和食快餐

营业中

休息中

行到附近, 想平平地又唔想諗, 呢間就最方便。叫左個咖哩豬扒飯, 好多咖哩汁, 但飯唔夠多, 俾多一倍飯才撈汁就差不多XDDD 豬扒幾大塊, 無食, 唔知好唔好。另外加錢叫左剪餃, 呢隻D 餃子煎得幾靚架, 只係無咩肉LAW, 似素餃多D。BTW,見佢D碗碟好似洗得唔太乾淨....

平時食一個日式咖哩吉列豬扒飯閒閒地都要$50以上，仲要唔係話好鬆化好味，好食果d索價更加要過百，但估唔到係荃灣居然有一間日式餐廳，可以以$31食到一個咖哩吉列豬扒飯!! 雖然味道唔係頂級好味，不過質素絕對對得起呢個價錢。到左糧尾，但又想食日式野，呢度係一個唔錯既選擇，可謂窮人恩物~日式咖哩吉列豬扒飯 $31日式咖哩汁係用咖哩磚煮出黎，比較杰身；吉列豬扒外層酥脆，大概有半吋厚，肉質較實，但整體唔差煎蛋雞扒飯 $32流心煎蛋撈飯好好味，煎雞汁任自己落，又甜又鹹好餸飯；煎雞扒有四塊，肉質嫩滑又無腥味，又一個抵食推介

價錢公道，份量都適中平平地都可以食到高質日本嘢舖頭老闆係日本人不時會係舖頭招呼下客人。本身其實想試下佢個拉麵不過咁啱果個時間去到老闆話暫時無拉麵所以就轉咗食其他$34 豬排冷麥麵佢個吉列豬排超級鬆脆食落唔會覺得油膩不過想加沙侓醬就要加$1$58 鰻魚飯同其他舖頭比佢條鰻魚都算幾大條而且碗飯都係合理大小唔會得果一碗仔咁少但係又貴到傻個人認為呢間嘢都幾高質不過之前食過一次烏冬反而佢烏冬麻麻建議食烏冬以外既嘢小店經營既關係食落都有少少住家飯既感覺希望下次去到可以試下個拉麵啦

荃豐多添食肆，甚麼都要排隊，吃米線排隊、吃素排隊、吃餃更要排隊先前試過某個晚上，路過這個商場，看到店員在使用麵條機，自己在攪拉麵，感覺新奇，因為想不到，竟然不是在那些$80-90的拉麵店，才看到有人自制拉麵，反而是荃豐商場這些小店有人在製拉麵。這天終於毅然一試，看看餐牌，相當凌亂，但由於本身看到它的拉麵吸引而進來，因此集中看拉麵那一欄🤔。拉麵的選擇也不少，其實要便宜的話，點一款餸，例如吉列豬扒拉麵，都不用$40。第一次來，通常都吃多點，於是就點了牛肉豬扒豬骨湯拉麵。這兒的麵條自家製作，上次都見到，拉麵呈粗條狀😊，粗麵條不易浸林，咬下煙韌，口感不錯。豬骨湯的味道亦都香濃，雖然未必用豬骨煲幾十個鐘，但是味道亦濃郁。豬扒應製好，下單拿去翻炸，迅速端來。外皮不算非常之厚，炸粉不算厚，中間的肉也不太厚，正正常常的港式吉列豬扒。而牛肉是薄如碎布那款，比吉野家的牛肉還薄，味道很清淡。環境符合港式日式餐廳的風味， 餐牌大大隻字，寫上中文，茶餐廳形式的下單埋單。有如當年在美景吃的日式快餐店般，結帳離開時還有人龍。看到有人帶著小狗子內進，坐在門口處，亦沒有加以阻撓，小店才做到的人情味

嚟荃灣梗係要試下啲地區小店。今日第一次試呢間和食快餐，之前其實都行經過，不過見舖面普普通通都無入嚟試。本著試下平民快餐嘅心態睇下個餐牌，發現有好多款式，最後決定試鰻魚飯賣相平平，鰻魚飯就真係鰻魚+飯，無紫菜、無配菜，不過一捧埋嚟就已嗅到鰻魚香。塊鰻魚好大份，味道不遜於一般日本餐廳，性價比高唔講究餐廳環境、唔講究食物賣相、只追求食物質素的話，呢間快餐店值得一試！

聽過很多人都盛讚這間餐廳，價廉物美，可以說是學生哥的飯堂、午飯首選！很多時都坐滿人，要店員幫忙再開摺枱在店外坐，放心也在商場內，有冷氣的！我之前嚐過了拉麵覺得十分普通，與日本的拉麵不能相提並論啊，可以當是車仔麵的做法，所以有點不值。今次點了什菜雞扒飯$40，而加飲品要加$4。份量很多，有三大塊雞塊、一堆菜及兩碗半飯左右，一定夠飽！可是什菜十分油膩，每一口也有多餘的油流出來；而雞扒並不嫩滑，內裡很乾，主要靠外面的油份幫補口感，或者應該請老闆澆上醬油，會更好吃！

幾年前去食過一次，當時無食拉麵，後來聽人講呢間拉麵好好食，於是噚日又特登再去食，我兩公婆分別叫咗九州豬骨湯底及札幌面豉湯底，呢兩個湯底都要加$1；老婆叫咗個九州豬⻣湯底拉麵配什菜雞扒，我就札幌面豉湯底拉麵配什菜牛肉；當麵一上枱時，我倆有啲失望，因為比較細碗，驚唔夠飽，但原來佢哋嘅拉麵好實，未食晒碗麵已經有飽肚感覺，再加上湯底香濃，真係意料之外嘅好食；再加上個小食套餐，真係好飽。講開個小食套餐，算一般，可叫可唔叫，整體上好食，今次無影到相，不過我會下次再幫襯影。

前日 (4-3-2018 Sun)晏晝,同老公落荃灣食晏,佢想食鰻魚飯,於是我諗起呢o度,我o地去到,o岩o岩有張二人枱,坐低後,侍應只放低兩對用完即棄o既木筷子,冇俾menu,我o地只好睇牆上o既menu,唔見鰻魚飯,老公就唯有要$36.00o既札幌醬油湯底腩肉拉麵,同凍好立克.我要$31.00o既九州豬骨豬扒拉麵,要熱奶茶.落完單,兩杯o野飲到o黎,熱奶茶好深色,飲吓先,只有茶味冇奶味,口感o鞋,加糖飲,冇乜幫助,最後重只飲到苦澀味,要飲啖老公o既凍好立克解苦.好耐,我o既九州豬骨湯拉麵先到o黎,然後係老公o既札幌醬油湯底腩肉拉麵到o黎,睇見唔多o既腩肉好薄.影完相,老公開始食,我都開始,呢個時候,聽到侍應同廚房討論件吉列豬扒係邊張枱,廚房話係跟頭先碗拉麵,侍應話唔知邊張枱.於是的忌唔住開口話係我o既,佢o地至拎過o黎.=.=”一如以往,件豬扒依然係炸得深色,外脆內軟;九州豬骨湯拉麵湯味濃,但仍飲到味精;拉麵亦依然係彈彈地.老公俾o左一件腩肉我,呢個普通,我亦飲啖佢o既札幌醬油湯淡,而且又飲到水同醬油湯分開o既味道.味道係2.25分o係食完後,我上o黎睇返食評,呢間係有鰻魚飯個噃,

前陣看到雜誌介紹呢間由日本人經營的老字號快餐, 以大眾都負擔得起既價錢提供日本美食!自己住在荃灣多年都真係未試過!!!趁週末黎捧場一下~7 點多開到已經有人龍,不過食快餐等待時間唔會太長, 好多人食完就走,唔會坐向度慢慢傾, 始終地方較窄~大約等左10分鐘可以入座了店舖畫了日本地圖, 介紹各種日本美食有多款麵飯小食選擇, 價錢的確非常親民!!鰻魚飯亦有提供,只需58大洋,  超抵食! 當然要叫返個試下鰻魚都幾大條, 足料! 重點是鰻魚汁係一壺上,  絕對唔係出便淋少少就算果種, 好有誠意!因為撈左鰻魚汁, 令我成功清晒碗飯老公叫的是九州豬骨湯底的腩肉拉麵 , 湯底很夠味, 似係自家湯底!大食的我們本來想食天婦羅, 可惜7 點幾已經賣晒了!!真係要食請早結果加點了11蚊2 件的加州卷和20蚊的吉烈豬扒, 味道中規中距, 但咁既價錢真係好抵食!食物味道整體合格, 未算好高質, 以價錢和人情味取勝! 要輕食或買外賣一定會再來幫襯!

很喜歡去荃灣呢間小店開餐，而我次次都係叫呢個雜菜牛肉飯加煎蛋配麵鼓湯，真係超級好食，日本老闆仲超級nice，我誠意推介....（同行遠少少既吉野家完全冇得比）我仲記得有次嚟食飯，竟然冇帶$，肉酸到爆....🙈

睇某網站介紹有個日本師傅係香港整拉麵, FF會係似日本食個啲咁，地點其實好近地鐵站，個頭星期六中午唔多人，個商場都好舊下，唯獨是佢地就坐滿人，我都聽到有啲人話係睇左網站先黎試，好啦，一見到同想像中差好遠，以為係好日式設計，原來係茶餐廳形式，原本女友想叫鏝魚飯，不過怕會中伏所以都係叫左拉麵，其實真係好普通，仲以為係個日本人煮飯原來佢只係出黎幫手收錢出單，做應該係香港人，咁個價錢3-40蚊我覺得應該唔會係日本面同料，所以都普普通通啦

之後都幫襯過好多次e間野 次次d外賣人都好冇禮貌 諗住平得閒就叫下金次之後5會再幫襯痴線 個外賣佬有鍾5禁 係到大大力拍門 之後開左門就罵人話人咁遲都5開門 明明只係一陣既事 次次叫其他外賣都冇出事 係e間特別搞笑遲左開門又5識打電話黎問 打去投訴 之後佢話佢好忙遲d打黎 最後緊係冇打黎 我地打去問番先同我傾 冇諗住認真處理 佢話打俾我地冇人聽 但根本冇人打過電話黎 係到拍門 之後開左門係到罵人 講曬粗口 關左佢門種係到大大聲罵人 搞到完全食5落d飯 痴線 以後都5叫d咁既垃圾 請埋d咁既垃圾 d野食又5係好好 以後bad list 叫外賣app好過 服務肯定好好多 幫襯你反而受氣

員工質素極差 ,外賣上門時禁左幾下鐘   聽唔到  ,  個呀叔會踢門     , 對客人說粗口  找完錢..仲係門口外大大聲講粗口  極無禮貌垃圾  不會再光顧!! !!

睇完facebook介紹， 話平， 好味，老板有良心有水準得嚟又唔加價， 仲要係日本人(老板)主理， 即刻抱有祈望， 捻住食碗好味拉麵。晚市6點到， 好多嘢都冇，鰻魚飯冇， 雜菜冇， 雞扒冇， 腩肉冇，拉麵都冇，咁叫啲佢有架啦，豬扒烏冬(+$2)味噌湯底， 牛肉煎蛋飯。豬扒好乾， 碗味噌烏冬咩配料都冇仲要帶少少酸味，個烏冬食落係街市嗰款平價烏冬， 個牛肉飯冇汁嘅， 總括嚟講真心唔好食， 如果用日本人主理呢個牌頭嚟吸引人， 真係比佢 fake到， 亦明白點解佢唔加價， 咁嘅水準加價就冇人嚟啦～

果日行開千色匯買野, 老公話諗起附近有間鋪頭係日本人開既, 而且價格便宜, 所以我地就去試下未行到鋪頭已經聽到唔咸唔淡, 幾乎聽唔明既廣東話, 果個一定就係老闆XD店出面排左一行櫈比人輪候, 所以我地都等得舒服店入面同D茶記差唔多, 價錢真係唔貴呢我一早就決定左要食拉面了, 因為係我等既時間, 我見到店後既員工現場製作拉面既面團呢!我揀左味 麵豉湯底+豬扒, 老公果個係豬骨湯底+雞扒雖然碗面少左粟米/紫菜等等既配菜, 但我地一D都唔會在意呢, 因為拉面係佢地自己整, 扒係即刻炸, 而湯底都好味, 特別係豬骨湯底, 味道好濃郁! 我唔住飛象過河飲左幾次!店入面既員工都好忙, 因為我地之外, 佢地仲要應付外賣電話等等, 但老問都不忘走埋黎話, D豬扒要用果D甜甜地既醬點黎食, 之後佢就係隔離枱拎比我地, 忙碌之中保持住細心!