咖啡灣 (已結業)

- 墨魚汁帶子意粉 $82Menu明明賣相十分之好，但同實圖有小小不同。帶子既無帶子味又無咸味，墨魚汁不夠濃，意粉偏硬卻可接受。相信自己去超市現成的包裝墨魚汁買黎整，味道差不多。- 手打和牛漢堡包 $88一上枱麵包已經係林及不夠熱，一點都不脆，十分失望。自稱係手打和牛但一d牛肉味都無。個包有配薯條，普普通通，偏林及咸。- 芝士肉醬瘋薯條 $48以為$48好抵，睇menu圖感覺好足料，點知極失望。原來只係將蕃茄汁、肉碎與芝士粉倒在薯條面。因為只係撈係薯條面既關係，薯條林晒不特止，汁有汁味，薯條有薯條味。簡單d講句，同薯條+包茄汁有咩分別。- 鮮奶綠茶 $36全晚唯一接受的一樣野，就係杯green tea latte。有卡通人物，飲落都夠濃，不錯。總結：唔會在有下次！

成日都會經過咖啡灣啲間舖，今日有時間終於入嚟試吓，下午四點鐘左右，鋪頭冇乜人，得幾張枱食嘢，門口有餐牌，睇到大約有10種嘅下午茶款式，有甜品，薯條啦，意粉啦，Pancake⋯⋯最後我選擇咗all-day breakfast ，有咩呢？有沙律啦，一件雞扒啦，一件薯餅 ，兩粒窩夫，另外我點左一杯cappuccino,你問我好味嗎？我會覺得好啱我口味，我下次會再來食tea😋all-day breakfast 樣樣都有d，份量啱啱好👍🏻

經過咖啡灣 見到門口擺放著嘅餐牌 上面嘅食物同飲品賣相都好靚好吸引 於是決定走入去食下 呢度啲咖啡嘅賣相非常之吸引 上面嘅拉花好漂亮 不過由於我唔係咖啡嘅愛好者 所以我點咗一杯oreo奶蓋綠茶 而我朋友就點咗一杯冷凍咖啡 兩杯飲品嘅賣相都好靚睇得出係精心調配 飲辣味道都唔錯 冷凍咖啡係屬於帶有少少果酸味 上枱嘅時候服務員好細心咁講解飲法 令人有一種窩心嘅感覺而食物 我哋就選咗兩款意粉 分別係櫻花花煙肉明太子義大利麵 同埋香草忌廉蜆肉意大利粉 兩款都味道香濃 櫻花蝦嗰款更加野味當然唔少得甜品啦 見到佢哋嘅窩夫同埋pancake都好吸引 最後我哋揀選咗黑魔王窩夫 窩夫做得鬆脆可口 而且上面更有古力粉 好食到停唔到口

週末和家人隨意地在家附近一帶食午餐，點了黑松露野菌忌廉義大利麵及一個全日早餐。先說說餐廳環境，個人認為座位、空間感也不錯；而以這個商場的消費水平來說，這餐廳算是肯花心思在其設計和擺設上了，店內有不少童話款的擺設，餐牌設計也色彩繽紛。食物方面，不過不失啦。我覺得無太大驚喜，但也沒有失望。黑松露野菌忌廉義大利麵的醬料挺好，味道濃郁，我不太肚餓，所以覺得份量都算適中，不過食量大的朋友應該會覺得其份量偏小。另外那個全日早餐，也算ok 吧，典型的材料組合，味道不會差，蛋也很滑很juicy，不過我覺得$92是偏貴的。我加錢配了一杯黑咖啡，選黑咖啡是因為餐牌內有介紹這個餐廳的咖啡豆有精心挑選過，所以我期望是一杯精品咖啡的，不過結果卻普普通通。整體來說，沒有失望，叫做試一次，不過我下次應該不會再光顧，因為附近有性價比比較高的餐廳可供選擇。

今日和先生去新都城中心千色店購物，接着往咖啡灣食午餐，由於非繁忙時間，很容易揾位，餐廳以佈置幾卡通，還有個小型摩天輪。叫左两個午餐，忌廉粟米湯很濃郁，香滑可口。煙鴨胸配青醬意粉賣相精緻，煙鴨胸甘香軟熟，青醬意粉惹味彈牙。 焗豬扒飯 幾特別，醬汁唔係茄汁，而係微辣夾著芝士，以紅椒取代蕃茄，豬扒 腍滑，幾有創意。小食拼盆有煎炸和醬汁鷄翼两款，香脆可口。薯條粗切更有口感，外脆內軟。還叫了天鵝絲绒咖啡，有天鵝拉花，香濃而不甜，口感香滑。食物熱辣辣兼细心擺放，幾有誠意。

同朋友慶祝生日，揀左呢間Cafe Swan食晚飯。個日因為落雨冇咩行街，所以唔使點等就可以入座喇！Menu上面好多野都好吸引，我地叫左沙律、黑松露意粉仲有個豬排飯。全部都好食，而且唔太貴，埋單個陣我忍唔住做埋會員😂因爲有下次！

👭咖啡灣(將軍澳)👭1⃣原隻軟殼蟹沙律　$88栩栩如生既軟殼蟹表面灑滿椒鹽，因此變得好惹味，而且即叫即炸，入口好香脆。下面既菜完全無苦味，而係好新鮮。38揀左比較清新既黑醋汁，食落同一般既黑醋汁有啲唔同，而係有啲甜甜地似BBQ醬既味道，感覺幾驚喜😍2⃣黑洞奶黃芝士麵包脆雞 $12838比餐牌上面既圖片吸引住，所以決定要點黎試下😋!!點知希望越大失望越大…芝士份量比較少，無拉絲效果！炸雞件脂肪過多，而炸粉厚又含有咸蛋黃，成件事變得好膩🙈，麵包尚算鬆軟但欠缺香脆口感，38都係比較鍾意法包。3⃣黑魔王曲奇窩夫(半份) $4038見主食可以加40蚊要半份黑魔王窩夫, 當然唔會錯過呢個機會😎!點知窩夫一上到枱就感到有點失望😣。窩夫唔脆似食緊蛋糕，雪糕有好多曲奇碎但唔香奶味。推薦度：5.5/10🏠將軍澳貿業路8號新都城中心2期1樓1072-1073號舖🕐12:00noon-11:00pm

其實依間野喺商場已經開咗好耐...但一直都冇去試... 今日繁忙時間見佢又唔使排隊就沖左入去。意粉即點即整黑松露蘑菇三文魚意粉.....黎嘅時候出晒煙而且有好多蟹籽...增加左口感而且黑松露味亦都好香...可惜如果意粉嘅份量多少少就好啲明太子意粉...當時上既時候..木魚都喺度郁...意粉汁都幾濃忌廉味小食拼盤...所有嘢都即炸薯條都幾脆...如果薯條多少少就好啦其實整體不過不失....不過以咁嘅價錢有好多選擇.....當時就冇試到佢嘅咖啡同埋窩夫....見到好多人點....下次啦

復活節快到了，又是一個要約好友聚一聚的時候，選了一個既方便又好坐的餐廳。過去已經來過一次，今次又有新食品發現︰黑松露海膽芝士蟹蓋飯、夏威夷果汁醬燒豬肋骨。新食品製作需時，所以我們亦同時點了 U.F.O(小食併盤) 和 飲品。U.F.O(小食併盤)當中，紫薯波波最吸引，外表炸得金黃香脆，內裡煙韌彈牙，紫薯又甜甜的，十分突出。各式飲品都有，無論是少女風的玫瑰水果茶、養生的生薑伯爵茶、西式的朱古力、薄荷朱古力都有，滿足我們的不同口味。當中朱古力的拉花很有心思，而且薄荷和朱古力的味道很夾，不會太甜或太薄荷味。然後出場的是香辣蒜香蝦義大利麵，整體小辣而且蒜香十足，當中的蝦又新觧又大隻，義大利麵亦很彈牙。最後到新食品出場︰黑松露海膽芝士蟹蓋飯在蟹蓋上報滿了黑松露，黑松露的香氣滿屋，當中有為數不少又大大片的海膽，海膽的鮮甜絕對不會被黑松露掩蓋。原先以為蟹蓋只是裝飾，誰不知打開蟹蓋更發現片片蟹肉。整個飯的驚喜及滿足度爆燈。夏威夷果汁醬燒豬肋骨朋友說明︰豬肋骨大件、肉厚，配上甜甜的夏威夷果汁醬，令豬肋骨內口不會感覺肥膩。配菜有炸薯條和燒菠蘿，極具BBQ的風味。

見到我最爱的軟蓋蟹 當然要大大力啜它啦好 juicy, 又無骨，我試過在家煮，沒可能炸出這個味道的， 投降，再臨此餐廳親吻它 配上沙律： 有3種不同味道選擇，有凱撒，黑醋和芝麻味，今次就要最傳統的凱撒味啦! 味道可口，愛它職員介詔~ 黑松露海膽芝士蟹蓋飯先入為主，被外表所吸引，為之心動 嗅著黑松露、海膽誘發的香味，大大啖咬落去，濃郁龍蝦酱料，有蟹肉有芝士，每粒飯都充滿醬香，我不奇然一匙又一匙的放進口 留意餐牌啊，咪睇漏，選了以上蟹蓋飯，加 $40 便有半份石板街香蕉窩夫做飯後甜品，快 call 我的小胃出動! 蘋果薑蜜水果茶 ~ 看到簡介的7個字便立即決定："美容養顔＂ 和 ＂抗衰老" 哈哈，我不怕老，人人都必須的過程，但要老得靚嘛，咪影响市容喔! 好香的果和薑味，好喝不搶喉的，用這漂亮小燭台伴熱著，多窩心Menu 內的一頁令我眼前一亮。。。這裡的天鵝絨咖啡，採用自家優質咖啡豆。。像天鵝絨般細腻。。。為之神往，只可惜小妹不似别人，不論什麽時間，都能喝上一杯，唯有學懂放下 說一聲： I will back !

雖然我唔係好中意呢度既裝修 但野食反而幾有驚喜 意粉同飯都幾好食 重點係個窩夫 有唔同既款 我自己最中意食既係曲奇味既窩夫 裡面仲有少粉麻糬 好好味 佢係其他地方都有分店 會再去試下

如有時間的話，很喜歡與另一半到較少到的地方逛街，令日常生活中加入一些新鮮感今天便來到寶琳新都城中心，地鐵站上蓋，還挺方便，看到咖啡灣(Cafe Swan)中英文差不多音玩食字，挺特別便想一試無妨可能時間關係(我地到達時已差不多夜晚八時正)，人流不多所以不用排隊餐牌頗多頁，便拍了幾張最有"睇頭"的我和另一半一看便決定要點黑松露海膽芝士蟹蓋飯，幾款食材都是我們喜歡的，而且相片很美然後看到玫瑰花釀和咖啡都是自家製/配方的，便決定加點半份玫瑰花草莓窩夫及咖啡，我們最後還點了黑洞奶黃芝士麵包脆雞先上兩杯鮮奶咖啡，拉花各有不同但都很美 另一半的是原味的鮮奶咖啡，要自己下黃糖，我的是玫瑰鮮奶咖啡，玫瑰花瓣的香氣十足，喝下去時也有很香的玫瑰味 咖啡很滑口，酸/苦味平衡很好，是屬於易入味的咖啡，不常喝咖啡的人都可以一試賣相很好！然後上菜的是黑松露海膽芝士蟹蓋飯，幾款食材都是我們喜歡的，但也會擔心放到一起會唔會太多太雜亂，畢竟也是濃味的食材(還要加上龍蝦汁)，但這食物的調味很好，龍蝦汁有龍蝦味但不會過咸/過甜，令到整個飯更有鮮味而不會太重口味黑洞奶黃芝士麵包脆雞，脆雞炸得很好，外皮很香很脆，而肉則不會過老

咖啡灣係將軍澳嘅人氣可算數－數二, 可惜分店唔多。今次有緣經過, 總算可以試試呢間人氣餐廳。由於得大食妹－個獨食, 無辦法食到好多野, 淨係嗌左個咖哩飯。<北海道咖哩和牛漢堡扒飯加蛋$91> (好味: 3.5/5) (抵食: 3/5)咖哩飯整體外型相當唔錯, 日式咖哩配上和牛漢堡扒, juicy得黎又好match。加上日式煙肉, 一啲都唔油膩, 而且煙燻味十足。新鮮嘅車厘茄同半熟煎蛋亦係呢份咖哩飯嘅－大加分位。 可惜米飯偏乾, 價錢亦唔便, CP價一般。大食妹推薦大家黎湊下熱鬧, 順便試新嘢。

印象中，上一趟來到寶琳，已是差不多十餘年前之事。所以說香港雖是彈丸之地，但若不是因事而到訪某一地區的話，真的可以永不踏足該地的....在附近行完山，回到新都城一帶，肚餓，很自然就跑到商場內尋吃....在整個新都城內，這兒是其中一所人氣餐廳。對於不熟悉此地的我來講，在這些多人提及而有口碑的地方開餐，看來應頗穩陣吧....Serve的是正常帶點和風的西餐，味道已能預計不會有太大的驚喜。小友想喝湯，自己點了份他最愛的松露蘑菇湯，菌香對我來講略嫌不足，色水太白了點亦未算creamy....照慣例一人一主食跟住兜亂來試。太太說她叫的燴意粉比料想中al dente，小弟試了一口，果真如此，不過這已是整碟東西最大優點了....其餘在醬汁 (太酸)以及主食材(肉太淡無味)的表現上，是強差人意的....小友的carbonara，一望汁醬如汪洋就已令我皺眉頭，而裡頭的pasta又沒太太的有咬頭，就連唯一的賣點都喪失掉....我的BBQ太陽蛋黑豚BURGER相比之下是較為正常的一味，包是暖身的；豚肉不柴韌；SUNSIDE EGG又真的夠爆黃，半溶蛋汁混和肉及包一齊食，味道當然穩陣；薯條亦是熱辣辣的上桌...

今日約左朋友去寶琳食飯傾下計經過依間咖啡灣 覺得裝修幾特別可愛而且食物好多款式可以揀於是就決定入去試一試食個下午茶傾下計Cafe裝修以藍黃為主調配搭唔同既小飾物蜜糖芝士炸雞配沙律薯條香脆炸雞上灑上芝士粉雞肉嫩滑 旁邊有三款醬汁可以點包括蜜蜂芥末醬、果醬同泰式醬 唔同滋味沙律面上灑上黑醋 特別一提薯條係粗身既 外脆內軟 正手作特級和牛漢堡特級和牛牛肉味香濃配有洋蔥、生菜絲、蕃茄同芝士 唔錯唔錯薯條同炸雞配既薯條一樣 外脆內軟燒焦糖燉蛋咖啡面上一職泡沫 有幾粒豆 濃濃焦糖香味 帶淡淡咖啡香 幾特別適合鍾意飲甜甜焦糖既朋友紫薯雪糕窩夫好大份同好搶眼呀 打卡最岩紫薯雪糕甜甜紫薯味 香滑配上忌廉、士多啤梨同窩夫好夾 好味道仲有原粒細細粒既紫薯架細節位仲加上星星粒同綿花糖