率，好少會咁有心機同你「玩」一塊豬扒

同同事揾食去到禾輋邨商場，因為聽聞開左好多餐廳，膽粗粗同同事就過去食 Lunch, 雖說較公司遠，但係悶悶地想試下其他餐廳，自從陳根記同 Aeon退出後，首次過來真係多左選擇，因為時間關係，見到間幾有壞舊 feel 的餐廳就入左去，而且有西餐燒味全日常餐的餐廳，咁就比大家多些選擇，其實餐廳門口嘅 Menu非常吸引，見到都多附近學校學生，原來設有學生優惠價錢好經濟，讚。全日常餐 $43有四選一 主食，揀左佢地的自家叉燒湯意粉，配火腿奄列厚多士同熱奶茶。其實要凍飲也只需加$3, 夏天$3 有冷氣又有凍飲值回票價。叉燒淋湯底濃湯配意粉都幾好味，意粉軟硬適中，火腿奄列正常基本功，厚多士啱我心意，金黃香脆。熱奶茶茶底香濃又夠滑

第一次到和平吃早餐，星期六早上10:00左右，食客都算多，但不用排隊，10:45開始就要排隊等入座了，見那麼多街坊，食物一定有一定水準吧！（未食前心想）門口餐牌⬇️好啦！回應標題：早餐=我的人生 -》整定。我點了羅宋湯太陽蛋什菌扭扭粉，這個粉烚得剛剛好，不會「立喉」，配料中的什菌很大塊，份量多，還有大大塊薯仔，湯底清淡，不重羅宋湯味，整體上不錯，但可惜它是「整定」，只是微暖，近乎「嘆凍」了！真的是整定吧！餐飲熱齋啡，幸好是熱乎乎上枱，咖啡易入口，沒有苦澀味難飲，要求不高的是接受的。

先講下個奄列，特別正常，只係感覺火力不平均。之後來就係個多士，上面嗰啲確定係牛油 ，有香味嘅，然之後個多士嗰邊又唔會硬 ，係脆嘅，跟住麵包嘅部分都係脆嘅，熱食就最好食啦。跟住就係個沙爹牛肉公仔麵，一開始佢俾你嘅時候呢係唔會畀辣椒油你，你要另外伶個辣椒油先會好食，佢一開始個味道非常之無敵唔好食，要加咗辣椒油先會有一種莫名其妙的感覺，但係未係完全我想要嘅味道，然之後加咗個胡椒粉先至係我想要嘅味道真係好似我哋平時去茶記食嗰啲。牛肉呢？正常，個薯格呢就感到係真係好大浸薯仔味，油炸得卜卜脆，只不過番茄醬淨係畀一包有啲孤寒，如果要食多包嘅話要另外玲 。整體嚟講成個餐都唔錯嘅。

住在禾輋一帶的大家，相信對於食的問題十分苦惱。之前Aeon的倒閉，還有樓上商場食店的減少，實在令人無啖好食！最近這家茶餐廳新落成在這小商場，終於為這帶來了一點生機，最簡單的茶餐廳就可以滿足需求了。假日來到餐廳，人數也不少，還有時候要等位。餐廳也是差不多滿座。四寶飯(忘記拍了另上的鹹蛋)材料不算多，不外乎是基本的燒肉，燒鵝和紅腸。燒味的質素還可以，只是略嫌有點少。點了十分安全的茄汁焗豬扒飯質素實在不錯，真材實料的有不少番茄和茄汁。而且豬扒鬆軟入口溶化。熱奶茶和凍奶茶茶餐廳的基本食品，還可以。

禾輋商場裝修了一段時間，喺附近工作完，來過一個人晚餐。見呢間餐廳都幾多人，價錢又幾貼地，就入去叫了個蒜蓉粉絲蝦乾蒸茄子飯。有老火湯送，雖然例湯不會有太大驚喜，我都有飲同食咗啲湯餸，味道不過不失。蒸餸要啲時間處理，等了一會，係用個蒸籠裝住，熱辣辣咁送來，粉絲上有葱茜，賣相ok。蝦乾夠大隻而且份量算多，不是一隻兩隻，粉絲索晒蒜蓉味又夠多但咸咗少少，茄子喺底但亦因此索晒D油，不過撈飯食就無咁油(心理作用😬)，白飯夠大碗。

這個商場有不少餐廳，間唔中都會黎食。不過食過其他有的是差，差到已經消失埋，有的就一般，這間都是不過不失的。。叫了常餐試一試。叉燒意粉。叉燒唔肥啊，雖然份量小還是可以接受的，意粉都唔算林，(呢隻意粉試過係其他地方吃一食已經林左)所以口感還可以的。厚多士，口感可以，都算有少少份量，沒有怪味道啊。呢度食有呢個質素都算有點驚喜啊。火腿同炒蛋就沒有特別，不介紹了。熱檸檬茶就普通啦，還可以。服務方面就一般啦，食物放左上台就走了，和朋友食，兩個餐，意粉和公仔麵都放在我前面。。。我不會大食到食兩個餐，朋友看著我食吧。 這個不可以話差不過只可以說不太細心所以一般服務。總結找不到餐廳就來吃，找到好的就去別的。

因為今朝男朋友要整回鄉卡，所以就係附近食個早餐。和平餐室係禾輋商場入面，應該主要做街坊生意多。睇得出餐廳有花心思裝修，環境都算闊落。不過服務態度就一般啦，明明唔算太多人，舉手點餐，待應見到話轉頭泥又冇左件事。雪菜肉絲米粉餐真係好多雪菜肉絲，個米粉好滑身，唔係平時鞋鞋地果隻。不過餐配的腸仔太陽蛋就一般，除左蛋之外，腸仔同餐包都係凍嘅，到底放左幾耐？自家香辣肉碎米粉男朋友話唔錯喎，米粉索哂d辣肉碎味，混埋食好惹味。

路過想食個早餐，全部餐廳都未開門，得呢間開門，咁就揀咗比較特別嘅餐。有炒滑蛋，雞扒，菇，仲可以加2蚊揀菠蘿包添。落單之前問咗姐姐個菠蘿包係咪脆，同熱，佢 笑笑口覺得我問埋啲咁嘅問題，佢答緊係熱嘅。嚟到嘅時候個菠蘿包完全係凍嘅 ! 我再問佢，佢話乜同事冇拎去微波爐叮一叮俾你咩??! 我心諗，拎去微波爐叮完個包都冧曬啦! 咁的嘢你都講得出口，我真係多謝你。我放棄，我冇出聲 因為我以後都唔會再嚟食。 重有個炒蛋唔係滑蛋，大快活都好過佢。亞們。