和花亭壽司 (已結業)

平時隔個禮拜都會去太子分店一次半次,下午茶一碟三件真的很抵食, 比起板前or峰,一直都覺得和花亭最好食~今天又去了, 而且今日無乜人, 一入去就可以坐卡位,相當清靜~叫左三碟三文魚一碟章紅魚一碟 魚立 魚 一碟帆立貝 一碟三文魚子軍艦水準依然很好,這裡的三文魚壽司好像特別好味,食極都唔厭~ 女朋友也很喜歡吃~今後繼續支持~兩條友一百三十埋單,抵!

自從我食過1次後就迷上左啦...以前排板前排個半鐘都唔知為乜...依家係加左價.但我都依然會去食.因為佢地d壽司實在太好味.我可以1個人食3碟三文魚腩.非常肥美鮮甜.出名既玉子都十分美味.食板前既話.兩個人起碼食3百幾4百蚊先飽.但依度兩個人食.2百幾已經非常滿足.真係好值得1試.而且就算要排隊.最多都只係需要半個鐘.條氣都順d!

鍾意食和花亭o既原因係因為鍾意佢幾多款式同埋幾新鮮唔似得去元氣或者元祿，食黎食去都係幾款每一次去到，有幾款壽司我都必定要食帶子、蟹肉蟹膏、燒牛肉、安康魚肝除左壽司唔錯之外，佢有d 熟食同小食都係幾好食例如溫泉蛋烏冬同埋炸魷魚餅都係我o既favorite和花亭唔算係最好食o既壽司不過的確係元氣元祿以外o既一個好選擇o里度有d 相http://eat-together.blogspot.com/2008/04/nagoyaka-tei.html

之前同事跟我說在APM的和花亭很難食，我跟她說在太子的分店味道很不錯啊，在此駒使之下，我們一行美食團在晚上到這裡用膳。現在要是坐在卡位，四人會限時一個半小時，二人的只話就只有一小時，而時間是從入座開始計算，如果還有朋友沒來的話便最好等齊所有人才進去會較好。入座後急不及待點食物，當我看到季節推介內其中一道菜，直覺上覺得應該會不錯，也就沒多考慮便點了。壽司方面，味道都沒有怎樣的退步，不過好像已經加了價一點點。而我跟女友還是很喜愛這裡的芥辣八爪魚壽司和玉子壽司，一個味道清而鮮甜，另一個則有引人的蛋香味。我們還有點了清酒、炸雞軟骨和一口豆腐。等了一會後，那個直覺會好吃的食物到了，名字叫: 鰹魚刺身沙律一片片的鰹魚整齊地放著，在上面沾了帶酸的醬油和一片略烤的蒜片。鰹魚味道是比較濃烈的，不過加上了帶酸的醬油後，令到味道濃而清新開胃。蒜片經略烤後散發著陣陣香味，這道菜只差在色便達到了色香味美的地步了，值得大家一試。炸雞軟骨隨後便來了，不像一般的軟骨那麼大，一小塊的頗易入口，也因為炸的關係，佐酒一流~ ^^如果大家要來又不想等位，在星期一至五下午六時半前到來就可以了。至於周末，我想只有下午茶時份才不用

三文魚壽司：三文魚好厚，不像元氣似張紙。三文魚好鮮甜，加上對口味的鼓油和芥末，100分，我一次可以自己食9件。天婦羅蝦壽司，蝦又大隻又新鮮炸起，熱辣辣，加上少少沙律醬，又係100分。因為這兩款壽司，令我放棄了元氣。

下午茶時間係一碟有三件壽司，但沒有了，又加價了，所以吸引力大減，不過食品質素還是不錯的

今日都係打算派兩個笑面,第一個俾左domon,第二個想俾佢!因為個玉子壽司真係好好食,唔會太甜,講明自家製,果然係特別既味道,旦軟熟,唔會太甜,其實我好鍾意食日本式煎旦壽司,但係喺香港食過好多間都無一間似樣,有d就太甜!不過佢地個玉子其實同我喺日本食到既都仲有一d距離,但係都唔錯了!其他壽司例如三文魚,吞拿魚都幾新鮮,唔錯啦!

我果日同我男朋友黎食野,sushi係好好味,但係我見到一個師傅同一個long 頭髮既女師傳係度打情罵俏!!!一邊玩一邊整sushi,真係好唔pro!!!!!!!

一直想試下燒牛肉壽司($22),昨天終於去試左,果然好好味,面頭D汁好香另外ORDER左汁煮蠔壽司($28),仲有炸雞拉麵($24),總括黎講,D野都好好味, 而且坐得舒服

我之前都有去開呢間食，但隔左一段時間無去，上星期五去的時候發現佢d野貴左，碟碟都貴左，仲要貴過板前，蜂。都算la~~而家通貨膨脹ma~~點知我叫左三文魚，燒牛肉壽司，嘩!!!三文魚薄都透光，燒牛肉仲衰，佢的面積跟本大唔過d飯，真係好似迷理版甘....嘩甘就收左我22蚊，真係好過去搶!加左價，但d食物質素無保證之餘，仲要縮水成甘，真係覺得好失望。人地板前都加左價la~~又唔見人地係甘。其他野都無以前甘好食，無甘新鮮，好失望.....

題外話~ 我們本身是旺角分店的粉絲!!光顧過好多次~ MEMBER CARD 都儲了$6000~換過$600 COUPON^^23/2 TEA TIME!我本身不吃生的!! 但這裡熟的比較多選擇!! 我跟媽媽5點到達~ 我們叫了8碟! 有7碟係特價有3件2碟昆布鯖魚壽司--我本身不吃生的,都食這個, 因為"葉"得不像生, 似熟了的魚肉;1碟芝士魚子軍艦壽司--沒甚麼特別, 跟其他地方一樣;1碟大蝦天富羅壽司--必食!!! 炸得很香脆! 又大隻;1碟燒帶子壽司---麻麻地!! 過熟~ 有點"UN";1碟海膽游魚壽司---媽媽說OK;1碟燒牛肉壽司---我要燒全熟~ 但係都好好味;1碟鰻魚芝士卷---食完會好滿足! 因為有成粒芝士!

4天後又來這裡吃下午茶。因1小時前已在歷史博物館的小食店吃了一大個豬扒包和薯條，其實沒什麼胃口，所以只吃了：燒牛肉壽司的燒牛肉是全熟的，我可以好放心地吃，醬汁濃厚，味道濃郁，加上暖暖地，好味到不得了；天婦羅蝦壽司和熟帶子壽司吃過N次；下午茶之一的吉列豬扒蟹子沙律，吉列豬扒比較細件而且幾油膩，之後就是一大堆蟹子加上蟹柳絲﹑青瓜絲及粟米，材料都新鮮。說真的出品就算是怎樣好吃，幾天內吃兩次也會覺得厭啊。>.<

三點鐘在奧海城洗完牙，就過來這裡吃下午茶。吃了炸蝦天婦羅壽司（正到爆）﹑玉子壽司（暖粒粒好好味啊）等。我好肚餓，再吃了一個牛肉湯烏冬（下午茶），牛肉和烏冬的質素很普通，勝在夠大碗～

估不到在兩星期後，可以來這裡吃下午茶啊~一早和朋友夾好時間，所以差不多三點半才到，人潮去了，等了2分鐘就有位^^朋友吃了三文魚壽司﹑蟹子壽司，而天婦羅蝦壽司﹑熟帶子壽司就share吃，最後要了一個海鮮大盤拉麵下午茶餐。天婦羅蝦壽司依舊又大件又好味；熟帶子壽司上淋了點點甜醬汁，帶子也是好大隻，整體上不錯；點海鮮大盤拉麵前，問侍應是湯還是炒的﹖他說兩者也不是，我們也打哂問號...來到後才明白，原來像中式的乜乜炒麵，即是炸麵餅面頭再淋上獻汁，估不到日式也有此麵款呢(哈哈)。材料有青口仔﹑蝦仔﹑魷魚粒及大量炒雜菜，不錯啊，不過吃炸拉麵還是頭一次，但吃了不夠一半已經吃到牙較軟...(哈哈)，與其說是海鮮炒麵，其實可以說是海鮮半湯拉麵呢。

約了朋友在太子等，自自然然就想起了'厚厚玉子'，既然午飯也未吃，順利成章就來這裡碰碰運氣~還未坐暖椅子就先ORDER一碟玉子壽司，好開心今日能夠吃到它呢。可惜今日的出品不是以往吃過的熱辣辣，凍了的玉子口感始終差一點；不過味道依然好，而且又多汁。然後要了天婦羅蝦壽司，超大隻蝦，不是靠炸漿充大的啊；追加熟蝦壽司，也是大大隻(吃後才知道其實是半熟蝦壽司...)。這裡的壽司飯比較細件，味道也不錯。朋友要了三文魚魚子飯﹑魷魚壽司等。埋單的時候才開始他們的下午茶，優惠壽司款式多了很多，和朋友約定下次要等到下午茶時段才好來呢﹗:bbb