咖啡弄 (已結業)

在此分享10月26日所發生不愉快的事一名員工陳嘉安（男性，大約廿十來歲，簡稱陳姓男）服務態度嚴重惡劣和入枱程序很大問題，另讚揚傅姓小姐（為香港尖沙咀店負責人）處理合宜。本人和朋友兩人於2018年10月26日於香港尖沙咀店大約在晚上8時15分開始依次序等候入座。其間陳姓男店員為將入坐的客人送上餐牌，依序入座。在我前後各有一對情侶等候。期間前面情侶入座後，我們和在我們後面的情侶在入座前才收到餐牌。期間我們在看餐牌。我在很久曾光顧過銅鑼灣店，是在坐好後才下單。之後，陳姓男店員向後面情侶查詢下單，並讓後面情侶先入坐。其間完全沒有詢問我們要不要下單。當後面情侶入坐後，我們質詢陳姓男為何後面的情侶比我們入坐。他說他們已下單，所以可先入坐。但陳姓男沒有查詢我們。我再質問陳姓男為何排在後面的情侶，他不能解釋，只係不斷說，替我們現在即時下單再安排入座，其間沒有說對他的安排失誤而致歉。我們說要投訴，他說他是負責人，我們只雖要向他說，而他會處理。因為都變得混亂及大聲起來，突然有位傅姓小姐聲稱為店舖負責人，出來了解及為我們解答。我們重申為何後面的情侶比我們先入坐，她也解答不到我們的問題，只是重覆替我們下單及儘

三個人一起來吃，點了三份「玉米里肌司可頌」，即是粟米火腿牛角包，還加上不少芝士，實在是太好味！幾乎每次也會點這個！另外加了一份「鹽酥雞」小吃，這個沒有很特別，中規中矩吧！最後，來咖啡弄，當然是一定要點「草莓冰淇淋鬆餅」！三個女生，點了五份東西，其實是有點多，但忍不住！😋😋😋😋😋而且我們胃口超大，全部吃光，很過分吧！XD沒有在台灣吃過這間，所以未能作比較，但對這店的出品感到滿意, 只是感覺銅鑼灣店坐得較舒服。

還記得剛開的時候，排隊都要30分鐘，依加就好快就有位~ 我地都差唔多點齊晒佢出名既食物，當日叫左玉米里肌起司可頌，總匯三明治，草莓冰淇淋鬆餅，御茶之水棉花糖冰淇淋，飲品就點了Oreo沙冰和冰鮮果茶冰鮮果茶杯飲品都幾多生果，有蘋果，橙，檸檬，甜甜酸酸，好飲Oreo沙冰滿滿濃濃既Oreo味，正呀，味道好似cookies and cream咁草莓冰淇淋鬆餅塊鬆餅太厚身，厚得來令到鬆餅好硬，士多啤梨本身都甜，佢中間仲要夾埋d吉士，甜上甜，好彩士多啤梨雪糕凍凍地，中和番d甜味，如果冇雪糕個種凍去中和甜味，一定好甜總匯三明治材料有蛋，青瓜，火腿，雞肉，生菜配料有蛋沙律同薯片，都幾足料，雞肉都好嫩，這個好味玉米里肌起司可頌起初聽個名，覺得好怪，唔知咩來，原來可頌係牛角包，牛角包入面夾左芝士，煙肉，火腿同玉米，好野味，這個好好味棉花糖冰淇淋on side一杯仔既expresso,淋上棉花冰到，慢慢溶化，棉花冰底有雪糕，夾埋d雪糕一齊食，都幾特別味道就好似食緊咖啡味雪糕咁，這個我麻麻總結，食物都好吃，除左甜品，因為佢地d甜品麻麻地，只係賣相比較吸引，飲品都ok

今日去左食咖啡弄☕️，七點幾去到啦但係冇諗過要等咁耐搞到八點半先有得食！感覺店員都幾好嘅，係等嘅時候就幫我地落左單先。等到有位嘅時候坐多陣就有得食啦！咁今日就叫咗啊BBQ豬扒包🥪🥪同朱古力雪糕waffle🍦，嘢飲就叫咗熱柑橘茶同桂圓茶賣相都幾靚架，味道都唔錯!!😋😋桂圓茶都幾足料👍🏻雖然幾好食，但我諗我有排都唔會去住啦！因為真係等得太耐啦！！🤦🏻‍♀️下次去就要揀個晏晝去或者晚飯就要早小小啦🤪🤪

I must have been to Coffee Alley at least half a dozen times. Still kind of like it. Instead of my favorite lobster sandwich, I tried the curry minced pork ciabatta. Also had the iced fruit tea and fried mushroom as snack. The curry ground pork stir fried w onions and peas tasted good. The bun was soft and made it easy to bite into... also came w a small salad. The deep fried mushrooms was quite oily. The oil temperature was probably not ready when they fried the mushroom. Hence, soaked w oil.T

友人話好耐無食想食咖啡弄 話剛開的時好多人排隊 所以早早上咗去 以家唔駛排隊 入去就有位坐牛奶冰棒可可亞 - 見到佢牛奶冰棒哩件事覺得好可愛 影相係吸引 之後再諗 其實都係朱古力一杯 不過唔係好甜 啱我口味海鹽焦糖拿鐵 - 友人係海鹽焦糖迷 嚐了一口 海鹽焦糖CREAM 對於唔好甜ge我 係好好味玉米里肌起司可頌 - 牛角包好夾住溶咗ge芝士加煙肉火腿 牛角包係我ge至愛 只係兩個人分 難免有啲難搞台灣鹽酥雞- 份量都幾多 味道無台灣街邊食到咁邪惡 比較健康吧 正因如此 食多兩舊 就停手了葵瓜子芝蔴冰淇淋鬆餅 - 鬆餅真係好香蛋味好好咊 但太飽肚 兩個女仔分 一人兩件 仲食咗其他野一定食唔晒 仲配芝麻醬 芝麻雪糕 栗子蓉芝麻醬 芝麻雪糕 同鬆餅好夾 但栗子蓉真係因為太胞食唔落食物份量很多 其實很抵食 下次Brunch食鬆餅食加杯野飲 咁樣應該會更加好 

用餐感覺太差 不寫review不行。以前外酥內軟地鬆餅 現在又硬又乾。感覺不像是現做的 而是放了放了很久 微微加熱而已。重點是 加熱也不加熱徹底一點 上餐時還只是溫的。店員玩手機 上餐把餐點甩在桌上就走人。感覺很差 跟臺北完全無法比。傻爆眼

幾年前剛新開張長期要排隊先有位既咖啡弄依家就吾洗等位就有得食啦今日又係同番以前一齊來食過既好姊妹再來食過店舖係樓上鋪大概6、7點鐘人流開始多一點店鋪座位亦算多。店內限每人最少叫一杯飲品。我就揀左《美式摩卡咖啡☕️》$46仲配上兩塊曲奇🍪係蔓越莓曲奇🍪配住咖啡一流好姊妹揀左《海鹽焦糖拿鐵☕️》$50好吸引啊原來海鹽焦糖CREAM同咖啡分開上仲有杏仁粒配埋最後好姊妹話要同我交換咖啡☕️。我就將cream撈落咖啡☕️一啖啖咁飲好正到上主菜啦，叫左之前食過既《BBQ豬排三明治🥪》$60大件夾抵食約三文治🥪撈些少旁邊既沙拉醬更惹味，三文治有烘過，豬排無骨方便入口正最後上埋個甜品《紅豆抹茶冰淇淋鬆餅》$54份量真係好多，將鬆配塗上紅豆蓉同抹茶雪糕加些少cream真係好好味不過鬆餅吾夠軟身但連漿食又無太大影響整體食物依舊好正，價錢一樣無點變大份兼抵食。不過飲品就無食物咁抵啦埋單加一收費

本人於2018年10月15日12:06落柯打，叫了一入豬排三明治+熱鮮果茶，於12:16豬排三明治到了，到了12:51我我飲品還未到。我就同店員講佢話幫我睇睇，過了幾分鐘，有水果茶拿出來，但店員是俾比我遲30分鐘到的客人，我就去問佢之後先俾我，都唔緊要，熱鮮果茶嘅溫度與常溫是差不多，後來我要求退款，今次真的真的真的令我很失望😞

好耐冇食呢間，幾年前都唻過幾次，每次都會食得好開心今次主要係慶祝朋友生日，星期六既晚上，只係等咗一陣就有位，唔算太滿座終於食到黃金拿破崙千層派，以前每之唻到想食都賣晒，第一次食，味道真係幾好，不過切落去就散，可能裡面係cream既關係仲有呢個草莓冰淇淋鬆餅，每次都一定要食，賣相已經好靚好吸引，有雲呢拿同草莓味既雪糕，好正！草莓絕對係唔少女生至愛既甜品仲點咗份鹽酥雞，好鐘意鹽酥雞既口感同味道，再加埋檸檬汁真係好配搭，食唔停最初其實想點杏鮑菇加鹽酥雞，點知杏鮑菇賣晒希望下次可以食到

【草莓冰淇淋鬆餅】 HKD 60整體水平非常好，而且份量充足。鬆餅外脆內軟。同雪糕、士多啤梨好配合。作為配菜的士多啤梨都非常新鮮，味道天然，唔似浸過糖水。而且鬆餅即使放耐左，食落都依然鬆軟。環境：店內環境乾淨衛生，當客人離開後，店員很快清潔枱面，所以即使開業好耐，店內都比到人乾淨既感覺。服務：店員都非常有禮。整體：食物質素而言，咖啡弄值得推薦，開業咁耐，食物、飲品都能夠保持一樣質素。但要留意番，如果繁忙時段黎，都要等幾耐下。如果要等30分鐘以上，就唔太值得。

今天和朋友去尖沙咀吃lunch， 十二點到達果不用排隊， 我想起幾年前這間餐廳最少要等90分鐘以上才有位。不用等位當然開心， 一進去門口侍應的態度粗魯， 我不禁奇怪以前咖啡弄的台灣美女去了哪裏? 點菜的時候侍應的態度也非常粗魯， 他們放下水杯的時候非常大力， 我感覺自己在置身大排檔當中...豬扒三文治味道很不錯，外面的麵包看過入口香脆。旁邊的蛋沙律味道非常好， 甜甜的讓人很有胃口。煙鴨胸沙律的鴨胸非常爽口彈牙， 中間還有橙肉帶有點甜酸，味令整個沙律味道提升。這個時候另外一位侍應捧著菜餚，快步serve.客人。休閒cafe的感覺完殺掉。。。食物質素還好，但顏值大跌，而侍應質素亦非常差。

話說昨日食左餐嬲嘅咖啡弄我同友人兩點去到，店員話冇位要排隊等等嘅時候同友人閒聊發現一盤盤嘅髒碟喺廚房門口排左條隊出黎，講笑咁講第一次見佢地咁冇效率最後等左陣就入去坐吧枱入到去發現半滿，好多位置都冇人坐估計應該人手不足所以做唔切，唔安排即時入座好快就可以點餐，燻雞三文治 + 朱古力鬆餅 + 冰滴咖啡 + 熱莫卡店員話除左冰釀咖啡之外乜都冇load左兩秒先俾到反應心諗：what？又唔一早講？朋友點左冰釀咖啡，我要再諗下我左揀右揀，決定要阿薩姆紅茶店員話得返錫蘭紅茶問多兩問，原來乜春都冇，所有歐蕾冇，可可又冇我唔鍾意飲沙冰/水果茶，所以好懊惱最後都係飲冰釀，唉……出餐很慢，過左一排，食物都到了，咖啡都未有追單兩次先上齊我因為趕住離開，上菜比以往慢，我只好牛牡丹咖啡飲左兩啖就要問店員轉外賣杯拎走我坐左55分鐘就走左留低友人自己食。唉……今次真心係嬲左最嬲唔係呢樣冇嗰樣冇，而係入座前完全唔講！我完全冇得考慮仲繼唔繼續食，又要低消一杯飲品係嘅，menu得確仲有少量飲品賣，但唔代表我都喜歡飲~好差，第一次覺得佢差到低過我底線，包容唔到食物質素近年已經低左好多，服務又退步我繼續光顧，即代表我願意接受

今日放工去咗尖沙咀，因為諗唔到食乜，經過咖啡弄，見咁耐冇食，就諗住上去排下隊。點知原來而家嘅平日唔使排隊就可以入去食，我哋仲被安排坐喺窗邊嘅二人枱，可以望落街，睇吓人多車多嘅尖沙咀。-最低消費每人要嗌一杯野飲，我哋分別嗌左1）熱鮮果茶 $58鮮果茶好多生果，非常足料，飲完個茶仲可以食埋入邊嘅橙蘋果提子等等。2）熱桔柚茶 $54桔柚茶就比較酸，飲完好開胃，裏面亦都有好多生果。-嗌左兩份正餐1）墨爾本龍蝦堡 $158價錢略貴，但係好多龍蝦，都值回票價。2）玉米里肌起士可頌 $64芝士控必食！牛角包配上火腿芝士，加上沙律醬，仲有脆煙肉。-今次太飽，竟然冇嗌到招牌的窩夫！下次再黎過。

咖啡弄😍～～～～～～～～～～～～～～～～～～好耐冇食過咖啡弄，而家再去多次，水準keep 得好好。🥐玉米里肌起司可頌（$64）微辣，熱溶左嘅芝士，加上煙肉粒、粟米粒同火腿，好惹味但唔膩，牛角包好大個。🍦葵瓜子芝蔴冰淇淋鬆餅（$54）鬆餅真係好好味，每次食都好似食緊蛋糕，好重蛋香味，另外，仲有芝麻醬，少少澀，芝麻雪糕幾甜，仲有栗子蓉，好豐富。～～～～～～～～～～～～～～～～～～