和牛燒肉一郎 (新都城中心二期) (已結業)

朋友係牛魔王超級鐘意食燒肉，帶佢去將軍澳食燒肉放題就啱晒! 餐廳有不同級數既肉類同海鮮選擇，再配自助沙律、飲品同甜品吧! 餐廳幾大，卡位坐得好舒服，抽風系統仲好好。上餐用高速列車送餐，速度快又衛生! 兩個女生食得唔多，叫咗個Set C $368，100分鐘有97款食物，當中包括精選海鮮、豚、牛、雞肉，另外仲有一份頭盤包括黑毛和牛2款＋澳洲 M9 薄炙盛合。🐮黑毛和牛牛肋肉 / 黑毛和牛里脊肉頭盤有兩款黑毛和牛，油花豐富，輕輕一燒，入口即溶，牛脂味香濃!👅蔥花牛舌（鹽味）最愛牛舌，牛舌芯軟嫩，口感爽彈有咬口，配埋蔥花同蒜蓉，好惹味！🦐海鮮有蝦、魷魚、青口，蝦新鮮大隻，肉質爽口彈牙。🍍除左燒肉，記得燒埋菠蘿超juicy! 🍤仲有熟食可以揀，炸生蠔和炸蝦，熱辣辣入口香脆! 🍦自助吧可以拎飲品，仲有沙律吧、甜品、雪糕、雪條同埋爆谷! 最愛食沖繩鹽味雪糕🩵食完燒肉，解一解油膩感，爽!

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗我個人好鍾意食燒肉，尤其係高質素嘅牛肉，今次揀咗呢間網上面評價唔錯嘅和牛燒肉放題，睇吓掂唔掂先～我同朋友揀咗放題D（$478/120分鐘），4款和牛有牛肉眼、牛肋肉、牛里脊肉同埋牛柳粒，當中嘅牛肋肉同牛里脊肉係可以無限添加！所有和牛輕輕燒吓加埋玫瑰岩鹽就食得，當然佢仲有多款醬汁可以加落去食。每款和牛都油花均勻，好易咬開，肉味濃，肉嘅質素非常好。另外仲有一大塊和牛西冷，店員會幫你燒，可以揀5成或8成熟～同時都有美國同澳洲嘅特選牛肉可以揀，都係好高質！如果不斷凈食牛肉覺得油膩，可以叫生菜，發揮創意用生菜包住燒肉同其他配料一齊食，我自己就落咗醬汁、燒菇同紫菜條食，你亦都可以叫泡菜盛盒（白菜、青瓜、白蘿蔔泡菜）包落去，可以減輕單純食肉嘅油膩感。最後，牛肉方面，唔可以錯過嘅係熟成壺漬牛肋肉，呢個壺漬嘅醬汁真係不得了，味道正之餘仲令到牛肋肉更鬆軟，非常好食！將D 菇類先浸呢個汁再燒會更加滋味㗎！除咗瘋狂食牛肉外，佢嘅海鮮都好正，尤其推介蒜蓉牛油海蝦，海蝦已經開邊，中間夾住蒜蓉牛油同蔥，蝦肉新鮮爽口，好味！味醂魚乾燒嘅過程好得意，佢會脹大又縮返，

餐廳環境好寬敞, 全部都係卡座位, 坐得好舒適。自助吧可以拎飲品/ 甜品/ 雪糕/ 沙律, 而我地張枱側邊有智能路軌送餐, 非常方便。𓊈Course E 黑毛和牛12款 $𝟻𝟿𝟾𓊉𓆹 和牛西冷店員會好好咁樣幫手燒, 和牛西冷嘅雪花紋好靚, 燒得剛剛好, 充滿和牛油脂同香氣。𓆹 黑毛和牛6款6款包括和牛肩胛肉, 三角腹肉, 和牛肉眼, 和牛牛肋條同和牛牛肉角切, 每一款都好軟腍, 真係入口即溶, 個人最鐘意三角腹肉, 肉味真係好濃郁!𓆹 是日黑毛和牛精選是日精選係貝肉, 係中腹最接近腰脊嘅稀有部位, 切開嘅肉紋好似貝殼類咁, 油脂豐富, 食落 juicy 多汁, 好好食!𓆹 海鮮扇貝大大隻, 燒完真係好鮮甜, 蝦都一樣好大隻, 食落新鮮爽口, 另外仲點咗多春魚嚟食, 店員非常 nice 幫手慢慢燒!𓆹 其他配料除咗頭盤, 仲可以用 qr code 點餐, 除咗牛肉, 仲有有雞肉, 豚肉, 海鮮同野菜等等。𓆹 梅酒 ✧ 清酒 ✧ 啤酒放題呢個set 可以任飲梅酒, 清酒同啤酒, 清酒比較爽身, 好易入口, 而啤酒用嚟配襯燒肉真係好正! 除咗酒類飲品, 喺自助吧可以揀唔同汽水, 同時亦有唔同

E Course $598D-F Course都可以有120分鐘任食，可以慢慢享受靚牛 。落左單唔駛急住叫野食，會上頭盤先 。🔸是日黑毛和牛精選🔸黑毛和牛六款盛合（三角腹肉，里脊肉，肩胛肉，牛肋條，一口牛，肉眼）🔸和牛西冷西冷會有店員幫手代燒，個人最鐘意三角腹肉，美麗既油花，口感夠嫩 。鐘意食海鮮既，可以簡海鮮盛合做頭盤，有原隻魷魚筒、青口、蝦 。生牛拖羅刺身充滿油花，對少食牛刺身既我黎講，口感幾肥美同特別 。特上牛舌棒推薦，肉質厚實多汁，夠Q彈有嚼勁 。炙燒壽喜燒壽司上碟後，店員會即時火炙，燒既時候，油脂既香氣撲鼻，之後淋壽喜燒汁，好正👍特選拌生牛肉本身已調好味，入口軟滑既口感幾特別 。自助吧有飲品、甜品同自製一郎飯 。D-F Course有梅酒、清酒🍶、啤酒任飲，搵職員落單就ok啦 ，我地剩係飲左清酒，幾醇同易入口 。

今天來到位於將軍澳新都城中心和牛燒肉一郎品嘗不同的和牛部位，我們選擇了COURSE D 套餐包括頭盤(黑毛和牛4款，海鮮3款及是日黑毛和牛精選)，一坐好先來一片黑毛和牛西冷，職員幫忙燒好，油脂分怖十分完美，入口即溶枱上有QR CODE可以自選其他餐點，肉類的款式多到吃不完，特選澳洲牛肋肉、牛里脊肉，這兩款都偏瘦，不會吃到一口都是油。套餐都有包括生菜，伴碟小菜例如韓式泡菜、大豆芽等等用來配燒肉都很好味餐廳仲採用列車送餐，點餐很快就收到了，如果喜歡吃牛的朋友可以試試這款生牛肉壽司及火灸牛肉，完全不會有肉腥的味道，十分鮮甜美味還有其他海鮮可以吃，燒肉當然要配酒，套餐都包括清酒、BEER、梅酒任飲，和朋友來到一定要不醉無歸

宝琳er选和牛烧肉放题，无脑大黑牛（因为门口有一个黑色的牛所以这么叫）！已来十几次，真的很爱❤️🌟牛肉质素好吃土的时候美国牛就可以满足，贵点选澳洲牛，日本牛那是真唇齿留香，尤其是名物里的横膈膜，双色牛舌也很不错🌟选择多多凉拌菠菜，青口海虾，薯仔沙律，炸生蚝和黑松露薯条，都是必点！之前饮品有4种果汁4种水果茶的，年初的时候撤掉了（美食群都在哀嚎大黑牛塌房了😂😂😂）小甜点之前有5种，换菜单后的4种很不走心，不喜欢糙糙的口感🥲走的时候拿小票还能在门口整个棉花糖🌟服务态度好去多了阿姨会给我们留大鱿鱼，服务态度真的很好！换网撤空盘都很迅速🌟优惠活动多且规则易懂之前是周一到四下午5:00-7:00有7折啦，后面变成8折啦，每个月最后一个星期日又有肉之日啦，4免1啦，发过-100的优惠券和刮刮卡（每次都是安慰奖20元），安慰奖就适合一个人来吃午市套餐，两个人的话还是第二份半价划算，记得app积分～最后最后，我爱大黑牛

自從朋友上次帶我食過之後一直對呢間燒肉放題念念不忘今日同朋友又再嚟到食再高一級嘅燒肉佢每日嘅和牛都會喺門口度標示係來自日本邊個地方今日食set E,有12種黑毛和牛黑毛和牛六款盛合三角腹肉-充滿油脂感，入口即溶牛肋肉-口感嫩，帶有豐富的油脂肩胛肉-比較有嚼勁牛肋條-油脂感充足一口牛-每邊燒一燒就吃得，完全唔會韌肉眼-比較有肉感既一個部位日本A4和牛西冷頭盤超大片，侍應好好人全程幫我哋燒咗呢片咁靚嘅牛肉燒得啱啱好勁嫩唔會韌味醂魚乾估唔到呢度有魚乾燒只要燒1分鐘不停轉面好濃郁嘅魚乾味特上牛舌棒/厚切牛舌如果鍾意食牛舌真係一定要叫爆今餐我應該encore咗四次每一次嘅質素都好好牛舌超級淋軟唔會太韌用少少玫瑰鹽調一調味真係必叫嘅一個item 蒜蓉牛油海蝦新鮮彈牙好爽口食到淡淡既牛油味已經幫你開邊剝殼好簡單燒菠蘿點可以錯過燒菠蘿菠蘿燒到表面乾身更加酸甜最後仲有好多唔同品種既雪條總有一款岩晒你

-💭好耐都冇食過燒肉放題今次就book咗新都城呢間分店去食晚市都幾full吓 地方夠大坐得幾舒服 而且唔會覺得好嘈 所有嘢都係自己用QR code落單 最得意係order完後 佢地會用新幹線送餐 禁製開門拎 呢樣嘢做得好好 唔單止好衛生 而且好快就有得食👍🏻今次2個人簡咗C course 每逢星期一至四每位$368✨其實都幾多選擇✨豚、牛、雞、精選海鮮同小菜食到飽為止！值得一讚係店員超貼心👍🏻見到我唔太識會主動教我要點燒👍🏻🔸自助吧餐廳仲設有自助區～有沙律🥗、飲品🍸、甜品🍮、雪條等等 唔夠仲可以拎白飯添🔸頭盤係黑毛和牛+澳洲M9薄炙組合（每枱一客）1️⃣和牛牛肋肉油脂分布較多 燒一燒油香已經出曬黎 一食就入口即溶 肉汁多同牛味好濃郁 口感一流👍🏻😍2️⃣澳洲M9薄炙～薄切得黎非常大塊 放落去十秒就已經可以反轉食得 肉質非常鮮嫩其他可以任order嘅肉都幾高質其中有四款得選牛係任叫 牛助肉、牛里脊肉、薄炙里脊肉同一口牛 我encore左幾次 都係一樣咗新鮮嫩口🤤另外我幾鐘意佢地嘅牛舌 我簡咗兩色蔥花牛舌 佢地都係切到好薄片 都係只係十秒左右反一反加埋蔥花食得 蔥花令到個口感同味道提昇！我仲叫咗啲

帆立貝好新鮮好大隻，有黑松露味同牛油風味。帆立貝好大粒而且好乾淨無沙，食落好甜肉質厚身。2種口味各有特色，叫多幾隻夠回本。薄灸花牛舌比較長，同普通牛舌質感差不多。牛舌好細簿，用細火輕輕一燒好快就熟，仲有小小爽口脆口。黑毛和牛4款和牛牛肋肉，肉質粉嫩烤出黎香滑嫩口。和牛里脊肉肉味比較濃同強烈和牛牛肉粒，油花適中無太多根。魷魚好新鮮同爽爽口，加左小小檸檬汁更加可以提鮮。叫左生菜同黃瓜，烤過後好爽脆又甜又多汁同牛肉一齊食唔會無咁油膩，食落夠清新。雪糕有唔同口味全部都係日本牌子高質素保證，我地食左綠茶同海鹽味。綠茶好濃烈但又唔會苦同太甜，係我鍾意既口味。海鹽就有小小鹹味食落又幾特別，雪糕夠凍夠硬身唔會太易溶化

燒肉放題我地好耐冇食過，今次就去左將軍澳食呢間和牛燒肉一郎，ABC餐平日做緊特價9折優惠，咁我地就揀左C餐食（$368），佢地有6個餐選擇，可以因應自己喜好睇下食咩餐坐位坐得舒服，一人有一個夾，仲有圍裙比客人用，就算咁岩著左白色衫食都唔洗驚整污糟，仲有一舊大既肥膏開爐用，落單就係用QR code落單，運送肉既方法係用輸送帶送過黎，條輸送帶係有道門，確保食物送過黎中途都keep住衛生乾淨咁我就講下C餐既重點，首先就係頭盤只有一份既黑毛和牛2款同埋澳洲M9薄炙盛合，和牛既脂肪燒完好香，入口即溶而M9既薄燒可以叫店員幫手燒，因為我自己燒左一塊痴住係燒烤網度好難反，店員過黎幫手燒仲教要舊肥膏塗左上個網再燒熱先落肉，咁樣塊肉先會易反好多，呢個薄燒既牛味好濃，食落口覺得好有牛味C餐既特選牛有好多唔同部位選擇，同埋有唔同醬揀，我鐘意食牛肋肉同牛里脊，仲有就係薄燒牛里脊，同個頭盤既部位係一樣，都係比較好食既部位仲有覺得特別既就係生牛肉刺身，我自己本身未食過牛肉刺身，食落口感腍腍地，又幾好味，覺得好新鮮，加埋wasabi或者佢既蒜醬會更加好食熟食方面個牛肉可樂餅係我最鐘意，表面炸得夠脆，入面係薯餅既口感

平時想食燒肉都只係會去x角食 因為貪方便🥱係附近行過見到呢間燒肉放題好似好抵食 就黎試試佢！！今次簡左SetC 包左個和牛頭盤另外可以係QR code上面叫其他肉類 蔬菜等等！任食！！和牛頭盤非常正！脂肪好均衡分佈🧡🧡仲有另一碟大過我塊面既薄燒牛 都非常腍 非常香牛脂香味份量都好足夠 其實食完頭盤 都已經飽左30%🤣🤣🤣任食既種類都非常多 有炸物海鮮菇等等最出色既會係 黑松露醬薯條🍟🤤熱辣辣啱啱炸好 黑松露味好重隱藏食法：將個黑松露醬點牛肉食 好神奇既配搭！！超正💖💖自取區既雪糕櫃都有好多款選擇🍨有雪糕/雪條最神奇係有白桃烏龍雪條🫣係出面未見過的！！會再去！！87.84/100

係寶琳分店叫左和牛燒肉一郎嘅$138上級牛肋肉午餐，佢俾伊碟牛我。我問職員伊個部位好似唔多似牛肋肉喎，佢話係切法問題及佢地本身無賣牛板腱。我聽完之後，心諗咁專業食牛燒肉嘅鋪頭竟然唔會賣賣咁普遍及價格相對便宜嘅牛板腱，真唔真呀？! 加上牛肉切到紙咁薄，油脂又少，好容易黐住個燒網，與牛肋肉軟淋成強烈對比，相信失望，成為沒有下次的重大原因。豬肉$68係高性價比，牛舌$108屬中規中矩水平。價錢係唔多，但應該有碗話碗有碟話碟吧，光明正大的講牛板腱吧！

和牛燒肉一郎 喺商場入邊開，好大。呢到有午餐供應，價錢都幾合適。先叫咗一個特選牛肉壽喜燒$128 ，有靚嘅牛肉、大量嘅蔬菜、豆腐、中間仲有一個捲着咗嘅牛肉～好甜好清嘅湯底，食落都好開心。 另一個叫咗特選牛肋肉，$138 200 GRAM都幾多🤣滿晒一隻碟。如果一個人食晒都幾多。牛肉質素幾高。咁多牛肉就算自己喺超級市場買都差唔多要呢個價錢。不過就算食晒都唔怕多肉，因為出邊有沙律吧，可以任食，咁就可以平衡啊！另外仲有嘢飲

之前行過呢間餐廳，見到門口擺住一大隻牛都忍唔住望多幾眼。見到佢嘅午市燒肉套餐好似幾抵食，如果食得唔多，細份燒肉$50-$70都可以食到一個套餐，感覺唔錯。今日同朋友諗唔到去邊度食晏，就決定嚟呢度試吓。我哋都算大食，所以必然就係嗌大份燒肉午市套餐。如果唔食燒肉，都有唔少定食，價錢更優惠。午市套餐已經包括一個小前菜，味增湯和白飯。味噌湯味噌湯不會過鹹，亦都有好多海帶同豆腐粒。泡菜正常，不會過辣。特選牛肋肉200 g $138我都輕輕數過，有19片左右。牛肉花紋肥瘦分明，紋路清晰，感覺都幾有質素。雖然牛肉切得唔算厚，但牛味都好濃郁。我們選了燒肉汁，所以牛肉帶點甜味。特選燒肉拼盤 $138特選燒肉拼盤有三款不同肉類，有特選牛里脊，豚肋肉和雞腿肉。亦都有不同醬汁可以選擇，今次就揀咗辣味增。燒肉只是輕輕淋上醬汁，唔會醃製得太過，所以仍然食到原汁原味。雞腿肉滑多汁，豚肋肉肥瘦分明，脂肪部份都好爽口。牛里脊軟腍，牛味香，沾上餐廳配有的燒肉汁，帶點甜，不錯。我仲攞燒肉汁嚟撈飯食！如果更加大食，可以加$20享有沙律吧添！

It been a long time since i enjoy a good buffet, those time was either the meat were too mushy or it does not come in good quality. We found this restaurant stated they serve A4 wagyu and it was unlimited refill that caught our eyes. First come to us was the meat platter, they serve different portion for the wagyu. The most impressive was the muscle. The credit had to give to the restaurant because the muscle was great, it was not too oily and it had the tenderness. They do serve a seafood platt