和平餐室 (禾輋廣場)

营业中

休息中

新開左一段時間都未試過哩間餐室，下午茶想食波羅油，於是就入左去。叫左個燒鴨瀨粉餐再加一個波羅油。波羅油令人好失望，唔明點解要翻熱，個包太熱搞到塊皮唔脆，塊牛油熱到融晒，搞到個包勁油! 完全冇左波羅油嘅精髓同厚牛油口感。燒鴨被湯浸住，食唔到d皮脆唔脆，分開上會好d，不過幾好嘅係冇乜脂肪。奶茶夠濃。

星期日8號風球，邊度都去唔到，改掛3號風球，即刻出街，近近地揸車去行吓商場，順便搵食。俾我發現到一間，裝修幾特別，中西合璧嘅餐室，「和平餐室」，店舖外圍個燒味部，有啲似酒吧feel，就係咁吸引左我入去啦！下午茶餐大約分開兩部份，燒味部、廚房部，我哋就叫左兩個下午茶餐，一個乾炒牛河，同埋半肥瘦嘅叉燒米！重點係，我同個夥計講，我要半肥瘦叉燒啊！碗米粉送到時，真係半肥瘦啊，開心到我家人飛起啊！埋單後，仲買咗一斤叉燒返屋企做晚餐，但係買返屋企嗰斤就唔係全部半肥瘦啦，但係都好好食！碟乾炒牛河都炒得唔錯，上枱時熱辣辣，火候十足，牛肉都好軟，又唔係太多油！但係下午茶分量就少咗啲！如果女士們就啱啱夠，唔怕浪費食物！

今日好開心老公收工收得早 可以一齊去撐台腳食晚飯 我地去左禾輋個商場覓食 其實冇諗過會有咁多餐廳揀 仲要quality都唔差我地叫左個頭抽油雞配叉燒 有個木桶裝住仲有一碗白飯同一碗老火湯 都係68蚊其實都算抵 雞都幾嫩肉質唔錯 叉燒亦唔會太瘦太肥啱啱好 另外我地仲叫左個菜 xo醬西蘭飯炒鮮魷 雖然個樣係同個燒味比下去 但炒得算幾有鍋氣 有木耳青椒個d 都係配白飯同湯 只係感覺細碟左d 不過兩個人食就啱啱好 呢間餐廳絕對會有下一次 因為質素真係幾好

昨日帶囝囝去沙田運動場到跑步，就近近地行去對面個禾輋商場食晚飯，發現有間裝修幾特別嘅餐廳「和平餐室」，門口見到有個燒味部，就係個燒味部的設計，吸引左我今日去試吓！我地一行4人，叫了三個小菜，叉燒燒朒仔例牌、通菜炒牛肉、咖喱牛腩（經理推介）、一碗湯粉米！每個餸都會跟個白飯及餐湯，我地仲叫咗兩杯凍檸茶，埋單＄229！價錢尚算合理，品質方面就要大贊，叉燒真係好食到，媲美大酒樓，叉燒夠「淋」，肉質鮮嫩，最重要係每件帶一點肥，我哋就問過經理，點解啲叉燒咁好食，經理就話佢哋係用啲上等嘅梅肉👍🏻，在每日不同時段，新鮮自家燒的，所以佢哋啲叉燒特別好食！至於燒腩仔亦鬆脆，外脆內軟，也值得推介。至於經理推介的咖喱牛腩，亦冇介紹錯，咖喱汁香濃帶點辣，送飯一流，牛腩亦炆煮得夠淋，最後個通菜牛肉就中規中矩，如果啲菜可以多一啲就好啦。當我地買單嘅時候，小朋友見到門口個炮谷機，就好開心問可唔可以食架，有一個姐姐就請左少少佢哋食添，呢間鋪頭嘅員工態度都幾親民，環境又坐得舒適，鍾意食燒味嘅，仲可以外賣！

禾輋商場食肆多，食早餐都好多地方選擇，我就比較鍾意食港式早餐，從前有A，B，C餐、常餐、特餐等選擇，內容基本上都係一樣，一碗粉麵，配牛油方包煎雙蛋或火腿奄烈！今日我就食咗一個，好滿足嘅港式早餐，一碗好濃郁沙嗲味的牛肉麵，好好味！鍾意食沙嗲牛肉嘅人，對碗沙嗲牛肉麵就特別講究，我就係其中一個啦，個沙嗲汁好香好好味呀！早餐仲配上太陽蛋加火腿，還有一個餐包仔添！杯熱奶茶嘅味道都幾好！嗰度嘅環境都幾舒服，仲可以睇住電視幾食早餐！

經過見裝修都幾唔錯，有種高級茶記既感覺，但價錢又ok，又未食lunch就入去試下！可惜同長輩一齊冇影到相🙈⭕️雞脾薯格沙律餐 $36雞脾幾大隻，雞肉又滑，可惜個皮有d炸得過火😂🙈薯格好好味好脆又有薯味但得3塊🙄沙律幾多既主要係薯仔仲有d青瓜蘋果甘⭕️魚柳薯格沙律餐 $36魚柳幾大塊，中間亦多魚肉，但又係因為炸得太耐，所以個皮真係唔得！薯格沙律同上面一樣~~~🙈⭕️燒鴨河 $32呢個堅好食！河粉算大碗，又滑同唔碎！燒鴨唔會柴，好嫩又勁易咬！出面食個d通常都好柴，呢個唔會！

周末三五知己練習完波，諗住喺沙田新城市搵食，一路行一路行，搵食搵到去禾輋，響門口見到呢間嘅下午茶兩點鐘開始，廣告牌上的下午茶餐有幾吸引，門口有位小姐好好招呼咁問幾多位啊，我哋你眼望我眼，就跟咗個小姐入去啦！我哋七個人就叫左七個下午茶餐，平均每個餐約$38，我就食咗個炸雞翼拼薯架沙律，炸薯格係即叫即炸，所以好香脆，雞髀又就入味，沙律水果多個薯仔，呢個組合都幾受歡迎，所以我哋帶咗三個！其次就係佢哋啲燒味下午茶餐，燒味味道唔錯，朋友話要瘦叉燒，肉質瘦得黎都好淋，可以encore，個湯底濃郁得來亦好清香，等兩點後食下午茶，抵食又不錯！特別想讚下佢哋杯奶茶，味道香濃，對奶茶有要求嘅人，可以叫做入口！

我地d無飯主婦，每曰一到中午，就好頭痛，帶住對囝女都唔知食乜野好，由其係暑假期間，日日中午都為搵食而大傷腦筋。近排我地就多左個好地點，向沙田嘅禾輋商場入裏，有間扮高檔，其實係燒味茶餐廳鋪頭，佢哋啲午餐，好食又大份，一大兩小叫兩個午餐，就已經好夠食！午餐仲係以客飯形式，有飯有湯有飲品跟喎！我地今日叫左個梅菜蒸鯇魚，我哋同個落單姐姐講，想要魚腩位，佢笑住話冇問題，味道亦有番咁上下！鋪喺上面嘅梅菜都好多！天口熱我地就多叫了一個分蹄切鷄飯，$45份，鋪喺飯上面嘅餸新份量唔少，雞肉鮮嫩，唔「鞋」囗！今餐我地食左$96，一百元有找，合乎經濟原則，讚！

今日去咗禾輋邨商場幫啲細路買校服，順便梗係去嗰度搵食啦，嗰度出名食肆多，都真係花都眼亂，見到有一間門口比較大，裝修幾特別，掛咗好多砧板係個牆壁上，仲有舊式街市檔的燈飾，望下個餐牌，原來食物以茶餐廳為主，我同兩個師奶，就入咗去試吓啦！一踏入門口，就有個着住制服嘅姐姐問我地幾位，個阿姐見到我哋有個細路，就安排左一個卡位俾我哋，四個人坐都幾鬆動！我哋睇下個餐牌，發現都有好多種類，先叫咗一個廚師煮意的「粒粒黑白浸時菜」，原來即係金銀蛋時菜，個服務員就問我地要咩菜，佢就推介左今日最新鮮嘅白菜俾我哋，出嚟個賣相唔錯，三色蛋切成粒粒，好啱送飯，菜湯又清甜，比起炒菜冇咁油膩，好啱夏天食！今次我最想推介係呢一個XO醬蝦米肉鬆炒粉絲，炒粉絲唔係周圍都有得食，粉絲上枱時，已經聞到陣陣的XO醬香味，睇落去就色香味俱全，粉絲食落去仲有黏口嘅感覺，味道比起炒面更出，值得一試，但粉絲太索油，如果一個人食，可能就比較飽肚！我哋仲叫左碟叉燒油雞，燒味味道唔錯，我地就估係自家製，埋單時，我就問帶位個阿姐，佢話廚房係有燒爐，燒味每天新鮮製造！如果第日去開果頭，都會考慮下買啲叉燒返屋企做餸！

本身起禾輋大，呢檔開果陣以經試過好一般，又唔抵食，尋晚收工諗住食個白汁雞皇焗飯，佢上左個茄汁，咁叫佢整過，佢就整走d茄汁起上面淋返d白汁上面再焗。。。呢檔野唔會再幫襯

有一天吃早餐，餐牌上的餐包換成一塊方包，火腿扭扭粉換成粗大的長通粉，而重點是沒有人通知，放下便行了，好像是做出什麼都要接受，都是現在一般大勢所趨的，靚裝修，質素一般，包括食品及服務。

開業一年已經去到不能接受的水平了！剛開張試過奶茶好飲、即炒粉麵好好、但今天已經比連所快餐店還要差！！奶茶淡如奶水！不知所謂！星州炒米淡而無味還要凍的！蛋治也是冰凍的！價錢平貴一點也不重要！那那聲執左佢啦！

那些東西都對不起這一個價錢 太貴了而且也不是那麼的好食員工態度都ok缺點就是那些東西實在太貴了我實我想講一句在香港食餐飯都難阿如果裏面的啲食物平一點就好了都算有位坐但是放學的時候會比較多人

見到套餐有梅菜蒸鯇魚，好耐無食住家飯，就去試下。好大舊鯇魚，上面舖著滿滿的梅菜，有三分二魚肉都滑，但其餘就好'鞋'，無食到，梅菜就食晒😛白飯太旱同硬，令整個餐失色不少。。飯旁的紅腸係同行友人叫了四寶飯，唔食紅腸，所以贈送給我，穩陣之食，非常好的點綴 。😚餐飲熱檸水，平凡穩陣之選😌好一般嘅屋邨餐廳，間唔中食一次都可以如果飯嘅質素好啲，先會考慮食多一兩次

這天，千里迢迢去沙田禾源路探朋友。下車後，就到瀝源鄒和禾輋邨四處逛逛。前者是一條舊式屋邨，予人老氣橫秋之感；後者是一條相對較新的屋邨，且有一俱備各式店舖的廣場可以Hea逛。在這兒，小妹與裝潢蠻有個性的「和平餐室」相遇了。飢腸轆轆，要了全日常餐，揀了火腿濃湯紐紐粉配火腿炒滑蛋及厚多士$42，凍檸茶(+$3)。環境和食物教人滿意的，只是，人手嚴重不足。小妹運氣佳，由搵位、點餐和送餐，均十分順利。鄰桌，則倒楣地，吃了一肚子氣來﹗火腿濃湯紐紐粉，紐紐粉吃起來咬口十足，湯底清香且不太鹹，配以火腿絲，不賴也。火腿炒滑蛋乃一片香煎火腿，配以一隻炒滑蛋，再配上一塊塗上牛油的厚多士。檸檬茶，也是水準之作。