和食快餐

营业中

休息中

又佢開舖食到依家都食咗十幾年，食到都同老闆熟哂!!嗰炸豬排真係無得輸，日式餃子都好好味，每次必食。起初餐牌係無牛肉菜飯，我媽咪問佢肉菜飯改牛肉得唔得，老闆話可以，當時可能開張無耐無加錢。所以日本人老闆好好人!!

今日去了荃灣食平民拉麵， 原來會排長龍㗎！！！好彩都唔算等得太耐， 因為佢大叫咩都賣晒得返豬， 所以好多人中途離場呢間拉麵店既理念係希望每個人不論有冇錢都可以食到拉麵， 排隊既時候仲見到老闆笑住親手整緊麵條， 好有愛啊！充滿愛既手製麵條又真係幾彈牙，吉烈豬扒亦香脆鬆軟， 湯底就… 清左少少。 肥牛就係普通貨色， 不過湯底加左肥牛一齊煮濃郁左好多！ 熟壽司都唔錯， 下次要試埋蟹柳沙律先得！ 總括黎講食物質素絕對係對得住個價錢， 我會再黎㗎！ 老闆你等我！！

記得之前朋友喺呢個商場度做診所護士，佢已經極力推介呢一間鋪頭，對上一次食已經係好多年前。今日午飯嘅時間本來諗住同朋友食「食得喜」，但係得兩個人，真係不能夠叫太多食物，所以只好放棄。突然間諗起呢一間日本野喎，梗係要重拾之前嘅回憶啦。裝修同以前一樣簡簡單單，平民食肆，有幾張摺檯，牆上有彩色嘅餐牌附圖畫。見到啲相片咁吸引，正在心大心細之際。望到隔離嘅食客，食緊嘅咖喱豬扒飯，賣相非常吸引。忍唔住要叫一客。豬扒炸得非常香脆，唔算好大塊，但入口非常鬆化。而且分飯嘅份量好多，仲要好平。30一蚊一碗日式咖喱豬扒飯。性價比絕對好高。

月頭了，又係手緊既時候，由於前排食得太多貴嘢，要save some money 今次嚟左有平民飯堂之稱的小店，喺街市附近的。睇到餐牌，不得不否認佢既價錢平易近人，因為平時下午去茶記食都要3x幾元，所以夜晚都係依個價錢，對於要save money 既人嚟講係窮人恩物哦當然喇，將貨就價，質素一定無其他大餐廳咁好，係普通小店既人情品撘夠哦今次叫左咖喱雞扒飯加蛋，都不錯的，雞扒好大塊，咖哩有點像吉野家的style 我呢，就叫左豬扒豬骨湯拉麵，豬扒俾我想像中整得好食，好脆，有肉汁的，店家另外俾左燒汁我地加落去，加完仲好食哦至於拉麵呢，就平庸喇，不過依個價錢又無理由用隱世拉麵or ramen 專門店嚟比較哦總括嚟講，要食得飽又平，質量不錯的朋友們可以試試哦

大胃D推介中學美食回憶！荃灣學生沒理由未食過既🤔 ==============================$58 鰻魚飯 半條份量！鰻魚汁任落！$21 蟹子沙律（叫做蟹柳粟米蛋沙律仲貼切😃) $20 4隻日式煎餃 $43雜菜肥牛拉麵味噌湯底 $18 4件加洲卷 .鰻魚飯 估唔到幾厚肉 飯量都幾多 我建議要一黎就食先 因為後段食有d un 要用d力先分開到舊肉 但味道同質素係抵食既 .蟹柳沙律 必食！我本身好鐘意食蛋沙律 開頭我以為依到係用青瓜絲幾粒蟹子hea野 但估唔到係啖啖粟米蛋沙律 好足料！下次叫佢俾多d沙律醬應該仲好食 用黎撈個白飯都可以食哂💋 .日式煎餃 話佢係煎餃不如叫蒸餃🙈只有個塊薄脆係比較脆之外 成舊都係淋的 但好彩個餃裡面菜同肉各一半 足料 雖然係小食 但依幾隻餃都幾飽🤦🏻‍♀我覺得淋佢個鰻魚汁黎食仲好食😘 .其他都味道正常 對得住個價 而且服務態度幾好👍🏻👍🏻見到好多人叫吉列豬扒 我見到成塊面咁大塊 下次可以去試埋😘==============================和食快餐 (荃灣)荃灣西樓角路荃昌中心昌寧商場地下23號舖

哩度既咖哩豬排飯加蛋我每一次都必叫，佢唔係話好好味，但真係會有種係日本屋企既感覺，佢個豬排好脆個咖哩唔太辣唔太咸撈埋d蛋汁，成件事係好滿足。 可能哩間小店充滿住我讀書時期既回憶，所以我每次食都會好開心，而且佢仲要好抵食，37$包埋一杯凍飲，我覺得佢絕對好味過銀咖哩。

環境同大餐廳就點都無得比，但係服務員態度唔錯，食物質素好，我同我朋友食左碗鰻魚飯，我同我朋友都話真係唔錯，事因又大碗，條鰻魚又大條，係可惜夜左d先去，我同位朋友都要趕住走，試ga野唔太多，不係但得推介ga

21-5-2017(Sun)晏晝,同老公食個晏,老公又話呢間=.=”,去到後諗,今次我想食拉麵,於是要$40.00o既什菜豬扒拉麵東京豉油湯底,加$4.00要熱好立克.老公要$27.00o既豬扒飯加$2.00要椰菜,再加$2.00要熱奶茶.再要個$20.00o既餃子(4件).好快,兩杯飲品到o黎,我唔加糖飲喇,味道淡淡地,唔太濃.老公o個杯熱奶茶茶味夠,口感夠滑,反而有水準.加椰菜豬扒飯亦都好快到o黎,侍應亦醒目地拎埋燒汁o黎,呢個老公食晒,我冇試過啲飯.等多兩分鐘,我o既什菜豬扒拉麵東京豉油湯底到o黎,吉列豬扒外面好脆,但內裡唔juicy,睇返第一次o黎o既食評https://www.openrice.com/zh/hongkong/review/%E5%B9%B3%E9%A3%9F%E6%97%A5%E6%9C%AC%E7%BE%8E%E9%A3%9F-e2748217,好明顯個時係juicy,而拉麵係仍然彈牙,不過原來豉油湯底真係會清淡啲.但什菜就OK,尤其是冬菇係幾香o既.最後4件餃子到o黎,做乜o衣o家潮流興反轉餃子o既賣相?餃子唔算細隻,口感正常,味道清淡要加醋食.上次食評

早前看到OpenRice其中一個promotion post說這家和食快餐為日本人開的平價食店，心想日本人對食應該很有要求，平歸平，可能是租金平呢? 又或者是賺少啲好未? 這...一切都是我的幻想，實情是一分錢一分貨，don't expect too much! 牛肉豬扒飯($40/煎蛋+$2): 牛肉即一般日式和風牛肉，以日式甜醬油入饌，很難會弄不好，到處也一樣。日式吉列豬扒份量雖多，但店方毫不在乎質素，令我大驚，豬扒肉質非常結實 (豬隻操到啲肉好firm)肉薄而乏肉汁，失敗之最。整體來說 - 如果不追求味道，我會形容為，完!

我老闆, 即我爸爸容許我在公司早些放工, 因為我約了一位多年不見的小學同學一起出去看電影 Guardians of the Galaxy 2, 在未去欣賞電影之前當然會去吃一餐, 這是常識吧鰻魚飯 跟飲品 $60, 這一碗鰻魚飯是很大碗, 一般女孩子應該沒法KO它, 小妹是大食怪當然另作別論, 白飯是珍珠米, 軟硬適中, 鰻魚夠厚肉, 香滑肥美又燒得香口, 而且沒有太多骨, 鰻魚汁的味道是香香甜甜的, 只不過放在檯面上面的燒汁的味道就比鰻魚汁鹹得多, 鰻魚和白飯本身的味道十分之夾$60 就買到一碗鰻魚飯, 真抵吃!

以下係平民食堂時間 大大啖豪食鰻魚 HKD60 有找!!!荃灣人之必食飯堂 和食快餐 聽聞是日本人主理 但鋪面裝修就連些小和風味道都無😔而且鋪面裝修稱得上簡陋 排摺枱就開檔做生意 但留意番即使眼看呢度環境不日式餐廳 其味道卻日式味十足😍另外價錢親民👍🏻 味道亦都不得不讚 鰻魚大大塊 燒鰻汁任落！除左招牌鰻魚飯 冷蕎麥麵亦都值得一試 古怪如我 鰻魚飯 炸豬扒配九州豬骨湯底 同場加映冷蕎麥麵 到底系乜配搭?!🤔天氣甘熱 食番啖清涼可口既冷蕎麥麵 係好爽既事 令人諗起上一次果餐飛機餐細細兜冷蕎麥麵 醬汁配芥未 好開胃🤤令人失望既九州豬骨湯底 得罪D講句 無心製作製成品黎既 飲飲下以為自己飲緊出前一丁D湯底 灰🙈 

8-4-2017 (Sat)晚,同老公落荃灣食晚飯,我唔肚餓,老公諗起呢間,於是行o黎,我o地去到o岩o岩剩返一張二人枱,老公決定要$35.00o既滑蛋雞肉飯,加$2.00要凍檸茶.我要$24.00六件o既加州卷,加$2.00要凍好立克少甜同$18.00o既日式炒什菜.Order完,兩杯飲品到o黎,唔大杯,飲落,應該係有減甜,舒服.冇耐,滑蛋雞肉飯同日式炒什菜到o黎,之後加州卷都到,開餐喇.滑蛋雞肉飯份量都幾多,蛋真係滑,但雞肉好似麻麻,老公因嫌唔夠味,想加七味粉,但冇晒.佢就加吉列豬扒汁食,吉列豬扒汁味道帶甜.味道: 3分而加州卷呢?o衣o家睇返上次食評https://www.openrice.com/zh/hongkong/review/%E5%B9%B3%E9%A3%9F%E6%97%A5%E6%9C%AC%E7%BE%8E%E9%A3%9F-e2748217 ,原來我上次係食佢.今次啲紫茶好腍,咬唔開,而味道亦較鹹,唔使蘸豉油食.味道: 2.7分日式炒什菜就有椰菜,冬菇,洋蔥同紅蘿蔔,應該用o左燒汁,鹹鹹甜甜咁,OK.味道: 2.8分最後老公讚佢o既凍檸茶較得o岩o岩好. 味道

美式港式快餐平時就食得多，有時想食日本嘢，但又唔方便入嗰啲懶高級嘅日本菜餐廳，點算好？其實香港係有日式快餐店架！雖然我搵食技能都唔差，但極度喜歡食鰻魚飯嘅我，真係唔識呢間快餐店呢，全靠男朋友帶我嚟先知！快餐店座位唔多，空間又不太夠，坐起來也有點擠。不過，嚟得呢類餐廳就預咗，重點都係食物水準同價錢！睇到餐廳裡面的介紹，就知道鰻魚飯係必食架啦！除此之外，呢度仲有拉麵、日式豬/雞/牛扒飯同壽司等。我就諗唔使諗，叫咗鰻魚飯，而男友就咗吉列豬扒拉麵同加洲卷。鰻魚飯 未食已經流晒口水喇！有手掌咁大塊鰻魚嘅鰻魚飯，鰻魚汁任加，都只係$58蚊，真係好抵呀！ 鰻魚有口感，肉質厚實，吃起來嫩滑肥美，重點是骨唔多，令人吃得痛快！ 鰻魚汁可以任加，白飯有汁可撈，食晒啲餸都唔怕！而白飯其實係珍珠米，食起嚟軟身而粒粒分明，真係無得挑剔！ 相對嚟講，拉麵就遜色啲。單看賣相，已經遠遠輸給鰻魚飯了！不過，它的吉列豬扒炸得不嚡口，而且只係賣$29，真係超值，挽回唔少分數。 而加州卷都好足料，中間填滿咗玉子、蟹柳等，而且一碟有4件，$18蚊就有交易喇！真係好貼地呀！ 最近，我就再去一次。今次就無試鰻魚飯，反而食咗咖哩飯。

12-3-2017 (Sun)同老公起身後落荃灣搵o野食,又捕住樂意廚開門,呢次見到廚房有開門,即係預備中?咁12:00pm開未呢?老公有啲餓,話搵第二間邊食邊等,咁我o地走入呢個商場,睇到呢間和食有小食,價錢又唔太貴,於是坐低試.老公決定要$29.00o既豬扒拉麵,加$1.00要九州豬骨湯底,我要$18.00四件o既加州卷.好快,豬扒拉麵到o黎,豬扒係吉列豬扒,顏色深o左啲,老公先食.而四件加州卷都到o黎,我就先食呢個,呢個凍凍地,味道就食到甜蛋o既甜,飯粘冇問題,OK.味道: 3分之後我食豬扒拉麵,老公話拉麵好得,我先飲九州豬骨湯底,濃淡度適中,幾好;拉麵幾彈牙;吉列豬扒口感正常亦唔乾.湯同拉麵5分, 吉列豬扒4分老公睇睇牆上o既字,話原來係用博多拉麵.

想在荃灣區搵日式咖哩飯食我實在想不到那裡有, 於是openrice一下,找到這一間平價的選擇, 一於去試下~店子不大, 好彩我是過了午飯時間先黎, 唔使等。餐牌上都有幾多配搭選擇, 當然圍繞既主要係日式咖哩,我點了日式咖哩雞扒飯, 雞有三塊食落普通沒有驚喜,主角日式咖哩汁, 味道OK, 係比較甜個種,食完呢碗飯我超飽~總結: 假如係荃灣區想食日式咖哩飯呢度係一個不錯既選擇, 味道OK、平價而且飽肚~