咖啡韓食 (已結業)

琴日見尼間餐廳好似幾多野食咁，就入去試下。我覺得成個環境都幾舒服，好有韓國啲餐廳仔feel。因為一個人食唔晒一份/半份炸雞，加上我又想食飯🤣所以就嗌左個清啲嘅海鮮湯飯(S3)配 一份熱氣嘅炸雞翼(P6A)，咁就冇咁油膩😋。我個人幾鍾意佢嘅海鮮湯飯，因為佢又未至於清到水咁，係真係好似呀媽褒嘅白菜豆腐湯。海鮮都算ok，有蝦、蜆、青口、魷魚。雖然唔多到成碗都係，但賣$ 69(跟餐）已經算平，晏晝都冇收加一。如果唔鍾意食海鮮嘅人都可以揀牛肉/泡菜湯飯，款食好多！但如果唔想食到咁清嘅人😂就唔建議嗌S3，可以揀其他。其他有石鍋飯，人蔘雞湯，kimbap，拉麵，好多款可以符合大家嘅口味。👍🏾黎到附近可以試下！

黎左咁多次都係食純豆腐湯飯同蜜糖牛油雞翼，侍應好熱情好nice,最緊要係個餐好好食！出餐時間還可以，價錢合理份量足，個純豆腐湯飯味道十足，香得黎又開胃，好推薦食呢一個，加上個蜜糖牛油雞翼的醬汁好正，每次黎到都一到會叫，食左咁耐都仲會想返黎食！！

晚餐，同朋友二人，八點半入座。叫左半份雞，可以接受。調味可以，一共六隻， $80。另外叫左豆腐海鮮湯飯，份量極少，湯淡如水，似乎係白烚。所謂海鮮，有蝦一隻，魷魚圈三個，青口一隻，蜆兩粒。碗飯食唔飽。加套餐（4元）寫明包泡菜和餐湯，點知冇上湯。一問之下，店員話：你叫左湯飯就唔會有湯。盛惠69加一。加一冇問題，唔好玩電話得唔得。碗要自己攞，自助餐一樣。食到火都黎，但晚晚坐滿。不解。下午茶35蚊，將價就貨是Ok的。晚餐七十幾蚊慘過食唐記飯盒。

有冇一啲野好似失卻左好耐突然間又想搵返咁？話說好耐冇喺呢度寫食評，突然間有返想重新寫食評既心。因為轉左工作環境，所以最近喺第一城食嘢嘅時間都比較多，亦都會開始試唔同嘅餐廳。呢間韓國餐廳都係咁啱見到，就走左入去試吓。好多職員都係韓國人。一個人食嘢包場....星期日都咁靜....靜靜地都好嘅，我都鍾意食嘢寧靜。未入餐廳之前已經見到有個蟹子飯好似唔錯，已經諗埋食咩先入去。當然都會再望吓Menu。最後都係揀返原本想食嗰個芝士蟹子飯。開頭仲誤會咗佢套餐係有嘢飲，原來佢套餐係配泡菜同埋湯🤣一個人食唔到咁多野所以淨係嗌左一樣野..入邊有一個員工係bar 位，出餐嗰陣聽到佢叫另一個員工，仲講出一句野（我冇戴口罩唔係咁方便）但係佢係入邊係拎住我嘅嘢食....我心諗唔係淨係佢出餐嗰陣先應該要戴口罩囉。宜家呢個時勢，就算係整嘢食或者係中間傳遞嘢食嘅嗰個員工都應該要帶。咁大個人唔係需要我講到出口啊.....因為好得閒得我一個客所以啲員工招呼完我就繼續用佢哋嘅韓文去傾偈。都好正常嘅冇嘢做吖嘛。間餐廳環境睇到啦唔多講，都OK呀正正常常咁冇咩特別。嘢食方面，賣相唔差都OK喎，味道方面又冇d 網民講得咁差姐。不過不失

去朋友屋企串門，中午佢介紹呢間韓國菜餐廳，去到要等位，5分鐘有位，店內光猛，收銀處有玩具裝飾靠窗4人枱，座位好迫，餐點選擇多，有跟餐或散叫！午市好爆場！泡菜（跟餐）大豆芽+辣泡菜，大豆芽是不辣，爽脆清甜，辣泡菜略嫌唔夠辣，醃醬又不太掛到在黃芽白處！ok辣豆腐湯麵餐:賣相不錯，麵太淋，像一早淥定幾份，到有人客落單時再淥多次，所以太淋，辣湯對我來說唔辣，好在夠熱，而湯略淡，豆腐幾滑，海鮮有連殼蝦（ok)青口（ok)同魷魚，海鮮不太突出，整體ok魷魚小食（$55）好辣惹味，辣醬好濃，掛滿魷魚碎上，魷魚彈牙！好味！（可惜我食麵，撈飯一流）朋友食：牛肋骨湯飯：炸醬麵：檸檬雪碧：食物唔覺得太驚喜，上菜速度極快，我想食嘅小食店員話本身晚市時段先有，佢幫我問咗照比我落單，幾窩心！店員對住爆場非常勤快，好快回應，可以八達通比錢街坊韓食

喺第一城同老婆去食晚飯，原本諗住去薩利亞，但超多人等位。於是同老婆走咗去食韓國嘢，之前食過兩次都係冇乜期望。於是今次唔叫平時食開嗰啲，我叫咗個炸醬麵，紫菜卷餐，老婆再叫一個部隊鍋湯飯餐。炸醬麵麵條彈牙，掛上炸醬味道非常合襯，食到後段時感覺醬汁係有些許酸味。但因本人從未吃過韓式炸醬麵，因此不能作比較，但$60我覺得不會再叫。紫菜卷用料份量合適，肉、菜、米飯混和後味道佳，但卷物切塊粗幼不一，予人不專業感覺。湯飯味道正常，大量豆腐及韓式米粉，亦有香腸、餐肉和肉片，跟餐的配菜有泡菜、麻油芽菜、麻油菠菜及海帶湯，配菜味道合格。老闆雖然是韓國人，但食物不算太具特色，對食物不太有要求的可以一試。

約了朋友在沙田第一城食飯，我們去了一間名為Cafe Harris Sik的食韓国菜試试。地方整潔，玻璃外牆，視野不錯，侍應有禮貌。可能是韓國人老闆，部份侍應說韓語，靠睇餐牌点菜都冇問題。我叫了炸醬麵，醬汁濃郁， 稀口絜適中，與麵混和一齊食，好味，因為融合一體，已經分不出有什麼配菜在內，但都值得推介👍另外叫了當日精選豆腐麵，起初以為只有豆腐，誰知內有乾坤，有蝦、青口、蜆，新鲜海鲜加爽口拉麵，再配上微辣的湯底，爽👍。加多$6就有配菜，包括 泡菜、大豆芽菜和昆布湯，整體又平又正。食物質數高又經濟，每人50，交通方便，我會再去。

琴日同friend行過見到有炸雞!係出面無食過嘅蜜糖芥末味，就決定咗試吓!真係好好食啊!🤩本身好驚啲炸雞會好鞋!但啲肉好嫩好入味啊!! 而且啲service唔錯!老闆幾好人! 下次想試蜜糖牛油味😚

今天跟太太入去沙田第一城探朋友， 偶然見到 這間外觀感覺不錯的韓國餐廳， 即管試一下。炸雞唔錯， 皮脆咬落有肉汁， 感覺新鮮有味。比起尖沙咀哪些番炸乾燥的雪藏硬塊炸雞， 算是有心不錯之作。炸醬麵很正宗很有韓國的味道。醬油蟹更是讚！！比外面自稱什麼專家哪些好很多， 新鮮，多糕， 味道剛剛好。老闆是韓國人， 還介紹是正宗韓國特選的…。感覺整餐尚算有水準，價錢化算。比起尖沙咀韓國街很多餐廳好很多， 價錢相對較平。 唯一問題就是， 飯市時候較多人， 未能馬上有位。 可能要提早少少到。

韓國人開，個醬油蟹正，好食、多膏、味道適中唔太鹹。炸雞意外地唔好食，冇諗過韓國人嘅炸雞會咁低水準，$130連一杯細生啤，叫做補返少少數，但下次一定唔會再叫炸雞。整體不錯，有機會會再嚟

第一次同朋友嚟食飯，叫左個餐，入邊有個芝士火鍋、炸雞同埋海鮮煎餅。入餐廳嘅時候唔算多人，有個韓國男士帶位，應該係老闆，見有韓國人，當時對呢間野好有信心。坐低叫嘢食嘅時候，就由一個香港女士serve。佢好似對個Menu好唔熟悉，要睇住個Menu先寫到單。食物嚟嘅時候，我哋其實叫咗海鮮煎餅，但嚟嘅係泡菜煎餅。同返之前個女侍應講，佢好似查案咁，喺度懷疑我哋叫錯，話要睇返Menu同單。最後佢都有玩返個海鮮煎餅俾我哋。到個芝士火鍋上嘅時候，因為我哋唔知點樣食，所以就問個女侍應，但係佢竟然話佢唔知點食，亦都冇去問其他人。其實個火鍋同煎餅都唔係太好食，煎餅食落去大部份都係得粉。不過炸雞叫做好食啲，最後埋單都四百幾。分量足夠，但味道同服務真係麻麻。應該都唔會再來了。

食埋今日又係時候餐餐食糕啦！第一城呢間韓國菜2年幾前已經成日黎食，不過e家少左黎呢邊就無咩機會食，由韓國人親自主理嘅餐廳，今日黎食lunch質素依然係咁好。KIMBAP雖然唔算最正宗，但係同區黎講係好食架，當然唔可以同韓國街個d比啦，麻油建議落多d會更地道！石頭飯配左雞肉，上菜時自己再加香油同韓式辣醬，勁惹味！跟套餐只係加6元就有埋湯、泡菜同波菜，好抵食！每次黎都係必點石頭飯！

食埋今日又係時候餐餐食糕啦！第一城呢間韓國菜2年幾前已經成日黎食，不過e家少左黎呢邊就無咩機會食，由韓國人親自主理嘅餐廳，今日黎食lunch質素依然係咁好。KIMBAP雖然唔算最正宗，但係同區黎講係好食架，當然唔可以同韓國街個d比啦，麻油建議落多d會更地道！石頭飯配左雞肉，上菜時自己再加香油同韓式辣醬，勁惹味！跟套餐只係加6元就有埋湯、泡菜同波菜，好抵食！每次黎都係必點石頭飯！唔好以為呢度好似好偏僻呀，其實lunch time 好多學生哥同上班族嚟食架，有時仲要排隊添！

-🦄咖啡韓食-海鮮湯飯套餐 Hkd69Rating🌕🌕🌕🌑🌑炸雞飯套餐 Hkd50Rating🌕🌕🌕🌕🌑-今日食韓國野呀 呢間餐廳都留意左一段時間老闆老闆娘都應該係韓國人來既💏🇰🇷而餐廳都會有韓國人幫襯架🙈-我就叫左個海鮮湯飯既套餐🥣套餐同單點都係差1蚊🙈但就會配埋前菜🤤今日既前菜係菠菜同泡菜呢度既泡菜比較酸 之後先會辣🌶佢既辣都係後勁型來既🤣但酸味會出過辣味☹️個人比較中意食辣再加鹹既泡菜😙😙海鮮湯飯冇expect過佢會有咁多菜同豆腐但海鮮就得3粒蜆1粒青口同2隻蝦🦐海鮮數量比較少但味道就好鮮甜既💓菜同洋蔥豆腐先佔最多呀😢😢飯正正常常咁一碗細既 撈埋湯來食🍚飯其實煲到有啲爛 但撈湯食就算啦最後係食唔飽我既Haha🤦🏻‍♀️🤦🏻‍♀️🤦🏻‍♀️其實我覺得係有啲啲貴啦 差唔多70蚊咁既份量😀不過下次好想再食其他野呀🤤🤤-

自從昨日我在旺角韓國烤雞餐廳「GooXXe Chicken」裡面，再次未能食到韓國雪奶冰之後，我忽然發現在香港，變得越來越難食到，真正牛奶製造的韓國雪奶甜品。韓國雪奶冰忽然變成了，千金難求的「奢侈品」。後來我又在沙田「第一城」的商場裡面，發現到另一間有售賣韓國「雪奶冰」的韓國菜餐廳，餐廳的名稱叫做「咖啡韓食」。「咖啡韓食」這店名跟我在韓國發現售賣「雪奶冰」的情況一樣，都是與「咖啡店」有密切關係。上次我在沙田「河畔花園」光顧台灣菜「九X · 十分」之前想得太多，結果我一時間忘記了，其實可以直接從西貢坐巴士，然後坐巴士到中途，在「第一城」站直接下車就行。結果我經過坑口坐港鐵，最後才在「馬鞍山線」的「第一城站」落車。上次我在前往沙田的過程中，不單止浪費了時間和金錢，還忽然做了一次傻瓜，無端端行了一次冤枉路。所以我今次學精了，今次直接登上「299R」巴士，去到「沙田第一城」站才下車。後來我很快就找到「咖啡韓食」食店的位置，「咖啡韓食」實際的位置，位於「沙田第一城」中心的核心內圍位置裡面，餐廳的佈局的確是十分貼切「咖啡韓食」後半部的店名，至於有沒有咖啡就很難說了。不過「咖啡韓食」的食店檯櫈以及擺